فضفضة مهلوع
 

كنت طالع اقضي شغيله ويوم لساتي بالطريق متجه للبيت وانا بالسياره الا حسيت وكأنه نفسي انقطع فتحت أزرة الثوب وبلعت ريقي وتحسست قلبي..دقايق الا راح الشعور جاتني نوبة هلع حسيت اني ابي اغمض وافتح اشوف نفسي بالبيت شوي وبدأ الخيال يشتغل وتأليف قصص كيف اهلي بتلقون خبري وكيف يقولون للناس عني كيف مت ووين واتخيلهم وهم يبكون علي واتخيل اشياء تزيد الخوف فيني بعدين سرحت مع نفسي وحسيت اني محطم وقلت هذا انا الي ظنيت اني شفيت من وسواس الموت نهائي اثر كذا السالفه نوبة وحده قصفت ثقتي بنفسي وخلتها شظايا وقعدت بس أفكر في الايام القادمة عندي أمور لازم أخذ فيها قرار وهالامور ارغب فيها بس مجازفه بجازف بااشياء واجد ومو عارف أخذ قرار وجاني شعور بس ابغى اوصل البيت واشبك نت واكتب لكم الي صار لي..
تعرفون شنو ابشع من نوبة هلع؟ العارض الي سببها .
نوبة الهلع لها علامات تعرف منها انها نوبة هلع باامكانك تسيطر عليها.
ولكن العارض شي مجهول تظل تسأل نفسك ليه انا حسيت كذا؟ ياربي هل اروح مستشفى آلحق عمري ولا هذا مجرد عارض مايدل ع شي ؟
طيب اقول للي جنبي اني مو بخير من باب الاحتياط ولا يمكن اخوفه ع الفاضي وانا ما فيني الا العافيه؟

سلامتك اخي اسال الله
وما تقلق وانساها ياما شعرنا فيها وياما خفنا وفكرنا
وكيف وليش وهل تدل على اني بموت وعلى قولك تجي القصص والخيالات
والشيطان شاطر في كل هذا صدقني الحمدلله مجرد نوبه
وراحت ولا تقف عليها واتوكل على الله وكون بخير ما تشغل بالك مدام مافي شي ملموس تستشعره كلها اوهام بإذن الله ،

وبعدين اخي انا الحمدلله اعتبر حالي شفيت
لكن ما يعني اني بطلت اخاف واوسوس !!
والله لازال الوسواس يخوفني في كل شي لازم يذكرني
لكن الحمدلله عندما اقتنعت انه وسواس الحمدلله
قاومته وشعرت اني شفيت بطل الهلع يجي معاه فصارت
وسوسه ما تأثر فيني بإذن الله ،وانت هيك فكر انك الحمدلله بالعكس شفيت من مجرد اقتناعك
انه وسواس وانك قادر عليه وبتعيش حياتك مهما
كان يوسوس لك وهذا هو التمرد 😊

اشكرك على تواجدك الدائم المطمئن حقيقه واشكرك على القراءة والتعقيب بعنايه انتي وحده من الثنتين يافاضيه ياطيبة قلب هههههه بس ماشاء الله متفرغه لنا وهذا الشي مطمئن .
اما بالنسبه لمى شعرت به فااصدقك قولا انه الشفاء ليش معناه توقف الأعراض او الوساوس إنما هو القدرة على تنطيشها فعلا صدقتي وانا الحمد لله تغيرت كثيرا في ردات فعلي ولكن يبقى سؤال محيرني هل منبع قوتنا الدواء ام القناعة؟

الله يسامحك احسن خليها طيبه هههههه
والله شوف عندي بيت و مسؤوليه لكن مدام اني باجازة فاعتبر نفسي فاضيه وبس تجي الجامعة اختفي هههه
و فعلا انا احب نفساني وانتم اشعر فيكم وقتي لكم واحتسبه عند الله لاني انسانه مجربه المرض فصعب اتركككم .
وسؤالك اللي محيرك ومحير الكثير
انا اتكلم عن نفسي القناعه والاصرار والتحدي
في وجه هالمرض هي المصدر والمنبع للشفاء بإذن الله
ومشكور الله يحميك يارب

يارب يجازيك على مساعدتك المعنوية، فعلا المنتدى ملاذ لنا، للمعلوميه انا كنت اكرها جدا جدا وظليت سنتين ادخل اقرا فقط بعدين فكرت اسجل واشارك والحمد لله الان احبه جدا وارتاح اذا دخلته، الدواء يساعد في دعم القناعة لأني الاحظ الي ماياخذون دواء ضعاف اكثر منا امام الأوهام

حضرتك جزء من العلاج انك تعترف انك في شئ والباقي ادوية ومجاهدة نفس وناس تآزرك وتساعدك حاول تقاوم واعرف دايما ان احنا اخواتك بتعرض لضغوط بشكل أو بآخر بس بنحاول نقاوم على الأقل عايزين نبقا أحسن شفك الله وعفاك

ويحميك اخي ويوفقك والله واجب كلنا بالله ثم ببعض نقوى ،
وسبحان الله المنتدى ادمان اللي يعرفه مستحيل يروح وما يرجعه
مثل ما حصل معك ومعنا كلنا هو لنا الملاذ والمرفأ ♡