|
ابغا وما ابغا
السلام عليكم ورحمة الله وبركاته
ياجماعه انا الحمدلله قادر اتزوج يعني جاهز للزواج وضعي اوكي الحمدلله احيان بقول خلاص بروح الوالده واقولها اخطبي فلانه بس الحمدلله تجي السالفه بوقت غير مناسب يعني اخر الليل اكون برى البيت اكون مشغول واجلس افكر اقول انا مجنون اللحين بتزوج توني ليه احمل نفسي مسؤليه على بدري خلني صقر حر براسي واحيان اقول ماني متزوج قبل الدكتوراه (يتيم لاتعلق مفهوم ) يعني عندي طموح واحس ان الزواج راح يأخرني او يساعد على فشلي ويقصر من حد عزيمتي واقول خلني بعد خمس سنوات تقريبا اخطب وبعدها بسنه اتزوج عشان يعني اتزوج وانا دكتور اقدر اسوي اللي هي تبي افضل من وضعي اللحين مع انه اللحين الحمدلله اقدر برضه البي اللي هي تبي بس اكيد اني دكتور وضعي بيكون افضل وملاحظ انا انه لي رغبه قويه بالزواج بس جالس امنع نفسي بأي طريقه كانت يعني احيان اقول فلانه اخوانها مو زينين فلانه مافيها حياء فلانه ماهي حلوه فلانه عينها طويله يعني اللي حاط عيني عليهن مو بس اللي ابي اخطبهن حتى اللي بالتلفيزون يعني احاول اكره نفسي بالبنات مع اني عارف اني جالس اضحك على نفسي بس مدري واحيان اقول اتزوج احسن لي هي تدرس وانا ادرس وتصير بينى منافسه يعني مدري كيف وضعي مع اني كتابتي ملخبطه اتمنى تكونوا فهمتوا قصدي وتكون وصلت لكم الفكره هي غرفة فضفضه ومدري عاد ليه كتبت الموضوع ابي اتعليقكم على هالحاله وياليت اسمعها من ناحيه طبيه واسمع تعليق من اللي عنده خبره بالحياه واشكركم جزيل الشكر تحياتي واحترامي اخوكم سعودي عسل |
اخي الكريم سعودي عسل
فيه مثل يقول امشي بجنازه ولاتمشي بزواجه لكني اختلف مع هذا المثل واقولك توكل على الله واخطب وتزوج واستمتع بنعمة الاستقرار والحياة الصح مع زوجه تحبك وتحترمك وتصونك وتساعدك على اخذ الدكتوراه والله معاك وهذا خير لبد منه تحياتي لك اختك نسرين الرياض |
اخي سعودي عسسسسسسسسسل /
بصراحه موضوع دراسة الدكتورة " شيء رائع وجميل وأشجعك ان تواصل تعليمك مادمت تشعر بالقدرة على ذلك " ..وموضوع الزواج سهل جدا ..لايعني بأني ضد زواجك المبكر ..ولكن لمصلحتك ان كنت عاقداً ان تتزوج وتشعر بأن احتياجك الداخلي والعاطفي لايستحمل التأجيل وفي نفس الوقت تشعر بانه سيعطلك .. 1_ اختر الفتاة المناسبة التي تساعدك على اكمال دراستك وتتفهم طبيعة تخصصك تماما، فانا بصراحه كنت اطمح لدراسة الدبلوم لتخصص ما، ولكن شعرت بالملل وجعلت ابو عبدالله يكمل دراسته رغما عنه ليحقق طموحي ولا تتصور مدى التقارب الذي جعلنا نتنافس فيه ، وكنت بنفسي اقيم البحوث له واقوم بطباعتها ولست امزح معك .. الى ان اكمل دراسته رغم انه لم يصدق نفسه ! .. بعد ان بقي عاطلا وكارها للدراسه ! 2_ أجعل لك غرفة خاصه للدراسه تحتوي على مكتب خاص وكتب خاصه ، ولا انصح بالغرفه العاديه ، مش مهم تخسر الملايين بس المهم انك تحس انه المكان مرغوب للمذاكرة وفي نفس الوقت مريح يلبي كل طلباتك . 3_ ولاتخاف من الانجاب : فهذا الموضوع شيء عادي ويحمسك لبذل مجهود اكثر ، صحيح بانه لايوجد مقارنه بين وضعي ووضعك ولكن ربما الاصرار والعزم نفسه ، وكسب الوقت خير عمل ! 4_ يقال كثيرا صلاة المتزوج افضل من صلاة العازب " اذا لاتنسى بان الله سوف يساعدك ويسدد خطاك اذا عرفت ماتريد وسيلمهك ماترغب به برضا وبسرور " |
اختي نسرين اختي ام عبد الله اشكركم على هذه النصايح
بس والله اني خايف مدري اقول بكرى دراسه وزوجه وبيت وعيال والوالد والوالده مناسبات الجماعه عشاء غداء ماني عارف ايش سوق يعني شوي شوي راح امل واتعب وتتعب نفسيتي لانه مافي وقت او مجال اني اذاكر يعني لو مافي زوجه يمكن استغل اربع اوخمس ايام اسافر فيهم اغير جو وكتابي معي يعني ادرس في مكان غير اما الزوجه الاولاد ام العيال هذول مستحيل اتزوج واسكت كذا بدون عيال ياقلبي ياعزوز بس يجي اوريه الدنيا بألوان الطيف يعني صعب اجلس كذا بدون اطفال الا بأمر الله سبحانه وتعالى اختي نسرين الله يسمع منك وتجي هي تساعدني على الدكتوراه اختي ام عبد الله ان شاءالله يصير فيني مثل ماصار بأبو عبدالله هي تسوي لي البحث وتطبعهن بعد والله انك بنت حلال الله يجزاك خير طيب علميـأ نفسين ايش احسن متزوج او اعزب لا اكمال الدراسه ؟؟؟؟ |
المتزوج اكيد افضل
وخاصة اذا حصلت على دعم من زوجتك راح تحس براحة نفسيه لان في شخص قاعد يشجعك على هدفك ... انت عندك اي افضل تمشي في طريق طويل لوحدك ام مع شخص تحبه ؟!! لان الدراسه طريق طويل وتحتاج الى شخص يقف الى جانبك يعينك وتعينه ... الله يوفقك اخي سعودي ويوفق جميع المؤمنين والمؤمنات تحياتي |
تزوج نصيحه
ولا تشوف انك باقي صغير الزواج راحه واستقرار ووناسه ورومانسيه اشياء جميله |
تزوج وماعليك
وخليها تفرح وهي معاك كملت وحصلت على شهادة الدكتوراه اهم شئ الاهداء يكون لها (اللي في اول الرسالة الدكتوراه) |
ياخي انت استخر ربك وبعدين شاور الناس استخر مره ومرتين وثلاث لين عشراستخيرات اذا حسيت انك ارتحت سو اللي انت ارتحت له والله يوفقك ويرزقك الزوجة اللي تريحك وتسعدك وتقوم بواجباتك وواجبات امك اسئل الله ان يرزقك الذرية الصالحة
|
والله انكم شجعتوني على الزواج الله يجزاكم خير وماقصرتوا
وان شاءالله زوجتي تكون متفألهوطموحه وترسم لي طريق الدكتوراه وتزينه لي بأبتسامتها وتشجيعها لي وتقولي هذا طريقك ماعليك الا انك تسير وانا ابادلها نفس الشعور وتصير منافسه لكم جزيل الشكر |
مادام المال موجود وش تنتضر حبيبي اعقلها وتوكل والله لو حالتي الماديه متيسره زمان متزوج ..اخي الزواج سنة الله في الكون معقول السنه هاذي تعقد الناس لالالالالامو صحيح
اذا اعقلها وتوكل |
الله يجزاك خير اخوي والله يرزقك بالمال والزوجه الصالحه
|
اخي الكريم العسسسسسل.........
قد اختلف مع الاسف مع اخواني بالرأي............. لقد امرنا الرسول صلى الله عليه وسلم بالزواج المبكر حيث قال عليه السلام من استطاع منكم الباءة فليتزوج. وهنا باعتقادي الشخصي ليس المقصود في عصرنا الحالي الطعام واكساء الزوجة فقط..... ايضا مهم ان يكون الانسان قادر على البائة النفسية والاستعداد الروحي كيف تقوم بالزواج وانت تقول باني اشعر بانني اريد ان اكون صقر حر بنفسي؟؟؟؟؟ الزواج ليس كلمة بالفم وليس المطلوب يسر الحال فقط!!! الزواج مسؤوليات واهمها القدرة على تقبل الالتزام اليومي بكافة اشكاله........... عذرا قد يكون رأيي مختلف ولكن اتمنى لك التوفيق والنجاح من كل قلبي وفقك الله ياعسسسسسسسسل اخوك المخلص الحكيم |
إذا شفت انك قد الزواج تزوج
وإذا انت مرتبط بشكل كبير بأصدقائك وما تقدر تتركهم فوالله انهم ماراح يريحونك يعني حاول تدرس عشان تنشغل عنهم وإذا انت قدها وقدود اعقلها وتوكل لان بعض الشباب اشوفهم لهم علاقات بأصدقاء وإذا تزوج جلس معها شهر خلاص انتهت مهمته وكأنه مايعرفها ........ وجهة نظر لا تزعل النادرة |
اخوي الحكيم اشكرك جزيل الشكر على مرورك وتعليقك لاكن لو ماكنت مفكر بالزواج زين ماكنت استشرتكم وسألت عن كل شي مو واضح لي انا اقولك احيان كذا واحيان لا راح التزم بزوجتي وبيتي اذا صار نصيب ان شاء الله
اختي النادره مشكوره بالفعل كثير من الشباب للاسف مثل ماقلتي ماعندي مشكله من ناحية اصدقائي لانهم تزوجوا وتركوني لحالي يالاستراحه ههههههههههههه مشكورين |
اخي سعودي عسل انصحك بالزواج لانة قبل كل شي استقرار
وراح يدفعك قدام كثير انا متاكدة من ذللك يالله اخطب من زمان من حضرت زواج |
| الساعة الآن 05:00 PM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا