نفساني - عرض مشاركة واحدة

03-09-2015, 06:30 PM

اقتباس:

المشاركة الأصلية كتبت بواسطة ندى الزهر

قال رسول الله صلى الله عليه وسلم قال: "العين حق، لتُورِد الرجل القبر، والجمل القِدر، وإن أكثر هلاك أمتي في العين"
انكار العين والحسد مشكله كبيره
وبسبب انكارها الناس يقعدون سنين عمرهم يعانون
وكثير منهم يلجأون للادويه ولا يفكرون بالرقيه
والمشكله انهم ماستفادوا يعني فوق المرض زيادة مرض
العين حق والاصابه فيها مؤكده اذا كان الشخص يتهاون بالتحصين
وحتى وقت المعصيه يصاب باعين الشياطين او الانس
وحتى ان كان محصن لان مع المعصيه تجتمع الشياطين وتروح الملائكه الحافظه للانسان
وحتى في وقت الفرح الشديد والحزن الشديد يدخلون فيه
الانكار راح يزيد من كبر المشكله وهي اساسا بسيطه باذن الله ماتحتاج الا الوثوق بالله والرقيه والبعد عن المعاصي
اما الادويه للاسف تخلي جسم الانسان مرتع خصب لهالشياطين
اتوقع لو انكم ترقون انفسكم كثر ماتشتكون وتوسوسون كان طبتوا من زمان
الكلام الكثير والتشكي وكل واحد يجي يقول ريحوني بكلامكم
طيب ليه ماترتاحون بكلام الله؟
لهادرجه ثقيل على انفسكم؟
ولا الشيطان ينفركم منه علشان ماتكتشفون اللي فيكم؟
قراءة القران اجر عظيم ولا راح يضركم ابد بالعكس الحمد لله منفعته مليون بالميه ومضرته صفر
ومسالة الخوف من هالمواضيع الى متى طيب؟
لازم تواجهون الواقع.
واخيرا ابسالكم انتم تحافظون على تحصينكم وصلواتكم وما عندكم معاصي؟
اذا جوابكم لا فتاكدوا ان العين راح تصيب الجسد باي لحظه وفي الوقت اللي ربي كاتبه

انا ما أنكرت العين ولا قلت اني ما اصدق فيها
بس صرنا نوسوس فيها
واللي فيه عين او حسد ما يدري شفيه واذا قالوا له فيك عين ينكر
في ناس كثيييييييييييير أعرفهم واقرأ عنهم واسمع فيهم عندهم نوبات هلع و وساوس و افكار سلبيه
بس هل معناته كلهم فيهم عين او حسد !!!
لا ما أظن
النوبات و الافكار السلبيه و الوساوس صارت مثل الكحه
الأغلب يشتكي منها خصوصا فئة الشباب وشي علمي ومعروف ان الشباب من عمر 18 الى 25 تقريبا اكثر تعرض للقلق والتوتر من غيرهم
لأنها مرحلة النضج والتكوين والاندفاع
ولا تنسين ضغوطات العمل والدراسه اللي لا تطاق و الأحداث من حولنا
ومشاكل البيت والعمل و حالات الوفاه كلها تأثر في الشخص مره !
وبعد نقص الفيتامينات و فقر الدم وشرب المويه وقلة النوم اقدر أحلف ان نقصها او خلل فيها يحسسك انك ممسوس
وهل يعني ان الناس اللي فيهم فقر دم ونقص فيتامينات معيونين ! لا طبعا
وبعد قصص الناس اللي جاتهم العين و التهويل و كل ما صار شي او موقف الكل يقول عين عين عين
صرنا نخاااف و الافكار السلبيه تترسب في عقولنا