|
تجربتي مع السيروكسات سي ار ... ربي انت ثقتي ورجائي
اخواني واخواتي الاعزاء على قلبي من اعضاء ومن زوار
اسعد الله جميع اوقاتكم بالصحه والعافيه والطاعه لمن يهمه الامر قررت اخصص هالصفحه لذكر تجربتي مع علاج السيروكسات سي ار ولا تنسون انه ربنا هو الشافي وجميع الادويه ماهي الا اسباب احبابي اهم شي الثقه بالله الثقه بمن امره بين الكاف والنون الثقه بمن قلبك وجميع اجزاء وخلايا جسدك بين يديه ...... اللهم ، أنت ثقتي في كل كرب ، ورجائي في كل شدة ، وأنت لي في كل أمر نزل بي ثقة وعدة ، كم من كرب يضعف عنه الفؤاد ، وتقل فيه الحيلة ، ويخذل فيه القريب ، ويشمت به العدو ، وتعييني فيه الامور ، أنزلته بك ، وشكوته إليك ، رغبة فيه إليك عمن سواك ،ففرجته ، وكشفته ، وكفيتنيه ، فأنت ولي كل نعمة ، وصاحب كل حسنة ، ومنتهى كل حاجة ، فلك الحمد كثيرا ، ولك المن فاضلا |
رد على سؤال اخونا منتضر الفرحه التالي :
اش معنا اس ار بنت الجوري يعني العادي ماينفع والله فرحتيني بالخبر صراحه اتمنى التحسن ميه بالميه كم سعره هذاالسي ار وكيف النوم والاشياء الثانيه لو شفينا كلنا انا بسوي عزيمه كبيره وبعزمكم كلكم هههههههه هلا فيك اخوي منتضر والله ما ادري ايش السبب بس انا ما جربت السيروكسات العادي والحمدلله السي ار مو غالي اللي بجرعة 12 سعره بحدود 75 ريال واللي بجرعة 25 بحدود 97 ريال بالنسبه للنوم فيه زياده بسيطه بالنوم وشوية كسل واتوقع انه للبرد والشتاء دور فيها :) وعموما بسيطه جدا تقدر تقاومها بالنسبه للشهيه للاكل ابدا مافيه اي تغيير الحمدلله باذن الله بنتشافى كلنا بس لا تنسى العزيمه :) |
رد على مشاركة اختنا فاقدة الامل :
السلام عليكم إخواني وأخواتي بنت الجوري حمستيني لتجربة السيروكساات انا حاليا استخدم دواء Prozac وبعد شهر أظاف لي الدكتور مع هذا الدواء دواء اخر وهو dogmatil ولكن لم اشعر بتحسن الى الان من ناحية الرهاب، فقط اشعر بتحسن من ناحية الاكتئاب شكلي بترك هذه الأدوية وبجرب السيروكسات .. هلا فيك اختي وعليك السلام اختي ما انصحك تتركي علاجك لان تجربتي لم تكتمل بعد والافضل تسألي دكتورك واذا سمح لك يصير تغيرين بالمتابعه معاه |
الله يشفينا جميع يارب وانا عندي أمل بإذن الله
هذا الدواء وصفه لي الدكتور وإن شاء الله راح أشتريه الليلة على فكرة أنتِ متى تاخذينه ليل ولا نهار ؟ لأن محتار ^_^ |
هلا فيك استطيع
انا اخذه قبل النوم |
جزاك الله كل خير
طيب هل فعلا يزيد بالوزن ؟ و هل هي زيادة كبيرة ؟؟ لانه انا اساسا اعاني من زيادة الوزن و بدخل نادي لياقة قريب ان شاء الله و بصراحة شايل همين الان الرهاب و زيادة الوزن |
