من فيكم جرب تطبيق لبيه ؟
 

السلام عليكم ورحمة الله
أسعد الله مساكم براحة البال
من فترة وانا افكر في اخذ جلسات عن طريق تطبيق لبيه اعتقد مشهور والكل يعرفه لكن متخوف من موضوع الخصوصية والكتمان في مثل هذه التطبيقات خصوصا اني موظف حكومي ومش حاب احد يعرف بحقيقة مرضي سواء مدير القسم او اي احد من الزملاء ، يا ليت يا اخوان اللي عنده معلومة مفيدة يدلي بدلوه وشكرا

و عليكم السلام ورحمة الله وبركاته

حياك اخونا و ما تشوف شر

انا في بداية رمضان يوم تعبت حملت التطبيق و تواصلت معهم عشان كنت أبغاهم يصرفون لي اي علاج يذهب عني الهلع و الوسواس لكنهم ما تواصلوا معي و ردوا لي قيمة الاستشارة في حسابي

بعدها ما عاد تواصلت معهم و رحت لعيادة خاصة

الخصوصية اكيد فيه خصوصية ان شاء الله لانه تم انشاؤه بموافقة حكومية و بترخيص حكومي

حتى تلقى كاتبين نبذة عنه بنفس التطبيق

و فالك العافية يارب

من ناحية الخصوصية لا تخاف

تطبيق لبيه لا باس فيه

لكن سعره مرتفع نوع ما للاستشارات الفوريه رغم انه ماهي خساره
جرب تطبيق استنارة اسعاره كويسه

من ناحية الخصوصية لا تخاف

لا تخاف التطبيقات الي كذا حتى الامل لا يكشف مرضك لرئيسك
لان مالهم اي مصلحه بذالك حتى مديرك ماراح اتوقع يدور وراك لانه ماهو فاضي
ماراح يعرفون حتي انت تقول لهم مباشره او تقول لشخص منهم ويكون هو مذياع بالعمل المهم خلينا اكثر واقعيه
يوجد موظفين كثير جدا جدا يراجعون ويتعالجون محد فاضي للتحريش عليك لان مافي مصلحه بالمنطق
لا تقلق ولا تهتم للناس عش حياتك استمتع وطور نفسك عامل زملائك بالمعقول
اهتم بعملك اكثر وانجز
قدامك العافيه