الشيب شفته بالمرايا وصديت ,,,,,,,, ماكنت اصدق ان ذا الشيب فيه
اثر الزمن يطوي رحاله ووليت ,,,,,,, وراحت سنين العمر وش البقيه
بعد شفت الشيب في الراس حنيت ,,,,,,, حـــــنيت لسنــــين توالــــت عليه
سنين ذقنا المر فيها تجنيت ,,,,,,,,,, ويا كم تكبدنا صـــــــنوف البـليــه
وذقت الحلا في بعضها وتهنيت ,,,,,,,, مرت عليه مــــر الصبح والـــــــعشيه
وسنـين يا كم تهت فيها وتمـاديـت,,,,,,,, مابين سـب وظلم و لا القـــــفـــــــيه
يآآآآ كم تحملت المعاصي وجريت ,,,,,,, جريتها ويـــا شـيـن جـــــر الـمطـيه
وسعيت في الدنيا وكم صــــبت ,,,,,,,, واخطيت ولي مضى لناس يمضي عليه
ودارت بي الدنيا ولا يوم ونيت ,,,,,,,, وقضيتهـــا مــابين شــــمـــس وفـــيـــه
يا مرحبا يا الشيب من يوم جيت ,,,,,,, تظهر على نفسي امور غـــــبــــــــيه
ياشيب ماخوفت قلبي ولا حديت ,,,,,,,,, إلا مواريد حتـــــــــــقــــــــبل جليه
انت الذي للي على الباب طليت ,,,,,,,, وصلت لحد الباب وش عاد ليه
ماعاد لي إلا التوبه كاني ابكيت ,,,,,,,, وسألت انا المولى ورب البريه
وقلت توبي يانفس قبل يا ليت ,,,,,,,, ماعاد ينفع ياليت وقت المنيه
صومي وصلي ثم حجي للبيت ,,,,,,,, وروحي إلى طيبه و مسجد نبيه
وتزودي بالخير من بعد ما اشقيت ,,,,, نفس تعاندي ونفس ( ن) بريه
وان عشت يانفسي من الخير جنيت ,,,,,,, جنيت مجنى الثمار الهنيه
يآآآآآ رب تغفر زلتي يوم زليت ,,,,,,, وانك تجنبني الخلل والخطيه
وعلى الرسول ازكى سلام وصليت ,,,,,,, عداد ما تهل المزون النجيه