السلام عليكم ورحمتة وبركاتة ............ اما بعد
لقد استخدمت ادوية كثيرة للرهاب ولم اتحسن الا من الله ثم بسبب السيروكسات حيث اضطر دكتوري لزيادة الجرعة الى 75 ملغ بشكل يومي والحمدلله تحسنت بشكل كبير يعني 95% نسبة التحسن والحمدلله الدواء ااخذة من مستشفى حكومي بدون فلوس ولا شي اما الاعراض الجانبية مبدئيا نعاس ورعشة وكسل بعد شهر تختفي دمتم. |
وفقك الله اختي وشفاك وكل مسلم ومسلمه
افضل علاج للخوف والرهبه تنك تجمع العلاج مع سورة البقرة تقرا كاملة الشيطان يحاول يمنعك وانها طويله وراح تاخذ وقت خصص لك نص ساعه باليوم كافيه ان تقراها كاملة جربوا والله ماتندمون |
الهلفوت .. جرعة 75 كبيرة جداً ! كيف الأثار الجانبية معاك ؟ |
حبيت اشارك لاني اخد سيروكسات سي ار 25 منذ 6 اشهر والحمد لله ماشاء الله تحسنت نوبات الهلع والرهاب بنسبة لا تقل عن 75% وبقيت امارس حياتي بشكل طبيعي وما عنديش مانع افضل علي سيروكسات طول العمر اذا كان هو الحل بعد مشيئة الله تحياتي ودمتم بخير وصحة وعافية
|
طائر الامل صح الجرعة كبيرة بس قالي الدكتور ماعليك ماتخاف اما الاعراض اتلجانبية ماحس باعراض
|
ماشاء الله شئ جيد عموما السيروكسات الدواء الأول للرهاب على مستوى العالم شافاك الله وعافاك |
انا وصف لي الطبيب
سيروكسات 10 ملج و سيروكويل 25 ملج وسأبدأ استخدامهم من الليلة وجرعة السيروكسات ارى انها قليلة جدا لكن الدكتورة ارادت ان استخدمه تحت التجربة لمدة 10 ايام ثم ربما سترفع الجرعة ومتحمس لاستخدامه وان شاء الله يارب اتعافى وانا اعالج نفسي دينيا من خلال دعاء و قرآن ادوام عليه يوميا |
هلا فيكم جميعا
اخوي وين الحل بالنسبه للوزن ما لاحظت تغير ولا بالاكل والاجسام تختلف ما ادري كيف بيكون مع جسمك وبالنسبه لاخر اخباري مع السيروكسات سي ار الحمدلله احسن من قبل بس حاسه فيه معركه صايره بين السيروكسات وبين الافكار السلبيه اللي معششه بمخي 15 سنه مثال قبل اسبوع رحت زياره وكنت متوتره الين جلست بغرفة الضيوف ولما بدت السوالف مع القهوه استغربت من نفسي ماشاءالله كنت جريئه بالكلام بس حكاية النظر بعيون الشخص اثناء الكلام لسه يبغالها تمرين يعني عموما الحمدلله التحسن موجود بس محتاجه تمرين سلوكي محتاجه اطلع كل يوم اقابل الناس عشان تتصحح معتقدات العقل الباطن |
اختي بنت الجوري اتوقع انك تذكريني فانا من استخدم اللوسترال ولم يجد نتيجة معه
