للرهابيين فى مصر
 

للرهابيين فى مصر اريد ان نتقابل و نتشارك تجارنا نخرج رحلات
سنكون اكثر تفاهما و اكثر افادة لبعضنا
ما رأيكم ؟؟

انا من الكويت .

لمن فكرتك رائعة . سدد الله خطاكم واسأل العلي القدير ان يوفقكم اخي واخواني من ارض الكنانة .
واسأل الله في هذا الوقت وفي الثلث الاخير من الليل ان يشافيكم واسأله بأسمه الذي ان سئل به اجاب ان يذهب عنكم هذا الرهاب وان يمن عليكم بسكينه من عنده.

آمين اخى لنا ولك و للكل
و انت ممكن برضه تشوف الكويتين الرهابيين وتلتقى بهم
انا اصلا شوفت ناس فى السعودية عاملينها هنا فى المنتدى برضه اعتقد
عجبتنى وقلت اشوف الراهبيين ف مصر ونلتقى

ونورت الموضوع اخى :)

اخى يوسف للأسف المصريين فى المنتدى

عددهم قليل جدًا جدًا ...يعنى ممكن لا تجد تجاوب ...

حبيبت اقولك حتى لا تصاب بالإحباط من عدم الرد عليك ..

يا اهلا بيك
قولى انت موضعك من 2010 انت دلوقتى ايه نظامك ؟ الحمد لله خفيت ؟

الف شكر يا استاذة نوفا واهو الحمد لله :D فى مصرى ظهر وجارى التواصل :)

والاخت احزان الله يكرمك و يشفينا جميعا شفاء لا يغادر سقما :)

وان شاء الله هنفيد ونستفيد يا عبيد الله :) و خلينا على تواصل اهو نتقابل فى يوم
انا ليا صديق عنده رهاب اجتماعى ايضا والصراحة ده بيشجعنى اكتر على الصداقة دى عشان التفاهم والتقبل والتشجيع المشترك احيانا

قولى انت بس تجربتك مع الدواء وهل فى تحسن ؟

ازيك يا يوسف

طيب احكى لى عن حالتك يمكن اقدر افيدك من تجربتى لانى اتحسنت كتير الحمد لله
وهنتواصل ان شاء الله حتى بدون الادارة هبقى اقولك ازاى بس عرفنى ايه وضعك واعراض الرهاب المزعجة معاك

انا معك اخى انا من مصر واريد التواصل معك واريد سؤالك بالنسبه لدواء صفامود مارايك فيه ؟

اذا كان فى الامكان نتواصل ياريت انا عندى 28 سنه

بالصراحة انا معرفوش هو بس انا بحثت لك عنه ولقيت لك النتايج دى
http://www.nafsany.cc/vb/showthread.php?t=61385

http://www.islamweb.net/consult/inde...etails&id=3714

http://www.google.com.eg/search?sour...85%D9%88%D8%AF

واهلا بيك يا عبد الرحمن انا يوسف 23 سنة

انا هحكى تجربتى يمكن تستفيدوا منها وياريت تحكوا تجاربكم
قولى يا عبدالرحمن انت عندك حساب على الفيس بوك ؟
متقولش اسمه قولى بس عندك ؟

بارك الله فيك تعبتك معايا

وعندى حساب على الفيس بس بيتهيالى مش هاتعرف تجمعنى لانه مش عامله بالاسم

قصتى مع الرهاب من وانا صغير كنت خجول بس فقط خجول اتكلم و اخرج والعب ولكن خجول وظل الوضع حتى الاعدادى بدأ بالخجل من النساء و اللبخة وسط الناس و بعدين فى الثانوى لبخة وعدم تركيز بالحصص و خجل من البنات و شبة انطوائية او انطوائية ....

بس كنت اقيم خارج القاهرة جيت مصر وظهر اوى الخجل لان هنا الدنيا زحمة وتقريبا الناس فى كل حتة فاصبح كل خروج من المنزل يصاحبه القلق و الخوف ....

رحت لمحلل نفسى ومكنتش عارف عندى ايه كنت اظنها بسبب الخلافات المنزلية وهو لم يقدم لم نصائح جيدة الا واحدة واشكره عليا كانت بخصوص ان كلامى مش واضح فطلب منى التكلم ونطق حروف معينة وقال لا انا كويس انت بس هدىء نفسك واتكلم براحة
الصراحة انا مشيت بس كنت فى منتهى المضايقة ... بس كانت نقطة تغير لانى فتحت مخى وقلت اومال ايه المشكلة ؟؟؟؟؟

المهم بعد فشل دراسى نجحت الصراحة لقيت نفسى اتحسنت مش قوى بس سنة المهم كل ده وانا بحاول اخمن مشكلتى وبحاول اقاوم لحد ما شفت اعلان عملته وزارة الصحة المشهور بتاع المرض النفسى مش عيب و لا حرام و زيه زى اى مرض اتصل على *** وحطوا رقم ساخن حفظت الرقم و اتصلت بيهم و رحت مستشفى قريبة منى هم حددوها لى والدكتور ده هو اول من فهمنى مشكلتى قالى الثقة بالنفس يعنى ثقتى بنفسى قليلة
ونصحى نصيحة غالية جدا
قالى اتعرف على اصحاب جدد - العب رياضة - اقرأ وثقف نفسك

الصراحة من هنا كانت بدايتى وهكمل قصتى بعد الفاصل :D