سيبرالكس
 

السلام عليكم يا أخوان وأخوات ..

في البداية أشكر القائمين على هذا الموقع , يعلم الله مدى مقدار حزني وكآبتي ولا يوجد لدي من أبوح له بما في نفسي لا تعلمون كم فرحت عندما علمت عن هذا المنتدى وقرأت ردودكم ومواضيعكم أحسست أني لست وحيدا فجزا الله القائمين على هذا الموقع خير الجزاء.

بدأ الاكتئاب معي من 4 سنوات , ولم ألجأ للطب النفسي الا قبل اسبوعين ويوم ووصف لي الدكتور دواء سيبرالكس 10 ملجم وليكسوتانيل 3 ملجم (عند الحاجة لتنظيم النوم ) ,, أنا الآن مستمر على سيبرالكس وصار لي اسبوعين ويوم لكن حالتي أسوء بكثير عن قبل أخذ لي للدواء , هل مر أحد بنفس الحالة ؟ وهل تزداد حالة الاكتئاب في بداية العلاج ومن ثم أرى مفعول الدواء ؟ أم أن الدواء غير مناسب لي ؟

استخدمت لكسوتانيل لمدة اسبوع ومن ثم تركته لأني خفت الادمان عليه ,, متى تظهر نتيجة دواء السيبرالكس ؟ والله تعبت من التفكير لكن راضي بقضاء الله وقدره واحاول أن لا اياس وابحث عن العلاج , أريد الراحة النفسية وعدم الاكتراث فقد سئمت الحياة ولم أعد أشعر بالسعادة في أي عمل أقوم به إطلاقا ,, حابس نفسي في الغرفة على مدار اليوم كله لا أعمل شيئا ,, والحمد لله على كل حال .


في هذا الموضوع أحب أن أوثّق مدى استجابتي لعلاج السيبرالكس عسى أن افيد أحدا ,, لأني قررت أن استخدمه لمدة شهرين للتقييم وخلال الشهرين سأجدد موضوعي دائما لعلي أساعد من يريد استخدام هذا الدواء .


ذكرت انه صار لي استخدم الدواء اسبوعين ويوم بالضبط , حبة في الصباح بعد الافطار وحبة لكسوتانيل في المساء قبل النوم بناء على نصائح الدكتور .. استخدمت اللكسوتانيل في اول اسبوع ثم تركته خلال بداية العلاج احسسب بخمول وكسل فظيع وانعدام في الشهية وأكثر ما أخافني انعدام في الرغبة الجنسية وانا اصلا وللاسف مدمن على العادة السرية (اكثر من مرة في اليوم ولا اشبع ) لكن أول اسبوع انعدمت رغبتي الجنسية تمام وكنت حتى من الخوف احاول انا امارس العادة حتى لو لم توجد رغبه لكن وعفوا لكلامي هذا ذكري لم يكن ينتصب ,, يعني انعدام تام من الناحية الجنسية ,,, هذا الموضوع ارعبني حتى اني فكرت اترك الدواء لخوفي من استمرار الموضوع وانه مزمن ولكن بعد أن مضى اول اسبوع رجعت الرغبة الجنسية تدريجيا وعدت للاسف امارس العادة السرية بشراهه كما كنت في السابق لكن هذه المرة يتاخر القذف بشكل ملحوظ جدا ؟؟ ولم أكن اعلم السبب فبحث في الانترنت وعلمت أنه أحد أعراض الدواء الجانبية تاخر القذف .

في أول اسبوع من الدواء كانت حالتي مترنحة مرة لا باس علي ومرة مكتئب واحاول الخروج من المنزل وتغيير نفسي الخ ,, في الاسبوع الثاني زاد الاكتئاب والقلق والافكار السوداوية لدرجة كبيرة جدا جدا لم أخرج من غرفتي لمدة ثلاث أيام , وقد مرة على أفكار انتحارية شديدة جدا لدرجة أني كدت أن أبلع كل ما لدي من حبوب سيبرالكس طلبا في الموت والخلاص فبدات بالحبة الاولى والثانية لكن استعذت بالله من الشيطان وتوقفت ,, كان ذلك هو اليوم الوحيد الذي اخذت فيه سيبرالكس حبتين 20 ملجم ..