لما قاربت العلبة الثانيه وكنت استخدم حبتين يوميا كنت وصلت لدرجة كبيرة من الاكتآب والقلق فالدواء لم ياتي بنتيجة وشعرت بالياس والقنوط وفكرت اترك الدواء ولكن اتجهت في تلك الليلة الى الله وقرأت سورة البقرة كاملة بركعتين ودعوت في الوتر ثم ذهبت للنوم وفي عصر اليوم التالي وفقني الله للاطلاع على دكتور اسمه ايكهارت تول واطلعت على فيديوهاته واحسست بشعور رائع وراحة عجيبة لاقوة الا بالله وقرأت في تلك الليلة ايضا البقرة بركعتين ودعوت المهم من يومها وانا اعيش في طمأنينة وسكينة ماشاء الله تبارك الله تغيرت اشياء كثيرة عندي وانا مستمر على حبة ليلا تخيلي شهر ونصف بالدواء ولا فيه فايده وعلاج ديني وسلوكي في يومين وكان لهم اثر انصحك ان تبحثي عن ايكهارت تول في البوتيوب وتشاهدي مقاطعه وحاولي البحث عن كتابه في النت ارض جديدة ستجدين الفرق بإذن الله واقرأي البقرة كاملة بركعتين في الليل وادعي الله وصلت الى حالة التسليم والايمان لشهر ونص كنت اتطلع لان اكون شجاع وخطيب وجري وووو وهذا كان يزيدني توتر وقلق وارتباك الكتابه متعبه بالجوال لعلي اكمل فيما بعد |
تم بحمد الله وفضله شراء وأخذ أول نصف حبة من السيروكسات 20 ميليجرام
ويارب يكتب لنا الشفاء والنفع الكثير في هذا الدواء 10 صفر 1434 هـ :) |
عندي سؤال هام
الحين مثلاً أخذت السيروكسات الساعة 11 ليل واليوم الثاني أخذته الساعة 8 أو 9 ليل هل فيه ظرر ولا لازم أتقيد بالوقت نفسه يعني 11 كل يوم ؟؟؟؟؟ تكفون جاوبوني |
اخواني الكرام انا استخدم السيروكسات العادي وحالتي ممتاز اصبحت شخص ثاني لااهاب اي شي احين عندي تحسن كبير الحمدلله علي هدا التحسن اشكرك ياربي
|
اقتباس:
انا استخدمه بعد العشاء وموعد العشاء متغير مرة 9او 10 او 11 |
هلا فيك اخوي النجدي
اكيد اذكرك انا مثلك ما استفدت من اللوسترال وغيرت للسيروكسات سي ار الحمدلله لاحظت فرق بس حصلت شغلات ما كانت بالحسبان بالبدايه اخذت سيروكسات سي ار 12.5 وتدرجت فيه من نص حبه الى ان وصلت الى حبه ونص ووقتها لاحظت الفرق بعدها خصلت العلبه وقلت اشتري علبه جديده جرعة 25 واكون وصلت لجرعة الرهاب وفعلا صرت اخذ حبه كامله جرعة 25 والنتيجه للاسف صارت عكسيه رجع الرهاب قلت يمكن هذي اعراض رفع الجرعه وصبرت ومافيه نتيجه قلت اقلل الجرعه وصرت اخذ نص حبه والنص الثاني اكل نصه وبرضه مافي نتيجه والبارح رجعت اشتريت علبه جرعة 12.5 وهي اللي بستمر عليها اما علبة الـ 25 ما تنفع مره ما ادري ليش حسيتها كانها علاج غير فيه فكره فبالي وان شاءالله تضبط بستمر على السيروكسات 12 وبضيف له علاج ثاني بس بتاكد اذا ينفع الجمع بينهم ويارب تضبط ونتخلص من هالمرض ونصيحتي لك ولكل رهابي يستخدم سيروكسات 12 فقط ولا يفكر بابو 25 بتلاحظون فرق صح مو ميه ميه بس اذا صار موقف ما راح تجيك اعراض رهاب ابدا هذا كل ماعندي حاليا وفالنا وفالكم العافيه :) |
