|
الحمدلله شفيت من الرهاب بنسبة 100/100
اخواني الاعضاء السلام عليكم ورحمة الله وبركاته
يعلم الله انني ا كتب الان وانا في تمام الصحه والعافيه من الناحيه الرهابيه وهذا بفضل الله عز وجل الحمدلله ثم السيروكسات معاناتي بدات منذ اربع سنوات حيث اذا حضرت الاجتماعات ابدا بالارتباك والاحمرار ووجهي يقلب الوان قوس قزح كنت اخاف احد يتمسخر علي اذا جلست مع الناس كنت دائم الخوف والارتباك وكنت حريص على حركاتي وشخصيتي لكي لايلتفت علي الناس تخيلوا ياناس زواج اخوي ماقدرت احضره كله بسبة الخوف من الناس المهم ذهبت اتعالج عند الدكتور حمود العبري عن طريق التقنيه النفسيه وطلعت كلها خرابيط في خرابيط وذهبت الى عياده للعلاج السلوكي اعطوني تنويم ايحائي والعلاج بخط الزمن ونفس الشي كلها خرابيط في خرابيط اخر شي كنت افكر فيه العلاج بالسيروكسات كنت اخاف من الحبوب واخاف من كلام الناس عنها يقولون تجيب الخمول والكسل والنوم والانقطاع عنها يسبب تعب للجهاز العصبي استمريت على حالة الرهاب مدة سنتين اضافيه مااقدر اقابل احد والناس تعتبرني واحد مسكين لدرجة واحد من اخواني قال لي بالحرف الواحد انت كنت جرئ وماتخاف والحين اللي يشوفك كانك عندك حاله نفسيه انا بصراحه كنت حساس لدرجه جنونيه المهم يوم من الايام انقهرت وانفجرت وقلت باستعمل السيروكسات وااللي يصير يصير ذهبت الصيدليه وانا خايف ومرتعش لقيت الصيدلي فيها ناس كثيرين انتظرت لين طلعوا الناس ورحت للصيدلي واخذت العلاج العلاج طبعا سعره 162 ريال المهم استعملته اول يوم ماجاب نتيجه بصراحه لانه باقي مااختلط العلاج بالجسم لكن من ثاني يوم بديت اتغير صرت اروح واقابل الناس وصرت العب كورة وصرت انسان رياضي وقسما بالله يااس كاني ولدت من جديد جرااااءه لدرجه ماتتخيلونها الحمدللله هذا كله بفضل الله ثم العلاج اقولكم الحبوب تاخذونها بالتدريج نص حبه وبعد يومين حبه وبعد اسبوع حبتين ولازم تستمرون على العلاج المهم احمدلله اني رجعت شخص طبيعي ولله الحمد للتواصل معي والاستفسار [والسلام عليكم |
هلا بك امير الوفااا بينااا .. الحمدلله عالسلامة .. ماتشوف شر يهمني اعرف متى حصلت على الشفاء التام من بعد مااخذت العلاج كم مدة العلاج؟؟ دمت بخيرررر ,, |
الان بصراحه اتوقع لي اسبوع ونص او اسبوعين
|
هههههههههههههه مااااااااااشاء الله وكم ملجم تاخذ؟ |
شوفي اختي
باقولك على شغله العلاج مو زين انك تاكلينه على طول حبتين من اول مره كذا يقولون غلط لكن انا بصراحه بدات اول يوم حبه واليوم الثاني حبيتن اقول للاعضاء لاتقلدوني ماعليكم فيني لازم انكم تاخ1ونه بالتدريج واذا وصلتوا على حبتين بعد اسبوعين وقفوا وخلاص لاتكثرون وان شالله انكم تطيبون على فكره الحين صرت انا اطارد الناس من مكان الى مكان ومن مناسبه الى مناسبه عقب ماكنت اخاف واحد من اصحابي قال ماتلاحظ انك بديت تنشبلي ضحكت بنفسي وقلت ههههههههههه هذا عقب ماكنت انا انحاش عن الناس على العموم انا الان يااعضاء صرت رياضي وصرت راعي سوالف حتى لو كذب <---- صريح الكذاب واحمدلله اني رجعت مثل ماكنت لا وازيدكم من الشعر بيت في الدوام حطوني مشرف على مكتب صغير فيه ثلاثه موظفين وتعالوا شوفوا القياده الاداريه طبعا انا ماني نذل لا بس احس نفسي اني كفو للمكان اللي انا فيه على العموم انا رحت بعيد الموضوع اكرر واعيد الحبوب لازم تاخذونها بالتدريج وشكرا |
واللهِ من فرحتي كأني مبشر بولد
أمير الوفا أهنيك جد وأهني أصرارك ومثابرتك ونجاحك أنت دليل حي لعل وعسى يثير كل من يعاني على النهوض والاصرار على العلاج انت مثل الي اعطوه عمود قفز يركزها فالارض حتى ترفعه فوق خمس امتار , جربتها من دون ماتعرف اساسيات التدريب وتعثرت وفشلت حتى ركزتها مع التكرار وقفزت حر لسماء الدنيا اذا تتكرم وتسمح لي بكلمة اوجهها للقراء من خلال صفحتك , لا تستخدموا علاج دون اشراف طبيب مباشر ,,,,, امير اي نوع من السيروكسات اسنخدمت وكم اخذت وقت تستخدمه؟ العلاج السلوكي هل حولت له وانت تستخدم السيروكسات |
مااشاء الله علييييك بس اخوي لاااااازم ماتوقف العلاج نصيحه اسمعها مني تحمممل توقف العلالالاج بعد اسبوعين على كيفك مثل مابديت بالتدريج لازم توقفه بالتدررريج لمدة شهر عالاقل تابع الدكتور نصيحه لانه الاعراض الانسحابيه للسيروكسات قوية انا ماجربتهاا من سامعتها من نااس وااجد ادعيلي ان شاء الله افتك من الاكتئاب انا مافيني رهاب الحمدلله بس داشه الموووضوع لقافه ههههههههه |
اهلين ثموري حبيبي والله لك وحشه وين الناس زمان مااشوفك <_-- سلامات من متى المعرفه الله لايبلانا
اهلين ثامر شوف انا باكون معك صريح العلاج اخذته من صيدليه والله لاطبيب ولا دكتور انا انسان مااحب الفضايح واروح للدكتور اترجاه اقول انا عندي رهاب عالجني المهم شريت الحبوب وعلى طول من جات في يدي حطيته في فمي بعدين السيروكسات اللي استخدمتها الكرتونه حقتها تهبل الوان فسفوريه مدري بنفسجي والله فله اول ماتاخذ الكرتون تبتسم وتطلع اسنانك من الفرحه بس ماادري وش اسمها انت روح للصيدلي وقوله ورني انواع السيروكسات واحلى كرتون اشتره وماجاك عندي |
اقتباس:
اها مو مشكله على العموم اختي انا قرات في التعليمات حقت الحبوب انها مضاده للاكتتاب اقصد الاكتئاب اتمنى لك التقدم |
اعتقد الي تستخدمه سيروكسات 25 gm
اوكي وضعك حلو وواصل عليه لاتقطع العلاج الآن توك بادي بقولك شغله لازم تاخذها بجد وبعين الاعتبار مهم جدا تتواصل مع دكتور الان وتشرح حالتك مو شرط تجيه العيادة بس بتلفون اذا تعرف دكتور ممتاز زين على زين ماتعرف دكتور متمكن انا اعرف لك انسان ملاك فوق ماهو دكتور لمن تشرح حالتك ووضعك الممتاز الان خليه هو يحدد لك متى توقف العلاج وحالتك ماتحتاج لعلاج سلوكي انت الاعتقادات الثابتة عندك ماتغيرت اساسا لكن الرهاب احجمها وخلاك تتصرف تحت حكم الرهاب ولما خرجت من جلباب الرهاب بداْت ترجع على طبيعتك |
الحمدلله على سلامتك وطهور ان شاء الله
|
اقتباس:
اوكي اخوي ثامر اتمنى انك تخليني اتواصل مع زميلك الدكتور ارجوك رد بسرعه |
بارسلك رسالة تصل لايميلك فيها كل ماطلبت
|
ماشاء الله تبارك الله
انا استخدمت السيروكسات وفعلا حلو ولكن له اثار جانبية بالنسبه لي بغيت استفسر لو سمحت .... بخصوص خط الزمن والحرية النفسية ليش تقول عنها خرابيط ؟؟ هل فعلا ً ماتجيب نتيجة ؟؟؟ لان ودي اجربها ارجو الرد بأقصى سرعة لو سمحت |
مرحبا اختي
|
| الساعة الآن 09:52 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا