بعد 4سنوات رجعت لكم خلاصة الهلع
 

بسم الله السلام عليكم جميعاً واضح اني بختصر عليكم الشي الكثير لنو خير الكلام ما قل ونفع واضح لكم تاريخ اخر مشاركة لي ومواضيعي كاملة عندكم
انا اخصائي طوارئ وعناية مركزه
حدثت معي نوبة الهلع بعد معاناة من مشكلة عاطفية وكثرة ضغوط عمل و مو اي عمل عمل ميداني فيه اشنع الحوادث والحالات
ماعلية بختصار. عانيت من المعده ذيك الفترة. ورحت طبيب باطنية وصرف لي سبرالكس بجرعات كلكم تعرفونها تدريجيه. سببت لي شي اسمه نوبة هلع. وبحكم اني متخصص في الطب كنت اراقب نفسي كثير واشك في كل شي بجسمي
خلاصة التجربة واسمعوا مني زين لني لفيت الدنيا والعالم ابحث عن حل كل مايخطر على بالكم سويته. وصلت لمرحلة اخذ كمية ادوية بجرعات كبيره عشان احصل على شي اسمه فقدان الذاكره من قوة التعب صرت ابي افقد عقلي وابحث عن ذلك عشان ارتاح
المهم بعد السفر والترحال والعناء عن البحث في العلاج كلمت ناس مصابين وخذيت تجارب من الكبار والصغار خذيت انواع ادوية كثيره الجميل فيني انو ماكنت استمر او استقر على دواء لنو عارف ان الي فيني شي جاني فجأه وليس عضوي لازم يروح فجأه مثل ما جائني بةتب لكم بعض النصايح تفيدكم باذن الله. طبعاً بدون فلسفة واتمنى الي يقرا كلامي يصير ذيب ويفهمها وهي طايره
استفدت من كبار السن اكثر شي
تعلكت اشياء كثيره اولها انو الانسان وقت التعب غير لمن يكون ينظر ويشوف من بعيد
اعتمدت على شي او قاعده وهي انو لاتاخذ ادوية مهدئة الا وقت الضروره
( يعني لاتاخذ عشان تنام وتوسوس بالنوم صدقني راح تنام فيزيائياً مثل ما انخلقت مصيرك بتنام لو بعد 3 ايام بيطرحك النوم لاتعاند جسمك ونفسك وعقلك يعني اذا تعبت نفسياً طبيعي ماتنام وماتاكل او العكس لذلك استجب للطبيعة الفسيولوجية الي انت مخلوق عشانها )
اكسر شي بداخلك وهو القط الخفي او الشيطان المريد وهو التضخيييييييم التضخيم التضخيم
تضخيم سد الشهيه
تضخيم الاعراض
تضخيم ساعات النوم
تضخيم حتى الوجع او الجرح او تضخيم الم الاسنان
اذبح التضخيم في نفسك راح تتخلص من 40٪مما تشعر فيه
تخلص من الخوف تتخلص من تفاصيله واسبابه. واولها القلق
اذحك ك المجنون ولو كذباً ولو تصنعت ذلك عشان في هرمونات تطلع مع عضلات الضحك وهي ماتفرق بين الضحك والابتسام سواء كان بشكل جاد او متصنع
لاتبحث عن اعراضك يعني مامليت سنوات وانت تبحث عن نفس الاعراض ونفس الامراض ونفس الاوهام ؟
لازم تضع حد للوهم والبحث لنو هو الي يرسخ هذا بذاكرتك ومعن هذا ليس انك لن تتعب او لن تحزن بل معناه انك تخفف على نفسك تعلم البطئ خلك بطيئ في كل شي اكل نوم مشي رياضة كلام كتابة سوالف كل شي خلك بطيئ فية
خل معك مهدئات من مجموعة البنزو. ( وقت الضرىره يعني مو اي نوبة تاخذها نوبة بكاء نوبة هلع نوبة قلق نوبة اكتئاب متوسط هذي اشياء لاتاخذ حبوب على شانها بل قاوم واجة او تخلى وتجلى واسمح بالمرور ) عند النوبات القوية الي تحس انها بتوديك المستشفى لامانع من رحمة نفسك واخذ مهدئ للمساعده وهذا ممكن يكون مره كل 10 ايام او مره كل 3 اسابيع وبعدها بتشوف الحياة تنفتح قدامك. لنو الاغلب اصلاً يكون تشافى من الوهم الي فيه ولكن الاعراض الجانبية للادوية هي الي اتخذت مكان الوهم. وهذا الي نشوفه في المستشفى او مع بعض التجارب يةون تشافى ولكن فكره باقي مريض او ياخذ دواء واعراضه الجانبية هي السبب في استمرار الكآبة والحزن والوجع
كنبت هذا الموضوع ارتجالاً بدون ترتيب. وانتم عارفين الكلام والصوت افضل واسرع في ايصال المعلومة من الكتابة لنو الكتابة تحتاج وقت وترتيب اكثر.
لاتستهينون في الافكار والايجابية والله انها شفاء

اخيراً نصيحة. اطلع من جو التوتر والقلق والامراض الروحانية بتعقيم افكارك كلما لدينا سلبية ولكن نواجهاا ب الايجابية والتعقيم
تذكر ان الانسان مخلوق من مجموعة مشاعر ( حزن سعادة قوة ضعف حب كره ) اذا حاولت تخلي اي شعور يطغى على حياتك فانت ضد هذه الفطره. يعني لازم. تفرح بس مو دايم لازم تحزن بس مو دايم
اطلبوا سنابي او واتسابي من الادارة عشان اعرض لكم اشياء كثيرة مفيده لكم مثل ماعلمتكم الكتابة تاخذ وقت بينما الصوت افضل و اوضح
تحياتي لكم

كلامك صح انا كانت فيني نوبات هلع وكان فيني كل شي بس ماكنت ابحث عنها ولا اعرف عنها شي كنت متعايشه معاها تروح تجي وعادي عايشه حياتي ولا فكرت بيوم ابحث وسنوات مو سنه ولا سنتين لكن للاسف يوم قمت ابحث واعرف ان الي فيني مرض نفسي ولازم ادويه ومن هالكلام ندمت اني عرفت مع اني كنت اموت واعرف وش فيني بس ليتني ماعرفت صدق للن الانسان من يوم يحس انه مريض بشي معين يجيه احباط الحين حتى لو ابي اطنش نفس قبل اقول لا ماينفع التطنيش انا مريضه مو نفس لما ماكنت اعرف كنت اطنش وعادي كل شي يختفي من نفسه احسن شي الواحد لايبحث ولايعرف وش فيه والله كانت عندي اشياء اقوى من الي فيني الحين لكن ماكنت مضخمتها ومهتمه لها ابداً وكانت تجي وتروح من نفسها الحين بعد ماخذت علاج نفسي ورحت لطبيب نفسي حسيت نفسي فعلاً مريضه ويجيني بعض الاحيان احباط اني عرفت لان فكرة المرض صارت تسيطر على تفكيري اتمنى لو اني مابحثت ولا عرفت ولا رحت لطبيب ولا اكتشفت وش فيني

بسيطة وكل الي فيك انو ركزت على المشكلة. بشكل تدريجي فقط تقبل الوجع والالم تقبل التقلصات العضلية بشكل تدريجي

ربي يشافينا ويعافينا ...

صحيح ان الانسان لما يمر بمواقف كثيره يتعرض لضغوطات نفسيه ..تتراكم فيها اعراض نفسيه مثل نوبات مختلفه ...وما ننكر إن الدواء له دور كبير ولله الحمد في تجاوز المراحل لي نمر فيها ...

انا أعاني من نوبات الهلع..صح في بداية ٤ شهور ما كنت ادري حالتي شو هي بس بعد قراري لذهابي لدكتور نفسي اللهم لك الحمد تحسنت حالتي كثير ...بس مؤخرا خففت الجرعه ل 15ml بدلا من 20ml وبصراحه في نوبات تجيني بين وبين بدرجه ٣٥% ..وهاي تسبب نفسيه تعبانه ..لاني اكون أمر بضيق بع. نوبات ...اكيد له اسباب..منها اني خفت الجرعه + اني صرت اخذ الدواء يوم وترك