استخدمت عشبة سان جونز ( حشيشة القلب ).. شوفوا شصار فيني
 

ياجماعة شهالعشبة هذي ......


لاحول ولا قوة الا بالله .

انا ياجماعة اعاني من رهاب في العمل فقط واتجنب المجالس .

لكن بعد ما استخدمت عشبة سان جونز وبعدها بثلاث ساعات للاسف احس اني صرت انسان آخر ( لدرجة اني ماعرفت نفسي انا منو ).


جلست مع ابوي وعمي وقمت اقول كلام شبه جارح لأبي مثل ( يايبه انت يبي اللي يوديك لمصحة نفسية يرجون مخك عشان تفهمني ).... وبعدها اخوي طالعلي بنظرة غريبة وغمز لي بغضب .

وقمت اضحك على عمي وعلى شكله وطريقة لحيته التي تنبت فقط من الحنك : وبصراحة عمي قام يضحك وقالي ( اشفيك انت يابن الحلال اليوم اركد ).

وقمت اضحك ضحك هستيري لدرجة اني خشيت اني اصبحت مجنون سعاده خارقة مؤذية شعرت بها وهذا هو مالاحظتة بعد ثلاث ساعات من تناول سان جونز .

؟؟؟؟؟؟؟؟؟؟؟؟


ياجماعة بكل صدق هذا ماحصل معي .

ولي عوده وتعليق وانا في اليوم الاول وبعد ست ساعات من استخدام حشيشة القلب

يا إلهي!!
انا مالي ساعه من يوم مارجعت من GNC
اشتريت حشيشة القلب ام 80 ريااال ,,,هي نفسها اللي عندك؟
اخذتها عشان القلق و الخوف وقال لي بعد ماتستخدمينها كل يومك راح تضحكين,, حسبته يبالغ
انت يعني طول الوقت تضحك ولا ايش؟
بس برضه راح استخدمها بعد ما اتعشى واشوف ايش يصير الله يستر!!

وشي الاعراض الجانبية للعلاج طيب ؟؟

اخواني اخواتي :

انا بقولكم على كل شي

انا لما كتبت كلامي كان في اليوم الاول من اخذي للحبه .

وانا ماكتبت الا اللي حسيت فيه .

انا اصلا بطبعي شبه اجتماعي واحب اضحك مع اخواني وكل قرايبي بس اتحاشى التجمعات والمجالس .

بالنسبة للاخت مهجه : لا يا اختي مش طول الوقت اضحك بس حسيت ( وهذا مجرد احساس ان مزاجي تعدل وحسيت اني انسان آخر ) قد يكون توهم الله اعلم والايام الجاية راح تطلع النتايج عدل .

حنين : هذي عشبة خالصة مئة بالمئة لم ارى اي اعراض بتاتا .

اختي ريم طلال : انا ماعرف اشلون احط صورة العلبة بس بقولج شكلها : هي عبارة عن زجاجاة وعليها ملصق اخضر وطباقتها بيضاء وهي حسب ماقال لي الصيدلي انها امريكية الشركة .
بس حبيت اعرف اختي ريم انتي شنو فصيلة دمج . يمكن الفصيلة تلعب دور . قولي لي الفصيلة حقتج وش هي .

معليش أخوي حسيت كلامك فيه مبالغة والحمدلله انك وضحت بردك الأخير ..


مستحيل الأعشاب تسوي كذا وتخليك تقول كلام بدون وعيك


يمكن كنت تاخذ معاها أدوية كيميائيه وترى مايصير تجمع الاثنين مع بعض


لأني شفتلك موضوع تسأل عن دوا ..


والعشبة غنية عن التعريف تهدي وتخلي الواحد رايق لكن طبعا" ماتخليه يخرج عن وعيه


واللي جربها ومانفعته أحيانا" الأعشاب تحتاج أكثر من سته أسابيع عشان يبان مفعولها..

أخى أنا أعلم أنك تتناول دواء نفسى ..أعتقد سيروكسات ...

وأنا قرأت من قبل ..انه لا يجوز الجمع بين الأثنين ..

استخدمتها ثلاث شهور ومافادتني وزاد وزني كثير وصار لي سنة ماقدرت انزل الوزن سويت بحث في النت لقيت ان علاجات الاكتئاب والتوتر تسبب زياد الاملاح في الجسم واحتباس الماء

روينا .... الله جابك ممكن اعرف شنو فصيلة دمك ؟

فصيلة دمي او بلس

والله ياروينا احس الاعشاب اكذوبة ولا حول ولا قوة الا بالله .
يعلفوننا من هالاعشاب تقول بهايم مو اوادم .لك يقطع هيك حيونه على هيك غباوة .

ياأخوي ملك يمكن المشكلة فينا نتعلق بقشة أول مااسمع عن عشبة او طريقة علاج سواء دوائية اوسلوكية جربتها مرة جربت طريقة علاج لاخ نزل طريقته في الشفاء تحمست كانت اعشاب كثيرة ومنها عسل وقسط هندي الله لايوريك ريحة وطعم كنت اخذه وانا ابكي وبعد هذا العذاب مافيه فايده , على العموم ان شاء الله تستفيد من العشبة بس انتبه لا تاخذ كبسولات صداع خذتها مرة صارلي مثل الاغماء كنت ماقدر ارفع رأسي ولا اطرافي .

روينا صدقيني كل اللي يقولون انهم تشافوا بالاعشاب يتوهمون . والحقيقه ماقاله العلم الغربي العلاج للرهاب وماشابه بالعقاقير النفسية ( والتي ان سمعت اسمها يهتز كياني ). اتعرفين اني متحمس للعقاقير لكن اخاف من ان يكشف امري بين اهلي ( لان الكل ينظر لي بعين الاحترام واني قدوة واني انسان عاقل ). مع اني انظر لنفسي اني انسان ذو نفس مريضة ( بسبب الرهاب ).

اعمل زيي هات العلاج وفي درج المكتب او الدولاب ولا من شاف ولا من دري اصل انت مش هتكون اكثر مني خوفا علي شكلك امام الناس انا خبيت 6 اشهر عن اهلي حتي اعترفت لامي واختي لكي يساعدوني فقط في الشراء واقسمو لي انهم مش هيجيبو سيرة لاحد