ان شاءالله بروح بس حاليا خارج جدة بحكم شغلي


طيب هل عملي راح يأثر عالمعاملة ؟؟
لانو وحة اعرفها نفس طبيعة عملي تقول ماجابوا سيرة الوظيفة
وفيه شخص قال انهم ركزوا بدا الموضوع أكيد هو يختلف من منطقة لمنطقة بالنسبة لجدة كيف الوضع
مع العلم انا اساسا قدمت بجدة من ست سنوات تقريبا وحفظت بسبب العمر اقدر اخد رقمها واكمل ولا اعيد من اول وجديد << صح النوم

تسلمين اختي دانة أحمد اللهم امين ويجعل الفرج من نصيبك
ربي يعينك ويعطيك الصبر كل هالفترة مافي في يدنا غير الصبر والدعاء
انتي معاملتك وين راح تروح بعد ماتخلص البحث الجنائي ؟؟ان شاء الله تكون هذي اخر ادارة تراجعينها
من جد صراحة تعبنا من دائرة لدائرة

هلا اختي MiSs.Vermozh
انا خلصت كل اوراق معاملتي وانرفضت من وزارة الداخلية فقدمت استثناء باسم وزير الداخلية
كحل اخير قبل ماارجع اقدم معاملة جديدة
وان شاء الله عملك مايأثر على المعاملة بس اهم شي عملك ماله اختصاص بالحرس ولا الجمارك لانه في وظائف حساسة ممنوعة من الزواج من الخارج

طيب هل تم الموافقة على زواجهم ؟ وهل أفهم من كلامك أختي العزيزة أنه حتى لو دخل خطيبي على أي أمير لن يوافقوا بسبب العمر وبسبب أن ليس بيننا قرابة أنا والخاطب ؟

تمت الموافقه الان لهم كم سنة متزوجين مادري شو اقول ياطهر بس اممم لو كانت بينكم قرابه تمشي الموافقه هذا الي سار معاهم

لا حول ولا قوة إلا بالله .

بعد كل يوم أفقد الأمل أكثير . حسبنا الله ونعم الوكيــل !

بس الله يباركلهم في زواجهم ويسخرهم لبعض .

خلي املك بلله كبير ياطهر في ناس جاتهم الموافقه بعد 10 سنوات انتي استخيري دايما وربي يختارلك الخير

دانة احمد انا حامله لأنيميا الفول ترا مره مايخوف يعتبر مثل الحساسية بس ابتعد عن الفول او الطعمية واحيانا يكون وراثي وفي ناس لا الأب ولا الأم عندهم بس سبحان الله جا ولدهم مصاب انا اكل طعمية بس الحمد لله
لا تشيلي هم إن شاء الله مايكون حامل لأي صفة وراثية وتجي الموافقة على طول

لا حول ولا قوة الا بالله يابناااات خلو املكم بالله كبير وبإذن الله تنفرج كربتنا وينجبر كسرنا ونجزى على صبرنا وماحد داري وين الخير كل تاخيره وفيها خير عشاى أن تكرهو شيئا وهو خير لكم ^_^

السلام عليكم ....... ياربي ايش ذا كل هذه الامور والتعب والنظام وكمان احتمال تجي بالرفض ليه وعلشان ايه
وايش من ورا ء هذه كله .... احتما ل يكون المقصود الاجر لنا هههه بصراحه انا سالت عن المعاملات بالرياض والله يقولون انه اسهل من جده بس ابغى اعرف هل تتطول الامور اذا كان كل الاوراق المطلوبه موجوده زي حكايه دانه لانها هي سعوديه بس اذا كان الرجل سعودي ان شاء الله فهمتوني
ملامح ناعمه ايش صار معاكي وانت ياولد دبي وانتي ياانكسار فرحه ليش اترفضت المعامله وكل شي تمام
شي عجيب في هذه الدنيا ....

يابنات شوف هذا الرابط للى يبغى واسطات http://www.muaqeb.com/vb/
ان شاء الله يفيدكم وادعولي بتيسير اموري عااااااااااااجلا

^
^
اتحاد المعقبين تواصلت معاهم قبل سنتين بس ماجاني اي تفاعل منهم

بنات خليكم متفائلين شوفوني انا اكبر مثال خخخخخخخخخخ ليا ست سنوات والحمدالله
تخيلوا عومري راح من وانا طالبة في الجامعة دحين موظفة ههه << شر البلية مايضحك

الحمدالله ربي حتى ترضى والحمدالله اذا رضيت والحمدالله بعد الرضى