نفساني - كيفاش راح

كلمات راقت لي

كفاش راح كيفاش تبدل راح ذاك الزمان غاب خيالو ما بان و انا مزال في بالي
خطرات يبانلي كلمنام خطرات نشوفو قبالي
ملكني لغرام من صغري و انا زهواني هاجو عليا التفكير ما ننساشي و صغر فناني
نتفكر الايام يا حصراه نذكرهم و نساوني طارو مثل الطيور سافرو وراحو للبر الخالي

كفاش راح كيفاش تبدل راح ذاك الزمان غاب خيالو ما بان و انا مزال في بالي
خطرات ابانلي كلمنام خطرات نشوفو قبالي
جازو هذوك لعوام ذبال غصني و ذبال جناني كثر عليا التخمام نحكيلك من قلبي دخلاني
انهار تقول ضلام حتى في الليل ما جاني نعاسي مزال بكري عوام بالموجات و يشاني
راحو عليا لحباب يا حصراه وين راهم صحابي ندير عليهم كتاب و نزوخ بيهم كانو جيراني
كل واحد و ان غاب و لي لقيتو ولا يلقاني يحكيلي كلام صواب كيما جرالو هكذاك جرالي
كفاش راح كيفاش تبدل راح ذاك الزمان غاب خيالو ما بان و انا مزال في بالي
خطرات ابانلي كلمنام خطرات نشوفو قبالي
دحمان الحراشي