ممكن اختي لتغيرك من 12 الى 25 ادى لعدم الاستفادة
اثبتي على الـ 12 و ان شاء الله امورك تتعدل عندي سؤال عن السيروكسات اللي تستخدميه هل لازم يكون معي وصفة طبية مثل مايتم مع الزناكس او بدون وصفة مثل الاندرال ؟؟ و بالنسبة للجرعات كم بدأتي و كيف بتزيد معدل الجرعة لحد ماتوصلين للجرعة المطلوبة ؟؟ و الف شكر لك اختي على ما تقومين به |
الاخت بنت الجوري الله يتمم عليك العافية وعلى االجميع يارب بالنسبة لتجرربتك مع لوسترال كم دامت اشهر ولم تلاحظي النتيجة وكم كانت الجرعة وما هو وجه المقارنة بينه والسيروكسات المعلومة تهمني جدا ارجو الرد عااجلا ولك كل الشكر
|
اقتباس:
أخي أستطيع .. ياليت تقولنا وش صار معك لاني أنا مثلك أمس أخذت نصف حبة واليوم نصف حبة .. لذلك ودي أعرف هل فيه تحسن ملحوض وهل زدت الجرعة الى حبة ولا لا ؟! والله يشفينا ويشفكم ان شاءالله .. |
هلا فيك اخوي وين الحل
العفو اخوي هذا واجبي وحلمي انه نتخلص من هالمرض كلنا السيروكسات ما يحتاج وصفة طبيب تقدر تشتريه من الصيدليه عادي طريقتي بالجرعات بدأت بنص حبه من فئة 12 يمكن لمدة يومين ثم رفعتها لحبه كامله يمكن اربع ايام او اسبوع ثم رفعتها الى حبه ونص فقط وهذي الجرعه اللي انا استخدمها حاليا |
اقتباس:
هلا فيك اخوي المكنون امين يارب الله يشافينا ويعافينا جميعا تجربتي مع اللوسترال استمرت شهر كامل بجرعة 150 وللاسف ما لاحظت اي نتيجه وبرضو كنت اخذ معاه اندرال اجباري لانه بيسبب لي رجفه والاندرال يشيلها وجه المقارنه بين اللوسترال والسيروكسات : اللوسترال : 1- استخدمته لمدة شهر بدون اي نتيجه ولا حتى واحد بالميه 2- الجرعه العاليه منه تطفش بكثرة الحبوب حبتين بعد النوم وحبه قبل النوم مع حبه اندرال 3- سبب لي رجفه مزعجه لازم اخذ اندرال عشانها 4- بالجرعه العاليه منه 150 مثلا يأثر على العلاقه الزوجيه 5- ما يسبب كسل ولا زياده بالنوم السيروكسات سي ار : 1- من ثاني اسبوع لاحظت الفرق 2- ما يحتاج كثرة استخدام بس مره وحده باليوم 3- مافي رجفه نهائي 4- ما يأثر على العلاقه الزوجيه 5- يسبب شوية كسل ونوم هذي ملاحظاتي على العلاجين بكل صدق اتمنى تفيدكم وفالنا وفالكم العافيه ^^ |
اخوي استطيع واخوي وات ايفر خبرونا عن تجاربكم مع السيروكسات العادي
|
اخواني واخواتي
اذا فيكم احد يراجع عند طبيب ياليت يقلي لاني بطلبه يسأله عن طريقه لعلاج الرهاب باذن الله لو ضبطت هالطريقه بتكون هي علاج الرهاب من جذوره |
هلا أختي بنت الجوري ..