حاليا بعد اسبوعين ويوم حالتي مستقرة (لا افكر بالانتحار) لكن مكتئب وقلق شديد رهيب وفزع وخوف من مجهول , أخاف الخروج من المنزل ومن غرفتي , لا استطيع مواجهة الناس حتى أقرب الناس إلى وهم أهلي .

أنا مستمر مع الدواء وأسال الله أن يشفيني ويشفي كل مبتلى .

أتمنى من استخدم دواء سيبرالكس يذكر تجربته وهل استفاد ام لا ؟


ساعود لتجديد الموضوع إذا أحياني الله .

نسيت اضيف انه حاليا نومي قليل واقوم من وقت وما اقدر ارجع انام ,, يعني اليوم نمت الساعه 2 وقمت الساعة 6 ونص وحاولت ارجع انام بس ما قدرت ..

انا حاس بالوحدة .. لا استطيع مواجهة الناس .

احاول قدر الامكان الضحك أو تصنع الضحك لكن في نفس الوقت يراودني شعور باني يجب أن احزن واني لا استحق الضحك وتراودني الافكار الدائمة المزعجة .. فلا استطيع مجاراة أحد بالحديث لانه عقلي في مكان اخر ودائم التفكير ,, يا ليت تمر ساعة من غير ما افكر واكون مرتاح .


الحمد لله على كل حال .

السلام وعليكم

كيف حالك اخوي

انا حالتي فيها من حالتك قلق وكابه وفقدان تركيز .........الخ

وجربت من قبل السبرالكس بالبدايه يزيد الكابه جداااا بس بعدها بشهرين من العلاج يظهر نتيجه ايجابيه وبترتاح

عيب الوحيد للسبرالكس زياده الوزن زاد وزني عليه 12 كيلو ب 15 شهر

وبالتوفيق

اخي الكريم انا مثلك حالتك كنت اخذ ليبرالكس لمدة سنتين ولوكستنيل عن الحاجه ولم اتحسن خلال فترة العلاج

غيرت الدكتور ووصفلي سيروكاست 20 مل 3 اهشر حه ونصف ومن ثم الى حبه والحمدلله لم اعد اشكو من اي نوبات هلع

وعليكم السلام ورحمة الله وبركاته ,,

والله الكابة زادت اكثر من قبل استخدامي للدواء وجدا قلق وخايف من مجهول واحس بنوبات هلع وبكاء , الحمد لله على كل حال لكني مستمر على سيبرالكس لانه بصراحة ما عندي حل آخر ): واذا ما شفت معاه نتجية ماعرف شو بسوي !!

انا حسيت انه سبب لي فقدان شهية بس حاليا اكل بشكل طبيعي بدون اسراف ,, انا اللي سمعته سيبرالكس ينقص الوزن عند البعض ,, بس في حالتك زادت وهذي مشكلة والله بس عااااادي اهم شي ارتااااح والله كريم .

اخوي ياليت تذكر لي الاسباب ؟ ليش ما فادك العلاج ؟ وكم كانت جرعة السيبرالكس ؟ كنت تاخذه بشكل مستمر ولا متقطع ؟

بصراحة ردك حطمني بس البعض استجاب للعلاج واتمنى اكون واحد منهم وربي يشافيكم اجمعين .

اليوم كان عندي موعد مع الدكتور وللاسف ما رحت من الضيقة والياس اللي فيني , كاني انتظر معجزة تغيرني وانا عارف انه الموضوع يحتاج شغل مني بس عقلي ما يساعدني .. مقصر في حق هلي واعز الناس , اصدقائي تركوني لاني ما اسال عنهم وكل ما يسالون عني ما ارد عليهم .. ما الومهم اللوم كله علي .

بروح للدكتور الاسبوع القادم , مادري شقوله ؟ اقوله يزيد الجرعه أو يعطيني دوا مع السيبرالكس ؟ للاسف صرت متعلق بالدوا وانه هو اللي بيشفيني بعد رب العالمين .

الحمد لله على كل حال .

تطور عندي أمر الاكتئاب بشكل كبير حاليا ,, لدرجة لا استطيع تحملها ,, قبل كان عندي اكتئاب لكن كنت اقدر اواجه الناس واتكلم ,, لكن حاليا ما اقدر احط عيني في عينهم صار عندي رهاب اجتماعي ,, وصارت عندي هزة في اليد تخيلوا ما اقدر امسك الكوب , كوب قهوة او شاهي لانه ايدي ترجف ,, قبل سنة كانت عندنا عزيمة ولحبي لوالدي حضرت معاهم وتخيلوا رجل بعمري يمسك فنجان القهوة بيدين امام الناس خايف ترجف يدي وتنكب القهوة على ملابسي وانفضح ,, كان الكل يطالعني ...


الحالة صارت رهاب اجتماعي وكابة شديدة والحمد لله على كل حال .

لا تخاف بعد فترة من العلاج سوف تتحسن باذن الله ومعروف ان بداية العلاج صار معنا كذا وهذا شي طبيعي

الحمد لله نوعا ما احسن من الايام الماضية ,, بديت اطلع شوي (لوحدي) واقضي اشغالي ,, لكن الحزن والكابة ما تفارقني ولو انها اقل من قبل .. المشكلة بالوساوس اللي تراودني دايما وعالقة بذهني وانا احاول ما افكر فيها لكن عجزت .

إن شاء الله احس بمفعول الدوا اكثر .

اليوم صار لي حادث وشفت الموت بعيني لكن الحمد لله على كل حال .

سلامتك من الحادث ماتشوف شر

والله اشوف حالتك قريبه من حالتي خصوصا ان الاعراض اشتدت اول اسبوعين وانا اخذ فافرين وخوف اني اقابل ا حد وصرت ماطلع لي اسبوعين يالله كل ماتذكر احس ابي ابكي من القهر هذا غير ايام قبل والسنوات نتكلم عن حاليا

طيب يوم رحت للدكتور انت وش قلتله وهل عياده خاصه ام حكومي ووش قالك قالك خذه لمده شهر وراجعني ؟؟؟؟

بنسبه لسيبر اليكس هو علاج قوي بدون شك بس الاهم انه يناسب جسمك

الله يسلمك .

اول اسبوعين كانوا جحيم لا يطاق , صدق تعبت واكتابت اكتاب مب طبيعي وحسيت بنوبات انتحارية وقلق ورهاب اجتماعي .. لكن الحين ولله الحمد احسن وانا كملت الحين 3 اسابيع او اكثر بشوي .

الدكتور في مستشفى حكومي وكان عندي موعد قبل اسبوع لكن ما رحت لانه الاكتاب كان شديد وابدا ما كان لي نفس اشوف حد , سويت موعد جديد لكن للاسف ما لقيت الا في بداية شهر 10 وان شاء الله مستمر بالدوا بجرعة 10 ملجم وراح اكلم الدكتور اني ازيد الجرعة اذا كان هالشي لصالحي .

الدوا من اعراضه الجانبية يسبب قلق واكتئاب حاد ونزعات انتحارية للي عندهم قابلية وهذا في البداية لكن بعد ما يتعود الجسم يرجع كل شي طبيعي وتتقبل الدوا والحمد لله حاس اني احسن من قبل بوايد لكن بعدني مكتاب وحزين والوسواس بعده موجود لكن احسن من قبل على الاقل قمت اطلع بدال ما اني محبوس في غرفتي .

اعتقد الدكتور المفروض يبدا معي ب جرعة 5 ملجم وشوي شوي ازيد الجرعة .. لكن انا بديت ب 10 ملجم وصار اللي صار .

وان شاء الله اني مستمر على الدوا .


انا قابلت الدكتور مرة وحدة لحد الان وتكلم معاي بشكل مطول ولله الحمد بس بطبعي كتوم وما قلت كل اللي احس به بالتالي اعتقد تشخيصه كان عام جدا لانه مثل ما قلت انا ما تكلمت بس كنت ارد على اسالته ,, على العموم انا رحت للدكتور لاني بس اريد دوا يريحني ولا ما يهمني التحدث لانه عارف نفسي وعقلي .
هو قالي راجعني بعد اسبوعين بس مثل ما قلت لك ما رحت لانه حالتي كانت ماساوية .

الدواء ممتاز بنسبه للحبه هل تاخذها قبل النوم ام الضهر وكيف نومك هل تحس انه عادي او زاد

وفعلا كلامك صح انك تبي دواء لان الي اشوفه انا ان الكلام الي يقوله الدكتور او الي يسمونه السلوكي اي احد يقدر يقوله لك اصلا انت تعرفه بدون ماحد يقولك بس المشكله بالنفسيه لما تقلب ويجي الاكتئاب والرهاب هي الي تخرب كل شي

الحبه اخذها الصبح بعد الاكل ,, سيبرالكس يسبب ارق في البداية بس انا الدكتور وصف لي لكستانيل اخذه بالليل وقت الحاجة ,, انا خذت لكسوتانيل اول اسبوع وثم قطعته والحين نومي عادي انام بشكل طبيعي ومن غير ارق بس لما تجيني الوساوس والاكتئاب يطير النوم ههه ,, بس الدوا الاحظ اعراضه الجانبية تلاشت تماما في الاسبوع الثالث , لا غثيان ولا ارق ولا نوبات انتحارية ولله الحمد .

الحين انتظر الدوا يبتدي مفعوله واحس بالسعادة او على الاقل ما احس بشي هههه لانه الاكتئاب والتفكير والقلق مرهق جدا جدا .

لين الحين ما شفت نتيجة واليومين اللي فاتوا حالتي سيئة ,, صار لي 25 يوم على السيبرالكس ما شفت نتيجة , متى بشوف نتيجة عطوني امل .

الله كريم .

كيف استرجع الثقه في نفسي واعيش غير مبالي للافكار اللي في راسي ,, اريد اعيش حياه طبيعية .

كملت أكثر من شهر وما لاحظت تحسن .. الاكتئاب ملازمني 24 ساعة حتى باحلامي كوابيس ,, صحيح الاكتئاب تختلف شدته يعني ايام اكتئاب قوي ما اقدر اطلع من غرفتي وايام اكتئاب متوسط اشل عمري شل عشان اخلص اشغالي .


اليوم كانت عندي مقابلة لوظيفة ,, كنت مرتبك وخايف اليوم اللي قبله , الحمد لله المقابلة عدت على خير لكن كنت اتئتئ بالكلام , وكلامي فيه نبرة خوف وحزن ... الله المستعان لا يرفضوني بس .


صار لي متخرج من 4 شهور وما فكرت اقدم على شغل الا قبل اسبوعين من شدة حزني وعدم اهتمامي بأي شيء .

ما لاحظت تحسن مع السيبرالكس ,, بالعكس أحس حالتي زادت سوء .

شسوي يا اخوان , عندي موعد بتاريخ 10-10 ,, أقول حق الدكتور يبدلي الدوا ؟؟

إن الله مع الصابرين .

أيها القوم أما من أحد يواسينا في كربنا

الحمدلله بخير

وينكم يا جماعة ... السيبرالكس زاد حالتي سوووء ما شوف اي تحسن ..

كيف زادها سوء كم الجرعه الي تاخذها؟ ياليت تفصل وضعك بالضبط اخوي كيف الحال

انا اخذ 10 ملجم يوميا ..

