ممكن المغاربة يدخلوا؟
 

الله اكبر هههههههههههه فرحتوني

شكرا لك اخي المشتاق الى الجنة و بنسبة لحالتك فهي تماما بحال لي عندي اول مرض كان عندي هو الوساس في سن 16 سنة وكان غادي يقتلني و الله

الحمد لله على كل حال شفيت منه بفضل الله عز وجل ومن بعد اصبت بنوبات الهلع وكان ذالك قبل شهور من الان فقط ،أنا الان عمري 19 سنة

و قبل ايام بدأت احس باعراض اختلال الانية غير خليها على الله او صافي انا بوحدي لي هاز هادشي فوق ضهري حتى واحد فدار ماعارف اش داز عليا و حتى الاطباء النفسين محالش واش كاينين في مدينتي،عندي غير الله وقوة الارادة و الله يصبرنا او صافي ههههههههههه

شكرااااا لك اختي ملكة السكوت

ودعي مع خوك الله يشافيه ويشافي جميع مرضى المسلمين

بارك الله فيك اخي المشتاق الى الجنة

سير الله يرضي عليك

السلام عليكم ورحمة الله تعالى وبراكته

كنتمنى تكون بخير اخي

انا من الاسم ديالي باين منين انا

انشاء الله هتلقا الدعم والمساعدة فهاد المنتدى

انا يا اخي اعلج نفسي بالطريق السلوكية
اوماكايناش شي طريقة الي ممكن نعالج بيها نفسي

وانا بحالك حتى واحد فالمحيطين ديالي عارفين بمعانتي

ولكن انا في نفساني بدات اتغير وبمساعدات

وتغير السلوك بديت كنغير من السلوك ديالي والحمد الله انا في تحسن

بارك الله فيك يا اختي الوردة المغربية

انا و لله الحمد عندي معلومات بخصوص هذه الاضطرابات النفسية واحول دائما ان لا استسلم لها بالتفكير الاجابي وما الى اخره

وعندما يعرف الانسان انه ليس وحده من يعاني وهنالك الكثيرين يعانون من نفس معاناته يكون ذالك اثره بليغ في النفس و خير مثال انا هههههههههه

فقت في الصباح طالع ليا الدم لاني البارح تعرفت على اعراض اختلال الانية و لقيت راسي انها فيا نوعا ما وبقيت مخلوع واحد شوية و لاكن فاش كتبت هاد الموضوع رتاحيت نفسيا واخيرا مابقيتش وحدي ههههههه كاينين خوتي و خواتاتي المغاربة معايا

اما بخصوص العائلة ما فراسهم والو
هادي دابا ثلات سنوات تقريبا باش مرضت بأول مرض لي كان هو الوسواس القهري و لاكن تغلبت عليه بفضل الله عز وجل خلال شهور قليلة ومن بعد مرت الايام عادية و على احسن ما يرام حتى جاء اليوم الموعود ههههههههه وكان هذا قبل 6 شهور تقريبا حينما تعرضت لأول نوبة هلع من الطراز الرفيع هههههههههه

في تلك اللحضات كان من الضروري ان اتجه للوالدين على الاقل نشوفهم قبل ما نموت هههههههههه المهم اتجهت في الصباح انا و الاب ديالي الى طبيب العائلة لي مافهم والو فيا او فحالتي عطاني بعض الادوية لرفع المعنوايات و بعض المهدئات في الحقيقة نفعتني ديك الادوية في الاسبوع الاول لاني ماكنتش عارف اش هاد المصيبة صابتني من بعد تعرفت على المرض اكثر و جمعت معلومات مهمة عليه او بطبيعة الحال وخا هكداك المرض كايبقى و لاكن تعايشت معاه او بديت كانعرف كيفاش نتحكم فنوبات الهلع و الان ماعنديش شي مشكل معاها و لاكن بديتا كانحس مؤخرا بأعراض اخرى و هي تشبه كثيرا اعراض اختلال الانية و ربما في بدايتها وانا الان اجمع معلومات عنها و بدأت استعد للمعركة الجديدة ههههههههه

المهم انا فرحااااااااان بزااااااااف انني تعرفت عليكم واتمنى من الله ان يشفيكم او غادي نبقى ندعي معاكم واحد بواحد او وحدة بوحدة ودعيو مع خوكم حتى نتوما

