علاج الرهاب الاجتماعي وجميع انواع الفوبيا بفضل الله وتوفيقه.
 

يااخوان انا اعاني من الرهاب الاجتماعي وانعزلت 4 سنوات تقريبا وجربت كل اساليب العلاج ولا حسيت بتحسن الا من خلال المواجهه لاكن شفت ان فيها صعوبه واحراجات المهم بديت افكر وبعد فضل الله اكتشفت ان الرهاب الاجتماعي مبني ومتشكل من افكار تركزت فالعقل الباطن والمواجهه تقوم بتحقير الفكره مع كثرة المواجهه وتشفا المهم نجي للعلاج
والله ع مااقول شهيد
اول جهز دفتر وقلم
وخصص لك وقت يوميا مثلا اخر الليل او اي وقت وطبعا ميزة المصاب دايما منعزل وهذي وحدة من الميزات لهذا المرض اللي تخدمك بعلاجك المهم
خذ قلمك واجلس اكتب هذي العباره في اكثر من صفحة انا لااخاف من الاجتماعات والالقاء اكتبها لين تهلك يدك وتحس بالتعب واللي يخاف من اي شي مثلا حشرات يكتب انا لااخاف من الحشرات وبعد ماتكتبها خذ لك استراحه ساعه وارجع اكتب بس بااسلوب ثاني انا احب الاجتماعات والالقاء.. انا احب الحشرات وهكذا استمر عليها وربي تدعي لي
وبالنسبة ل اللي يقول الصلاة فالمسجد تساعدك فالعلاج نعم تساعدك بعد توفيق الله لانك تجتمع مع ناس وتحقر فكرة المرض يعني له اكثر من طريقة للشفاء واخيرا انا لست استشاري ولا اخصائي ولا طبيب انما مجرب لهذا المرض اللي اتعبنا واتمنا لكم التوفيق واتمنا كل شخص يكتب لي بعد التجربه النتايج الملموسه واهم شرط لهذا التمرين الجديه والهمه الهمه الهمه اياك والتكاسل

وعندك جميع الاطباء النفسيين جميع العلاجات المصروفه بالعيادات مكوناتها مواد كيمائيه تقوم باايقاف الافكار موقتا مع كل حبه تاثيرها 24 ساعه فقط
وهذا العلاج يقوم على تبديل الافكار بدون ادويه نفسيه ولا خساير ولا احراجات
واخيرا من باب ان يحب المسلم لااخيه المسلم مايحبه لنفسه كتبت الموضوع وانا في منتصف مرحلتي العلاجيه ولااريد منكم سوا الدعاء بالتوفيق والسداد حفظكم الله

اعطنا اسم واحده منها

مشكوررر جدًا على الطرح رح اجرب بس
اول مره اسمع انه في علاج لوقف الافكار
هي وظيفة الانسان نفسه الي يسهى عنها دائما وما ياخد الموضوع بعظمته وجديته في العلاج.
ربي يوفق كل انسان فينا لطريقة علاجه.

ما شاءالله تبارك الله احيييك اخي
فعلا المواجهه والصبر والاقتناع اننا بخير وان المرض مجرد افكار احتفظت بالعقل وعلينا
التحررر منها وصدها وتقوية النفس حتى الشفاء ان شاءالله ❤
ويارب لنا ولكم الشفاء التام عاجل غير آجل آمين يالله يالله

الطريقة هذي اسمها البرمجة اللغوية العصبية, وانت طبقتها بشكل خاطئ, يعني جمل النفي مثل "أنا لا أخاف" تعطي نتيجة عكسية والعقل الباطن مايفرق بين نفي وتأكيد.
على كل حال التقنية هذي غير مجدية, وكغيرها من تقنيات التنمية البشرية أثبتت عدم فعاليتها فهي تعتمد بشكل كبير على الوهم والخداع.

التفاؤل ومحاولة التوكيد وفرض الشخصية أمور جميلة لكن ليس بهذه الطريقة.