الحمدلله لك يارب وشكر خاص للدكتورة دلال الردعان
 

السلام عليكم
انا تميت اتعذب شهرين من الوسواس
ضعت حسيت اني بعالم غير الناس صرت مينونة
بعد ولادتي بأسبوع حسيت بهالشي وسواس بالموت
وأمراض وان ربي ماراح يغفر لي وجمل تكفيرية تمر في بالي
ووساوس عن ربي والعقيدة وامور صعب اقولها وايد غلط عن ديني
المهم كنت منهارة ضايعة بين المشايخ والطب النفسي
اي لاتنصدمون انهرت وقمت ابجي وودتني امي الطب النفسي طوارئ
كلمت دكتورة وعطتني حبوب بس قطيتهم بالزباله تكرمون لان قلت يعالج طبيعي
موبحبوب

المهم تميت منهارة تعبانة ابجي أحس ربي ماراح يغفر لي وراح اتم مينونة

الحين بكمل

رحت مرة أمراض نسا وشافتني الدكتورة تعبانة
وحولتني الإنماء الاجتماعي عند دكتورة ماني ذاكرته اسمها

بس تدرس بالجامعة ومعروفة ووصفتلي حبوب سبرالكس
وغلط تصرفلي لانها معالجة مو طبيبة وخذيتهم من المستوصف
وتميت اخذهم 3اسابيع

نسيت اقول لكم قبل مااروح لها بجم يوم انهرت ابجي أحس راح اموت
تعبت ووداني زوجي الطب النفسي طوارئ وعطوني حبوب
طبعا الدكتور مافادني بشي حبوب والسلام عليكم
ومن خذيت الحبتين الله لايوريكم
كنت رايحة بيت أهلي وانا اسوق السيارة معاي عيالي
تعبت بالدرب بالغصب وصلت وطحت على أهلي وأقوم أضرحة اقول لابوي تعبانة
ويدق على زوجي وياخذني وانا تعبانة مااشوف ورحت المستشفى
الحمدلله ربي ستر علي وقلت بيني وبين نفسي يارب مابي الحبوب
كافي انت معاي
المهم قلت لها عن الدكتورة الي صرفتلي السبرالكس للاسف كانت جاهله الحبوب..بعد

3اسابيع من استخدامي للحبوب قالتلي فيج اضطراب
ووسواس قهري انصحج تروحين الطب النفسي
لان السبرالكس مايعالج الوسواس
طلعت منها منهارة ابجي امشي بالشارع خايفة ومابي السبرالكس
كرهته لان قريت انه يضر بالمخ وانهرت وبليل كلمت
الدكتورة دلال الردعان بتويتر وقلت لها ابيها بموضوع
وثاني يوم الظهر قابلتها
الحمدلله ربي سخرها لي
منعتني من السبرالكس وقعدت معاي تقريبا 40دقيقة

ماقصرت والله وقالتلي انتي بخير وازمة وتعدي

وقالتلي راح أوقف،معاج لان توقفين على ريلج
وحدي ارتحت لان حسيت اني ضايعة
وكل الدكاترة حذروني اني اترك السبرالكس
قالولي راح انهار بس اهيا نصحتني بحبوب سات جونز وورت
أعشاب طبيعية وصج خذيتهم نفس اليوم وقطعت السبرالكس
وبعد عالجتني وحدة بالطاقة بس بالتلفون
وبعدها باسبوع من الحبوب الحمدلله تحسنت
مرتاحة أحس اني بخير

الحمدلله حسيت بأنشراح بصدري

لان مصدر الوسواس أهو القلق والقمتة
والحبوب تعالج الضيقة والقمتة والقلق
وان راح القلق تروح الافكار السلبية
انصحكم بحبوب سات جونز وورت
والله من تركت السبرالكس وخذيت سات جونز تحسنت
الحمدلله
واشكرج يادكتورة دلال الردعان ماقصرتي معاي وقفتي معاي وقفة ماانساها

الحمدلله ع السلامة .. والله يتمم عليك يارب
استمري للأمام واعتبري المرض صفحة وانطوت ..
واعملي ليومك ومستقبلك والحقيقة ..
أول مرة اشوف عضو أو عضوة تشافى من الوسواس ..
بس الدواء اللي ذكرتيه اين أجده ؟!