نعم اخي المشتاق الى الجنة عندك الحق بخصوص المواضيع

بنسبة للمدينة انا من بني ملال

عشر سنوات الله اكبر

الله يجعلها مغفرة لذنوب وزيادة في الحسنات

امين يارب~
كيمشي المرض و كيجي الله المستعان

حنا فالمغرب عيب تقول انك مريض نفساني لانه كيقولو بانه هبيل

والاكتر من هدا الى قلتي انك مريض نفسانيا

هيخترعو عليك قصص

والواحد كيقول الاخر
والقصة كتطوال حتى كترجع

مريض كتر وكتر

لهدا من الاحسن عنداك تقولها لشي حد

سرك ما تقولو حتى لحوايجك

اخي المشتاق الى الجنة واش دابا حسن من شحال هادي اولا باقي المرض هو هو

او مناش كاتعاني دابا اشنو لي باقي عندك فيه الموشكيل

لا الحمد لله تحسنت الحمد لله
دابا غي الملل و الوحدة و كنتعصب صافي ههههههههه

ايوا الحمد لله راه عندك خبرة دابا عيش مع راسك الحياة وفرح وضحك وبكي شوية هههههههه عادي هذه هي الحياة و الله يلاقينا في الجنة ان شاء الله تماك ما كاينة غير الفرحة

امين يارب ~
البكاء ديما كنبكي مرة في الشهر هههههههههههههههه ولات عادة

الحمد لله على كل حال

و الله هاد النهار الى رتاحيت قليلا

الفضل لله ثم لكم فبارك الله فيكم

[COLOR="Blue"][/COالطائر الحر ما ركش بحدك أولد عمي راحنا معاك هههه حتى أنا فالأول حسبت كاينة غير بحدي مغربية واحد النهار وحنا نتلقاو الجماعة كاملة مغاربة هههه لي عودة تأخر الوقت نعرفك بنفسي بما أنك من بني ملال أنا أصلي من مدينة أزيلال لكن ولدت بمدينة وجدة وترعرعت فيها وأقطن بهولندا مدة 10 سنواتLOR]

انا قبل كنت بحالك و كان هناك منتدى تقيدت فيه ياك و كتبت الاعراض ديالي و عطاني الراقي برنامج للرقية تبعتو و الحمد لله شفيت من الاختلال

دخل هنا راه فيه كيفاش نت كنحس و البرنامج الذي اتبعته

http://nafsany.cc/vb/showthread.php?t=69493

وفيك بارك الله عزيزي

انت كبير عليا بعام يمكن دبا انت فالجامعة او في الباك

علاش ماتدخلش معانا في الملتقى العام

في الاعترافات وفي اليوم انا هادئ وغيرها

قولي واش عندك غير اختلال الانية ولا عندك امراض اخرى بحال الاكتئاب او الهلع

الى غير اختلال الانية ساهل حالها يمكن تغلب عليها بسرعة

السلام عليكم اختي الوردة المغربية

بنسبة للاقسام التي ذكرتها باقي لم اكتشفها بعد

غادي نبقى ندخل ليهم ان شاء لله

بنسبة لسؤالك اختي وكما ذكرت من قبل فلقد تعرضت لعدة اضطرابات منها الوسواس القهري او كان هادشي قبل ثلات سنوات تقريبا من الان او باقي كايجيني و لاكن ماشي بنفس الحدة

فهداك الوقت راني كنت غادي نموت و الله كان عندي وسواس باسل او مريض ههههههههههه

المهم من بعد بقيت عايش عادي او بيخير حتى لمؤخرا هادي تقريبا شي 6 اشهر دابا تعرضت لاول نوبة هلع بلا ما نعاود ليك عليها راكي عارفها كيفاش دايرة

المهم من بعد العذاب و الخوف تعلمت كيفاش نتحكم فيها او دابا ماكتأترش عليا فحال شحال هادي و لله الحمد ولاكن مؤخرا قبل اسابيع قليلة بضبط اصبحت حزين بدون سبب ومن تماك رجعت ليا افكار اخرى مثل وسواس الجنون او تخربيق هههههه

او بديت كانحس باعراض اختلال الانية و لاكن ماشي بزاااااااف غير فاش كانتعصب مثلا او كانغوت كانحس براسي كانحلم ههههههه واقيلا غير كانتوسوس

المهم انا في هذه اللحضة بضبط كانحس براسي احسن بفضل الله عز وجل

او نتي اشنو عندك اختي؟

انا يا اخي

كنت في الصغر ديالي كنعاني من الخوف الشديد كنخاف من كولشي ايكون معاايا احد ولا ما يكونش معايا

خايفة وحتى فاش ندخل القسم يعني في دراسة كنخاف ومن هاد المشكل ديال الخوف هدم حياتي وما قريتش مزيان فصغري

لانني كنت خايفة بزااف

ماعرفت علاش حتى تلفازا الى تشعلات كنخاف او كنبدا نتقيا وما نقدش ناكل الى دخلت غير لقمة كتوحل ليا

الى نعست ياربي تستر كنبقا نحلم احلام الرعب وكنبقا نغوت نغوت
المهم دازت عليا مزيااان

واتر هاد الخوف على حياتي وعلى قرايتي دبا وخاك كنقرا الا فاش نرجعوا لشي حاجة قريتها فصغر كنلقا راسي ولوا بحال الى ماعمرني قريت

ومن بعد خداوني مالين دار وبخرولي من بعد ما حسو بيا هنحماق

وبريت والحمد الله من داك المرض المزمن الخوف

ولكن دبا عندي اكتئاب كنعس ما كنشبع من نعاس ههههههه

او كنشوف راسي انسانة حقيرة وما حاملاش راسي

كنكره الناس

كنحس براسي انني غير فحلم وانني جوج او تلات شخصيات

ما كنقدرش ناكل

كنحس براسي باغا نقتل راسي

المهم اعراض ديال الاكتئاب

الاحساس بالقلق

واضطرابات في التنفس

اعراض الاكتئاب وصافي


دبا حيت مايمكنش نشرب دوا او ما نقدر ندير حتى حاجة راسي

لتجات للعلاج السلوكي


ايمكن ليك حتى انتا تجربو ايقدر ايفيدك

اولا الحمد لله مني بريتي من داك الخوف لي كان فيك

الخوف عبارة عن فكرة تافهة نحن من نصنعها ثم نهرب منها ههههههههه

المهم اختي حاولي تديري شوية الرياضة و تعمري وقتك و فكري بشكل اجابي راكي باقا صغيرة وباقيا الحياة قدامك ان شاء الله

و دور ديال الشيطان ولد الحرام هو هذا هو يخلي بني ادم تعيس

كاين واحد المثال مغريبي زوين بزاف كايقول دوام الحال من المحال مثال حقيقي مئة في المئة و عن تجربة

غادي تبراي ان شاء الله او غادي تفرحي فحياتك غير خلي امانك بالله قوي و الله عز وجل يقول انا عند ضن عبدي بي ركزي مزيان فهذه الجملة الله عز وجل لم يقل انا عند حسن ضن عبدي بي و لاكن قال انا عند ضن عبدي بي يعني كاين لي عارف الله قادر وحكيم و قوي او كلشي و مع ذالك كايقول وانا عيت ما نصبر و الله مابغاش يستجب ليا اذا هذا ضن خطير و هو ان الانسان يصبح يضن في الله انه لا يستجيب له و من هنالك سيجد الله عند ضنه به فهمتي.

واحد المسالة بيني وبين راسي فاش كانكون كانفكر كانقول علاش غادي نحتاج لطبيب او لا دواء و كاني داخل في حرب مع شخص اخر و الصراع هو مع انفسنا فقط هههههههه

هذه اجسامنا و هذه عقولنا نحن من نتحكم فيها انها هبة من الله ولاكن ماذا يحدث لنا ؟

هنا ياتي دور الشيطان و دوره في الحقيقة محدود جدا بحيث انه يوسوس لنا فقط لا يمكنه ان يفعل اكثر من ذالك ونحن الذين نختار هل نساعده على ذالك ام لا

انا عارفك انك من لداخل ديالك عارفة هادشي كلو وكلنا عارفينو ولاكن كل واحد على قدر صبره و تحمله.

بقدر ما ارتحت كثيرا من كتابة هذا الموضوع و اكتشاف اخوان و اخوات من المغرب بقدر ما هزيت ليكم الهم ههههههههههههههههههههه

حاس بيكم كلكم وخا ماشفتكمش

كانتمى من كل قلبي الله عز وجل انه يشافيك اختي الوردة المغربية ويشافي جميع مرضى المسلمين

عطا الله المغاربه هنا الله يبارك

الحمد الله على كل حال اخي

حتى انا كنت كنخاف نكون بوحدي الي عندي مشاكل في نفسيتي

كنت كنقول بانني الوحيدة فالمغرب الي عندي مشاكل لانه انت عارف المغرب كيف داير

والى قلت غير مقلقا يقولولي سكتي اسمعك شي حد

ههههه

هدا هو حالنا الحمد الله على كل حال

او منين موجودين مغاربة حسيت بانني ماشي بوحدي الي مغربية وكنعاني

الحمد الله اخي

انا وليت كنتشافا من مرض ديال الاكتئاب او بديت كنغير سلوك ديالي

اولا احي اخي الجديد الادريسي

جاتني واحد الحاجة فبالي دابا بقيت كانضحك ههههههههههههه

قلت فبالي شوف سبحان الله هذا غي موقع واحد او فيه مغاربة حتى هوما فحالي فما بالك بالمواقع الاخرى ثم فما بالك بمن لا علاقة له بالانترنيت ههههههه سبحان الله

الى دارو شي احصائية غادي يلقاو بزااااااااف ديال المغاربة عندهم اضطرابات نفسية و هذا شيئ عادي بحكم اننا نفتد الى ثقافة الطبيب النفسي في بعض الدول الغربية تجد المجنون هو من لم يذهب في يوم من الايام لطبيب نفسي اما من يذهب لطبيب نفسي من حين الى اخر هو العاقل الرزين ... ههههههههه مفارقة عجيبة سبحان الله