مارأيكم بمستشفى الصحة النفسية في جدة
 

السلام عليكم

من لديه تجارب في مستشفى الصحة النفسية بجدة الواقع في حي المحجر ؟

يخبرني


أفكر في التسجيل أليه وأخد علاج نفسي وسلوكي معرفي والتخلص من الأفكار السلبية والمحطمة لي

المستشفيات الخاصة أصبحت مكلفة جدا ولاأستطيع تحمل نفقاتها .

بعض المستشفيات وصل قيمة الكشف فيها 400 ريال .

صباح الخير استاذي الكريم
اختي راحت فيها كم مره كان عندها اجتماع و لقاءات استاءت من وضعها و حالها قالت لي يستحيل اشتغل فيها او في اي مجال حكومي للصحة النفسية الخيارات في العلاج النفسي ماهي كثير عندنا و سيئة من حيث الكفاءة و الامكانيات و طرق العلاج و صرف الادويه وحده زي اختي من الجيل الجديد و معها التخصص كمعالجه تلاحظ فعلا قصور العلاج النفسي في البلد عندنا خاصة لاحظت هالشي في القطاع الحكومي .
انا انصحك باثنين دكاتره نساء رائعات اتصل و شوف كشفياتهم على كم دكتورة سناء في سليمان فقيه و دكتورة سلوى في عرفان اذكر كمان دكتور محمد الحامد سمعته طيبه في مركز خبراء النفس اظنه بالخالديه .
و ألف سلامه عليك ما تشوف شر يارب
ان شاء الله يفيدوك الاعضاء يمكن هم كمجربين يكون لهم نظره اخرى او خبرات معينه طيبه في خصوص ما سألت عنه .

مشكورة أختي

العفو ممكن اعرف ايش عندك بالضبط من امس ابغى انقل موضوعك للقسم المناسب .

شخصيتي ضعيفة وكلامي قليل جدا وأغلب وقتي مع الناس ساكت والناس صارت تمل مني

حاولت أغير من نفسي ماقدرت وهذا الشي مسببلي أحباط شديد . وإكتئاب

ومن فترة طويلة انا منعزل وأستشرت موقع سابق وقال لي عندك شخصية تجنبية وأستشرت كمان هنا حكالي أحد الاستشاريين أنو غالبا رهاب أجتماعي

قرأت عن الموضوع أنو يبغاله جلسات لأنو أنا الدكتور صارفلي أدوية أكتئاب وهو باروكسات ومع ذلك تحسنت لكن بقي الاعراض اللي كتبتها فوق مسيطرة مع أفكار بالنقص عن الاخرين وبالفشل


هذا تقريبا حالتي ...

كثير من الناس عندها نفس الشخصيه وهم من اعز الاصدقاء و اقرب الناس للقلب انت بس حساس و شايف ان الناس بتمل منك لانهم يهرجوا وانت هادئ بزياده احسها طبيعه الانسان الطيب اللي كلامه قليل افضل من انسان كلامه كثير على الفاضي و عشرته مو طيبه المهم الواحد يأدي واجبه و يوصل الخلق و تكون علاقته طيبه مع الناس و لا تقطعهم لانك بمخالطتهم تواجه مخاوفك اللي جوتك لا تتقوقع على نفسك و تركز بهالنقطه انك ضعيف واذا الطبيب قال انت شخصيه تجنبيه حاول تثبت لنفسك انك مانت كذا و اختلط بالناس و هذه شخصيتك هادي و ماتحب كثره الكلام اللي عاجبه كذا يا مرحبا به حاول تجاريهم بالكلام لو تعقب على اللي يقولوه لو عندك صديق مقرب خله يساعدك انا عندي احسن من الادويه النفسيه و الذهاب للدكاتره .
ما ادري هذه وجهة نظري و بانقل موضوعك لقسم الرهاب
بعد اذنك ربي يحفظك .

كلامك صحيح اختي مستكفة وألف شكر لك أكيد رح أعمل باللي قلتيه ورح أتابع موضوعي بالقسم الرهاب

الله يحفظك ويسعدك

حاول تندمج مع الناس و تغير من نفسك عشان تثبت لنفسك انك مانت ضعيف لا تنتظر احد يغير لك هي او يغير لك حياتك
و احنا هنا معاك نسمع لك بإذن الله ترى مشكلتك بسيطه و سهله والله مافي احلى من الشخصيه الهاديه و المسالمه كثير ناس تحتاجهم اوقات لما انخنق واكون متضايقه ابحث على اهدأ صديقه لي اروح اجلس معها و اوقات افضفض لها احسها مستمعه جيده لي و تمتص غضبي و تتحملني بهدوئها لا تقاطعني ولا تهاجمني ولا تمل من كلامي حتى لما تجي سيرتها نقول فلانه اللي زي النسمه احنا ياخوي معادن و اصناف و اشكال مو لازم اكون زي اختي ولا امي اللي جابتني ولا زي صحباتي الجريئات الثرثارات دامني اسلم الناس من لساني فماهو عيب اني هاديه واذا اني انسانه ما آذي احد ولا اجاريه ولا اشبهه مو معناه هو افضل مني وانا ضعيف . ربي يحفظك و يصلح لك احوالك .

المستشفيات الحكومية ارحم بكثير من المستشفيات الخاصة
صحيح انه الخدمة فيها سيئة ولكن على الاقل تضمن انه ماحد يغشك
اما القطاع الخاص الاغلبية الساحقة فيهم لصوص وعملاء لشركات الادوية


وخاصة مستشفى عرفان حرام فيه اسم مستشفى المفروض انه محبس للجن والعفاريت

مشكلتي النظرة السلبية لنفسي .. لحد الان ماني متقبل نفسي ودائما أقارن

ماأدري شي لاصق فيني . أحاول أن أتخلص منو .. مهمة صعبة . ممكن لو لقيت حد يشبهني صديق رح يتعزز ثقتي بنفسي

ردك جميل وممتاز اختي وكتير يساعد

مستشفى عرفان هو اللي أنا فيه . زمان قبل كم سنة بس كان الكشف عند الإستشاري 200 ريال وبعدها رفعوها ل 300

وأخر زيارة لاقيته صار 400 ريال .

ويعطوك بس 5 الى 10 دقائق تكلم الدكتور لأن الطابور ماشاء الله

هذا احد الاسباب اللي خلتني أدور ع مستشفى تاني أرخص أو الحكومي

لأنو كدا صعب أدفع المبالغ دي .

المقارنه متعبه لان حتى الاخوان اللي جو من بطن وحده ماهم سوا ابدا حاول ما تقارن نفسك باحد و تتقبل نفسك بهدوئها و دايما تأكد ان الصمت قوة في كثير احيان لازم تقتنع ان لكل انسان نصيبه و رزقه و شخصيته و احواله حتى لو لقيت صديق صدوق و طيب مثلك و مسالم ما حيكون مثلك بالضبط مراقبه الناس هم ما ينتهي و يوجع القلب و كل مبتلى ماحد خاليه له الحياه الا و عنده منغصات كبرت و لا صغرت .
لازم تحب نفسك و تتقبلها و تصلح حالك من داخلك لازم تساعدها و بيدك تكون افضل بإذن الله .
بالنسبة لمستشفى عرفان اختي تدربت فيها لان معها الرخصه الطبيه كمعالجه نفسيه و كان ودها تشتغل فيها لكن ما حصلت لها مكان في دكاتره على مستوى و ضيق الوقت عندهم لانهم غالبا زي الاستشاريين بيخصصوا وقت لتدريب الدفعات الجديده و بيعملوا لهم اختبارات نظريه و عمليه و اجتماعات و انا نصحتك بدكتوره سلوى انسانه راقيه و رائعه تخليك تحب الحياه من جد اتصل و اسأل كشفيتها بكم انت مو لازم شهريا تروح لها لما تتوفر عندك الماده روح لها و تراها ما تصرف ادويه الا نادر و برضو شوف مستشفى الصحه النفسيه اللي بالمحجر خوض التجربه دامها بالمجان عشان كمان تلحق لك موعد قريب و انتبه اسهل ماعلى الطبيب النفسي يكتب لك قائمه ادويه اسأل عندهم معالج نفسي يعالج بالسلوك المعرفي
ابدأ من نفسك بالتدريج دام اللي عندك تجنب الناس و هدوئك و كل المشكله نظرتك لنفسك سلبيه .
وربي يكتب لك الخير و الصالح

اذا رحت للمستشفى الحكومي اطلب من اللي بيكشف عليك تحاليل لفيتامين دال و الغده الدرقيه و مستوى الهرمونات و الكالسيوم و البوتاسيوم خبره ان في تحاليل دم لابد تعملها للاطمئنان يمكن يكون في سبب لتعبك دا و يبان من هالتحاليل.
و بالتوفيق اخي الكريم

عرفان انا رحت لهم يمكن قبل ثلاث سنوات والله لا يوريك وصفولي ادوية بالكيلو يمكن قيمتها وصلت حدود 2000 ريال!!
وزوج اختي اول ما اصيب بمرض السكر راح عرفان وكتبوله ادوية وبعدين حولوه على النفسية وكتبوله ادوية نفسية بحجة ان مرض السكر جاه بسبب النفسية!!
وهي اصلا الادوية النفسية تسبب السكري وتلخبط عمل البنكرياس
هيا بالله عليك هذولا تسميهم دكاترة والا تجار ادوية؟!
اذا مرة مضطر تروح خاص انصحك بالسعودي الألماني في جدة

اما عرفان هذا شيله من تفكيرك نهائيا لأنه مستشفى مشبوه واذكر حتى الحكومة قفلوه قبل فترة بسبب قضية

عرفان انقفلت بسبب طبيب اسنان غلط غلطه طبيه و رجعت انفتحت تاني و كثير مستشفيات حصل فيها هالشي انا عن نفسي و اهلي اللي عندهم القلب تعبان و عملوا عمليات خطيره و الغدد و الباطنيه الحمدلله وضعهم تمام مع المستشفى
طبيب واحد سيئ ممكن يجني على سمعه مستشفى باكملها و الاسعار في كل شي ضربت ادويه ولا كشفيات و اصبح اغلب الدكاتره في كل مكان على اهون سبب يوصفوا قوائم ياكبرها من الادويه لو على زكام
اما ان السعودي الالماني افضل من عرفان في العلاج النفسي فهذا غير صحيح لان من اهلي بيشتغلوا في المجال النفسي و اشتغلوا هنا و هنا و اختي وحده منهم اذكر يوم في مناوباتها كانت يادوب متدربه عندهم تقول واحد كانوا حاطينه في العزل و قدر يخرج و يشرد من المستشفى و جلسوا يجروا وراه في الشارع ماهو في وعيه الكلام هذا في رمضان اتذكر بالعكس ياخوي والله كانت تجي تبكي تقول اللي يوصفوا الادويه للاطفال و للناس بنات معهم بكالوريوس علم نفس خريجات جامعه الملك عبدالعزيز لا درسوا ادويه ولا كيمياء ولا طب انا اتكلم عن درايه في صلب هالمستشفيات وكلامي هذا لوجه الله و تبرئه للذمه يعني عرفان ماهي توب في كل شي لكن لها جوانب طيبه انت كمريض يمكن ما تشوف امكانيات و ايجابيات المكان كعميل زي لما تشتغل وسطهم و تشوف ثغراتهم و تشتغل معهم لسنين
انا ما اهاجمك ولا اناقض كلامك زي ما قلت لك ابرئ ذمتي لوجه الله ربي يحفظك ولا يكتب عليك ولا على اي مخلوق المستشفيات و يمتعكم بالصحه و العافيه و يغنيكم .