موضوع خاص للمتزوجين
 

انا عمري 43 متزوج وعندي مشكلة مسببه لي ولزوجتي احراج ولا لقيت احد اشرح له معاناتي الا الله ثم انتم. انا عندي نوبات هلع والطبيب صرف لي

) 225 مل جرام مع دواء فافورين (50)مل جرام Venlafaxine(

مشكلتي مع العلاقة الزوجية لايوجد رغبه ولا انتصاب واذا حصل انتصاب ودخلت بالعلاقه يضعف الأنتصاب . راجعت طبيبي وقالي خوذ حبه سيالس 50 مل يوميا اكلت السيالس وفعلا صار عندي انتصاب لكن الرغبه ضعيفه وشرحت مشكلتي للصيدلي وقال تحتاج حبوب لقاح ملكات النحل وعشبة الماكا وجربت حبوب اللقاح بس ماتغير شيء وقريت عن حبوب اللقاح واغلب الكلام عنها انها للتسمين ولا احد تكلم عن شيء اخر وعشبة الماكا ما اكلتها لأني متخوف منها

والموضوع مسبب لي مشكلة ما ادري وش اسوي هل اروح اسوي فحوصات طبيه واشوف وش المشكلة او المشكله من الإدويه او العمر له دور واذا كان من الإدويه وش اسوي عطوني نصايحكم او تجاربكم

سامحوني على الموضوع مالقيت الا هاذا المنتدى اشرح مشكلتي فيه

اذا زوجتك بتعرف مرضك لازم تقدر مرضك
جرب السيبرالكس او الزولفت لنوبات الهلع حيث ان الزولفت جرعة 150 لا تأثيرات جانبية حقيقية
يمكن الفياغرا اقوى من السياليس لكن تأكد من تعارض الادوية والاثار الجانبية

حياك الله اخوي
بعطيك نصيحه وراح تدعيلي طول عمرك
اولاً اتمنى ان الدكتور اللي انت تتابع عنده تشطبه من حياتك
جرعة افيكسور 150 لحالها كافيه جداً لعلاج الهلع
اما الجرعه اللي تاخذها الان اتمنى يشطبون شهادة الدكتور للابد
هذا هو الحل بإذن الله … انا استخدم افيكسور من 19 سنه وابشرك
نسبة التحسن 100٪ المهم انك تصبر على العلاج وتخلي الجرعه ثابته
قدامك العافيه

زوجتي تعرف والعلاج الي اخذه مودي الغررض ولا ودي اغيره
الفياغرا اعراضها قويه علي ولا ناسبني الا السيالس

جزاك الله خير
انا في البدايه الدكتور صارف لي افيكسور 150 فقط مع الفافورين 50
بس رجعت له وشرحت الحاله وحس ان حالتي ماتحسنت فا زادها لي

يعني تقترح علي اني اكتفي ب 150 فقط

يوم كنت تاخذ 150 افيكسور كم جلست بدون تحسن وراجعت الدكتور ؟

جلست تقريبا حوالي شهر واسبوع

عندي وصف للدكاتره اللي يرفعون الجرعه بشكل سريع بدون صبر
وياليتني اقدر اقوله واذا كان هو دكتور فأنا جربت الالم والمعاناه والشفاء ولله الحمد
بتجربة اكثر من 19 سنه
لذلك نصيحتي لك افيكسور 150 فقط ولازم تستشير دكتور داخله
انسانيه ويخاف الله
ابشرك انك باذن الله بهالجرعه راح تتشافى المهم هو الصبر ثم الصبر

المشكلة انه استشاري
لكن انا بعمل بنصيحتك والله يجزاك كل خير

انا اكلهن الساعه 6 الصبح قبل لا اروح للدوام

انا اكل السيالس 5 ممتاز مودي الغرض من ناحيه الأنتصاب لكن المشكله بالرغبه معدومه ما ادري وش منه هل هي من الإدويه النفسيه او العمر له دور

لاحل نأقلم

لا تسكرها في وجهي تكفى cry1

كيف لاحل والله سبحانه موجود ؟ كيف نلقى العلاج وحنا مستسلمين ؟
الحل موجود باذن الله كل اللي عليك انك تحاول وتحاول

الاستشاري ماذاق طعم الهلع والقلق والرهاب الخ
كمية العلاج اللي وصفه لك علشان يعالج هلع كثير مره
ابحث عن الدكتور اللي يعطي العلاج وقته