وسواس الامرااااض
 

السلام عليكم
ياجماعة تعبت والله تعبت ايش الحل تكفون قولولي والله اطنش
بس لما اشوف اي شي حتى لو تافه فيني اوسوس والله تعبت تعبت

هالفتره شوي صعبه .. ما اجذب عليج اذا اقولج اني اعاني من وسواس الامراض ع الموت ع الافكار التسلطيه

اي حد اسمع انه مريض من الاقارب اتعب جدا .. اتخيل فيني المرض الفلاني

الشد اللي فيني افسره شي ثاني ورافضه اروح العياده لانه جو المستشفيات تعبني سنتين ورى بعض وانا في فحوصات وكل يوم عرض جديد

اي قصة اسمعها تزلزلني

ولكن بالرغم من كل هذا اقول هذا كله وسواس وكذب والقادم اجمل بإذن الله

لا تنسين الحين نحن داخلين على أيام فضيلة بإذن الله ولاحظت انه الوسواس اتزيد في كل وقت فضيل وكأنه حرب بين الباطل والحق

تعرفين اني اتحسس جسمي ومنطقة الشد وما اقدر انام منها من الوسواس حتى لما ييني صداع اقول كورونا 😂 من غير موضوع السلاسلات الجديده وكل شي وكل ما اسمع حد من المحيطين والاقارب مصاب اسأل اسئلة وسواسيه ( شخبارهم ؟ هل هم تعبانين ؟ هل في المستشفى .. واذا كانوا في المستشفى اقول هل هم في العنايه هل حاطيلهم اكسجين !! ما اسأل حبا فيهم لا اسأل لانه هذا سلوك قهري لذلك قمت حرفيا اتجاهل كل خبر اسمعه صح احيانا ما اقدر لكن احاول !! )

وسواس الامراض وسواس قديم عندي من الطفوله قبل وسواس الموت بس هو البوابه اللي دخلتني ع وسواس الموت .. بس انا ما اتحمل اسمع عن شخص مريض يعني يخوفني اكثر الموضوع اذا عرفت انه في شخص مريض بالي يتم مشغول معاه اكثر من المريض نفسه

فتره وتعدي بإذن الله حاولي تستجمعين قواج وتتجاهلين … تماما لانه كل اللي تمرين فيه وسواس ونحن عارفين انه وسواس بس لانه خفنا من الفكره صدقناها

اااه ياحجر والله تشكيلي ابكيلك الحياة ماصار فيها متعة نفسي اقوم بنفس ارتب بيتي ونفسي انتبه لطفلي اسوي اكلي انجززز اعيش حياة حلوة .. مصدر راحتي الجوال يا عالجوال ياموسوسة اتحسس في ولدي مرة راسه مرة رقبته وامسك غدد واقول ايش هذا او اوسوس بنفس ادور في صدري وامسك غدد وايش هذا واخر شي مع التركيز في جسمي لقيت كم نقطه افتح من بشرتي ووسوست ومرة لقيت نقطة دمً متجمد جوه فمي باطن الخد وسوست وقشرتها عشان اتطمن انها مو شي ونفسك اخاف اصدع ولا اكح ولا اي شي اوسوس ياحجر اصحى الصباح مزاجي متعكررر واقعد عالجوال لين زوجي يجي والله دا الوسواس يمنعك من الحياة بس تكوني في خوف وقلق لو اضمن اني برجع طبيعية بالحبوب باخد بس المشكلة مو لاقيك تجربه اقولك تخلصت من الوسواس اااه يارب رحمتك وخفف علينا وعالجميع حتى اكثر شي منرفزني صايرة مااصلي بضمير وااخر كثييير الله يسامحني

اصعب شي هو وسواس الامراض تحسين انك بدوامه مو قادره تطلعين منها والله قبل لايجيني هذا الوسواس كثير اشياء كانت تصيرلي واشياء تافهه والحين عكس تصيرلي اشياء تافهه واكبرها زيدي على الوسواس نوبات الهلع الله يعين بس شفت قناة باليوتيوب واحد اسمه عمر المحمدي ادخلي قناته وشوفي الفيديوات الي منزلها مره استفدت منها وحسيت اني فاهمه طبيعة الشي الي جالسه احس فيه بعد ماكنت مشتته ومو فاهمه حالتي بالضبط

أرسلي لي دعوه للقروب ..

ابشر

لوليتا لسا تجيك الالام والنغزات الي ف الجهه اليمين ؟ 🥺

طلعت حصوة مرارة ابتعدي عن الدهون واكل الليل واشربي مويا كثير

عااد انا شاكه انها ف المراره 😢
طيب كيف سويتي عمليه ولا علاج