صرخة متزوج مريض نفسي
 

سلام عليكم

احس اني تعبان خايف اصارح زوجتي اني مريض نفسيا

وبنفس الوقت خايف من اي خلاف تفضحني عند اهلها او اهلي

كثير ماتسالني عن الحبوب اللي اكلها اقولها مرات فيتامينات مرات حموضه

بس الين متى ماادري ....اذا جتني نوبات القلق اهرب من البيت عشان ماانكشف

او تلاحظ هي ... مقدر اسكر على نفسي الغرفه مثل ونا عزابي

عندي طفلين واحس اني تسرعت بالزواج مع اني كنت مريض قبل زواجي

بس عشان خاطر ابوي تزوجت ...ولدي بدا يكبر وتزيد مطالبه ونا مكتوف اليدين

بين مرضي النفسي وبين علاجاتي اللي صارت تأثر على الجنس عندي

انتم مثلي ؟؟؟ اللي حولكم يدرون انكم تعانون ؟؟ صرت اهرب من البيت كثير واجلس بالسياره

اتعذر اني مشغول عنهم وبنفس الوقت احساس بتأنيب الضمير لانه مرات مااقدر اوديهم اذا زادت النفسية عندي

زوجتي عصبية ونا عكسها هادي جدا .... ونا ماصرت اسولف معها لان اي سوالف تنقلب زعل منها

الله يهديها احسها تبيني على كيفها ان شافتني سرحان قالت وش فيك للدرجة هذي مو طايقني

واي شي تفسره اني مااحبها وماهي داريه بالنار اللي بقلبي

بالله شورو علي ولاتنسسون اننا بمجتمع سعودي ...ودايم اسمع اخبار جماعتنا منها

من تطلق ومن مرض ومن ومن اه بس

حاسه فيك وبكل كلمه كتبتها لان معاناتك نفس معاناتي الفرق انا ان زوجي يدري اني مريضه ويراعيني لكن احسه بداء يمل من الوضع على قوله لاني اهملته وصار يحس نفسه مهمش وانا غصب لاني احس بتبلد مشاعر ماني قادره اعطيه اي اهتمام ومع ضغوطات الاولاد احس اني هلكت وماني قادره اهتم حتى بنفسي وهو صار يلومني كثير ومهما شرحت له عن اللي امر فيه مايقتنع او يقول الله يعين وبكره يكبرون الاولاد ومن هالكلام يعني كان معاناتي كلها بسبب وجود الاطفال مايدري ان المعاناه الاكبر هي وجود المرض النفسي اللي مدري متى بينتهي
الله يفرج همنا ويلطف بحالنا

اخوي لا تصعب الامور ع نفسك ...
من ناحية انك تصارح زوجتك انت ادري
اذا تعرف انها تصون السر او لا وتتعاطف معك
وتراعي ظروفك.. طبعا اذا حاس انك لو صارحتها
بتفرق معك وتتحسن نفسيتك..اما انك فقط تبغا
تصارحها بدون فايده وانها مارايح تدعمك بلاش
من مصارحتك لها..وحط في بالك لا تلومها لو ماتفهمت
وضعك لان ما احد يفهم هالحالات الا اللي مجربها..
ومن ناحية العلاج اذا ماتبغا تصارحها عادي قول لها
انك تستخدم فتامينات واستمر ع وضعك ..
وع شان ماتشك فيك انك ممكن تستخدم شي
ممنوع مر يوم ع الصيدليه وخليها تشوفك تاخذ
العلاج منه بدون ما تعرف اسمه لانه طبيعي بتبحث
بالنت عنه..
واذا حاب تصارحها لاتقولها انك تعاني من حاله نفسيه
طبعا وصل لها الموضوع بالتدريج بالبدايه اشتكي
لها من اعراض قلق وارق وتوتر واسبوع
قول لها احس فيني شي مو طبيعي
خليها من كلامك هي تقولك ان معك عين او حسد
وتشخصك لان البنات يقتنعون بالعين اكثر من الحاله
النفسيه ..

الله يكون بعونك كان المفروض تصارحها بالمرض قبل ماتتزوجها
ولاتجلس كذا تتعذب وتخبي عنها طول حياتك
مصيرها تفتش عن مصدر الحبوب هذي وتعرف

مشكله يوم تتزوج احد مايكون فاهم او مايعرف لهالامور
وزي ماقال لك الاخ مترجم اذا زوجتك تحفظ السر صارحها اما اذا العكس بلاش منها

الله يشفيك ويخلي لك اولادك يارب

شوف يا اخي
بما انك خايف تصارح زوجتك
معناته انت مو متطمن نفسيا الها
وهذا الشي اللي مسببلك توتر
خايف تندم انك صارحتها
وبنفس الوقت مو قادر تخبي اكتر من هيك
انت واقع بين نارين..

بهالحالة حاول تستعطفها
لازم تصارحها بس بأسلوب احترافي
من باب انك مو عايزها تقلق عليك

يعني مو ضروري تحكيلها انك مريض من زمان
يعني كأنه هالفترة..

احكيلها انه الك فترة بتحس بقلق وما بتنام وهالشي مزعجك
وانك رحت عالطبيب تطمن على حالك وخبرك انك مضغوط نفسيا ولازم ترتاح

واحكيلها انك خبيت عليها مشان ما تزعجها وحاول يكون اسلوبك هادي
واحكيلها اذا بتلاحظي أحيانا بخرج من البيت مشان ما تحسي فيني اني مخنوق..ومن هالحكي...
حاول تستعطفها مشان تحس معك...معلش بدك تتعامل معها بما يناسب شخصيتها ونفسيتها
واكيد هي ما يهونلها فيك...جرب اخي لأنه هيك رح ترتاح اكتر
حاول تبسط الموضوع بمعرفتك ومهارتك ...وما تعقده..

والله يكون معك ويسهل الأمر عليك :)

انا مستحيل اقدم على الزواج وانا مو مستعد نفسيا

حتى لو عشان اي احد،، انا بتزوج مو غيري

انا الي مسؤول عن زوجتي مو غيري

اذا انا مو قادر على نفسي بمرضي النفسي كيف بقدر اعيل اسره

ثم الزواج مو ارضاء لاي شخص ،، الزواج قرار شخصي عند القدره


لكن لو فرضنا وحصل اني تزوجت وانا مريض نفسيا ،، والله عن نفسي ما بخبي مرضي وبقولها قبل الزواج ان رضت او لا الشي راجعلها

جزاكم الله خير

اخوي صارحها انك تعاني من ضيقه فقط بالبدايه شوف ردة فعلها ، بعض الناس انطباعهم اللي ياخذ دواء نفسي مريض عقلي ، انا في البدايه صارحت زوجي احس انه مل وبالاخير اشتري العلاج بدون مايدري وماابين له أبدا تعبي لان مايقدر حالة المريض النفسي الا المريض بالمرض ومهما تكلمت مايحس بالنار الاواطيها ، حاول تأخذ العلاج بعيد عنها ويختلف عن الشخص نفسه ، عيش حياتك ولاتندم انك تزوجت بالعكس الاطفال نعمه سندك لاكبرت كلنا تعبانين لكن عايشين بالحياه بحلوها ومره والحمدلله على كل حال

انا والله كنت متخوف من هالشي وصارحت زوجتي بهدوء وشوي شوي مع الوقت كونه ابتلاء مالي ذنب فيه والحمدلله ضبطت الامور جدا

الاطفال وجمالهم اكبر دافع للحياه والعلاج

مشكلتك اخوي انك تعبان وزوجتك ماتعرف فيمكن عشان جذي إنترنت مرتاح أنا نصيحتي لك روح حق معالج وقل لة مشكلتك نفس ماذكرتها في المنتدي واكيد اهوا راح يساعدك والله يساعدك وبالتوفيق والله يكون في عونك

