نفساني

نفساني (https://www.nafsany.cc/vb/index.php)
-   ملتقى أصحاب الإكتئاب (https://www.nafsany.cc/vb/forumdisplay.php?f=57)
-   -   معاناتى مع اهلى صعبة جدا نفسى الاقى حل او اى حد يساعدنى يقولى ازاى احل مشكلتى (https://www.nafsany.cc/vb/showthread.php?t=95191)

اللهم اغفرلى 12-04-2014 07:01 PM

معاناتى مع اهلى صعبة جدا نفسى الاقى حل او اى حد يساعدنى يقولى ازاى احل مشكلتى
 
ولله الحمد على كل شئ اعانى من اضطراب يسبب لى الاكتئاب المرضى والقلق والتوتر واعراض كتير تانية كنت من سنة تقريبا فقدت الامل فحياتى وطبعا من ضمن الاعراض انو بيسبب عدم قدرة على الاستيعاب سواء فالقراءة او فسمع كلام اى شخص والتركيز بيقل تماما لكن بعد حرب طاحنة مع اهلى انهم يقتنعو ويودونى لدكتور نفسى بعد مكنت روحت لوحدى لدكتورين قبله ومرتحتش رحت لدكتور هنا فدمياط ممتاز طمنى جدا وادالى سيروكسات 25 وزيبريكسا 5 ومعاهم اكينتون نصف حباية وقالى انتى مش مريضة نفسيا والى عندك ده كله هيروح ان شاء الله وفعلا اخدت العلاج وفضلت اجيبه لوحدى فالسر وطبعا هما راحو معايا مرة وخلاص على كدة بقى وكأنها دور برد وانا الى بخترع مش مقتنعين تماما وعمر محد يقدر يحس بالمرض النفسى اصلا غير صاحبه لكن انا بس طالبه الرحمه مفيش رحمة ولا مساعده ابداااا منهم :(((( والحمد لله فعلا حياتى اتقلبت وربنا رزقنى بكل حاجه حلوة وارتحت جدااااا عالعلاج لكن للاسف طبعا مكنتش اقدر اقولهم اروح للدكتور تانى بعد شهر زى مقالى الدكتور بابا قالى لو قلتى الكلام ده تانى هطردك :( فاضطريت اوقفه لوحدى كدة مرة واحدة وانا عارفه انو غلط وبابا قدملى فكلية صيدلة خاصة دلوقتى والحمد لله عوضتهم خير بفضل الله وجبت تقدير جيد جدا الترم الاول وللاسف بدأت فاجازة الترم الاول الى فاتت دى احس باعراض مالى كانت بتجيلى :( روحت لوحدى فالسر وجبت العلاج وبدأت اخده لكن مقدرتش استحمل وروحت قلت لماما وطلبت منها اروح للدكتور انا للاسف مكنتش اعرف اروحله لوحدى لانه بيشتغل من 7 بليل ماما اتهمتنى بكل حاجه وحشه لما قلتلها وضربتنى وبهدلتنى وفالاخر قالتلى هاجى معاكى ونروحله عشان تعرفى انو مفيش حاجه وروحت معاها طبعا كنت متحمسه جدا وكان نفسى تقتنع ودخلت للدكتور وحكتله وقالها احنا فمجتمع للاسف متخلف وساعات بيحصل اضطراب بيغير فكيميا المخ ولازم يتعوض بالعلاج وده غصب عنها كنت فرحانه جدااا و ادانى سبرالكس وزيبريكسا نص حبايه واميبريد غيرلى العلاج المرادى ملحقتش اتكلم معاه يومها نفسى اروحله تانى :( وبعد منزلنا من عنده لقتها بتقولى ربنا ياخدك وارتاح منك :((( وجبت العلاج لكن للاسف مرتحتش عالعلاج ده بنسبة 100 فالمية زى مكنت باخد سيروكسات :( ودلوقتى بقولها اروحله او تدينى فلوس بس اجيب علاج ضربتنى وبهدلتنى وفضلت انزف من انفى ومن فمى قدامها وهى تدعى عليا يارب تموتى وارتاح منك :( انا تايهه وضايعه لوحدى وبلخبط باخد العلاج وبيخلص طبعا ومفيش رحمة وخايفه جدا على نفسى ومستقبلى يضيع حياتى ممكن تتدمر :( مقدرش اسيب نفسى اعيش الى عشته تانى من سنه انا كنت مت ورجعت للحياه تانى وكمان دراستى صعبة ومحتاجه جهد ومذاكرة وعندى امتحانات ومفيش فايده غير انى اقول يارب مش عارفه بجد اعمل ايه

زهراء و الأمل 12-04-2014 08:12 PM



أهلا بك أختنا الكريمة

أسأل الله أن يفرج كربك و يزيح همك و يرزقك شفاء لا يغادرسقما ..

ربما من أكبر ما يعانيه المريض

و الذي يؤثر على حالته سلبا هو إحساسه بالغربة بين أهله ..

كأنه في بحر لجي و حيدا يتقاذفه الموج و أهله يتفرجون عليه ..

و هو في أمس الحاجة لدعمهم و مساندتم ..

بل الأصعب من كل ذلك أنهم ينكرون معاناته و لا يحسون بآلامه ..

و من بين أهم الأسباب

هي جهلهم بحقيقة الإصابات و الإضطرابات و الأمراض النفسية ..

فالكثير من الناس يعتقدون أن المريض النفسي إنسان مختل الشخصية ..

مخيف غير صالح للعيش مع الجماعة و قد يتهمونه بالإختلال العقلي ...

و منهم من يعد الإصابة و سمة عار تلحق بصاحبها و بأسرته و أهله ..

و لذلك يصيبهم الفزع و الهلع بمجرد الإشارة لذلك ..

و أقول لك أختي الكريمة

فلتعذري جهلهم و بساطة ثقافتهم ..

فلا يعني إنكارهم و منعهم لك من الذهاب عدم إهتمامهم و محبتهم لك

فإن إستطعتي بطرق ما إفهامهم تدريجيا و إقناعم كان خيرا لك و لهم

و إلا فلا تحزني

فلعل الله أن يغنيك عنهم و عن العلاج بأن يكتب لك شفاء من عنده ..

و لا يفهم من كلامي ترك العلاج

و لكن عليك بطرق أبواب الرحيم الرحمن بأن يفرج عنك و يرحمك و ييسر للخير أمورك

فهو مجيب الدعاء و مجيب الضطر ...

و إن لي إقتراح أن تبحثي عمن يساعدك في أمر الذهاب للطبيب

من الأصدقاءالأوفياء أو من بعض الأقارب الثقات ..

إستعيني بالله أولا و لن يتركك في محنتك هذه

و ثقي أن الفرج قريب متى أحسنت التوكل عليه ..


اللهم اغفرلى 12-04-2014 08:30 PM

يارب اللهم امييين شكرا يااختى على ردك لكن مستحيل اقناعهم :( وكمان مفيش حد الجأله غير ربنا مقدرش احكى لحد بتعب اكتر ربنا يستر

عندي امل 13-04-2014 03:11 AM

انا حاسة بيكي اختي , فعلا مجتمعنا متخلف من هذه الناحية خصوصا , يعتبرون المرض النفسي وهم , انا ارى ان ترجعي للدكتور وتقوليله ان سيبرالكس ماجابش نتيجة معاكي , ويعطيكي سيروكسات احسن , وان شاء الله تتحسني , شو الاعراض اللي بتزعجك حاليا ؟؟

اللهم اغفرلى 13-04-2014 04:18 AM

الاعراض ان بدأ يجيلى اكتئاب ورغبة فالنوم علطول تانى واحيانا بحس بشكه فوسط دماغى كدة بالظبط ونفضة لا ارادية وعرق جامد فايدى ورجلى لكن قدرتى عالقراءة والاستيعاب الحمد لله بعد مخدت زيبريكسا الفترة القصيرة الى فاتت ارتحت كنت بادئة يأثر عليا وانا بقرأ ومكنتش بعرف اذاكر :( لكن انا مش عارفه اجيبه تانى ماما مش راضية تدينى فلوس اجيبه :( وعشان اروح للدكتور بردو محتاجه فلوس وكمان بيشتغل بليل :((

اللهم اغفرلى 13-04-2014 04:26 AM

والله يااختى انا خايفة اوى وتايهه لوحدى مش عارفه اعمل ايه انا عمرى مقدر اعيش الى كنت عايشاه قبل كدة تانى والله حياتى كانت مدمرة كنت فقدت الامل فالحياة الاعراض الى بقولهالك دى مش كل الى كان عندى قبل كدة ده قليل منها والحمد لله على كل شئ

اللهم اغفرلى 13-04-2014 04:50 AM

لما يكون فى امل وربنا الحمد لله لما خلق فينا الداء خلقلنا دوائه وانا يكون مرضى بييجى بالعلاج وبيكون بسيط جدا بيه والحمد لله وعندى حل واقدر اكمل حياتى واخد العلاج واتحسن واتفوق فدراستى واكون سعيدة ومرتاحة واهلى بجهلهم هيقتلونى وهدمر والله حرام :( تعبت اوى حتى امى سمعت الدكتور بنفسها وبردو مفيش فايدة حرام بقى نفسى ارتاح :(

عندي امل 13-04-2014 02:20 PM

والله يا اختي اغلب المجتمعات العربية هييك , مستحييييل يقبلو فكرة المرض النفسي , شو رايك تتصلي بالدكتور بس ؟؟ وما في ضرورة تروحي عندو , انتي احكي معو عالتلفون بس وقوليلو انك متحسنتيش بالدواء الجديد وهل ممكن ترجعي لنفس الدواء القديم

اللهم اغفرلى 13-04-2014 04:40 PM

ان شاء الله هحاول كدة اروحله فالسر او اتصل بيه مش هسيب نفسى

بو خليفه 13-04-2014 05:56 PM

كرري هذا الدعاء في نفسك يااختي الكريمة عندما تجلسين عندهم

رَبَّنَا آتِنَا مِن لَّدُنكَ رَحْمَةً وَهَيِّئْ لَنَا مِنْ أَمْرِنَا رَشَدًا

رَبِّ اشْرَحْ لِي صَدْرِي* وَيَسِّرْ لِي أَمْرِي* وَاحْلُلْ عُقْدَةً مِّن لِّسَانِي * يَفْقَهُوا قَوْلي

والله يهديهم

المنقرش 13-04-2014 06:07 PM

اتوقع مثل ما قالت امل لو تأخذي سيروكسات افضل والبيوترن اذا كان موجود عندكم في مصر

المنقرش 13-04-2014 06:11 PM

والبيوترن ما يحتاج وصفة من الدكتور و أنصحك فيه لأن الأعراض اللي قلتيها والبيوترن كويس
معها، بس يمكن سعره غالي عندكم في مصر، اسألي الصيدلية اول

عندي امل 13-04-2014 07:53 PM

ان شاء الله , الله يشفيكي ياارب ,

سأبقى لوحدي 13-04-2014 08:52 PM

بداية أسأل ان يشفيك_شوفي أختي مسألة الأهل وأقتناعهم بالمرض النفسي أنا حاسه فيك لأني أنا أعاني زيك ماعدا تلقي الضرب في الوقت الحاضر_أقدر أقولك ألأن أنا حرمت من العلاج ومن الأدوية ومن أي شي يخلصني من معاناتي ولم أحرم الحمدلله من رحمة ربي لولاها لكنت أسوء من ما عليه الأن

اللهم اغفرلى 13-04-2014 11:21 PM

ليه يعنى كدة المفروض المرض النفسى زيه زى العضوى واكتر لانه غير مفهوم وغامض والله عذاب الروح اصعب بكتير من عذاب الجسد لكن احنا احسن كتير من غيرنا والحمد لله على كل شئ انما انا مش بقدر اعيش بالاعراض يااختى انا من سنة مكنتش بقدر امشى فالشارع او اتكلم وافهم اى شخص وكأنى كنت مغيبه كنت حاسه ان عقلى بيروح منى وبالعلاج كنت اتشفيت تماما والحمد لله وكأن مكنش فيا اى شئ ودلوقتى انا احسن والحمد لله لكن محتاجه جدااااا العلاج بردو بدات احس ببعض الاعراض تانى ومحتاجاه بانتظام زى منتى عارفه اى خلل بيأثر والادوية حساسه وغاليه ومفيش فلوس بس لو كنت بشتغل او ليا فلوسى مكنتش اتذليت كل الذل ده ولا تعبتهم كدة معايا لكن غصب عنى حياتى بتضيع ومفيش حد حاسس الحمد لله على كل شئ


الساعة الآن 07:29 PM

Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا