من فيكم استفاد من الجلسات النفسية ومن أفضل المعالجين أصحاب الخبرة؟
 

بسم الله الرحمن الرحيم

من فيكم استفاد من الجلسات النفسية (العلاج السلوكي المعرفي) CBT ومن أفضل المعالجين أصحاب الخبرة؟
يفضل مستشفيات حكومية ولايشترط

يريت لو فى حد حنين فى سعرها

انا استفدت كثير من الجلسات النفسيه
تجاوزت الخوف والهلع كثير اعطاني العلاج بالجلسات تقنيات مفيده بالذات وقت نوبة الهلع ولله الحمد انتهت من هالتقنيات المشي والاسترخاء والتلوين وطريقة التفكير واشياء كثيره امتدت لمدة ستة اشهر كانت جلسه لمده ساعه اسبوعيا .
كانت عند استشاري نفسي في مركز خاص في الدمام اسمه مركز السلامه النفسي والدكتور اسمه علي جابر السلامه .
لكن امانة استمرت معاي اعراض جسديه مثل الدوخه وعدم التوازن واستخرت الله وابتديت الدواء النفسي في رمضان والان انا في تحسن كبير بفضل من الله ورحمته .
الدوخه خفت بنسبه كبيره جدا عدم التوازن اختفى نهائيا النوم تحسن كثير والقادم اجمل بحول الله وقوته .
اسأل الله لي ولكم الشفاء التام

الله يوفقك أخي الفاضل ويعينك

الأخت قطرات الندا ..
سعدت جداً بهذا الكلام الطيب المحفز لغيرك ..
وحبيت أسألك أعتقد أنك استخدمتي برنتلكس .. كيف وضعه معك من ناحية:
1- هل زاد وزنك؟
2- هل تشعرين بالكسل والرغبة في الجلوس والاستلقاء؟
3- هل زادت ساعات نومك او صار في لخبطة في ساعات النوم؟
4- هل هناك مشكلة في المشاعر بمعنى تشعرين ببرود تجاه الآخرين وتفاعلك معهم أم طبيعي؟

هلا وسهلا ليه نفترق
لي ثلاثه شهور استخدم البرنتلكس زاد وزني ٢ كيلو ما اعتقد بسبب الدواء اتوقع لأني رجعت لحياتي الاجتماعيه ورجعت اكل طبيعي مثل اول .. لأني وقت ماكنت تعبانه ماكنت اكل ابدا الا تمره والا زبادي واقعد طول اليوم عليها .
لا ماشعرت بكسل ورغبه في الاستلقاء الا اول اسبوع من بداية استخدام الدواء
نعم زادت ساعات نومي وتحسنت نوعية نومي صرت انام ٧ الى ٨ ساعات واصحى مرتاحه .. زمان ماكنت انام الا ٣ او ٤ ساعات وكلها قلق واصحى مصدعه ومو مرتاحه .
المشاعر ماتغيرت بس خفت عندي العصبيه كثير كثير كثير زمان كنت نار الان اتقبل الامور بهدوء بس انا عموما ما اتعلق بأحد الى حد مرضي يعني اللي يبيني احطه على راسي واللي يسبب لي وجع راس انسحب منه لو مين يكون حتى لو قريب لي جدا يمكن ما اتركه لكن اتعامل معاه بطريقة على راحته يسوي اللي يسويه هو ماني موكله على الناس ومرتاح راسي بصراحه . واذا جتني اساءه امسح الشخص من قاموسي نهائيا ولا اعطيه حيز من تفكيري ابدا .
ثاني شي التعلق هو اكبر اسباب عذاب الانسان الشخصين الوحيدين بالحياه اللي اتعلق فيهم هم امي وابوي فقط واجب علي برهم والاحسان اليهم وطاعتهم غير هالثنين مايوجعني اي شخص بالعالم .هذي قناعتي ولله الحمد من انولدت الى يومي هذا ماعندي مشاكل مع احد ولا احد عنده مشاكل معاي يعني الغيت من قاموسي الغيره من الناس والانشغال بهم والتفكير فيهم تماااااما والحمدلله حياتي هادئه ومريحه .
اتمنى قدرت افيدك .