|
تعبان ويأس من الحياه .. اتمنى منكم المشاركه
السلام عليكم ورحمة الله وبركاته كيفكم اخواني الاعزاء .. إن شاءلله مرتاحيين ؟ قبل لا ابدأ اتمنى منكم تردون وتشاركوني ولا تهملون الموضوع ثانيا : الحمدلله رمضان عدى على خير وايام معدوده يخلص ويجي العيد وحبيت ابارك لكم مقدما "عيدكم مبارك" ماعندي شي جديد بس حبيت افضفض كالعاده انا من كم يوم حالتي تزيد سوء يوم عن يوم بسبب قرب العيد هذا اليوم الكئيب اللي يعتبرونه فرحه وانا اعتبره عزاء ادري كلامي غلط ومايجوز لكن هذي الحقيقه والواقع اي كان اي يوم يكون فيه مناسبه اتأزم كالعاده واقعد انطره بخووف وهلع ومتى يخلص وافتك منه احس انه هم قاعد على قلبي وضربات قلبي تزداااد وتفكيري ينقلب سوداااوي مع انه ماراح يصير شي غير السلام عليكم .. وعليكم السلام وانتهى الموضوع محد راح ينتبه لي اصلا لكني تعقدت واحس هالشي خارج عن ارادتي والاعراض تهاجمني بقووه بمجرد قرب يوم مهم او مناسبه.. رحمتك يااااارب والله اني تعبت ماعاد فيني حيل ابعيش مثل الناس ابي اطلع وماشيل هم اي انسان او اي مخلوق ابي امارس الهوايات اللي احبها ابي اكون انسان طبيعي حتى بالممشى اذا رحت التفت مع انه يكون فاضي ومظلم لكن الممشى على الشارع والسيارات تمر وانا متأكد انه محد منتبه لي لكن تفكيري غلللط قررت اصلي القيام وقرأة سورة البقره والاستغفار بنية الشفاء عالاقل ماطلع بمظهر سيئ امامهم كالعااااده لانه تظهر علي اعراض مثل " رقعة القلب , تعرق شديد , احمرار وجه , قلة التنفس , وافكار وهلاوس ويحسون اني انسان غير طبيعي شكلي يصير كأني متعاطي او مخموور اتلعثم واضيع بالكلام وصوتي يقل تدريجيا وملاحظ بوقت المناسبات تجيني افكار بسبب التفكير مثل الانتحار بشرب الكلور او قطع الشرايين او..او لكن ما انفذها بسبب خوفي عشان ما اتألم او ادخل نار جهنم يعني بالحالتيين نااار لكن جنهم اشد وبس هذا اللي حبيت اقووله ادري الموضوع غير مرتب بسبب تشتت افكاري .. اتمنى تقولون لي شراح تسوون بيوم العيد وشنو شعوركم من الحين ؟!!!!! انتظركم 21l;wqa' |
ليش دايم تهملون مواضيعي ؟!!!
هذا مو اول موضوع لي محد يرد واذا احد شارك رد رديين بالكثير انا اكتب عن واقع حياتي ما انقل تجارب من خارج المنتدى هذي مشكلتنا ندور على الحلوول والمواضيع الكاذبه عمومااا اتمنى منكم المشاركه |
شعور مشترك انا اكره العيد مثلك تماماً واكره المناسبات الاجتماعية عموماً
في العيد ينقبض قلبي ويضيق صدري واحس اني وحيدة ومسكينة الرهاب الاجتماعي مشكلة لازم نحلها المشكلة ان مجتمعنا يأزمها بتخلفة في التعامل مع الي يعانون من اضطرابات نفسية ! |
مرحبا بولد الكويت
انا احس عشان العيد قرب مغص في بطني اتمنى اكون مرتاحه ... حتى للحين ماخذت لي شي للعيد الحمدلله الحمدلله مش عشان المقدره الماليه ولكن الشعور اللي احس به سرت كم مره المول عشان اشتري وأمسك البضاعه وأتركها وأرجع البيت بعدين أقول أنا ليش چيه أسوي بعمري !!!!! وكم مره على هالحاله اشوف الناس تتسوق بس ما احسدهم ولكن اتمنى من الله أن يشفيني وأحيانا افكر بإيجابيه الله يبغي يخفف عني فابتلاني بهذا الشي ياولد الكويت وايد ناس تعاني لكن مش الكل يقدر يعبر او يكتب ويمكن في ناس تدخل وتقرأ موضوعك من برع المنتدى ، يارب يفرج عنك وعنا جميعاً |
اخوي العزيز ولد الكويت
انت تاخذ علاجات و كم جرعاتها وكم لك بالنسبة لي اخوي يعتبر رمضان وعيد الفطر ممل وكئيب جدا جدا جدا حتى من قبل ما امرض والعيد كئيب حتى اعرف ناس معافيهم الله لا يحبون العيد ويجيهم ضيقة صدر خاصة الي جالس ما سافر انا قدر جربت العيد سافرت من الرياض للخبر وكان اخف علي والضيقة راحت عموما اخوي الكريم لازم تراجع الدكتور وتخبره بالاعراض يمكن يزيد الجرعة ممكن تحتاج علاج سلوكي اخوي هل جربت الرقية والحجامة والسدر وقراءة سورة البقرة |
اقتباس:
هلا بنت الضبي انا لي عشر سنين ما قد شريت شي للعيد لا ملابس ولا عطور ولا غيره اشوف الناس زحمة على الاسواق وعلى الخياطين والحلاقين وانا بعكسهم يمر العيد دون اي تغيير في الروتين اقوم يوم العيد العصر اسلم علىى الوالدة ثم اشرب قهوة وحلا حق العيد واروح للخيمة عند النت والتلفزيون حتى يجي وقت النوم الناس فرحانه ولبسه جديد وعطور وسفريات وروحات وجمعات وانا في البيت منطق ما عندي احد افكر اسافر هذي السنة عند اختي في الدمام اغير جو ومرات اقول اجلس في البيت وعلى الله |
اخوي ولد الكويت في علاجات تهدي وضعك اذا كان عندك مناسبة مثل الزانكس لكن اخاف تتعود عليه لانه خطير ممكن تدمن عليه
تبي نصيحة طنش الوضع وقل في نفسك ان العيد كلها ساعات وتمر وتعدي ولا تكدر خاطرك قبل المناسبة بساعات اقرى اذكار الصباح او المساء واقرى قرأن وصلى ركتعين وقاوم الشعور وردد الله خير حافظا وهو ارحم الراحمين ودائما ردد كلمة التوحيد لا اله الا الله وحده لا شريك له له الملك وله الحمدالله وهو على كل شي قدير |
شفيق
خلاص انا اقولك على شغله، روح خذلك شماغ ونعال وانت بكرامه وبالمره خذلك لو غرشة عطر قوووول انا بتغير وزور اختك في الدمام صحيح انا نفسك لكن خلنا نشجع بعض الكلام طبعا للجميع |
أنا بي مجرد أن يقولوا لي تعالي لي نخرج عن جد ما بحب الخروج لي أني أخاف أن أخرج سى أموت بي ساكتة قلبية و لكن أتغلب على المخاوف بي الإرادة و التقة في نفس قراة القرآن و حفضه و المحافظة على صالات تغلب على المخاوف التي تصيبك في العيد لي أنها من شيطان رجيم التي يحاول فيها شيطان إفساد فرحة الإنسان المسلم فى يجب أن لا نترك له مجال في ذلك الله يشفينا جميعا
|
السلام عليكم
والله نفس الشعور ، الواحد يتهرب من هذي الاجتماعات واللقاءات هل سببه الرهاب اكيد نعم لكن ماهو الحل الادويه مافادت اللى شيء بسيط رفع الثقه طيب كيف وانا اعاني من هذا الابتلاء ، لان الثقه تحياج مجهود وذهن صافي تقدر تنمي نفسك ، كل سنه نفس المعاناه طيب يارب ماهو الحل ممكن الشخص يقوى نفسه ويذهب للاجتماعات لكن تأتيك مواقف سلبيه تتمنى ان تنشق الارض وتاخذك وتتمنى انك مارحت من بسبب وضعك النفسي السيء يعني اذا لم تذهب للاجتماعات حزن وضيقه انك مارحت وانبسطت مع الناس ،، والبعض منا يفرح لانه زال الهم ولم يذهب للاجتماعات يارب ارحمنا برحمتك |
وعليكم السلام والرحمة وكل عام وأنت بإلف خير وصحة وسلامة يارب :) حبيبي قلبي ولد الكويت محسوبك كان في سجن 24 سنة حتى جاه الفرج أصبر وخذ بالأسباب لاتبقي شئ إما حياة تسر الصديق وإما ممات يغيض العدا لاتشغل نفسك وبالك من ناحية الأمور الدينية أبداً الله غفور رحيم رحمته سبقت غضبه غيرك الله ممتعه بالصحة والعافية ويرتكب ألوان البلاوي والشرور ولافكر ومع ذلك رحمة الله وسعته فما بالك بالإنسان المريض المسكين اللي أكبر همه العافية ولاغيرها خلك قوي وتفائل وبإذن الله ماتشوف إلا كل خير وكل عام وآنت بخير :) |
اخي لست وحدك ,,انا ايضا لدي نفس الشعور, لا احب العيد لأنني دائما اشعر فيه بالحزن والكآبة ...
ايام العيد هي من اسوء الايام بالنسبة لي |
رقعة القلب يعالجها الأندرال إن شاء الله
لا تشيل هم هذا المرض خارج عن إرادتك فأنت لم ترتكب المحرم عندما تأتيك أعراض الرهاب أعتقد أن هذا المرض ممكن يعالج بأمور كثرة الذكر والأدوية والرياضة المكثفة والمواجهة أسأل الله أن يشفيك |
اشكركم على ردودكم ..
وكلامكم صحيح 100% واخ ابو حسن انا جربت الاندرال من قبل صحيح خفف ضربات القلب والتعرق بشكل كبيير هالسالفه من سنتين تقريبا واذكر كان فيه عرس وقتها وحضرته وماعرقت ولا جاني هلع مجرد خوف بسيط عند دخول القاعه وخف تدريجياا بكره الصبح بروح الطبيب وبخليه يكتب لي ادويه ومن ضمنها الاندرال لكن بمتنع عن الادويه اللي تفتح الشهيه ووتجيب الكائبه مثل السيروكسات والسيبرالكس ومنوورين الموضوع جميييعا :) |
وإن شاءلله يكون موجود عندهم الزانكس
اخليه يكتب لي ياه بدال الاندرال اذا حصلته باخذه بالمناسبات فقط .. |
| الساعة الآن 04:22 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا