ضيق التنفس
 

السلام عليكم

طبعا البعض يعرف سالفتي مع آلام الصدر والنبضات الغير منتظمه و الرفرفه اللي تجي بصدري
وكلها قالوا لي من فقرالدم
وقاعده اتبع نظام غذائي بحيث يبعدني عن اي اكل ممكن يسبب لي كتمه مثل المنبهات وغيره
برضو الجهد والحركه والتمارين احاول امارسها بشكل معتدل او اقسم الحركه
اللي صار اني من اخذت اللقا/ح وجتني اعراض عادي زي اي شخص جاته اعراض مابعد اللقا/ح
بس اللي خايفه منه انو جاني ضيق تنفس خفييف جدا
عادي اقدر اتنفس والهوا يدخل رئتي طبيعي بس حاسه بضيقه يعني شي مزعجني بصدري
وانا اي شي يسبب لي ازعاج بصدري خلاص اتضايق على طول وابغى اسوي اي شي عشان يروح
نقطة ضعفي صدري ورئتي وقلبي خايفه عليهم طول الوقت
على ان قالوا طبيعي بس بالبدايه الضيق او الكتمه وتروح بعدين
بس انا مزعجتني جدا واحاول اهدي نفسي وارتاح قد مقدر بس مو قادره
طول الوقت افكر في الكتمه وكيف انقذ نفسي وكيف اتصرف 😪
تبعت من سالفة آلام الصدر وحاولت اتعايش معها وتحي كتمة اللقا/ح
احد فيكم جاه مثلي؟ و ايش الاعراض اللي جاتكم بعد تلقيه

جاي اكتب موضوع عن اللقاح اخذت الجرعتين ومن بعدها اخبار الجلطات المفاجاة والموت كثران بزيادة وصايرة بكل مكان اسمعها والحين الخوف لاعب فيني لعب وتوتر عالي وسمعت انه ممكن تضعف مناعتك بزيادة اذا خفت ، اهلي يقولون مافيك شي لا تخاف بس للاسف اعراض اللقاح والجلطات كثرانة ومو قادر اسيطر على نفسي قاعد انتظر تجيني جلطة واموت مو قادر اعيش حسبي الله ونعم الوكيل على اللي اجبرني وانا ما ابي اخذه

عاد انا عندي وسواس موت شديد وهلع ما عالجته واكبر خوف وساوس عندي وساوس الجلطات والقلب فجأة فالحين في شي يقعد يزيده ويمكن يقتلك اللي هو اللقاح والله تعبت حسبي الله ونعم الوكيل منموت بجلطة بعمر صغير اخرتها ، واخبار الشباب اللي قاعدين يموتون فجأة مجلوطين ما قاعد تساعد ابدا ان الهلع يخف صار بإزدياد حسبي الله💔💔💔💔

صادق انا ماكنت ابغى اخذه وقعدت فتره طوووويله وتوني اخذته مجبوره
لو علي ما اخذت لاني قريت عن اعراضه

اعرف ناس اخذو الجرعه الثالثه و رايحين للرابعه و في خامسه ترى في فئات معينه مطلوب منها صحيا تاخذها
ما قيد سمعت عن اعراض اللقاحات انتم لا تدوروا مثل هالاخبار عشان لا يلعب فيكم الوسواس انا اخذت الجرعتين اهلي و جماعتي و عيالهم و احفادهم و جيراننا و بالعمل الكل اخذ و اهلهم ما قيد شفت للجرعتين او الثلاثه اي اعراض يمكن حالات نادره قليله جدا و لا كان اوقفت اللقاح وزاره الصحه
هم نفسهم اول ناس مجبرين على اخذ اللقاح لو فيه ضرر ما استمر للان اخذه حطو في بالكم ان التطعيم هذا للتحصين و كل الناس حتى الاطفال جالسين ياخذوه و الحمدلله ..
الموت بسبب الجلطات و السكتات من زمان موجود و بكثره لكن وسائل التواصل الاجتماعي اصبحت مسلطه الضوء بزياده عشان ترعب الخلق و تخوفهم من اللقاح و الناس مو ناقصين خوف حسبي الله عليهم و نعم الوكيل ...
دايما تلقوا كثير امور لها ناس معارضه و تبث سمومها و تشوه اي حقائق و تنشر القلق و الاضطراب بين الناس ...
ابعدو عن اي شي يزود الوسواس الله يرضى عليكم
ما فيكم الا العافيه و الموت الله سبحانه و تعالى كاتبه لنا كلنا و ماحد ميت قبل اوانه مو عشان انتشر الموت بالجلطه معناته انا ممكن اموت بالجلطه عشان سمعت عنه او قريب مني مات هالموته و لا كان متنا زي موتة اجدادنا و بنفس اعمار من ماتوا فوضو امركم لله و عيشو حياتكم حرام يروح عمركم و انتم في دائره القلق قولو يارب استودعتك نفسي يامن لا تضيع ودائعه ضعوا نفسكم امانه بين يدي الله و امضوا في حياتكم ماراح يضركم شي ...

كيف تبيني اعيش مرتاح وفي شي بجسمي ما اعرف وش مكوناته محطوط فيه ؟ طيب دامه كذا ليش جابريني عليه ليش مو براحتي؟ تقولين اهلك ومدري مين ناس ماخذة الف جرعة اكيد في جرعات موية وملح وفي جرعات قوية وهذه الناس تموت منها انا جتني كورونا وتشافيت منها وش ذنبي اخذ جرعتين كمان واتعب غير وسواس الموت الي عندي؟ هذه باالاول والاخير لقاح تجريبي يعني قاعدين يجربونه واحنا الضحايا وما اقول الا حسبي الله عليهم خربوا حياتي ونكدوا علي ودخلوني بدوامة لا بعيش عمري زين ولا بتعيش عمرك الا وفيك شي تشكتكتي لمين بس كل الناس صايرة احسها ببغاء يرددون زي بعض مدري وش فيها عقولهم صارت حسبي الله

والله العظيم زيك خصوصا اني متشافي من كورونا وامس جارنا يقول خاله مات من اللقاح وغير كذا انه تجريبي يعني ما تدري وش بصير فيك وجابرينه عليك حسبي الله منعيش بدوامة ما منطلع منها

بالنسبه للرفرفه بسيطه جدا انا جاتني اكثر من 18 الف نبضه تسمى خوارج الانفباض وقالو طبيعي سببها المعدة ضيق التنفس 90 بالمية من اسبابه نفسي ويرافقه الم في الصدر

الله يقويكم و ينجيكم من الوساوس المحطمة و المدمرة

سلامتك إنعكاسات
سلامتك الغاضب
سلامتكم كلكم

نصيحة أبعدوا عن تويتر إذا أنتم من اللي يتصفحه و منها تجيكم تغريدات ما تريدونها ثم تجيب لكم الوسواس


أنصحكم بالحجامة فهي دوائكم من كل داء

ثم

- افحص نسبة كريات الدم البيضاء
فحصD dimer يكشف إذا عندك تجلطات وفي دكتور أجنبي نصح الملقحين يسوونها
فحص CBC فحص عدد كريات الدم
فحص الأجسام المضادة .

https://www11.0zz0.com/2021/11/16/16/474473532.jpg

https://www11.0zz0.com/2021/11/16/16/964715655.jpg

الله يفرح قلوبكم و يسعدكم و يطول بأعماركم و أنتم بأتم صحة و عافية

ليه طيب مجبرين ناخذه؟ جسم الانسان ربي خلقه بأحسن صوره ويقدر يدافع عن الفيروسات بشكل كويس
مو لقاح هو اللي بيحل الازمه

ايوه هي خوارج الانقباض
وساعات تجي نبضه قويه تحس قلبك وقف لثواني ورجع يشتغل
انا يجيني ألم بصدري احسه
اقدر امسك مكان الالم وكل مارحت طبيب قال فقردم
طيب ادري فقردم عطوني حل

ايوه وحده ست كبيره في السن تطعيمها صاير قديم من اوئل الناس اللي افتتحوا التطعيم لما تجي تسافر في المطار مطالبينها لازم تطعم تطعيم جديد و في ناس نصحوها قبل تطعم حق كورونا تطعم قبله باسبوعين تطعيم الانفلونزا بس هي ما سمعت كلامهم و اخذت بس الجرعه الثالثه و حكتني انه في رابعه و خامسه في مقر التطعيم ..
و الثانيه برضو ست كبيره تغسل كلى الله يرفع عنها الطبيب نصحها بأخذ الجرعه الثالثه في ناس لظروف السفر اذا هي مقيمه هنا و بترجع بلدها كل شوي لظروف و كمان المرضى من الدرجه الاولى ...
شفانا الله و عافانا جميعا ...

على مر التاريخ كانت الفايروسات تهلك الأعداد الغفيرة من الناس و كان اللقاح بعد الله هو المنقذ بأمر الله و رحمته

[ نَفِرّ من قدر الله إلى قدر الله ] . عمر بن الخطاب رضي الله عنه

.

- الطاعون
- الجدري
- الملاريا

و غيرها من الأمراض الفتاكة كانت قديما قبل اللقاحات هلاك شامل للناس و أتى العلماء بعد ذلك و كانوا سببا للعلاج من هذه الأمراض و الفايروسات

قال تبارك و تعالى { و علم الإنسان ما لم يعلم }