أصحاب اختلال الآنية ووسواس الموت طمنوني
 

السلام عليكم
من 15سنة صابني اختلال الآنية المزعج بعد وسواس موت قوي وتعافيت منو بفضل الله تعالى ومنه وكرمه علي وحتى بدون أدوية بس بالرقية و تغيير حياتي والاستيقاظ باكرا وتسجيل دورات وممارسة الرياضة ، لكن من ثلاث شهور اجتني حالة غريبة تشبه مرحلة التعافي من اختلال الآنية التي عايشتها سابقا لكن بدون احساس الحلم فجأة حسيت براسي وميض وتجاهلتو وراح وصار يتكرر وبنفس الوقت صار معاي ضبابية لكن مع الوقت صارت الأفكار أكثر غرابة صرت أحس بأفكار تشبه ذكرياتي القديمة مثل وميض الفلاش ولكنها غير مترابطة وأفكار أخرى غير مفهومة تلمع براسي فجأة كأني أشوف مثلا مكان غريب أو سواد وأحيانا بتجي فكرة إني بعالم تاني مع مشاعر من الماضي وبتصحيني من النوم وأفكار أخرى مرتبطة بأحاسيس الماضي كأنها مرت علي من قبل وكل هذه الأفكار بالتجاهل بتروح وما برجع أتذكرها لكن في فكرة بتكون ذات طابع حسي عالي ومزعجة كتير ، بتسببلي قلق كبير وصرت أخاف إني أدخل بشعور الحلم المزعج ، أنا لازلت مرتبطة بأهلي وبتواصل معهم بشكل طبيعي لكن قلة النوم دمرتني وكمان الخوف أنو الحالة تتطور لاقدر الله وأفقد سيطرتي على عقلي.
يعني حاسة أنو معاي اختلال آنية بسيط بس مو متأكدة.
أرجوكم طمنوني أستمر بالتجاهل والتعايش؟ وفي حدا مرت عليه هالحالة من قبل ؟
وجزاكم الله خيرا

انتي من الأساس داخليا عندك قلق من رجوع الحاله اللي كانت عندك وفي لحظه تعمقتي في التفكير بأعراض الحاله مما رفع عندك مؤشر القلق فكل الاعراض اللي تحسين فيها هي من شدة القلق وانتي اللي صنعتيه بنفسك عموما الحاله هذي ماينفع معه مقاومه لازم ادويه مثل مهدىء للقلق ومضاد اكتئاب

شكرا جزيلا على الرد , حفظك المولى