الدوا موجود بالصيدليات
بالعكس اعرف وايد تشافوا الحمدلله
3من رفيجاتي جذي
ووحدة بمنتدى ثاني نفس الحالة 6شهور

تعاني من الوسواس بعد هالدوا تشافت تماما وقطعته
الحمدلله
انا ماتوقعت اتشافى كنت انام نص ساعة او ساعة باليوم
وأقوم مفزوعة قلبي يرقع ارجف ابجي أحس راح اموت
واكثر شي كان يتعبني الوسواس بربي
والحمدلله تحسنت واااايد
اهم شي لازم الشخص يقوي قلبه ويقول انا زين
انا بخير ويشغل نفسه
وانا ضد ادوية الاكتئاب
والدكتور كاظم ابل يقول علاج الوسواس الاقناع
والحبوب ابد مو علاج لانها تخدر
وسألته عن حبوب سات جونز قال مالها أثار جانبيه مجرد اعشاب

وحطوا في بالكم ان الاكتئاب يؤدي للوسواس
لان الضيقة تؤدي للأفكار السلبية
الانسان المرتاح نفسيا تفكيره يكون ايجابي
وهذا اللي صار معاي خذيت سات جونز حسيت براحة
وانشراح وسعادة الحمدلله وراح كل شي سلبي

للمعلومية أنا وقفت كل الأدوية ..
اللي هي مجموعة ال ssri وابغى ابدأ من جديد
اشوف وضعك لاح لي في الأفق ..
بسأل عنه اليوم واشوف ..
يعطيك العافية أختي

الله يعافيك
زين سويت انك وقفت الحبوب لان الحبوب هرب مو علاج
انا تعبت من السبرالكس
ولاتخاف اذا وقفتهم فجأة انا نفس اليوم وقفته وبديت بيانات جونز
والصيدلاني قال اذا خذيت سات جونز جني درجت للسبرالكس
صدقوني راح تحسون براحة والنوع اللي خذيته كان غطاه من فوق اخضر
لان عدة شركات تسوي هالاعشاب وقالي الصيدلاني ان والنوع أقوى تركيز
للسات جونز

اذا انت بالرياض تنباع بمركز رمال أتوقع اسمه
وأعتقد موجود بالصيدليات
انا بالكويت والحمدلله متوفر

حبيت ابشركم بتجربة وحدة كانت تعاني مثلكم والحمدلله تشافت
وتوها طرشتلي هالرسالة الله يتمم عليها
صباااح الورد

الحمدلله ع سلامتج
استانست اليوم من دشيت النت
ابحث عن الوسواس القهري وطلعلي موقع نفساني
ونفس نكج بكويتيات
وشفت نتيجتج مع السانت جونز

ويارب يتمم عليج الصحه والعافيه

وانا بعد استخدمت هالحبوب بعد ما قلتيلي عليهم وبنفس الوقت مارست التطنيش وقمت التهي باي شي

وما اقولج صرت توب بس الحمدلله احس اني خفيت وقمت التفت حق نفسي مو مثل اول

حلو حلو حلو السانت جونز مررره بعد الله فعلاً اسال الله لك راحة تدوم

وانتي تعبتي بعد الولادة يعني ارقي نفسك وحللي حق الغده بعد .

حصلت اللي ذكرتي لي اياه وحصلت نفس الدواء بمسمى بروكالميل ..
اللي هي عشبة القديس سان جون اقراص بنية اللون 250 ملجم سعره 65 ريال
تقريبا 5 دينار بس انتاج جديد من نفس الشركة ..
أضفت لها كالترات وهو مكمل كالسيوم + فيتامين دال ..
وسيتم التجربة ^_^

عفيه عليك زين سويت
عندنا بالكويت ب9 ونص
وصح لونهم بني حبتين بليل

صدقني خلال اسبوع راح تحس بأنشراح مع ان
حالتي حيل صعبة كانت بس الحمدلله
بس ترتاح نفسيتج راح يرتاح عقلك

انا اللي عندي 900ملي جرام
قالي الصيدلاني اعلى نسبة تركيز فيه واخذ حبتين
والعلبة فيها 90حبة

انت استشير الصيدلاني جم حبة مسموح تاخذ

ماشاء الله مسويه دعاية في كل المواضيع لعشبة القديس ..هههه
سؤالي بس متى يبدأ مفعوله ؟! وهل يحتاج مدعم ليكون أقوى ع الوسواس
بعدين بسلامتك يارب عندك اكتئاب ؟
أنا بصراحة سمعت عنه كثير والبعض يقول انه ينتهي مفعوله ويصبح
ليس له تأثير .. والله يتمم عليك يارب .. أخوك نديم

هلا نديم والله مريت بحالة مابي اشوف غيري
يعانيها الله يشفي الجميع ان شاء الله
انت اخذ الحبوب 900ملجم واسأل الصيدلاني
ولو تشرب أعشاب بالبداية مثل ينسون او بابونج
حلو يهدي اعصابك
راح ترتاح بعدها بشهر
بس اول اسبوع راح تحس براحة وانشراح
واهم شي تقوي قلبك.
قول انا بخير
انا زين