حادث امامي و الوسواس
 

السلام عليكم
لا حول ولا قوة الا بالله

البارحه رحت العيادة و انا راجعه كنّا على الخط السريع ، فجأه سقط شيء على الرصيف ، اللي يفصل الشوارع ، كان في شجر
انا ما استوعبت شو صار ، بس انتبهت انها سيده بعباه ، زوجي ما انتبه و كمل طريقه ، و انا مصدومه ، في حالة صدمة و احاول أسيطر على أعصابي و استغفر ، ولا يصير يرجع يتأكد من اللي صار، رجعت و صليت ركعتين يلطف بحال السيدة و يشفيها يا رب

ما اعرف شو اكتب و لا إحساسي ، بس ابكي ، و احاول اكمل يومي بين الصدمة و تربية أطفالي اللي مهلكتني و عنادهم و الوسواس ، من داخلي منهاره و أقاوم

ادعولي

" اليوم طمنوني في المستشفى ان الحرمة عاشت و هيه في العناية لان عندها كسور

يارب يارب العرش الكريم تشفيها


و يارب تشفينا من الوسواس و الهم و الحزن

عسى ربي يلطف فيها

هذا القضاء والقدر

لا حول ولا قوة الا بالله

اختي ليش سلمتي نفسك للطب النفسي بسهوله ؟

ليه مابحثتي عن اسباب عضويه ؟!!

هكذا انتم بالسهوله ترمون نفسكم للحبوب النفسيه !!

طبب ابحثو عن اسباب عضويه اذ مافيه روحو للطب البديل اخرررررر حل النفسيه

وضعك طبيعي تخافين وتقلقين على المرأه
واللي مو طبيعي انك كذا تبقين بدون احساس وما تفكرين فيها
بس لا يزيد تفكيرك عن حده
يعني لا تفكرين فيها بزياده
انتي مو ناقصه تشيلين هم غير همك
والحمدلله سليمه عدا بعض الكسور
الله يشفيها وان شاءالله تقوم بالسلامه
وحصل خير يا شباب هدوا اللعب
احنا نرد عشان نساعدها و نطمنها و نرد بالايجاب

اختي طبيعي لان انتي انسانه حساسه فاثر عليك الحادث وزياده تضاعف مع التعب اللي فيك
انا مره كنا رايحين البحر كان فيه شباب عند سوبر ماركت واضح انهم يجهزون لرحله بحريه مشوا قبلنا بدقايق ولما وصلنا الا تجمع وسيارات وزحمه اطالع الا نفسهم الشباب اللي قبل شوي يالله كانوا في الارض ومغطايين يعني كلهم ماتوا تقريبا كانوا 3او 4 ماتذكر لاني ماقدرت اتحمل الموقف وصديت وخلاص احس مالي نفس اكمل الرحله ولو ماحنا قاطعين مسافه واولادي يموتون على البحر كان قلت لزوجي يرجعنا لان من جد نفسيتي تعبت حاولت استمتع بس ماقدرت كل شوي افكر فيهم وفي امهاتهم لما يجيهم الخبر وجلست اسبوع كل شوي يجون في بالي واحزن واتذكر اخواني واخاف افقدهم لان الشباب كانوا تقريبا في عمرهم الله يرحمهم ويعوضهم بالجنه
ممكن فيه ناس ياثر عليها الحادث لساعات ويروح لكن احنا حساسين بزياده عشان كذا نتعب ونتالم لوقت طويل الله يكتب لنا الاجر

ام ميره انتي تدورين التعب ماتبين العافيه

الحمدلله على كل حال بس كنت افضفض

شو اللي دل من كلامي اني أدور التعب !!

انا اكتب فضفضه ، تعب داخلي من الموقف اللي صار و اللي امر فيه ، ما طلبت ان هالشي يصير و لا رحت و دورته
صار غصبن عني و كتبت لاني محتاجه حد يفهمني ، مر بنفس التجربة ، حد يخفف عني و يساعدني أمارس يومي عادي
في شي في موضوعي شتت ردود البعض وفهم الموضوع غلط ؟؟!!! محتاجه كلامات تحفيزيه وليس العكس

حبيبتي انا نفسج أي شي يصير اتأثر واقعد جم يوم نفسيتي تعبانه

وافكر بالشي وياخذ هذا من عافيتي بس شنسوي لا حول ولا قوه لنا

ي حبيبيتي انا بعد شفت حوادث واجد واثرت فيني وقتها وماعاد صرت ابي اطلع اخاف من السيارات
هالشي طبيعي بس الحمدلله الحين م اذكرها وعادي اطلع رهبت اللي شقته زالت
واذا شفت حادث احاول م اناظر فيه لان نفسياتنا مو ناقصه
احنا كموسوسين هاللي نحس فيه طبيعي دايم نبالغ بكل شي نشوفه ونسمعه زوجك اكيد شاف الحادث معك بس مااثر فيه كثر م اثر فيك..
انتي لا تستسلمين للخوف والتفكير اذكري الله
الحمدلله ربي سلم الحرمه وعاشت هالشي ممكن يطمنك ولا تخلي اي شي يآثر ع نفسيتك فكري براحة بالك الحين تحتاجين تتجاهلي اي شي تشوفيه او تسمعيه عشان تتعافين وتصير نفسيتك تمام ..
دمتى بخير