نفساني - فكروا معايا بلييز

نفساني (https://www.nafsany.cc/vb/index.php)

- ملتقى التجارب الشخصية للحالات الأخرى (https://www.nafsany.cc/vb/forumdisplay.php?f=24)

- - فكروا معايا بلييز (https://www.nafsany.cc/vb/showthread.php?t=41832)

فكروا معايا بلييز

أنا قصتي طويلة راح أقولها كلها لان بصراحة نفسي أتكلم بصراحة أنا عمري 18 سنة ومن يوم ما عرفت الدنيا وأنا أحب ابن عمتي أكبر مني ب3 سنوات وهو يحبني قبل وطبعا هذا الكلام من وإحنا صغار المهم وانقطعنا كم سنة ما نشوف بعض وطول الوقت هذا وأنا أحبه وقبل سنتين ربي كتب ورحنا عندهم إحنا مو ساكنين في نفس البلد ولما شفته حسيت إني لسه أحبه وأكثر من أول واستنيت انه يقولي أي شي لكنه ما سوى أي شي لكن كل نظراته وتصرفاته كانت تأكد لي انه هو لسه يحبني وقبل ما أسافر سويت إلي مفروض هو يسويه وكتبتله ورقة وعبرت فيها عن كل إلي أبغاه وكان ثاني يوم سفري وهو إلي وصلنا المطار وإحنا في المطار قالي ترى حطيتلك ورقة في الشنطة حقتك و لما رجعت لقيت الورقة فعلا وكان كلامه فيها انه هو يحبني ويبغى يطمن عليه لأني كنت راح اعمل عملية وبعدها بيومين أختي لقت إضافة على ماسنجرها وتكلمت إنا مع إلي ضافها طلع هو لأني كنت متوقعة انه هو لان أختي فتحت أيميلها وإحنا عندهم المهم وتكلمت معا واخذ ايميلي وضافني عنده وتكلمنا وفي النهاية اخذ رقم جوالي عشان يطمن عليه بعد العملية وفعلا بعدها بيومين دخلت المستشفى وعملت العملية وأول ما صحصحت كان هو إلي فبالي وقمت كلمت عليه حتى إني ما أفتكر ايش قلتله لأني ما كنت بكامل وعي المهم وسرنا بعدها نتراسل أو على الماسنجر بس ما قيد تكلمنا إلا وقت العملية وعشت أحلى أيام حياتي معاه ومرت سنة وهذي السنة الثانية لكنه دحين مرة متغير أنا أعترف إني قدمت تنازلات كثيييرة ومشيت أمور كثيرة وفي بعض الأحيان كنت جافة لكن دايماً أنا إلي كنت أصحح الوضع وأبدأ بالصلح لو كنا متزاعلين كنت أخاف إني أفقده في يوم من الأيام لأن بجد حبي له كل يوم يزداد أما دحين فالوضع مرة متغير أنا ما اعرف ايش فيه كل ما أسأله يقولي مافيه شي أول كان كل يوم يرسلي وتقريبا بشكل يومي على الماسنجر أما الآن نجلي بالشهر والثلاثة أسابيع وإحنا ما أحد يدري عن احد ولما أرسله ما يرد عليه كل ما أقول خلاص ماعاد راح أرسله وراح انهي كل شي بيننا تجي أغنية ولا يجي موقف افتكر أيامنا مع بعض أحن له كل ما أروح مكان افتكره وماني قادرة أعيش بدونه وماني عارفة ايش أسوي وابغى حل لان كل إلي يعرف قصتنا يقولي خلاص اتركيه وهو هذا المفروض لكن ماني قادرة أفكر فيه في كل دقيقة وفي كل وقت لأني أحس إنه يحتاجني بس هو ما تكلم
بليييز أبغى حل اقدر عليه لا أحد يقولي أنسيه أو طنشي لأني تعبت

يـــــاه علفكره بجد يبخته أو كان يبخته :) أنا حاسس من كلامك انك مخنوقه أوي وبتفكري فيه كتير وتقريبا كده أنا عارف الشخصيه بتعتك تقــــريبا ان انتي لما تحبي حاجه تحبي انها تكون ليكي لوحدك وغيوره أوي وعلفكره أنا هكلمك عن نفسي بس من غير زعل أنا بجد مبعترفشي بحاجه اسمها حب في السن ده وعلفكره كلامي ده مش من دماغي بس دكتره نفسيين كتير اتكلموا في الموضوع ده دماغ الواحد ليها مراحل ممكن هو يكون لسه بيحب بس مش عاوز أي مسؤوليه دلوقتي من أي حد عليه وممكن يكون حس انه اتسرع في اعترافوا بحبوا ليكي ومش عارف يقلك ازاي في حاجات كتير بس أنا عاوز أقلك حاجه سيبك بجد من الكلام ده وحورات الاغاني ومتعرفيش تنامي الحب مش كده بجد وعلفكره معظم الناس في الدنيا كلها بيبقا أول حبه وحده قربته بنت الجيران فبجد فكري بعقلك شويه وسيبي قلبك ويجد يذات اليومين دول القلب لازم يتركن في حاجات كتير وتقريبا انتي في ثانويه عامه فسدقيني لسه الطريق قدامك كبير أوي وعلفكره أنا 21 سنه ولسه محبتش صاحبت ماشي حبيت آه بس حب الي أنا هكمل معاها حياتي مش لازم أستعجل لسه الطريق طويل والظروف بتغير حجات كتير فبجد خديها تجربه اتعلمتي منها والحياه كلها تجارب وبجد متزعليش علي بنآدم انتي أدرتيه وحبتيه وهو مأدرشي كل ده والشبـــــاب كتير أوي الي تقدر :)

شكرا على ردك ليه وتفكيرك إلي فيه أشياء صح
بس في شي أبغى اقولوا إلي يديه في المويه مو زي إلي يديه في النار

مممممممممم

كوني قوية والرجل يحب المرأة الصعبة
كوني خجولة وغشيمة تمشي امورك

لكن نصيحة لاتفكري بالحب ترى بجد تعب قلب

ودائما العلاقات الطويلة بين الاقارب او المخطوبين تفشل

خلي قلبك قوي لانة صدقيني لو انصدمتي بحبك الاول راح يكون عندك تبلد مشاعر

فكري بعقلك مو قلبك