كيف تتعاملون مع القصص المخيفة جدا
 

السلام عليكم ورحمة الله وبركاته

اخواني وخواتي بدون ما اطول عليكم ..

كيف تستطيعون السماع للسوالف والقصص والمخيفة التي مصادفة تكون عن موضوع وسواسكمً.. الهروب ليس حل ابدا واليوم سمعت قصة مخيفه ولكنني اجبرت نفسي على الاستماع للآخر لان البنت اتكلم وعيب اقاطعها ومن غير الطبيعي ان اقول لها انا اخاف لانها قصة قصيره بين الكلام يعني مستحيل سأهرب من كل المثيرات مستحيل هذا ليس بحل .. حتى وهي تكلمي جاءتني نوبة خوف شديده وتوقفت عن الكلام لثواني معدوده وبعدها وتشهدت 🤣 وكملت الكلام ولكن لازلت اعاني من الخوف ما بعد القصه والربط

الاندماج في المحيط الطبيعي هو العلاج ولكنه صحيح اكرر عندها اقول المحيط الطبيعي هي المواجهات والجلسات الواقعيه مع الاهل والاصدقاء وليس التواصل الاجتماعي الالكتروني لانني كما اسلفت لكم سابقا تركت السوشال ميديا والحمدلله

انتظر ردكم وشكرا جزيلا

وصح نسيت اقولكم احيانا ليس الموضوع فقط قصص مخيفه لا لا اشخاص مخيفون اشخاص عندما اراهم لا ارتاح واسوس لانهم يذكروني بقصص واحداث مرتبطه فيهم


شكرا وعذرا على الاطاله

انا مشكلتي ماخاف وقتها وانبهر من مستوى شجاعتي وكيف ما أثر فيني الموضوع لكن متى يبدا تأثير الخوف واسترجاع الكلام؟؟ اذا كنت الحالي تبدا كل السوالف والقصص والاخبار الي قرأتها تتوارد الى ذهني واحدة تلو الاخرى 😂😂وبعدها انواع الوساويس والخوف والقلق ونوبات الهلع وقلة الادب

انا يبدأ الموضوع وقتها اثناء القصه .. يكون الطرف الثاني يتكلم عادي وانا خاطري اقوله بسسسسسس اسكت !!! لكن ما اقدر الناس من حقها تتكلم وهذه امور عاديه لذلك اكل تبن واسمع القصه للاخر جدا واتمالك نفسي وتبدأ بعدين المعركه الداخليه

اليوم مثلا ع سبيل المثال سمعت قصه مخيفه اكلتني تبن وخفقان وخوف وضيق صدر لكن ما اقدر اطلع نفسي من هالحاله الا بالتقبل واني اقول فتره وبتعدي قصه وبتمضي كلام وبينتهي وفي النهايه مقاليد الكون بيد الله سبحانه

صح الموضوع وايد صعب واحيانا ياخذ مني يوم كامل من الخوف والنوم على الخوف والكوابيس المتواتره لكن اقول لابد انه الموضوع يمر

ياليت لو حد يقدر يفيدنا بطريقه حلوه يستخدمها لما يسمع قصص فيها عن موضوع ومحفزات وسواسه كيف يتصرف وكيف يطلع نفسه من فقرة الخوف بعد التعرض للمحفزات

ليش نروح بعيد الحين انا من قبل الحدث في الدوام .. وحده الله يسامحها متصله حق صديقتها واتقولها حلمت فيج كذا وكذا طبعا حلم مب زين .. انا استغرب من هاذيل الناس ما يعرفون الوصايه النبويه !!! انه الذي يرى رؤية يكرهها المفروض ما يحدث فيها أحد وهي بكل ثقه هداها الله متصله في زميلتها وتقص عليها القصص طبعا انا جنبهم واسمع كل شي والذي يضحك في الموضوع انه هي وصديقتها ماخذين الموضوع شربات وعسل وضحك والحلم مخيف جدا نفس موضووع وسواسي وأنهوا المكالمه وانا اللي خايفه على البنت الحين ومخي شغال ربط بحيث اني انتظر يحصللها شي لا قدر الله عشان اربط !! واقول ايوا هذا تفسير الحلم اللي حلمته فيها صديقتها وطبعا ربط موضوع اخر ايضا وشغاله انا ربط شغاله شوفي وين وصلت !!! استغفرالله دخلت في علم الغيب والقضاء والقدر ! والحالمة والمحلومه ولا عليهم ابدا قالوا اللي عندهم وانبسطوا اذا اشتريتي عصا خذيلي وحده وياج لانه جد معظم الناس ما يعرفون يسولفون !! بعيدا عن الوسواس في ناس سبحان الله ما يعرفون يسولفون !
مره دخلت البيت بعد معركة طويلة من العمل والتعب وحده من اقاربي عطتني على الغدا بخبر ما يهمني اصلا بس مخيف يعني الموضوع ما يتأجل العصر مثلا على ما أرتاح شوي ! ما هي الفائدة المرجوه من اللغوه الزايده والعك الفاضي

قل خيرا أو اصمت

عموما ما نقدر نلزق حلوج الناس بس المشكله الاذن ما تقدر تفلتر