ملتقى اصحاب الرهاب الاجتماعي من الكويت
 

السلام عليكم
انا فيني رهاب اجتماعي من الكويت

نبي نسوي قروب للرهابيين من الكويت
نساعد بعض
نطلع مع بعض
يمكن هذا هو الحل لمشكلتنا

الكويتي يقول انا موجود

انا مستعد تم

هلا بوفهد
اسف على الطوالة عارف رهاب و اكتئاب و كورونا
رقمك عندي خلاص

ماادري للحين بانتكاسه انت ولا لا
اذا شفت نفسك احسن و حاب ندردش عطني خبر

ابشرك بخير واذا تبي نتواصل ارسل لي رقمك خاص وانا اكلمك

اخوكم أبو صالح من الكويت وشريك في المعاناة والمرض.... أضم صوتي لكم نعم نحتاج موقع للرهابيين الكويتين لتبادل الخبرات وتقليل المعانات.... اللهم شافي كل مريض يارب....

حياك الله ياخوي بوصالح
انا و الاخ بوفهد انشالله مخططين جذي على طلعه و مع بعد كذا واحد رهابي

اذا حاب اطلب رقمي من الاشراف و انا انسق الطلعه انشالله
مايندرى يمكن هذا بيكون علاجنا

بارك الله فيك أخوي مريض كويتي والله يشافيك ويشافي الأخ أبو فهد وكل مريض يعاني وبصمت.... علي طاري الطلعات وممارسة الهوايات والله يا خوي كنا نأجر طراد آنا وخويي قبل كورونا ودخول الحر يعني شهر ١ و ٢ و ٣.... صحيح فيها اشوية تعب بس لما ترجع وتاخذ شاور وتصحي من النوم تحس بطاقة إيجابية واندفاع تجاه الحياه واعتقد هذا بسبب التفاعل مع الطبيعة اللي سخرها لنا رب العالمين وارتفاع منسوب الطاقة الإيجابية.... للأسف الجو الحار حاليا ما يساعد علي التنزه بسبب الحرارة العالية جدا خصوصا في فترة النهار حيث نكون مجبرين علي تصفح الموبايل وادمان الانترنت وبالتالي انخفاض مستوي الطاقة الإيجابية والشعور بالكآبة النسبية دون معرفة السبب وكون المساء محظور علينا بسبب وباء كورونا المنتشر.... بحاول أكلم إدارة المنتدي للتواصل معكم ويمكن الله يوفقنا ونسوي جروب رهابيين الكويت نلجأ إليه متي ما قلت الحيلة وفشل الطب الدوائي المباشر.... ✋

الي يريحك خلاص
نسوي قروب على الوتساب و موضوع الطلعات يصير خير بعدين

بارك الله فيك وعافاك أخوي مريض كويتي

غريبة كويتي رهابي !!

الاغلبية من الشعب الكويتي عندهم جرأة وإثبات شخصية

الله يشفي كل مريض

الرهاب من ألعن الأمراض النفسية الموجودة على الإطلاق تتمنى لو انك تخر من السماء ولا تنحط في مواقف الرهاب أعوذ بالله رعب رعب