حوار عائلي جميل............؟؟؟
 

الأب مخاطب الابن : تعال وله >>> >>>الابن و بكل براءة : نعم >>> >>>الأب :نعامة ترفصك ... تعال وله >>> >>>الابن : ليش شو سويت؟ >>> >>>الأب : سواك ضريب يخلع رقبتك >>> >>>الابن : شو فيه؟ >>> >>>الام : شاوي يشوي عضمك ....رد على ابوك بأدب وله >>> >>>الابن : هوه انا حكيت شي؟ >>> >>>الأب:حكحكوا جنابك بالعصايه اوقف عدل يا حيوان >>> >>>الابن : حاضر >>> >>>الأم :يحضروا على قبرك انشالله ... لما ابوك يحكي انت بتخرس >>> >>>الابن :أخرس؟ >>> >>>الأب : ايوه ان شالله خرسه >>> >>>الابن: ماشي >>> >>>الأم: اجاك مشش بركبك ما تقوم منه انشالله >>> >>>الابن :مشش ؟؟؟ شو هاذا المشش؟؟ >>> >>>الأب: اما انك قليل حيا ...وبترد على امك كمان ؟ هات العصاي وتعال وله >>> >>>الابن: انا رديت على امي؟ يمّـه احكي كلمه >>> >>>الأم: موا يمزع نيـعـك وله ....حكيتلك اخرس >>> >>> >>> >>>الابن الان اصبح مغلوب على امره ومش فاهم ايش الموضوع وصمت >>> >>> >>> >>>الأب: أما جيل قليل حيا...احكي وله ... مالك انخرست >>> >>>الابن : شو احكي؟ اذا حكيت بتقولوا عني قليل حيا وبتشوفوني غلط >>> >>>الام :حيه الي تقرصك انشالله ... قلتلك تأدب وانت بتحكي مع ابوك >>> >>>الأب : ايش 'بتشوفوني غلط' هاي ... شايفنا عميان ولا حول ؟ >>> >>>الابن : لا اله الا الله >>> >>>الأم : الله يوخذك انشالله .... يا ريتني خلفت ابن الجيران ولا انت >>> >>>الأب: انا مش عارف هاذا الولد متى بده يصير زلمه...دايما فاظحني بين الرجال >>> >>>الابن: طيب شو اعمل عشان تشوفني زلمه ؟ >>> >>>الأب: قلتلك اخرس وله >>> >>>الابن: يا الله ... يا الله ... يا جماعه شو مالكوا ... شو فيه ؟ >>> >>>الأم: اه صحيح انت ليش ناديت عالولد يا زلمه ؟ >>> >>>الأب :بتصدقي يا مره اني نسيت.... نساني شو كنت بدي منه هالكلب >>> >>>الاب : خلص روح ارجع على غرفتك يابا .

سلمت يمناكِ ,, أنا أستمتع بقراءة هذه القصة كل ما قرأتها ,,

الله يسعدك ,,

سموّ!

قصه حلوه كثير زي صاحبها

تسلم أنت كمان
الله يخليك

بصراحه ملوكه اعجبتني القصه وضحكتني

تسلملي ضحكتك يالغالية
الله يدوم السعادة على وجهك يا رب

اخيرا سمعت اختي نور تقول انها ضحكت والله اني فرحان من كل قلبي عليك ان شاء تدوم معك على طول بارك الله فيك وطول عمر انتي وملوكه وجميع الاعضاء

يسلموا ملكه على الحوار بجد ضحكتيني من قلبي

الله يسعدك أخي الشاكر وشكرا على اهتمامك بأختك نور