اعراض انتكاسه
 

السلام عليكم ورحمة الله وبركاته اخواني وخواتي في الله مثل ماتعرفون انا كنت اخذ بروزاك 20 مل حبه باليوم لمدة سنة ولا اخذت علاج غيره بحياتي اطلاقاً المهم قبل شهرين وقفته لان يسببلي هبوط حاد اول ماوقفت العلاج ماكنت احس بشي عادي مر شهر ولا حسيت باعراض بعد الشهر ونص بدأت ترجعلي نوبات الهلع للاسف وبشكل شبه يومي لكنها على خفيف قبل ايام بدأت ترجعلي نوبات الهلع والخوف والتوتر ويجيني معاها غثيان دوخه وانتفاخ وتشنجات بالبطن وضيق تنفس الي اعرفه ان بعد اسبوعين من العلاج تبدا اعراض الانسحاب وتخف مع الوقت بس انا الي صارلي عكس بعد شهرين من ترك العلاج بدأت ترجع كل اعراض المرض يعني انا رجعت من الصفر للاسف الاعراض الي تطلع بعد شهرين هذي انتكاسه وليس انسحاب هل احد جرب منكم هذي الاعراض هل تختفي او لازم اروح اخذ العلاج مره ثانيه او انتظر اصبر عليها وهي تختفي من نفسها الله يسعدكم الي يعرف او جرب شي زي كذا يفيدني

الاعراض الي احس فيها خوف شديد يصاحبه تشنجات قويه بالبطن وانتفاخ شديد عدم استطاعة اخذ نفس كفايه سرعة ضربات القلب *خفقان شديد خدر بالساق وبرودة الاطراف دوخه وعدم توازن تزداد هذي الاعراض حده اذا كنت بالبيت وحدي تعبت من هذي الاعراض بشكل شبه يومي احس فيها من تركت البروزاك وتطول معاي بالساعات 🥺🥺🥺انا اعيش بعيد عن اهلي ومعي زوجي بمنطقه نائية نوعاً ما مجرد مايطلع من البيت يبدا عندي الخوف والقلق وتبدا هذي الاعراض تززيد و تزيد بشكل تدريجي مقدر اسيطر عليها احاول اشغل نفسي ومالتفت لها لكن للاسف ماستطيع كل يوم اقول لنفسي معليش فتره وتعدي لكن احس انها انتكاسه وعوده للمرض من جديد الحمد لله على كل حال

ليست أعراض انسحاب بل هي أعراض عودة المرض

شكراً صامده نعم للاسف عاد لي المرض والحمد لله لي اسبوع رجعت اخذ حبيب قلبي البروزاك 😂😂بعد انقطاع شهرين اخذت موعد عند دكتورتي وللاسف مافي عندها مواعيد ورجعت اخذ الي باقي عندي من بروزاك والحمد لله اختفت الاعراض

اسم الله على قلبك
لا تتركي دواء دون استشارة طبيب
شفاك الله و عافاك و آمن قلبك🌷

اختي هذه اعراض المرض وهي انتكاسه وان حصلت مع المريض انتكاسه فهذا يعني الاستمرار سنتين على الدواء بروزاك
ورأيي ان تعودي للدواء وتستمري عليه اذا لم تستطيعي مقاومتها نهائي

امين يارب جميعاً انا تركته لانه سببلي هبوط بس رجعت اخذه الآن الى ان اخذ موعد واشوف

حاولت لكن الاعراض كانت جداً شديدة خفقان طول الوقت وخوف ودوخة الدكتورة كانت كاتبه لي ثلاث سنوات لكن انا اخذته سنه ونص تقريباً

لا انا ماتركته فجأه تدرجت فيه بس يمكن كان يحتاج تدرج بطيء لمدة ست شهور كنت اخذ حبه يوم ايه ويوم لا بعدين لمدة شهرين كنت اخذ حبه كل يومين بعدين تركته اول ماتركت الدواء كنت احس براحة والاعراض كلها الي مع الدواء وقبله اختفت هذا اول شهر من تركه وقلت الحمد لله بس مر شهرين بدأت ترجع الاعراض ورجعت بشكل اقوى من قبل

الهبوط ما ينفع تاكلي شي يعدله يعني سددي و قاربي و وازني بحيث ما تتركيه فجأه و تتعبي الين يجي الموعد على خير .

اذا حسيت بهبوط اكل اي شي حتى لو فاكهه والحمد لله احس بتحسن بس صار عندي ضعف بنبضات القلب احس النبض جداً ضعيف مدري اذا عادي او لا وهذا شي لاحظته مع البروزاك لاني يوم تركته ماكنت احس بهذه الاشياء

سلامتك حبيبتي الله يشفيك و يعافيك و يفرجها عليك .
بس حابه انقل لك من خبره نبضات القلب تلعب فيها النفسيه بدليل تروحي تعملي فحوصات من ايكو و تخطيط يقولك الدكتور ما فيك شي لما تحسي نبضاا القلب بتضعف او بتتلخبط كحي كحات قويه متقطعه و حاولي تمشي لو على خفيف في البيت و دخلي في نظامك الغذائي الشكولاته الداكنه و عصير التوت الفريش تلقيه في المفرزات بالسوبر ماركت شوفي ايش يحب القلب من اغذيه عززيه و قدر الامكان المويه و التنفس العميق و جاهدي في نفسك تسترخي و تنامي كويس

ايوه صح والله صادقه فعلاً هي من النفسية والتدقيق الزايد الحمد لله ماشية على نظام صحي لي شهرين عشان القولون والمعده واشرب شاهي اخضر عضوي كثير مريحني خصوصاً للنفخه والقولون وارتحت عليه والمشي احاول امشي لو 20 دقيقه لاني اتعب كثير وينقطع نفسي مقدر اكمل للاسف مدري وش هالحاله الي جايتني كنت امشي بالساعات ماشاء الله ولا احس الحين مع وسواس التنفس طول المشي وانا اراقب تنفسي واخاف ويجيني هلع واوقف مشي من الخوف حتى الرياضه ماعدت اقدر اسويها الشغل البسيط في البيت لازم احد يساعدني والشي الي اسويه بيوم اسويه باسبوع ان شاء الله راح اجاهد نفسي ولا راح ادقق كثير واطنش الله يعيني ويقويني واقدر ومره شكراً انك عبرتيني ورديتي