نداء الى كل مسبوه
 

السلام..معليش اعذروني يا اخوان واخوات الحين تأكدت اني سبهه ولا ماكنت مصدقه يوم يقولون لي ....الموضوع اللي كنت بكتبه الله يسلمكم كان عن ازمتي مع المنتديات وكنت بقولكم فيه عن المشاكل اللي اتبهذل فيها مع المنتديات ...بس يوم سويت الحركه الذكيه هذي قلت اكتب لهم موضوع جديد وهو عن (السباهه وانواعها).. انواع الاشخاص المسبه :اولا :شخص يجيك يدربي راسه مايدري وين الله حاطه تقول له يمين يروح يسار تقول له يسار يروح يمين ..ماعلينا منه ثانيا: شخص ثاني ..الهواجيس لاعبه بحسبته لعب ..واذا كلمه احد قام يهز راسه مسوي نفسه فاهم (وهذا اللي ينطبق علي طبعا ) ..ثالثا :من وجهة نظري <<وخروا عنها ..الشخص اللي ماله هدف بالحياة اعتبره انسان مسبوه ..ليييييييييش؟؟ لانه ينطبق على النوع الاول .. عاد الانواع كثيره بس عشان ادري انه فيه تفاعل مع الموضوع الشيق طبعا ردوا علي واذا عندكم اضافات او تجارب حسيتوا انكم مسابيه فيه ... شاركونا فيها ونصيحة مجرب : الهنود اللي دايم نتريق عليهم بهزة هالراس استغفروا ربكم وتعوذوا من ابليس اذا شفتوا الموقف هذا <<<وش تبي ذي ترى انا ماصرت كذا الا من الطنزه بس الحمدلله ربي هداني ... وبس انا عارفه موضوعي مدري وش يبي بس قلت يله وش ورانا خليني اوسع صدورهم واوسع صدري معهم لاني والله ماتعودت اكتب كثير في المنتديات غالبا اقرا ..عاد انا شدني هالمنتدى بالذات مدري ليه ..ما اطول عليكم انتظر ردودكم

الله يوسع صدرك ...
مثل ما وسعت صدرونا ...

والله يا خوفي يا اختي اني اكون جامعه
بين هالانواع الثلاثه كلها ....

ايه كذا المواضيع .. الله لا يحرمنا من مواضيعك الحلوه ..

واضح من اسلوبك انك تمتلكي روح الدعابه وخفة الظل

واحنا ما نخفي عنك محتاجين لمواضيع نرفه بها عن نفسنا شوي ( مااقصد انك ملاهي ) لا طبعاً

لكن والله رسمتى الابتسامه على شفاهنا وشككتينا بانفسنا .. وبعد ما قرأت موضوعك سألت
نفسي

ياترى ياهل ترى انا من اي نوع ؟؟؟

تحياتي لك والله يديم خفة دمك علينا

اختك ............ نسرين الرياض

ماشاء الله عليك والله اتمنى لك التوفيق ،،،،،،،،ن

مرحباااا خيتو نورتي وابسطتينا وان شاء الله تنبسطين معنا..

والله يبعد عنا السباهه احس السباهه يكون وقتها طازج اول ما تصحين من النوم وتستمر حتى حتى ساعتين تقريبا وبعدين تستوعبين انك قايمه ما اقول الا الله يعين الي يكون في هذا الوقت عندك بيشوف السباهه وانواعها ..

مشكورين على المرور ..والله فرحت يوم شفت فيه ردود..ابشروا بعزكم

ارجوحه ..انا متاكده انكا ولا وحده من هالانواع لان الاشكال هذي نادره ...اساليني خبره

الصراحه موضوعك ضحكنى ههههههههههه وذكرنى باصدقائى

السلام عليكم

موضوع جذبني كثير وخلاني اسئل نفسي هل أنا سبهه ؟؟؟

وبعد مشاورات ليست بالطويله مع نفسي توصلت الى اني لااعرف هل انا سبهه ام لست بسبهه؟؟

بكل صراحه انا اوقات احس اني بنت مفهيه ولاادري والله وين ربي حاطني فيه
اقرب مو قف يدل على اني مفهيه كان اليوم

صحيت اذان العشاء سئلتني اختي بتروحين معنا قلت وين قالت قريب مكان تحبينه قلت مدري تعرفين الواحد اذا قام الصبح ماله نفس يتمشى هههههههههههههه طبعا انا كنت مصدقه بجد انا صباح ماتعودت انام بين المغرب والعشاء :)

وبصراحه لحد الان مدري هل انا سبهه :)

لكن مع احترامي للجميع كل من جذبه هذا الموضوع فهو مثلي ومثل صاحب الموضوع :)

يعني بالعربي كلكم سبايه ههههههههههههههه

اخوي ابو حفصه المسبه واجد وسع صدرك ...

وبسمة فرح اقول لك الموقف هذا صار لي قبل كم سنه قمت المغرب وعلى بالي الفجر والبس ثيابي طااايره واروح اقوم خواني قوموا وراكم دراسه وانفخ من سعة الوجه واخرتها انا اللي رحت فيها ...عالعموم مشكورين عالمرور اخواني