صار وضعي من سيء الى اسوء ... زاد اكتئابي وصرت عصبي ومتنرفز اكثر واكثر ,, والقلق ملازمني وخوف من مجهول وقهر وندم .. ياخي ماعرف كيف اشرح احس فكري مشوش مادري شاللي حصل بالضبط ... الاهم اني ما لاحظت تحسن !!

الدكتور قالي بلاحظ تحسن خلال ثلاث اسابيع والحين صار لي اكثر من شهر وما لاحظت تحسن !!


مادري المشكلة فيني ولا من الدوا ,, مرات اقول يمكن لاني قبل الدوا حاط أمل باني لو تعالجت واخذت دوا بتتحسن حالتي , والحين لما بديت اخذ دوا وما لاحظت تحسن زاد اكتئابي ؟؟


أتمنى حد يفيدني ,, انا احاول كثر ما اقدر اني اطلع والله اني يوم اطلع كاني ميت حزين من داخلي لكن اطلع لمجرد المحاولة لعل وعسى اتحسن ,, لكن ما في فايدة .

الله المستعان

طيب ياحبيبي هل هذا اول دوا تاخذه ؟

ثانيا من مشاكل الادويه النفسيه ان مفعولها يتاخر وانا الان اعاني والله مثلك مع دوا زولفت والي زاد علي خوف شديد رهاب اجتماعي قوي ماقدر اخرج ولا اقابل احد هذا الي عاد ماعرفت شسببه

انا من رايي تستمر على العلاج وترا الجرعه الي تاخذها متوسطه لان اعلى جرعه للسبراليكس 20 واذا جا موعدك مع الدكتور قوله يمكن يزيد الجرعه او يضيفلك دواء اضافي

يالله الخيره

هذا اول دوا اخذه ,,

أتمنى يكون كلامك صح .

اليوم حسيت باكتئاب شديد ,, الله المستعان خلاص مب قادر ,, الظاهر بوقف الدوا .


كله من الدوا احس اني مهموم بزيادة , ودي بشي يريحني , ودي بعلاج يخليني ما افكر ويرتاح عقلي .


شكلي بقوم اخذ الحين لكسوتانيل وحبتين بندول نايت عشان انام وارتاح اذا قدرت .

وينكم يا اخوان ,, أريد نصيحتكم , اوقف سيبرالكس ولا شسوي بالضبط ؟؟؟؟؟


ما في تحسن ابد الحالة سيئة جدا .

مشكور يا دكتور يحيى على ردك في موضوعي جزاك الله خير , ردك أتشرف به .


يارب تتحسن حالتي مع اني اشوف العكس وحالتي بانحدار , مريت بلحظات عصيبة قبل في حياتي لكن مثل اللي امر به حاليا ما قد مريت به في حياتي ..


أتمنى الدوا يجيب نتيجة , صار لي شهر واسبوع على الدوا وانا قلت بصبر عليه شهرين ان ما نفع بوقفه وماعرف الخطوة التالية .


الله المستعان يا رب يا مشافي يا معافي اشفني واشف مرضى المسلمين , اللهم امين .

لكسوتانيل يهديني باوقات الحالات العصيبة ,, لكن 3 ملجم صارت ما تكفيني فقمت ابلع حبتين يعني 6 ملجم .. واحس اني مخدر وارتاح والله شعووووور جمييييل (:

بس اخاف الادمان اخاف هالشي اول طريق لي مع المخدرات ,, الله المستعان تعبت من التفكير .

مرت عشر ايام على اخر رد لي في هذا الموضوع ..


الحمد لله مريت بايام طيبة نوعا ما ,نسيت الاكتئاب مع انه الحزن موجود بس كنت اروح وايي والامور تحسنت ,, امس واليوم رجعت انتكست والافكار والوساوس ملازمتني ,, قبل كم يوم كنت في عزا وللاسف لاحظت انه الرهاب الاجتماعي ما راح خاصة لما كنت اشرب القهوة اشربها بايدين ولما ارفع الفنجال هزة ورهبة من الناس .


احس سيبرالكس ما نفعني هالمدة , كنت احسن قبل استخدام الدوا .. او نفس الحال يمكن , لكن شالفايدة اخذ دوا وانا مب مستفيد منه ؟؟


والله هالتفكير ارهقني وضيع وقتي وراح يضيع شبابي لكن الحمد لله على كل حال .

مرات احس انه ربي يعاقبني .. اسال الله العفو .


عندي موعد باجر ويا الدكتور بشوف شو بيقول وبشاوره عن زيادة جرعة السيبرالكس من 10 الى 20 وبسال اذا في دوا ثاني للوسواس والافكار ,, شو تنصحوني اقول حق الدكتور ؟

ملاحظة اخي الكريم

لازم تجهد نفسك شوي بالرياضة مثل كرة القدم وغيرها

وانا شخصيآ إن نصحك بالمشي في مكان هادي بعيد عن الضوضاء وازعاج السيارات والناس لمدة مابين نصف ساعة الى ساعة بمقدار 5 ايام بالاسبوع

طبعآ مشي سريع

شكرا اخوي صديق نملة ..

انا كملت شهر و 18 يوم مع السيبرالكس يعني داخل بالشهرين ولين الحين ما حسيت بالنتيجة الايجابية ,, اليوم جتني انتكاسة قوية واكتئاب قوي وصار لي فترة طويلة على هالحال .. قبل ما ابدا العلاج قلت ربي بيفتحها علي والعلاج بيكون سبب في شفائي لكن ما شفت انه في فايدة ... الله يشافيكم ويشافينا يارب .


رحت للدكتور اليوم ,, وزاد لي جرعة السيبرالكس من 10 ملجم الى 15 ملجم لمدة شهرين وبعدين اراجعه ,, وبعد وصف لي اندرال 10 ملجم حبتين في اليوم للرعشة والهزة اللي بايدي لما اكون مع الناس .. وعندي لكسوتانيل وقت الحاجة .


الحمد لله على كل حال .


بالنسبة للوزن للمهتمين ان شاء الله افيدكم بعد ما اقيس وزني اليوم

عاد اليوم قال لي اعطيك سبيرالكس يعني موزين شنو الدوا لي ارتحت عليه

الدوا اللي ما ناسبني يمكن يناسبك مب شرط ,, انت الدوا لازم تعطيه الوقت الكافي عشان تشوف مفعوله واذا منه فايده لك ولا لا .


انا ما جربت غير سيبرالكس , اتمنى غيري يفيدك .

والله يعافيك .

يا اخ كيف الحال


جرب دواء حق الجيوب الانفيه اسمه ساينوفري

انا جربته ويخفف من الاكتئاب والقلق شي كبييير وسعره زهيد بحوالي 8 ريال

انصحك تجربه

معليش اخوي الدبلوماسي وش دخل الجيوب الانفيه في الاكتئاب والقلق

ثانيا وشي الجيوب الانفيه

والله اني اتمنى الموت ,, التفكير اتعبني والاكتئاب قتل شبابي .


صابر لكن الناس تشمت فيني .. انعزلت العالم , كرهت نفسي وعيشتي وصرت افضل الموت على البقاء .. ادري في ناس اسوء مني ويعيشون حياة صعبة الخ من هالكلام . لكن انا شسوي بنفسي انا حاولت وربي حاولت لكن مافي فايدة ,, صار لي 4 سنين على هالحال ولما لجات للطب النفسي ما فادني ليش ؟؟؟ يعني اصير مدمن مخدرات عشان ارتاح ؟ طيب وين احصلها ؟؟



والله ودي ارتاح .

سيبرالكس ما فادني باي شي ,,, كله كلام فاضي والدكتور النفسي كلام فاضي ,, والله انها خرابيط ومضيعة وقت وامل ضايع ,,, يعطونك الامل بالادوية ولما تاخذ الدوا ما ينفعك يقولك ببدل لك الدوا وتبقى على هذه الدوامة الين ما الله ياخذ امانته ..


حسبي الله ونعم الوكيل .