بصراحة هذا لي ثاني يوم من الاستخدام طبعا الجرعة نصف حبة .. وانا مارحت لأخصائي ولا شي بس من خلال بحثي وجدت ان الزيرو كسات مساعد للرهاب الخفيف ( مع الاصرار بإذن الله يجيب نتيجة ) وسألت الصيدلي عنه قال أفضل نوع عندي الزيرو كسات 20 وقالي أخذ نصف حبة وعلى كلامه أنها كافية ولا أدري فحبيت أعرف من الاشخاص الي مستخدمينه أكثر من شهر .. مع العلم أن الصيدلي ماقالي متى أزيد الجرعة ولا شي .. |
صحيح انا سمعت انه نص حبه كافيه من سيروكسات 20
ما يحتاج تزيد الجرعه بس استمر وخبرنا ايش يصير معاك من ناحية الاعراض الجانبيه للعلاج ومن ناحية النتايج |
بالنسبة للسيروكسات من الأفضل البدء بجرعة 12.5 ملج لمدة شهر ونصف ثم ترفع الجرعة إلى 20 ملج لمدة شهرين ثم 25 ملج لمدة 6 أشهر وهذه هي الجرعة العلاجية |
اختي مو كأنك زودت الجرعة بشكل سريع
ولا هي الطريقة الصحيحة كذا في زيادتها ؟! |
اقتباس:
|
اقتباس:
لا اخوي مو سريع لاني بدلت مع اللوسترال كنت استخدم لوسترال بجرعه عاليه 150 وبعملية التبديل لازم اخفض ثم ارفع لارجع لنفس المستوى لما خفضت اللوسترال بالتدريج لجرعة 50 كان يجيني صداع وكنت استخدم معاه سيروكسات بجرعة 12 وما ارتحت من الصداع الا لما رفعت السيروكسات لجرعة حبه ونص من فئة 12 بكذا صار تعادل بين جرعة اللوسترال القديمه الـ 150 وجرعة السيروكسات الجديده الـ 12 حبه ونص |
اقتباس:
الطريقه هي الجمع بين السيروكسات سي ار وسبرام لاني جربتهم الاثنين بس كل واحد لحاله واعرف مميزات كل واحد فيهم على الرهاب واذا اجتمعو اتوقع بتكون النتيجه رائعه باذن الله بس اتمنى اعرف اذا ينفع الجمع بينهم وكم الجرعات مع اني قرأت خلال بحثي انه احد مرضى الرهاب جمع بينهم باشراف طبيب بس ما ذكر الجرعات اتمنى الاقي جواب مقنع وافي |
هذا ثالث يوم لي مع السيروكسات وبصراحة توها تبين الاثار الجانبية ..
احس بقلة الشهية وصداع واحس كأن حالة الرهاب زادت شوي !! خايف اكمل ويزود الامر اسوا .. طائر الامل .. ما كأن شهر ونص كثير على الزيادة .. اكثر المواضيع الاحضهم من بعد 10 ايام يزيدون الجرعة الى حبة !! |
وات ايفر
---- الاعراض الجانبية ضروري اخي بعد اسبوع رح تحس بالفرق الشاااسع جدا خصوصا من حيث الاعراض ستتفاجئ بتغير نفسك فجأة و يا لها من نغمة اسالني انا اللي حسيت بيها طرت من الفرحة بس بعدين رح يصير كلشي يرجع لما تقطع الدواا ، المشكلة اساسها افكااار و مفاهيم للحياة ادا غيرتها تغير حياتك و طبيعتك ، ادا سايرتها و اعتمدت على طول عالدواء ما رح تنجح ! الله يشفينا جميعا |
بالنسبة للجرعة القانونية للديروكساااااااات فهي :
نصف حبة لمدة على الاقل 4 ايام ثم بعدين ترفعها لحبة و ايااااك تزيد عن حبة لانو الاعراض بتزداد كثير و ادا جسمك ما تعود عالدوا ممكن يحدث ضرر فضيع الله يستر ( هادا ياللي قراته بورقة التوجيهات الموجودة بالدواا) |
أسئل الله تعالى للجميع الشفاء. القريب
|
اقتباس:
اللي اعرفه انه ما نقدر نجمع دوائين كلهم يعملون بنفس الخاصيه الا اذا كان السبرام له اثر ثاني ان شاء الله ياتي من يملك الجواب الشافي |
جزاك الله خير اخي والله فرحتني ..
وان شاءالله راح اكمل مع الدواء .. انا حاط في بالي لما اتحسن مع الدواء ان شاءالله راح امارس العلاج السلوكي لكي اتخلص من هالافكار السلبية .. وعسى الله يشفينا ويشفيكم ان شاءالله .. |
| الساعة الآن 01:32 PM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا