أنتم مثلي 😢؟
 

السلام عليكم ورحمة الله

الموضوع مثل ماهو واضح بالعنوان
هل أنتم مثلي تنفرون من المكان اللي صارت لكم فيه النوبه او الخوف والقلق ؟
وتصيرون تكرهونه وتخافون تروحون له !
وحتى لو رحتوه تحسون انكم مو على بعضكم ومتوترين ويمسككم غثيان وكتمه
والا بس انا 😢
جد تعبت مدري هو فعلا خوف وقلق والا عين والا نفسيا والا ايش

انا مثلك لدرجة خايفه اروح المدينه اللي جتني فيها نوبة الهلع وكرهت اصوات القراء اللي كنت اسمعهم وقت ماكانت تجيني النوبه حتى الملابس اللي كنت البسهم كرهتهم ورميتهم كلهم لان فعلا مابغى شي يذكرني لان اذا تذكرت اتوتر وتخنقني العبره واتذكر اللحظات اللي قبل المرض
الله يشفينا ويعوض صبرنا خير

يصير لانك ربطتي هالمكان بالنوبهه طبيعي
وقت تتعافين بتشوفين هالمكان عادي وتزول مخاوفك ناحيتهه
المهم لاتربطين اي مكان ب احداث معينه عشان م يصير هالشي كابوس مخيف لك قولي النوبه تجي ب اي مكان ماهي مرتبطه بس في هالمكان ..
المهم بسيط لاتقلقين حيزول بزوال مخاوفك وافكارك اللي ربطتيها فيه
الله يريح بآلك يآرب

قلت قبل انك في طريق رهاب الساح

ولا تبين تصدقيني ومصره انك ما تتحركين ابد لعلاج نفسك بالوسائل الي تبينها والمتوفره

اهم شي اني نبهتك وعملت الي علي

قدامك العافيه

انا ماقلت اني مو مصدقتك
صح قد قلت لي عنه بس ما عارضتك او خالفتك :)

لا ابد اختي مو موضوع معارضه ولا مخالفه

هي موضوع متى الشخص يقتنع انه قاعد يرمي نفسه اكثر واكثر بمرض علاجه ما يتطلب كل هذا

انا سجلت وفي ناس تعاني ،، بديت اخف والناس الي تعاني ما زالت نفسها تعاني او قاعد يتطور المرض

انا لاني ما خليت طبيب ما زرته تطور القلق والهلع وصار وسواس ورهاب ساح ونوبات اكتئابيه عابره

اخر تشخيص لطبيبي بالتقرير الطبي هو ( اضطراب القلق الاجتماعي ) مع اني باول تقريى كان ( اضطراب قلق بسيط )

والحمد لله قاعد استمتع الان باموري واضحك ... صحيح ان عندي مرض عضوي الان اعاني منه وابحث عن علاجه لكن من الناحيه الاخرى انا افضل من قبل نفسيا ولو ان نفسيتي تتاثر بسبب مرضي العضوي الي ماله علاج لين الان وهذا طبيعي


الناس هنا اغلبهم مصرين على الطبيب الباطني ويدرون مافيهم شي ومسجلين بمنتدى نفسي لانهم عارفين انهم مرضى نفسيين ومع هذا الكل ما يبي يعترف انه مريض نفسي بل عضوي او سحر او اي شي ..... طيب روح اقسام الطب العضوي بالعيادات وهناك اسأل ،، روح قسم الرقيه وهناك اسأل .... اما اقسام هلع و وسواس واكتئاب وفوق ذا تتكلم بمعده وسحر وعين اجل فيك تناقض او فيك شي يا ما تبي تصدق انك مريض تفسي وعلاجك نفسي يا انك منت عارف الصدق .... وكثير ناس تحسنو بالعلاج سواء انا او غيري دوائي وسلوكي ومعرفي وغيره من الامور الي ساعدتنا اما الباقي يقرؤون حاله او حالتين ويحكمون على نفسهم بالهلاك

ثم بعد كذا يستغرب المرض ما راح مع انه عمل كل شي معده وفيتامينات وكل شي يقدر عليه.


انتي حره اختي وانا عن نفسي شفت موضوعك واستفسارك وكتبت انه رهاب الساح

وفعلا انتي مصابه فيه ف اقرأي عنه اكثر عشان تعرفي سلوكياته وفي موضوع بقسم الهلع كتبه او نقله احد الاخوه المصريين ومفيد جدا

قدامك العافيه

طيب الوسواس يخليكم تسون حركات لا إرادية اذا جاكم يعني تدورون بالغرفة أو تسون أي شي بعدين لما يهدأ تتندمون أو يخليكم تسون أشياء لا اراديه
الحمد لله حمد الشاكرين الذاكرين

والصوت اللي يكمن من الداخل هل هو صوت الضمير أحيانا كلامه مقنع والا وسواس

الوسواس يخليكم تحسون بالذنب
سبحان ربي العظيم

نعم اختي الوسواس هي الافكار اللي تتحول الى احاسيس ملحة قهرية تحزنا .. اذكر نفسي و اذكر بالتجاهل و عدم الاسترسال بالفكرة او الشعور تجاهلي .. اسأل الله العظيم رب العرش الكريم ان يشفيني و يشفينا شفاءاً لا يغادره سقم اللهم امين

اي انا مثلك
اصير اخاف من الاماكن والاحداث
اللي تذكرني فيها
واحس بنفور من المكان اللي جاتني فيه 😢

نعم مثلك تماما أختي انعكاسات، الله يشفينا جميعا يارب

انا بعد مثلك وأحس بنفس مشاعر الي كنت احسها وقتها وقبولكم تعبت من وسواس العين ع كل صغيره وكبيره قلت العين والحل يعني !!!استغفر الله ما اريد افكر كذا

ايوه صار عندي ربط المكان بالنوبه
واكره الاماكن اللي خفت فيها
آمين يارب الله يسعدك 💐

امين يارب 💐

مثلي والله مثلي 😭
اي احد يتكلم عن العين والحسد
اخاااااف واتوتر و لاواقعيه وحوسه😭
مدري ليه اخاف
وكل شي اقول عين حسد مس