اذا في احد عنده تجربة لنفس اللي يصير لي يفيدني
 

السلام عليكم

الله يجزاكم كل خير على الموقع الرائع وجعله في ميزان حسناتكم
انا مشكلتي أني قبل 3 شهور حسيت فجأة وبدون مقدمات انه بيغمى علي وحسيت بنبضات قلبي على جهة اليسار من فوق كتفي
رحت المستشفى بسرعة وقالولي الحمد الله مافيك شي انت بس عندك نوبة هلع
بعدين تطورت الأمور عندي ، انسدت نفسيتي عن الأكل وصرت أخاف كثير اطلع من البيت وأخاف أني أموت ويدي علطول معرقة
وصرت ما اقدر أركز واتلعثم مرات بالكلام وإذا طلعت من البيت رحت الدوام بس افكر ودي ارجع البيت
ماصار ودي أروح مكان مره ولا احب اختلط بالناس أو أصدقائي ولا أسافر مع انه ودي أداوم ودي أسافر ودي اختلط مع اصداقئي بس ما ادري ايش اللي قابضني
عملت مرة ثانية تخطيط قلب وكل شي والحمد الله مافيني شي
انقلبت حياتي راس على عقب
حتى آذا جيت اكل بس أبي اكل عشان الأكل وما ودي استطعم
ماودي اقعد مع زوجتي أو عيالي ، وصرت اذا نمت ارتاح ، أحس راحتي في النوم، ومرات بس ودي ابكي من غير سبب
بس ابي اقعد لحالي وأنام ، وحالة غثيان معظم الوقت لأني أحس انه في شي عالق في حلقي
الحمد الله سويت رقية وارقي نفسي ورحت عند الشيخ
بس الواحد يأخذ بالأسباب بعد
انا ودي اول شي أصنف حالتي
هل هي رهاب او هلع او وسواس قهري او اكتئاب
وايش تنصحوني بالعلاج الدوائي لأني الى الآن مارحت الى اي دكتور نفسي ، ماودي أروح من واحد الى ثاني وأضيع بينهم
انا الحمدالله اجاهد نفسي وأداوم على الصلاة والأذكار والرقية

شاكرين ومقدرين

هلا والله اخوي وما تشوف شر

انا باشخصك ومتأكد من التشخيص 100%
بحكم خبرتي هههههه شرايك مغرور

حالتك طال عمرك نوبات هلع مع رهاب الساح 100% وصاحبها اكتئاب
طبعا هي اذا جت تجي كلها سوى غالبا الاكتئاب والقلق
ونوبات الهلع والرهاب تندرج تحت مسمى القلق وهي من اتواع القلق

والعلاج بإذن الله راح ينسيك شي اسمه قلق

ولا تخاف بسيطه جدا جدا ونسبة الشفاء بإذن الله 100%

اذا كنت من اهل الرياض فانصحك بعيادات ميدي كير
الدكتور ماهر بغدادي

يعطيك العافية اخوي فيصل
وإنشاء الله الإخوان ما يقصرون بالآراء
وإذا تقدرون تفيدوني كيف أبدا العلاج
وإنشاء الله دعوة بظهر الغيب لكل من يسعى لمساعدتي

للعلم انا من أهل الدمام

طيب رح الصيدليه طال عمرك واخذ سيبرالكس 10 مج
واكل نص حبه يعني 5مج 4 ايام ثم حبه كامله لمدة 4 ايام
وبعدها ارفعها الى حبتين حبة الصباح وحبة المساء
يعني يصير المجموع 20 مج فاليوم واستمر عليها شهر اذا تحسنت استمر 6شهور او 9شهور افضل
واذا ما تحسنت بعد شهر انتقل لسيروكسات لانه اقوى من سيبرالكس
وانتبه تترك العلاج بدون تدرج لانه يسبب اثار جانبيه

ماقصرت اخوي فيصل
طيب شرايك أروح الدكتور ؟
او مايحتاج
وهل في اي حاجة غير الدواء تساعدني
ومتى يحس الشخص عادة بعد استعمال الأدوية انه في تحسن ؟
أسف أني كثرت بالأسئلة
بس والله أني عليمي وأول مرة تمر علي هاذي الحالة
أهلي طبعا كل شوي ينصحوني ابتعد عن الأدوية ترا هي إدمان وآثارها الجانبية كثيرة
انا أقولهم ترى حتى البندول له آثار جانبية
شاكرين حين استماعكم

والله شوف وانا اخوك تروح دكتور افضل
لان فيه طرق ثانية غير الدواء اللي هي العلاح المعرفي السلوكي
يعني جلسات مع الجكتور ويعلمك كيف تتعامل مع القلق والهلع
ولكن الادوية تساعدك وتريحك وليست ادمانيه ابدا وتخليك ريلاكس وتعرف تتعامل مع القلق
صحيح لها اثار لكن اكثر الاثار تختفي بعد اسبوع الى اسبوعين
وهي على فكره امنه
وعلى كلام طبيبي اللي اراجع عنده يقول السيبرالكس نعطيه حتى الي عمره 90
وبالنسبة للتحسن يبدأ من اسبوعين الى 4 اسابيع كحد اقصى
والسيبرالكس بحكم تجربتي للكثير من اﻻدوية هو اسرع مفعول من غيره احتمال بعج اﻻسبوع اﻻول تتحسن

وسلامتك

معليش اﻻخطاء اﻻملائيه اكتب من الموبايل

يعطيك العافية فيصل تعبناك
بحاول أروح لدكتور
والاه بكتب لي الشفاء إنشاء الله
ادعولي

السلام عليكم
ماقصر اخوي فيصل وافادنا بنصائحه المفيدة
وانشاء الله مايقصرون باقي الاعضاء
اذا تقدرون تفيدونا بتجاربكم لحالة نفس حالتي او مشابه
وماخاب من استشار
شاكرين ومقدرين مروركم

فيصل فريح اخوي الغالي انتبه من من الكلام هذا


ياخي ما يصير توصف دواء اجل الدكتور وش فايدته


ياخي لا تترك نفسك لعبة تجرب ادوية من غير تشخيص دكتور فاهم ومستمع لك حتى يعرف حالتك

وعندي سوال لخوي فيصل فيصل ابي تجاوبن كيف نوبة هلع

يعني رجال ماشي طبيعي فجاة لا مقدمات تجيه نوبة هلع

بنت الظبي نفس حالتي حاليا بس اقاوم

والسبب اني دهنت نفس بزيت مقري مع مسك

خايف وارجف وضيقه ودموعي على خدي وقلبي بيطلع من مكانه من الرجفة

الله يعينا شفيق

والله اهلي يسألوني شو صاير ...

اقولهم احس بخوف ... مستغربين خوف من شو ...

الله يارب اتعيني قولوا آمين

حسبي الله عليه توكلت وهو رب العرش العظيم