بسرعه ارجوكم عندي مشكلة ما هو الحل
السلام عليكم ورحمه الله
انا عندي رهاب من ست سنوات تعالجت منه بالسيركسات عند طبيب ، وبعد مضي سنتين تعافيت بنسبةة 90% واعطاني الدكتور تقرير اني تحسنت وخفف الجرعه وبعد سته اشهر تركت العلاج من نفسي ،،،،، وقبل سنه تقريبا رجعت الحالة في بعض المواقف وليس دائما والرهاب اللي اعاني منه عدم القدره على الذهاب الى المناسبات والدخول على المسؤلين والامامه بالصلاه والتحدث عند احد !!! ومشكلتي يااعضاء انني حضرت مع اثنين من زملائي في محافظه ( مدينه ) خارج الرياض قبل سنه وحصل بينهما تبايع لأرض في البلدة القديمه واستلم البائع بعض المبلغ واتفقوا على بقية المبلغ في وقت اخر واشهدوني على هذه البيعه وكان البيع بدون تسجيل في اوراق ،،، ثم بعد فترة حصل اختلاف بينهما واقاموا دعوى وقضية في المحكمة من ثلاثة اشهر وانهاء القضية والحكم فيها متوقف على حضوري لاني الشاهد وكان فيه موعدين لأن احضر الاسبوع قبل الماضي والاسبوع الماضي ( والله اني في مشكلة ) والاخ المشتري كل يوم يتصل علي ويقول ارجوك انك تشهد وان تحضر في المحكمة وما يعرف السبب اللي يجعلني اتهرب عن الحضور الا وهو الرهاب حسبي الله ونعم الوكيل والموعد القادم يوم الثلاثاء القادم القريب أسأل الله الاعانه انا ما ادري كيف بيكون موقفي اذا دخلت في المحكمة وجاءت حالة الرهاب والمشكلة انه ما هوب في الرياض يعني ما فيه احد يعرفك لا المحكمة خارج الرياض في بلدتنا القديمة يعني من دخولي على المحكمة لازم اسلم على جميع الموظفين اللي بيقابلوني لان كلهم اعرفهم وهذي مشكلتي والامر الاخر كيف اتمالك نفسي عند القاضي اذا سألني وقال على ماذا تشهد اعرف انا انه سينقطع الكلام وسأتلعثم وساتعرق و ...... و ...... و ..... الخ ارجوكم يااعضاء ان تعطوني الحل وتوصفون لي علاج ودواء مؤقت يعديني من هذه المحنه دواء يكون فعال بسرعه استخدمه في الليل او الصباح قبل اروح للشهادة عشان المشتري المسكين المظلوم وجزاكم الله خير |
زانكس يا اخي وان شاء الله ما راح يصير تلعثم ولا شي ...
زانكس ودعاء وذكر .. وربي ييسر عليك ..قول امين |
أخي الكريم توجد ادويه تذهب الخوف والارهاب منك تاخذ في مناسبات كبيره ..حبه واحده قبل الذهاب بساعه واحده للمناسبات تذهب الخوف عندك انا جربتها والحمدلله احس اني مروقه والاموور ماشيه
يجب ان تصرف بوصفه طبيه اتمني لك الشفااء الدائم اخي الكريم الا بذكر الله تطمئن القلووب |
اقتباس:
ممكن تشرح وتوضح الدواء كم الجرعه ومتى اخذها قبل الموعد مثلا بساعه والا اكثر الله يكتب لنا ولكم العافيه |
اقتباس:
|
ارجو الرد والتفاعل وين الاعضاء
|
الزانكس قبل الموقف بساعتين حبة 25.
|
ولاتكتموا الشهادة
اخي ربنا معاك وانت بتقول الحق وصدقني انا حصلت معي يجيني رهاب بس في المواقف الشديده والحازمه ربي يثبتني انت توكل على الله وربي مابيخيب ظنك |
اقتباس:
اقتباس:
اخوي المجروح مشكور على الرد والاهتمام وان شاء الله جرحك يزول ابشركم اخذت انديرال حبتين والحمد لله وصلنا قبل القاضي وكلام مع الموظفين وسواليف نصف ساعه خففت علي شوي وتمكنت من اداء الشهاده بكل يسر والحمد لله |
انت ذكرنتي بماساتي انا محاميه وظيفتي سكرتيرة قاضي يعني كل يوم طول السنوا الثلاث اللي فاتوا وانا اجازات تفرق اسري(بدون راتب) .والحمدلله بدات الامور تتحسن معاي والله يفرجها بس ماتوقع ارجع نفس مكاني لانه اهو اللي يسبب رهاب القااااااااااااااااااااااااااااااضي تخيل كل يوم وكل لحظه.الله يعين
|
اقتباس:
وكلنا نحتاج الى وقفه صادقة مع هذه الاشياء اللي تكدرنا ولازم نمشي في الطريق الصحييح للعلاج والباقي على الله سبحانه الكشف العام ،،، التحاليل ،،، معرفة حقيقة ما نعانيه ،،، مرض عضوي ،، او نفسي ،، او روحي ،،ثم الدواء ،،، الرقيه الشرعيه === نجاح وعافيه بإذن الله |
جابني
الحمد لله انك توفقت بالمهمه اخوي ربي يشفيك ويشفينا يارب امييييين |
اقتباس:
اول ما وقفت عند باب المحكمة حسيت اني بروح في خرايطها على ما يقولون لكن سبحان الله عندي ميزه مخففه علي شوي وهي اني اذا دخل معي احد في المكان اللي بروح له يخف علي التوتر والاضطراب والحمدلله دقيت على صاحب الشان وقلت تراي عند الباب تعال عشان ندخل سوا والحمد لله على كل حال وان شاء الله يشفينا واياك ومرضى المسلمين ونفتك من الاندرال وكل دواء عاجلا غير آجل يارررررررررررب وشكرا لاهتمامك |
الساعة الآن 12:50 PM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا