موقف مر عليا اليوم ( لاتكون مثل صاحب الموقف)
 

السلام عليكم
اسعد الله اوقاتكم بكل خير
اليوم رحت الصيدليه بشتري
اغراض عاديه ..طبعا الدكتور
اللي بالصيدليه اعرفه ..
دخلت الصيدليه وسلمت عليه
وكان عنده شخص اخذ دواء
ولما دخلت دفع الحساب ومشي
بعد ماطلع الدكتور حسيت مزاجه
مو تمام قلت له سلامات وش فيك
قال ليا نص ساعه مع الشخص اللي
خرج قبل شوي يناقشني بموضوع
علاج ياخذه وكل يومين يجيني
ويسالني ويشتري ادويه..
قلت له وش الادويه قال
كل يوم نوع مره سيروكسات
ومره سيبراليكس ومره سيركويل
له اكثر من سنه زبون عندي
وكل مره يجيني يقول الدواء
ماجاب مفعول مع انه يكون
اخذ من نص العلبه ويغيره
يعني اقل من شهر ..
طبعا هذا شخص مشتت بين الادويه
لو انه استقر ع علاج كان تحسنت حالته
واكيد انه كل يوم عند دكتور
..
الهدف من طرح هذا الموقف..
اريد انصح كل شخص بعدم
الاستعجال ع العلاج لايتم الحكم
ع العلاج قبل شهرين بجرعة علاجيه
طبعا شهرين مو شفاء تام لكن
خلال الشهرين لو حس بتحسن
لو10% يستمر ع العلاج واذا ماحصل
نتيجه نهائي يفضل الاستمرار
شهر فوق الشهرين واذا كانت
نفس النتيجه عدم الشعور في
اي تحسن كذا يتركه..
ام التنقل بين الادويه كل فتره
نوع هذي دوامه ثانيه تاخر الشفاء
احرص ع ان تكون صبور ع العلاج
وعدم استعجال النتائج ..
تحياتي

الله المستعان

احنا حاصلنا ناخذ لو دوا واحد عشان نجلس نغير كل شوي انا اتمنى اقدر اخذ دوا راح استمر عليه6شهور مو شهرين لكن متى؟؟

طيب خذي..?
طبعا الدواء يحتاج تغير الفكر مو دواء لوحده
اشغال الوقت مهم ..
بختصار الرجوع للحياه الطبيعيه
مثل ما كنتي اول ..

صحيح، لازم إعطاء العلاج فرصة كافية
وتقييم نسبة التحسن ولأدرجة جالس يتحسن
مو مباشرة تغيير
والأفضل اتخاذ قرار تغيير الدواء بالتشاور مع الطبيب
وحتى تغيير الدواء لو كان بسبب الأعراض الجانبية فلو كانت أعراض محتملة ومؤقتة فليحتملها
لأنه مع الوقت بتقل الخيارات وتضيق

أيضا الأدوية ممكن ما تعالج المرض أو الأعراض بنسبة 100% فهناك علاجات نفسية غير دوائية فليتقبل هذا الأمر وليتعايش معه

وانا لاقيه وقايله لا اول شي انا مو موظفه ثاني شي ماطلع من البيت لوحدي ثالث شي زوجي رافض فكرة اني ارجع اخذ علاج يقول كلها تسبب ادمان
قاعده احاول اتعايش واعيش حياتي بشكل طبيعي هذا اللي اقدر اسوية حاليا

وعليك السلام والرحمه
حياك الله ... والله يالغالي المريض اللي قابلته الله يشفيه ويعافيه
واكيد طريقته غلط ولا اتوقع انه راح لدكتور اتوقع انه مشخص نفسه بالأعراض
اللي يحس بها وانه كان مطلع عل النت وممكن زميل لنا في هالمنتدى فقرر لنفسه علاج معين وهكذا
والصيدلي شكله يبالغ شوي في الكلام وبعض الصيدليين مايحب يتكلم عن العلاج يعلمك السعر وانتهى كود تسأله
عشان يجاوبك وبعضهم لا العكس هو اللي يسألك وينشب في حلقك تحس انه فعلا" حاس بالمسؤوليه عنك وانه لابد يعلمك كيف تاخذه
عموما" انا مع هذا الشخص في نقطه معينه سرعه استجابت العلاج
كمثال الصداع تاخذ بندول بعد ساعه بالكثير راح منك او خف
اما اني اخذ علاج واسعارن غاليه واستمر عليها شهرين او ثلاثه عشان اتحسن بنسبة 10 او 20 ٪
كذا قاعد اضيع فلوسي ووقتي عل عماها بلاش منها كلها
الا في حاله وحده انه مالك علاج الا هالعلاج وهذي ممكن 1 في 100 مع انه في تقدم الطب والحمدلله
اغلب الامراض لها عدة أدويه

كلامك سليم100%
يعطيك العافيه

الوظيفه وش دخلها بالموضوع
وزوجك المفروض يسال حاولي تقنعيه

كلامك سليم 100%
لكن مع الاسف الطب تقدم لكن بالدول الغربيه
هنا عندنا ماعندك احد اطباء بجميع التخصصات
اقدر اقول فاشلين يمكن نحصل1% متمكنيين
اما البقيه ماعندك احد بجميع التخصصات

لو انا موظفه كان وصيت احد يشتري لي وكان بحكم اني اخرج لوظيفتي فا اقدر امر اقرب صيدليه واشتري علاجي

شكرا لك اخوي

بس برضو انا اعتب على حق الصيدليه المفروض يقوله هالكلام ولو ما نفع ما ابيعه او اني اتفاهم معاه عن العلاج

يعني امارس نوع من الامانه على الارواح والصحه كوني ك صيدلي

لكن الشخص الاخر ايضا يغير دايم ولا اعتقد موضوعه خسارة فلوس لان الرجال مستعد يغير ف يقدر يثبت شهرين

الله يشفينا جميعا

وشكرا لك ومعاك حق الصبر واجب

اكيد في حل فكري شوي

كلامك صحيح لكن الصيدلي انت عارف يهمه المكسب
المستشفيات والصيدليات تجاره بحته صارت مع الاسف

تعرف دواء للاكتاب والرهاب يزيد الوزن بشكل ملحوظ ؟؟

اريد افظل دواء لزيادة الوزن

من تجربتي الريميرون
محسن للنوم ومهدي قلق
فاتح للشهيه بشكل كبير
لكن لو تاخذ فاتح شهيه افضل لك