بعد التنميل
 

السلام عليكم

شخباركم ؟

بعد آخر موضوع كتبته عن التنميل .. وانا في حال لا يعلم بها الا الله .. احاول اتجاهل بس ماقدر

طبعاً التنميل كان يخوفني بشكل غريب و كان كل يوم يزيد لين ما قدرت اتحمل و رحت المستشفى .. واول سؤال سألتني الدكتوره " تفكرين في شيء ؟ "
لا اخفيكم ان اول ما سألتني حسيت براحه واقول معقوله كل هالخوف من التنميل واخر شي سببه بس اني افكر ؟


سوت لي فحوصات لكل شيء ، وكان عندي نقص حديد و فيتامين ب 12 بس مب وايد اما دال فكانت نسبته 19

المهم عبالكم ارتحت ؟ لا ..
لان التنميل ما خف وكل يوم افكر واقول .. شكلي كنت لازم اروح لدكتور اعصاب .. يمكن هالدكتوره ماتعرف و الخ

طبعاً بعد شعور التنميل بكمن يوم حسيت بشيء يديد هو مب يديد علي لان كان يصير لي قبل .. اللي هو
احس بحرقة في جلدي . على أصابعي و ايدي و ريولي
حتى احياناً بطرف راسي

بعد الحرقه قمت احس بشي و الصراحه هذا شيء يخوفني اكثر من كل شيء حسيت فيه .. يعني اقول التنميل اهون

اللي هو فجاءه احس بانقباض صوب منطقة الفم
وصارت لي اكثر عن مره
يكون الانقباض لثواني صح بس يخوفني يوم كامل والله
لان افكر في مليون شيء وليش يصير لي
يقولون من الكافيين بس انا ماشرب قهوه وايد
واصلاً عادي تمر ايام ما اشرب فيها

حد عنده فكره ؟

نسيت اقول ..

حتى قمت احس بصداع غريب احس فيه في اليوم لكن على فترات
مثل شد يشد راسي مع اسناني .. مادري كيف
يعني مثل شد في راسي و اسناني مع فمي بشكل عام
يستمر تقريباً نص ساعه ويروح ويرد لي

واللع ماعندي علم لكن واضح مشكلتك عضوبة ماهي نفسية

كيف يعني عضويه ؟

اول شيء شكراً على الرد والله كنت كل شوي ادخل ابا بس حد يكتب لي شي
لاني هالايام عايشه في قلق والله الوحيد يدري بحالتي :(

النقص ما كان وايد لان اصلاً يعني الدكتوره كاتبه تعليق في التحليل
ان نتيجة ب 12 مابين طبيعي ولا مافهمت عليها بس هي عطتني دواء حقه
الوحيد الناقص هو فيتامين د و نتيجته 19

للحين مب مقتنعه ان كل اللي فيني نقص فيتامينات والله تركيزي كله بجسمي
وكل يوم احس بشيء يديد
باقي نقطه وانفجر

وعليكم السلام

اولاً انتبهي تدخلين في عالم الوسوسه . ! اغلب اللي فيك من نقص الحديد و b12 لان نقصهم يسبب ضيق بالنفس و خفقان و تنميل وخدران واعراض كثيره فأقطعي الشكل باليقين و عالجي المشكله وحاولي ما تلتفتين للاعراض الجسدية لانها تزيد مع الخوف


شفاكِ الله وعافكِ