اللقاح والوسواس والجلطات سيقتلني اليوم قبل بكرا
 

السلام عليكم انا اخوكم الغاضب عضو قديم بالمنتدى منذ 6 سنوات ، سحبت على المنتدى منذ فترة طويلة جدا وكنت حريص على المشاركة فيه لكن بسبب ظروف للحياة لم ادخل للبرنامج مصاب بنوبات هلع شديدة اكتئاب ووسواس موت عنيف طبعا طول فترة غيابي ما اخذت ادوية عشاني لا اومن بفعاليتها كثير وبما اني مغترب واعيش لحالي لمدة 3 سنين تقريبا عشت بجحيم لا يطاق من الخوف والهلع وسواس الموت واحساس ان للجلطة راح تجيني بأي لحظة لحالي واني سأموت غير ظروف للحياة لللي قصمت ظهري ودخلتني بحزن كان للخوف وللهلع يطاردني طولل للوقت لدرجة اجاني قولون عصبي من كثر للضغط واي واحد بالمنتدى اقسم بالله حاس بمعاناتك هذه للوسواس جاني من الثانوية لين الجامعة دمر حياتي وشبابي حرمني من اني انبسط وافلها واستمتع بحجة يمكن اموت لو سويتها ويمكن ويمكن وكان كل نوبة هلع يتمكن مني واقول بموت خلاص ، المهم بعد سنتين رجعت لاهلي من الابتعاث والضغط رجعت لاهلي واصابتني كورونا عند وصولي وكنت صابرا ومحتسب ولا افكر بالوسواس الذي كان يقول لي هذه نهايتك وقاومت وشفيت من كورونا ولله الحمد رغم اني اعاني من اعراضه لحد الان ، انا من معارضين اللقاح يا اخوة وكنت دايما اقول مناعتي بتغلب الفيروس لو جاني لانها مناعة ربانية وفعلا بفضل للله غلبت الفيروس لكن قبل 5 ايام اخذت اول جرعة من اللقاح بينما كل. من اعرفهم اتمم جرعاته والسبب يا اخوة مؤمن ان هاللقاح مافيه خير ابدا اقسم بالله كنت اضل على تويتر اقرا واشوف ما توقعت اني باخذه غصب عني وكنت اعاهد اللله ما ابي اخذه لاني مصاب بوسواس الموت والهلع فاذا اخذته ذي نهايتي فعلا ، وحدثت الطامة واخذت جرعة وحدة فقط واقسم بالله ما ادري 5 دقايق وانا طايح بالارض ويقولون لانك ما اكلت ولا نوبة هلع فحصوني قالوا كل شي عندك سليم مافيك شي ،، المهم جتني اعراض اللقاح من تعب وحرارة وغيره لكن ارجوكم ساعدوني يا اخوة من 5 ايام وانا انتظر واحسب الموت متى بجي والجلطة القاتلة واشوف كل يوم تويتر والاخبار واضراره اللقاح والله الخوف يصير مليون خلاص ما اقدر اشيل من مخي ان في شي جوا جسمي ممكن يقتلني باي وقت ضليت محافظ طول السنين على جسمي واخرتها مدري وش دخل جسمي وبقتلني وعندنا. ااخ بالمنتدى اتته جلطة من ورا هللقاح والله يا اخوة ما رجعت اكتب للمنتدى ورجعت اقرى مواضيعه من اسبوعين الا بسبب هالشي. مو قادر انام ولا اعيش وعشت بحالة خوف واكتئاب غير خفقان القلب اللي جاني من وراه يناس راسي بينفجر انا وش سويت بحالي وانا ليش اخذته وانا عندي خوف وهلع ما تعالج والله والله احس اني ندمان وخايف ومنتظر متى بنجلط خلاص دخلت بأكتئاب ولا مبالاة ومهما خففت عن نفسي ما راح يفيد لان في شي جوا جسمي يمكن بقتنلي قريب ولا مستقبلا وسوالف تويتر زادت علي يقولون خلاص الموت جايك بعد كم شهر ولا اللقاح له مدة ويقتلك كل ما قلت لحد يدعي ويقول ما تشوف شر ومن هالكلام احس الناس ما صرت تهتم مالي دخل فيك اهم شي انا اعيش وانت انقلع طولت عليكم بالكلام بس والله ما كتبته الا وانا وصلت حالة الحضيض ما عمري وصلتها حسبي الله ونعم الوكيل يارب وش اسوي بحياتي الحين معرف ابكي قهر ودم ولا اقطع نفسي حسبي الله بس

هذا من الوسواس يا خوي يا غالي
طمن روحك أبد ما يجيك شي بإذن الله . و الله أقوى من الفايروس اللي بهذل العالم و ترجع الحياة لطبيعتها

أهلي كلهم خذوا اللقاح و أنا من ضمنهم . اللهم أنا جاني شي لا يعلمه إلا الله من الجرعة الأولى و الحمدلله عدت و ما أدري هو من اللقاح أو نوبة لأن نوباتي كثيرة و متعددة و شلت من راسي آثار اللقاح و الحمدلله عدت على خير و شفني قدامك بخير .

أهلي أستغربوا من حالتي و صاروا يقولون مو من اللقاح إلا نوبة لأن كلهم ما صار لهم إللي صار لي و أبشرك أنا أتممت الجرعتين على خير . الجرعة الثانية أبد ما شفت منها من آثار و المرجح إنها نوبة صادفت أخذي للجرعة الأولى

حتى من شدة النوبة صرت أقول هل إسرائيل ياخذون اللقاحات و طلع صحيح ياخذونه و العالم أخذته و تطمنت زيادة

مبروك اللقاح و الله يجعلها نافعة غير ضارة و لا يوكلك عليه

ما على قلبك شر بإذن الله

ياخوي انت مشكلتك وسواس ... ونصيحه لاتقرأ نهائي ... ومن تحدثت عنه انه اصيب بجلطه هو انا لكن ليس بالضروره ان تكون من اللقاح مع ان الجلطه حدثت بعد الجرعه الثانيه ب اربع شهور ... واكرر هذا لايعني انه من اللقاح اناس كثيره اخذت الجرعتين وهم بخير وامان ان شاء الله ... ربما تكون هناك حالات نادره جدا جدا جدا
اذا قلنا ان السبب هو اللقاح .... الامر الاخر طالما انك تتعذب من نوبات هلع وقلق ووسواس ياأخي ارحم نفسك واذهب الى طبيب متمكن وعد للدواء النفسي
على الاقل يخفف من قلقك وافكارك

حبيبي ابو نجلا ما تقصر بس كل يوم قاعد اتعب زيادة والله ومو مرتاح ابدا بجهة القلب اللي اخذت منها اللقاح غير التفكير 24 ساعة احس نفسي تعبان زيادة والفحوصات سليمة بس لسى مو مقتنع غير الخمول والتعب معرف شسوي صراحة

اهلين اخوي البارق وحمدلله على سلامتك يارب ما تشوف شر
والله قاعد اقنع نفسي كل يوم بس مو قادر للاسف وللخوف والقلق يزيد لان صرلي اسبوع ولسى احس بتعب بعد اللقاح وزايد علي كلشي معاه خمول وجع معدة تعب وجسمي مكسر ، والله قاعد افكر باالطبيب بس متخوف من هالادوية حيرة وتعب مو طبيعي

الله يخليك وتسلم

ياأخي توكل على الله سبحانه وعد للدواء النفسي ... طالما انك تعاني بهذا الشكل فأرجو منك ان تكون نفسك وحياتك عزيزه عليك
والانسان لن يعيش مرتين والحياة قصيره ... يجب ان تتطبب وتستمتع في حياتك حتى لو تحسنت على الدواء 40% فهذا شي طيب
وأسأل الله لنا ولك العفو والعافيه وطول العمر على طاعة الرحمن

يا أخي لا تخاف من اللقاح لأنه كل البشر على كوكب الأرض أخذوا لقاحات كثيرة لغير مرض الكورونا وفكرة اللقاح هي فكرة موجودة منذ قديم الزمان وليست اختراع ماسوني صهيوني نيجيري كما يصوره بعض

ولو فيه احد من اقاربك كبير بالسن اكثر من 70 سنة اسأله ماذا فعل بكم مرض الجدري وكم كان يقتل من بشر فهذا المرض اباد حضارات وشعوب بأكملها وهزم جيوش جرارة ولو لم يتم ابتكار لقاح لمرض الجدري لكان عدد سكن الارض اليوم ليس 7 مليار فلربما يكون 2 مليار انسان !!
ولا تصدق اصحاب نظرية المؤامرة فأغلب ما يتحدثون عنه كلام سكارى وحشاشين ناسا تتآمر علينا والارض مسطحة وعين السمكة مع اني اكاد اجزم لو اخذت اصحاب نظرية الارض المسطحة الى الفضاء في صاروخ وشاهدو الارض لقالوا عيوننا عيون السمكة


والنقطة الثانية نصيحتي لك لا تتأخر في استخدام العلاج النفسي ولا توسوس كثير فأغلب ادوية الاكتئاب الحديثة اعراضها الجانبية معدومة ولا تسبب اي اثر خطير على الجسم حتى ولو استخدمتها لفترة طويلة

انصحك شخصيا ان تبدأ في استخدام علاج لوسترال فهو علاج ممتاز جدا للوسواس والخوف والهلع وهو من أقل الادوية في احداث الاعراض الجانبية وأقواها مفعولا على الوسواس والخوف والرهابات بكل انواعها

وصدقني انت لن تستمر على الدواء طول حياتك بل الدواء سيساعدك على تخطي مشاكلك وتحسن نوعية حياتك وصدقني استخدامك للدواء لن يزيد عن سنة الى ثلاث سنوات وبعدها ستستطيع وقف العلاج بشكل تدريجي وتعود حياتك طبيعية مثل ما كانت عليه بإذن الله

طبيب مصري شهير في بريطانيا يعرض حياته للخطر ويفضح أسرار شركات اللقاح وشركات الأدوية

https://www.youtube.com/watch?v=vdCeRzpzGrg&t=2s