وعليك الســـــلام والرحمه
يالغالي ياأخي العزيز انا متزوج ولدي 3 بنات ومتزوج لي حروة ال 10 سنين وكنت اتعالج نفسيا" قبل الزواج ب 5 او 4 سنين
ولافيه احد ابدا" لاأقرب الناس ولا أبعد الناس يدري عني نهائيا"
وأنتبــــــــــــــــه أنتبه أنتبه ياصديقي العزيز تعلم احد ..... بالعربي لاتعلم زوجتك ابدا" خاصه انك تقول انها عصبيه بعد
ممكن اذا تقبلت الموضوع تتقبله فتره بسيطه بعدين لا
الخلافات موجوده في كل بيت يعني عادي لاتشيل هم انت
بعدين انت قاعد تاخذ علاج يعني الحمدلله ممكن فيه تحسن لنفسيتك في البيت وتقدر تلملم امورك
وعلاجاتك زبنها صح لاتشوفها ام العيال ولاتاكلهن قدامها
وعش يومك يابعدي بعدين الزوجه تبي كلمه حلوه تبي دايم تمدحها تبيك تطلعها تسوقون تعشون مره في الاسبوع خاصه اذا الزوجه غير موظفه
تغيير الروتين له دور
بعدين العلاج اذا مو مرتاح عليه غيره غير الدكتور براسه اهم شي تكون في نفسيه افضل لك وللأهل

تمنياتي لك وللجميع بالشفاء العاجل

اييد كلامك مئة في المئة||

اخوي الكريم أولا الله يكون بعونك وماانت فية شي لايعلم فية غير رب العالمين أولا زواجك المبني على غير الصراحة من بدايته مشكلة كبيرة انت تعاني منها الان ولو صارحتها بعد مشكلة لان الوقت لايتحمل اكثر من المصارحة المبنية على أساس ضعيف ولا الطلاق حل اخوي الكريم اعانك الله على ماانت فية .

موضوعك الان امام مشكلة تحتاج منك الصبر الصبر

ماهي مستوى تعليم زوجتك؟

ماهي مستوى ثقاقتها عن الامراض النفسية ؟

ماهو تشخيص مرضك ؟

كلها اسئله تحتاج منك الإجابة
بودي اعطائك الحلول ولاكن الامر يحتاج منك دراسة الوضع بكل جوانبه صف لي زوجتك شخصيتها طباعها تقبلها انتقاداتها لمن يعاني مستوى تقبلها

السلام عليكم ورحمة الله وبركاته
اولا اخوي اهنيك على صبرك واقول الله يعينك وييسر امرك .. بخصوص مرضك هذا سر احتفظ فيه بينك وبين ربك ولا تعلم عليه حتى لو اقرب الناس اليك.. لان ما اعتقد ان فيه احد ممكن يتفهم سبب مرضنا او يفهم المرض النفسي عموما ..وما راح يفسروه الا انه مرض عقلي او ان صاحبه مجنون كما التمست من مجتمعنا الجميل ..
بخصوص الحبوب تقدر تعطيها مبرر على اخذها انها للقولون العصبي وانها مهدئ له هذا المرض الوحيد اللي يفهموه مجتمعنا النبيل..
اما تأثيره عالجنس فهو واضح وله حلول باذن الله.. وهو له حالتين اما ايجابيه اوسلبيه
الايجابيه انه يسبب تأخير للقذف وهذا شي رائع اذا كان المدة معقوله
السلبيه انه احتمال يسبب ضعف جنسي او تأخير كبير في القذف وهذي ناقشتها مع الطبيب فقال لي يمكن تلافيها بتقليل الجرعه قبل الجماع بوقت مناسب .. والمعروف (بتجربه مني ) انه كلما زادت الجرعه كلما تأخرت مرحله القذف اكثر
ولاتنسى تعمل رياضه كل يوم ويكون اكلك متوازن..
وما عليك صدقني بتمشي الامور مثل مهي ماشيه معانا

وفقك الله لما يحبه ويرضاه
وشافى الله الجميع