في احد يحس مثلي؟ ريحوني
 

مرحبا جمعيا
انا سبق وكتبت قصتي والاعراض اللي مرت علي بسبب صدمة..
لكن اللي حاصل معاي الحين شي غريب، قاعده احاول اقاوم واطله واختلط بالناس، بس طول الوقت احس باختلال الانيه، وشعور ثاني احس لما اشوف عيال اختي مثلا فجاه كبرو احس مره شعور غريب وان الدنيا لحظة!!
ولما مثلا نتذكر الماضي احس مخي مو مستوعب السرعه بالدنيا، وهالشعور مره يخوفني، واحس اني ماني قادره استوعب كيف الدنيا تخوف. واحس ان الدنيا سريعه واني علقت بهالحالة ومستحيل اطلع منها، يعني الدنيا اسرع مني وماني قادرة اتخيل ان باقي ايام اعيشها واتشافى
مدري شلون اشرح اللي احس فيه بس لو احد يحس باللي احسه 1٪ بيريحني..

عادي جدا انا اشعر في هذا الامر واكثر منك ... اشعر بسرعه غير عاديه في الساعه واليوم والاسبوع والشهر والسنه
واشعر كأني في حلم وكأن ماأشعر به غير صحيح بالاصل

اي مثلي احس ولا شي صحيح
واحس انو مستحيل بيكون باقي ايام اعيشها وانا مافيني شي..
ومخي مو قادر يستوعب اي تغيير قاعد يحصل حولي

وش الحل وش نسوي؟

عادي اختلال انية فترة ويروح ان شاءالله بس حاولي تشغلي نفسك وتدخلي نشاطات جديدة بدونً مايكون تركيزك عشان يروح تقبليه فترة وبيروح

بس هذا ما احسه اختلال انيه:(
شعور غريب احس الدنيا خلصت او بتخلص بسرعه
واني انتهيت خلاص..

هل يصيرلك هالشي؟

كل الناس كذا ي قلبي انتي بس المشكله انا تتعمقي بالفكره

قدامك العافية يـارب ..

ممكن الأغلب مر بهالشعور وهو جداً مؤذي وسيء لكن لا تركزين أكثر من اللازم عليه واشغلي نفسك قدر المستطاع