ميرلا ميندوزا

بيانات اضافيه [ + ]

رقم العضوية : 5434  تاريخ التسجيل :  01 2004  أخر زيارة : 10-03-2009 (01:09 AM)  المشاركات : 220 [ + ]  التقييم :  10

لوني المفضل : Cadetblue

ألم قلبي ... اللي قلتيه دليل على التحسن ... لأن بعد التشافي من مرحلة الاكتئاب الحاد ... ألاحظ ان القلق والتوتر يسيطرون على الموقف ... وبعد التشافي منهم ... يبدأ المرح المخلوط أي ... مرح اكتآب توتر ... يعني فجاة سعيدة ... الظهر حزينة ... المغرب متوترة ... الليل كئيبة ... نص الليل أفضل وهكذا ... مخلوط ودوري ومتناوب ... وأخيرا مرحلة ( ذيول وأطراف السعادة والانبساط ) التي تؤدي لها والمسألة مسألة وقت ... ألم قلبي ... لازم تحافظين دايما على أفضل حالة تتوصلين لها ... لأنها هي اللي راح تنقلج للأفضل وللتالي ... يعني حاولي تسوين عملية تثبيت لما تكون حالتج مستقرة نوعا ما ... لا تسمحين لها بالتغير بسهولة ... حتى تتيسر المرحلة اللي تليها وتحسين انه لابد من كسر القيود والذهاب للي أفضل منها ... أدري ان الكلام مختلف عن التطبيق ولكن ... بالقوة والصبر والأمل والتفاؤل ممكن يصير الكلام تطبيق ... وتتمكنين من تحقيق نشوة وسعادة وجو مرح لنفسج ( كبير ) ... وأنا جادة ... أما عن الوحدة والاضطهاد فهما شعورين مترابطين ومتلازمين في الغالب ... وعرف التاريخ ملايين البشر ممن يعانون من هذه الحالة ( وحدة واضطهاد ) معا ... لان انت مقياسج الناس والآخرين ومو عارفة تنشغلين عنهم بجد ... نفسيا وماديا ... وتصرفاتهم معاج مقياس حكمج على نفسج وصلاحيتج ... لكن على العكس ... لابد من الاستقلال ... وونسي نفسج ولاتنطرين من أحد ( صدقة ) ... وكل العظماء عانوا في حياتهم المرار حتى صار في يوم من الأيام ( عظيم ) والناس تشهد له ... تعرفين ألم قلبي يعني شنو مستقل مطلق ؟؟؟ يعني ما يهمه ان كان قاعد يمه احد اولا ... مدحه أحد ام ذمه ... ابتسم له احد ولا كشر بويهه ... طلع مع الناس ولا بروحه ... ضحك مع الناس ولا مع نفسه ... يمكن انت مميزة لدرجة ان محد فاهمج ولا عارفين يتكيفون معاج ... ممكن انت طفرة في طبيعتج ووعيج ... المهم ان لازم تكونين عون نفسج قبل لا يكون احد عونج ... وياما جلس الانسان مع نفسه وشعر بالسعادة ... وياما جلس مع اعز الناس وانقهر وتنكد ... المهم السعادة وراحة البال ... خلي الناس على جنب ... لكن على شرط ... ان تكونين مثالية في معاملتهم ... وجذي راح تعرفين الفرق بين اللي يستاهل واللي ما يستاهل ... انت خلج مثالية بالتعامل وبحالج ... واذا احد حس انه يحب يحتك فيج فعطيه الراية البيضة والود والاحترام والمرح ... واذا كان زين صيري معاه زينة ... اما اذا تجاوز حد يزعجج تجاوزه فاستخدمي ارقى اسلوب في التفاهم وتوضيح الموضوع والتعبير عن نفسج ... لأن الناس ما يعرفون بالضبط شنو يضايق فلان وفلان وممكن ينسون ... اما اذا اصر على الغلطة فلا بأس ... انت كنتي مع نفسج مرتاحة ... خلاص ... رجعي لنفسج ... يعني مهم ان نكون مثاليين وطيوبين مع الناس وبحدود ... وهالحدود لا تضيجينها وايد ولا توسعينها ... وخير الامور الوسط ... تأكدي انج بالأول مثالية بتعاملج مع الآخرين وبعدين قيميهم ... واتمنى لج التفوق في جميع الاصعدة ... وانت والله تستاهلين كل خير ...