انا عايزة اللي بيعانوا معاناتي يساعدوني😕
 

عايزة اقولكوا أن الوسواس كان جالي من سنين وكان بيروح ويجي علي فترات
لما رجعلي من حوالي 4 شهور كانت نتيجة صدمات نفسية وإحباط
المشكلة أن لما برجع الي حد ما كويسة أي حاجة تصدمني تاني او اي مشكلة تحصل بتعب تاني والإحساس بيرجعلي تاني وبحسه مختلف المرة دي
وهل الإحساس ممكن يروح ويجي علي مدار اليوم؟
تاني حاجة انا ساعات بشوف حاجات ف احلامي حدث معين مثلا والاقي شبيه ف الواقع قدامي بخاف من الموضوع دا وقعدة افتكر أي حلم شوفته والمشكلة أن كان في أحلام بتضايقني
تالت حاجة انا بقعد اقلب في صفح الناس اللي بيحصلها حاجة وساعات الاقي نفس البوستات ونفس التفكير وبترعب من الموضوع دا
دا طبيعي بيحصل لحد؟

انا مثلك من اربع سنوات تقريباً يخف ويشتد وهالفتره زايد مره والحمدلله ع كل حال
طبيعي بعد اي صدمه يزيد لان اساساً احنا شخصيات قلقه ف نتاثر بسرعه
وبالنسبه لانك تبحثين ف البوستات وكذا
انا اجلس اتذكر اشخاص توفوا الله يرحمهم واراجع كل تصرفاتهم وافعالهم وكلامهم واقارن بكلامي وبتصرفاتي
حاولي تطنشين اكثري من ذكر الله اشغلي نفسك باي شي (يرضي الله طبعاً) لا تستسلمين للافكار وانا اختك
والله يشفينا ويجمعلنا بين الاجر والعافيه يارب

ربنا يكرمك ويطمنك
انا بحس أن اللي بتكتبيه كله ع المنتدي متقارب مع حالتي
ربنا يشفينا جميعا يااااارب
كان عندك حد من اهلك عنده نفس الوسواس؟

امين الجميع يارب
اي فيه ناس من اقاربي جاهم من زمان سبحان الله
ومع كذا اجلس معاهم واسمع نفس اعراضي لكن بنفسي اقول لا انا غير عنهم اعوذ بالله من الشيطان

ايوة عادي الاحساس بيجي ويروح علي مدار اليوم وعلي مدار الايام
شوفي انا عودت نفسي لما التعب يزداد علي مش بقول المره ديه مختلف يبقي الاحساس ده صح لا بقول ديه ازمه وانا في قلق وزي ما عدت قبل كده هتعدي المره دي وهنشغل بحاجه تاني وانسي
بالنسبة لما سالتي ريما علي اذا كانت تعرف حد عنده الوسواس انا كنت قرات ان الوسواس ده وراثي للاسف
بالنسبة لبوستات الناس علي الفيس ناس كتير تلاقيها تكتب عن الموت وبيبقو عادين مش خايفين ولا في بالهم انا عندي ناس كده بايتنرار ينشرو عن الموت بيتعبوني نفسيا والله بس احنا علشان موسوسين بنتاثر
سؤال بس احلامك انتي قصدك بتحلمي بالحاجه قبل ما تحصل يعني ولا ايه

اه يعني ممكن اشوف حلم مثلا عن وحدة صحبتي ونتكلم اجي ابص الاقي تاني يوم بعتالي علي الفيس حاجة بالرغم ان احنا ملناش علاقة ببعض
والحاجات دي بتخوفني جدا
وبتخليني أخاف من الأحلام واقعد اقلب ف الاحلام القديمة وافتكر إشارات دماغي تعبت من القلق دا بركز ف أبسط التفاصيل
وبيجيلي أحاسيس غريبة وبخاف منها جدا بيحصلك كدة؟
الأحاسيس ممكن تفضل موجودة بالرغم ان بحافظ على الاذكار دا بيبقي طبيعي؟

شوفي موض الاحلام ده من الغيبيات اللي لو الواحد شغل نفسه بيها بيتعب جدا يعني انا زيك برضه اقعد افتكر احلام من كذا سنه واقول احسن يكون معناها سيئ
بالنسبة للاحلام اللي بتقولي عليها بتحصل كتير لكل الناس علي فكرة ممكن الواحد يحلم بحد وتاني يوم يشوفه او يكلمه هو الافضل اننا ناخد الموضوع ببساطة ومنفكرش فيه انا بقيت بحاول اعمل كده ده فيه ناس معندهاش وسواس وبتحلم احلام تشيب والله
حاولي تتجاهلي التفكير في الاحلام انا كلامي ده لنفسي وليكي لان انا مفيش حاجة مسببالي الوسواس الا الاحلام
بالنسبة للاذكار انا من قبل الوسواس محافظة علي اذكار الصباح والمساء والاستغفار والتسبيح ولازم اقرا قران قبل ما أنام ورغم كده ده مش مانع الاحلام ولا الوسواس احنا نواظب عليهم وربنا يعينا

ربنا يطمنك ويسعد قلبك يااارب
انا قبل الوسواس بشهور كنت بدأت أحافظ علي القراءن كل يوم والأذكار وقربت من ربنا بس حصلتلي ظروف وتعبت جددا فجالي الوسواس لما بسيطر عليه بيجيلي من نواحي تانية بإحساس جديد
ربنا يعافينا ويشفينا يااارب

بنات كلنا تقريبا نفس الافكار والمواقف .
ونتزكر احلام قديمه ونخاف من تفسيرها .

اااه فعلا خوف مستمر

كل اللي انتي بتقولي عليه احنا كلنا بنعاني منه انا هلكت من الخوف والقلق جربت كل حاجه ومفيش فايده خالص التغيير لازم يكون نابع من جوانا ولازم إرادة جامدة ومتستسلميش الوسواس ده من اوحش الأمراض النفسيه
على الاطلاق

عندك امبارح مثلا صاحبتي حاطه بوست بيتكلم عن الموت
انا بقى عقلي الجميل قعد ينسج ف خيالات وافكر هحس بإيه ورهبة اللحظة ويا ترى امتى وفين وازاي والخوف استلمني والقلق لدرجة أني بقيت خايفه انام أصلا 😒😒
صاحبتي بعدها نزلت بوست كله ضحك وهزار وكملت يومها عادي وانا فضلت مسجونه فى خوفي وافكاري ...
الناس مش بتخاف من الموت زينا ولا فى بالهم يا جماعه

حاسة انك بتتكلمي عني بالظبط انا بيحصلي نفس الكلام ده ..

وبردو زي ما قالت أنا بقلب ف صفحات الناس واقول يمكن كان قلبهم حاسس واللي بيحصلي ده لاني زيهم واكتئب واخاف .

عندي رأي يمكن نساعد بعض
مفيش واحده فيكوا فاكره اول مره حالها الوسواس كان ايه السبب اللي خلاها توسوس وتقلق يعني حصل حاجه
او صدمة نفسية أو ضغط عصبي أو مشاكل ف البيت او الشغل مثلاً تعالوا نحط ايدينا على اول الخيط ويمكن نقدر نحل حاجه بدل ما احنا هنموت من الخوف كده !!!

كلامك صح وبيعجبني وانا معاكي
نحاول نساعد بعض ..
والله المستعان