نداء حتي الدايخين والي ماعدهم توازن
السلام عليكم ورحمه الله
طبعا هالموضوع انفتح من قبل وانا رفعت الموضوع بس ما لقيت حد اتجاوب معايا قلت بفتح موضوع ثاني علي الاقل انواسي بعضنا وياريت الي خف من الدوخه يقولنا شو انسوي انا صارلي سنيتن اعاني من الدوخه المستمره وعدم توازن وماخليت شي ماسويته وأختي فراشه قالتي سوي تحليل الجرثومه فعلا طلعت عندي الجرثومه في ضعيفه يعني ماتسبب الدوخه والعدم توازن مادري تنصحونا اروح دكتور نفساني ياليت الكل يشارك ماريد اكون ابروحي احس بخوف |
هلا اختي الله يشافيج
انا كانت الدوخة ملازمنتي 24 ساعة كنت اخاف اطلع من البيت بسبب الدوخة وضيق تنفس ورجفة ودقات قلبي سريعة وعدم توازن وغشاوه في العين طلع عندي نقص فيتامين دناقص 9 وعندي جرثومة المعده بس تشافيت من الدوخة بس ياقي الخوف عليج يالرقية والصلاه حللي فيتامين د اشربي حليب طازج |
عندي جرموثه ونقص فيتامين د بس انا عندي 18 فمادري ها يسبب دوخه وعدم توازن
|
81 ولا حد رد عليه حتي لو بدعوه لهاي الدرجه موضوعي مايهم
|
السلام عليكم ...
مس جوتشي...لاتحزني يا حبيبتي والله انا اكثر واحدة تاثرت بالدوخة وعدم الاتزان .. وانا قدامك ما زلت حية ارزق ....سبعة سنوات من الدوخة والى حد اليوم لم اجد دواء ربي يشفينا ونرجع مثلما كنا يا حبيبتي ... |
الله يشفيك
وترى فيتامين د يعمل عمايل لابد ان تتاكد منو |
أخيرا حد رد عليه الله يشافينا كلنا
|
انا عندي دوخه وعدم اتزان لي يومين ولا خفت ولا راحت
|
عندى دوخه وعدم اتزان من رمضان ولحد الان لم تخف ولا اعلم ما السبب :(
|
أنا عندي دوخه وعدم توازن مستمر وماقدر اطلع من البيت بسببها .. ماقدر اوقف كثير ولا اقدر امشي كثير بسببها !
ولاحظتها تزيد مع القلق والتوتر .. والى الآن ماعرفت سببها ,, برضوا عندي تسارع في نبضات القلب واخذ عليه دواء كونكور حق القلب والمفروض ما اخذه لأنه للأمراض العضوية فقط !! لكن جهل الأطباء عندنا هو السبب والآن احاول اوقف من الدواء مو قادر .. بالنسبه للدوخه الآن جالس انتظر تحليل فيتامين د ,, وان شاء الله خير يارب بس ماشرحتيلنا ايش نوع الدوخه اللي تعاني منها وهل تقدري تمشي وتروحي وتجي عادي ولا لأ ؟ |
سلامتك يابوتركي. انا دوختي وعدم توازن مسمتره يعني 24 ساعه ولازم اذا طلعت امسك في حد من خواتي او الوالده كاني وحده عيوز عندها 70 سنه ومااحب الاماكن المزدحمه ماعرف شو اسوي والله تعبببت الحين طلعولي بشي يديد ان الدم مايوصل للمخ والاذن الداخليه بشكل كافي
|
ماتشوفين شر إن شاء الله شدة وتزول بإذن الله وقدامك العافيه
اتمنى منك تدخلي قسم الرقية الشرعية وتحطي سماعات الأذن وتستمعي بخشوع لرقية الشيخ: أحمد البليهد كامله وإذا حسيتي بتغيرات خبرينا .. أسأل الله أن يكتب فيها الشفاء لك اللهم آمين |
هلا
[QUOTE=مرهم جروح;811431]ماتشوفين شر إن شاء الله شدة وتزول بإذن الله وقدامك العافيه
اتمنى منك تدخلي قسم الرقية الشرعية وتحطي سماعات الأذن وتستمعي بخشوع لرقية الشيخ: أحمد البليهد كامله وإذا حسيتي بتغيرات خبرينا .. أسأل الله أن يكتب فيها الشفاء لك اللهم آمين[/QUOTEالشر ماييك ياخوي ان شاءالله بدخل وبسمع الرقيه وبخبركم شو يصير وجزاك الله كل خير |
سلامتك يا قلبــــــــــي ما تشوفين شر ،، أنا مثلك بعد وحللت فيتامين د طلع ناقص عندي 15 وهو ترا يسبب دوخه وأعراضه مثل أعراض الأمراض النفسية ،، حللي وشوفي ،، الله يشفيك ويعافيك ،، عليك بالقرءان وسورة البقرة بالذات ،،
|
انا طلع فيتامين د عني 11 .. طبعاً كالعادة الأطباء عندهم جهل معرفي حول فيتامين د واعراضه .. وقالي طبيب الباطنية ماتوقع يسبب كل هذا لكن عادي اجلس بالشمس قمت انا قلتله يصرفلي علاج ولا هو ماكان ناوي يصرفلي اي علاج, وبعدين استشرت استشاري غدد وقالي فيتامين د يسبب الدوخه والقلق وكلللل شي !!!
حللوا فيتامين د واعرضوا انفسكم على طبيب غدد افضل |
الساعة الآن 11:52 PM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا