|
هل تسمحون، اطرح قصتي هنا
السلام عليكم كيفكم اخباركم ،
حبيت أتطمن، عليكم ي الأعضاء رجعت لكم بعد انقطاع طووووويل، أممم كعادتي أحب اقرأ بهذا القسم وقررت أكتب قصتي عن الحب^-^ ومغامراتي، معه ومرضي، فل تسمحون لي بالكتابة وسوف تقرؤن، قصتي أو اطلع منتدى ثاني ههههههههه تهديد يعني معليش كعادتي فرفوشه، وأحب الهيااااط، ميمي 4re |
انا بقول اطلعي هههههههههههه عالمنبر واحكي قصتك46th اهلا فيكي ميمي من بعد غياب طمنينا عنك شو اخبارك وشو جديدك عالساحة هههههههههه الله يسعدك نورتينا يا غالية 34e |
هلابش هههههه
قصتي حلقات مثل مسلسل مكسيكي، براااا، اخبارك كيف دنياك؟؛ سوف اكتب قصتي باجزا، ولعل وعسى أجد من يفهمني، |
اذا به الفايدة نرحب به بكل سرور يا مي 😊
|
سنقرؤك و سنفهمك بإذن الله
فينها قصتك ؟ متشوقة أقرأها ^.^ |
ميمي فينها قصتك ؟؟؟
|
اهلا برجوعك ميمي شكللك تزوجتي ههههههههمن مدة وانتي بعيدة عنا
|
هههه هلا بك الورده لم أتزوج بعد ههههههه
|
خلاص هونت، ماراح اكتب قصتي هههههه
بدعس، على مشاعري، وامشي، خخخخخخخخخ |
ادعسي افضل شي بهالزمن ندعس الله يعين ههههه
|
هلا والله مي ... حمد الله ع السلامة ... كيف احوالك ؟؟
|
هلا عمو بو علي الحمدلله
كيف حالك ؟ كيف صحة خالتي سلامي لها ^-^ |
سوف اكتب قصتي لعلي، أجد من يسمعها ويساعدني
بعد تخرجي من الثانويه شعرت بالملل خاصه بوقت الدراسه اسهر، اليل كله وانام، 8الصباح النت كان يسليني، كنت متعلقه بمنتديات، أحب اقرأ سوالفهم، واستفيد، منهم من كثر دخولي للمنتديات سلموني، الإشراف صرت احذف الحاجات الغير كويسة وكذا كنت متواصلة مع المراقب حق المنتدى فكرنا نسوي، شات بمنتدى لكي يزيد دخل الأعضاء كنت أنا المراقبة معه صار الشات فاضي الصبح 6 كنا نسولف، عن المنتدى وكذا قال لي أنا معى اختبارات، ماراح أدخل انتبهي، للشات والمنتدى واذا صار شي خبريني، هذا اميلي انا رفضت قلت ماراح أضيفك، وجلس يحاول فيني لين وافقت وضفته، يتبع ''''''''''> |
بعدها تواصلنا، على الاميل نسولف بحدود الشات والمنتدى
شوفي قالي لاتدخلي، الشات قلت ليش ؟ قال اسمعي الكلام ولا تدخلي، إذا خلصت اختبارات ادخلي معي سمعت كلامه ولا صرت أدخل خلصت الاختبارات وجاءت الإجازة راسلني بالأميل، إنه بيطلع ديرته، لأنه يدرس بديره، ثانيه وقال مافي وقت أدخل الشات ينشغل مع الأهل وانتى لإعاد، تدخلي خلاص حدك، منتدى تخاصمت معه لأن الشات كان سوالف وهوشه، كنت اتسلى، عليه لكن مارضى، لي سمعت كلامه ولا صرت ادخل في يوم دخل، الاميل وشافني، متصل جلس يسولف، كان هو بمقهى، ماعندهم نت في بيتهم، جاء الفجر قال خلاص بيقفل، المقهى بطلع، وانتى اطلعي، من الاميل لاعاد، تجلسي، وكان يوعدني، بساعة معينه وندخل، سوا انا ماكنت اطيقه، افرح اذا قال انشغلت مع الأهل عشان مايدخل، الاميل كنت أكرها، وأحسه، غثيث، وكان حاط، صوره، العرض كونان هذي الشخصية الكرتونيه، كنت أكرها ولا أحب يدخل الاميل مرت الأيام وصار مايدخل بديت افقده، كنت أقول يمكن فيه شي أو حذفني، العاطفة بدت تشتغل ههههههههه بعد أسابيع دخل وعلى طول جلست أعاتبه، ال،، خ قال لي كنت بمستشفى مرافق لا ابويه، صار عليه حادث وانا مرافق له يتبع ،،،،،،> |
قلت له سلامتك ومن هالكلام
قال بطلع من المقهى نفسيتي تعبانه ابوى، دخوله، بالعنايه، وحالته حرجه، قلت ومتى تدخل الاميل قالي بعصبية انتى تفهمي، انا افكر بابويه، وانتى تسالي عن الاميل قلت براحتك بس ابغى اتطمن، عليك قال خذي رقمي اذا تبين شي ارسلي وانا برد لك برسالة قلت له مجنونه انا أخذ رقمك قال براحتك انا بطلع البيت وطلع مر شهر وانا بالي مشغول عليه كنت بآخر اليل سهرانه، قلت براسله، ورسلت، وطمني، عليه شوى قال بكلمك، حاسه اني مخنوق، قلت لا مابغى قال لا تتكلمي، بس سمعي بشكي، وبفضفض، لك قلت طيب واتصل وجلس يتكلم ويتكلم صرخ عليه، قال أنا أكلم جماد، قولي شي قلت اتفقنا، اسكت وانت تهرج، هذا انا ساكته، شويه سكت قال ربي لايحرمني، منك قلت بأي وقفلت، وبدء، يرسل لي صوتك حلو وعجبني، ومن هالكلام ،،، قال والله شخصيتك عاحبتني، وأكثر شي عاجبنك، عنادك، هو محليك، كل رساله أقوله تسلم شكرا، مرت فتره، مارسل، صرت ارسل مره مرتين ثلاث مابرد آخر شي رسلت، له انا ابغى اتطمن عليك اذا ازعجتك، انا أسفه بأي مرت الأيام ولا وصلني منه شي صابني قلق ماعرفت انام قلت بتصل، عسى يرد واتصلت رد قلت السلام رد وعليكم السلام كان صوته غريب قلت انت أحمد قال ايوى قلت أسفه شكلي، صحيتك، من النوم قال لا ماكنت نايم يتبع،،،،-> |
قلت صايبك، برد صوتك متغير مرره
قال لي لا مافيني، شي قلت حلفتك، تقولي ايش فيك سكت، لحظات، وجلس يتنهد، وقال ابوى مات صرخت لاشعوريا، قلت كذاب وجلس يبكي قفلت، الخط بوجهها، ورحت غرفتي ابكي حسيت، كأنه شي يخنقني، مرت الأيام وصار يرسل لي وأنا ارسل اتطمن عليك مر شهر ورجع لديره، الي يدرس فيها تبدل الكره الي بقلبي له إلى حب تعلقت فيه بشكل قوي، كنت اهتم فيه ارسل له صبح ومساء اراجع معه دروسه، اصحيه، للجامعه، واوصيه، انة يفطر ويلبس ثقيل بالشتاء، كنت اتواصل معه بالاميل، بعد مايرجع، من الجامعه واذا جات 10 أقوله تعشى، ونام كنت معه بكل شي اذا كان متضايق، اسمع له إذا تعبان ادعي له كنت له كل شي، كنا نتخاصم، ونزعل، من بعض، ونرجع، نتسامح، صارحته، بحبي، له وهو صارحني، كان يتمسخر، عليه ويطفشني، كنت اعامله، مثل الطفل المدلل، كنت اصحيه، لصلاة اليل واصحيه، لصلاة الجمعه لأنه كان يسهر لازم اصحيه ويقوم كنت متعلقه، فيه حيل افقده اذا مادخل أخاف عليه أغار اذا طلع مع اصحابه، إذا جاء عند أهله ماكان يتواصل معي كثير كنت أغار عليه من أهله وانتظر ايام الدراسة عشان يكون لي وحدي وانا اهتم فيه يتبع ،،،،، > |
مضت4سنين، وأنا معه كان يقولي، ميمي ابغاك، معي طول العمر
بس أخلص جامعه وتتوظف، واخطبك، من أهلك قلت يارب نكون لبعض كنت أزعل، عليه لأنه سنوات الدراسة طولت قلت متى تخلص وتتوظف، وتخطبني، مليت كنت ابكي من كثر شوقي له وهو يقولي هانت كلها سنه واتخرج، واجيك، كان يناديني، روح أحمد وانا اناديه، روح ميمي كنت أزعل منه يطفشني، لين اضحك إارضى، كان يغار عليه كنت أقوله بدخل الشات طفش انت تنام بدري انا اسهر مايرضى ويصعب عليه مرة السنه وتخرج قلت يلا وين وعدك، لي، قال أبشري، انا مستعجل أكثر منك في يوم من الأيام قال صاحبي متضايق ويبقى حل قلت وش فيه قال يحب وحده وقال لها، إنه عازب وبعدها صراحها، إنه متزوج وهي زعلت، ولا ترد عليه وهو متضايق قلت يستاهل ليش يضحك عليها قال هو يبغاها، تستمر معه فاخبى، عنها والله يحبها بجنون لكن هي ماتردد عليه قلت ربي يصلح مابينهم، وحصل وظيفة وتصل وخبرني، وفرحت، له، صرت اهتم فيه أكثر قال لي بقولك حاجه بس مابغاك، تزعلي، قلت ماراح أزعل قول، تردد، قال بعدين ومرت الشهور وانا أقوله قول وش الشي الي تبي تقوله لي قال بعدين بعدين انا عصبت، عليه قلت قول لازم اعرف قال آخر اليل بتصل، وأقولك، قلت طيب انتظرك جات ساعه 1ونص، اليل اتصل وسلم واخبارك، وكذا، قلت تفضل قول الشي الي تبي تقوله، قال لا تزعلي وأمانة قلت قول خوفتني، قال أنا كنت متزوج بنت خالي ومعي 4 اطفال ومتخاصم، معها ومعلقها، انا من الصدمة ربط لساني، صارت دموعي تنزل وهو معي صار يبكي ويقول آسف حبيت عليك وتكفي، لاتتركيني، اعطيني فرصه قلت له أي فرصه تبيني، اعطيك إياها بعد كل هالسنين، تبي فرصه!؟ جلست اسب، واشتم، فيه وهو يبكي، وقفلت بوجها، وصار يرسل ويتصل قفلت الجوال يتبع،،،، |
بدت معناتاه، شعرت بألم ببطني، وضيق بنفس خوف وساوس توهم
صرت اطلع من مستشفى إلى مستشفى، الكل يقول سليمه كلها جرثومة معدة وفقردم، الين ساءت، حالتي وصرت، ماعرف انام من ألم بطني، والصداع، طلعت للطورى، بمستشفى، خاص، جاء الدكتور كشف عليه قال لي أخوية تعال شوى وخذه، على جنب وكلمه بصوت واطي، لكن انا سمعته لو اسوى فحص شامل لي اختك بتطلع، النتايج، سليمه% 100 اختك مشكلتها نفسيه ولا تتعب نفسك بمستشفيات، وتخسر، نفسك اطلع الحين لقسم النفسيه وراح تشوف حل لاختك، انا سمعت كل الكلام وسويت، نفسي نايمة التفت عليه أخوية وقال دامها، نامت بتركها، ترتاح إلى العصر يجي، اخصايي، نفساني ويشوفها، طلع أخوية للبيت وكله حزن لأنه، ماتوقع، أني مالي علاج آلا، بالنفسيه، جاء العصر ومعه الدكتور، كنت بحاله مو كويسة أرتعش، مكتومه، خايفة مو قادره اجلس اضرب برجليني، وأصرخ، والدكتور كان يقولي اهدي شوى كلها توتر وراح يخف كنت أصرخ، عليه وأقوله، لاتكلمني، اطلع من الغرفه تنرفز، من حركاتي، وجلس يكلمني بعصبية وسمعت كلامه وهديت، شوي قال متى، جاتك، الحاله جلست ابكي قال تكلمي، راح اسمع له قلت قول لي أخوية يطلع برا وانا بتكلم وطلع أخوية جلست ابكي وأقوله عن قصة احمد، وإني متعلقه فيه لكن صارحني، بزواجه وانفعلت، جلس يهديني، الدكتور وقال مشكلتك حلها سهل وإعطاني، سيروكسات، ومنوم، وايدال، منظم لدقات، القلب خرجت، من المستشفى. وحالتي، سيءه، ماعرف انام كويس أحس بشلل باطرافي، لدرجه صرت ماامشي، أخاف من الموت أهلي يروشوني، ياكلوني، صرت مثل الطفله، مانام، إلا بحضن، امي . عشت أيام سودااااااااء، لوني شحب، شعري تقطع، نحفت، صرت شينه، عديمة ثقه أخاف من الناس شبح الموت طول الوقت معي كنت أقول آخر اليل أمسك مصحفي، وافرش، سجادتي، كنت ماقدر أوقف على رجليني، أصلي ونا، جالسة إقرأ البقره بركعتين، وادعي وابكي يوم بعد يوم صرت أوقف على رجليني اسند، حالي بالدولاب، عشان أصلي وانا واقفة الين، تحسنت، شويه صرت اطلع، الصبح الحوش احط مويه، إطعام للطيور، اشحن، جوالي وأرسل للجمعيات بناء مسجد أوقاف خيريه، قررت، اطلع من أجواء البيت سجلت بدار تحفيظ كنت كسلانه، ماحفظ، كويس وانسى بسرعة ابكي وقلت بطلع من التحفيظ لكن استمريت، وشفت,صحتي تتحسن قطعت الأدوية من تلقاء نفسي ،،،، يتبع |
الحمدلله بديت اتحسن، شوي شوي ، ايام تجي لي نوبات هلع وساوس موت خوف لكن أحاول اقوي نفسي وحتسب، المرض تكفير لذنوبي،
الحمدلله استمريت بتحفيظ وبديت، اتفوق، الحين حفظت نص القرآن ولله الحمد رغما التعب الي واجهته، إلا أني صابره واطمح، لحفظ القرآن كامل لأن سبب تحسيني، من التعب حفظ القرآن والقيام بآخر اليل بسورة البقره والصدقة والالحاح، بدعاء حاولت أنسى الماضي، لكن مانسيته، بس اطنشه، أحاول أنسى أحمد الي دخلت النفسيه عشانه، لكن عجزت أنساه احن عليه أفكر ايش جالس يسوي، الحين وكيف عايش أكل نام ، نساني، أو لا للعلم هو طلق حرمته وأخذت عياله عندها وهو جالس كذا بشقه، لوحده، يمكن كنت غبيه، بحبي له وكنت ساذجه، يوم تعلقت فيه لكن وربي مو بيدي كل شي صار غصب عني وربي كنت أكرها ماحب طاريه، فجاءه، تحول الكره، الي حب قووي، ااااااااااااااااااه، الحكي عن شي ماضي يتعب والذكرى، مؤلمه، حبيت افضفض، هنا لعلي، أجد من يسمع قصتي ويكرمني، بنصيحه، ارجوا، أن يكون الكلام بسلم، لي لا يكون، سكين يجرحني، مو ناقصة جروح، ميمي مجنونه أحمد ، |
اعذروني، على الأخطاء بالكتابة لاني اكتب وانا ابكي ماركز، زين
اللهم صل على محمد وال محمد |
وجرح قلبي ،،،، لا تعليق !
|
يسلمو غاليتي حنين على قراتك، قصتي
بعض الكلام ماتكتبه، افضله، أخبيه، بداخلي، |
اختي ميمي اهنيك إنك غيرتي مسار حياتك بعد ما قالك إنه متزوج واتجهتي للإلتزام دينيا ، ما راح أقولك إنك أخطأتي لأن كل إنسان معرض للخطأ المهم إن الإنسان ما إيصر على الخطأ . أنا قرأت كل قصتك ، الإنسان هذا برأي حقير وكذاب وما يستاهل إتفكرين فيه لحظه تلاعب بمشاعرك اسنين وسبب لك صدمه نفسيه يمكن انتي اتشوفين حكمي عليه قاسي يمكن إنتي لي الحين امصدقه كلامه يمكن إنتي لي الحين تحملين مشاعر حب له لكن صدقيني الإنسان هذا ما يستاهل دمعه وحده من عيونك . الرجل بطبيعته صياد هذا بضبط اللي سواه معاك يقترب منك وبعدها يبتعد حتى تتعلقي فيه عاطفيا ويسيطر على مشاعرك لأنك أخبرتينا إنك في البدايه ما كنتي إتحبينه بالعكس كنتي تكرهينه ، الرجال يعرفون إن نقطة ضعف المرأه إنها عاطفيه فيدخلون لها من هذا المدخل ، أخبرتينا إنه إذا رجع بلده إنشغل عنك إنا اعتقد إنه كان ينشغل مع زوجته ، الآن أخبرك إن طلق زوجته وصدقتيه ! صدقيني لو فعلا مطلق زوجته وتقدم لك وتزوجتيه ممكن ما ترتاحين معاه لأنه ممكن يستمر بإسلوب الكذب . انصحك تبتعدين عن هذا الإنسان وتنتظرين ابن الحلال .
|
قهرتيني بالاخير انك كاتبه مجنونه احمد
خلك قويه وامسحيه من الذاكره نهائي والله يعوضك خير وصراحه 90 بالميه من الشباب كذا يلعبون بمشاعر البنات وهم كذابين ولاتقولين ضيعت معه اربع سنين من عمري ومن ذا الكلام لا اعتبري انك كنتي تتسلين معه فقط لااقل ولا اكثر |
اقتباس:
النسيان صعب وليس هناك دواء يستخدم للنسيان الماضي الاليم، وليس هناك دواء يعطل المشاعر ويجمدها، ومشاعري، لا اراديه، لا اقدر اسيطر، عليها هذي سبب تعبي، واستمرار الحاله النفسيه للان، فيني DCQWDD |
،،،،،،،،،،،
اقتباس:
|
اذا قارنتي بينه وبين اخوك اللي وداك المستشفى
واهتم بك ورجع للبيت وكله حزن عشانك راح تقدرين ونص ماهو هالخاين اللي يخون زوجته وبنفس الوقت يكذب عليك مشكلتكم يالبنات تصدقون اي شي |
بختصار
انتي صح يوم صححتي غلطك انتي نيتك سليمة خطاك وثقتي برجل ما تعرفينه ولا حطيتي احتمال انه مو من مواخذيكم يعني الاهل بيرفضونه فهمتي القصد لان مايعرف الرجال الا الرجال مسالة البنت او الثيب تزوج نفسه وتختار بهالزمن اصبح مستحيل والنقطة الاخيرة هذا مو رجال هذا نقيصة الي عطلك كل هالعمر كان قايل انه معرس عساه مايربح صدقيني انتي الحظيظة الي ما خذيتيه ادري كلامي قاسي لكن هذا الصدق وانتي ربي بيعوضك لا توقفين نصيبك ولا تقولين مجنونته عساه الجنون . |
،،،،،،،،،،،
اقتباس:
|
اقتباس:
خذي راحتك ي الغلا بالكلام رأيك يهمني لأن انتى أكثر وحده عارفه ميمي وعارفه معناتي، مع المرض |
نصيحة تصدقي كل ما احسستي بالشوق كل ما احسستي بالهزيمة ادعي ربي ينسيك اياه ادعي هذي طريقة ناجحة يالغالية وربي بيعووووضك ان شالله وانسي السالفة وادفنيها وبتموت ان شالله
بس الغريب قلتي انك وياه بمنتدى لكِ وانا كذلك عضوة لكن يبدولي تشابه اسما منتديات لان الي انا عضوة فيه منتدى اغلبه نسوان ومنتدى ضخم . |
صباح الخير مي ..
الحمد لله الوالدة بخير وأنا بخير... الحل برأيي ليس بالنسيان بل بالتناسي . محاولة النسيان يجبر التفكير على المقاومة والممانعة وهذا بدوره يزيد الحزن والأفكار . أما التناسي فهو أن تعتبري هذه التجربة جزء من حياتك مر وانتهى وان تستخلصي الايجابيات منها وان تحاولي الرد على المشاعر العاطفية بأفكار منطقية وعقلانية وأن تثقي أن الزمن كفيل بحول الله بطمر هذه التجرية وركنها في أرشيف الذكريات كمجرد ذكرى فقط مرت وتمر على كثيرين وليس هناك شيء يدوم مهما طال التعب.. محاولتك التلهي وشغل وقتك شيء رائع فاستمري عليه وعيشي حياتك وثقي ان الناس تعاني وتتنوع معاناتهم ورغم ذلك يواصلون مسيرة حياتهم ويتناسون أوجاعهم فالحياة ان لم يتعايشوا معها ستسير وتتركهم أسرى للهموم والأحزان ... |
اقتباس:
والحمدلله هذا طريقتي كلما أتشد، عليه التعب والشوق له أتصدق، والح بدعاء أن ينزع، حبه من قلبي |
اقتباس:
تشرفت، عمو بردك، على قصتي ايوى، هذا الذي أفعله اتناسه، لكن أحيانا تغلب العاطفه، على التناسي، واتعب أعلم أنه سبب كل الاعضاء، من سوء، نفسياتهم، مشاكل وعثراات، فااتعب، النفس والجسد، معا وانا ضحية كل الأمر صار بغير اراداتي، وربما، ضارة نافعه، والحمدلله على هذا الابتلاء، |
مادري انتي ذكرتي اسمه كتبتي (لكي) العموم حصل خير ....
وكلام ابو علي منطقي جداً وانتي الان بالطريق الصح ربي يثبتك . |
حصل خير وكل وحدة تصلح سيارتها (:
|
تقول ميمي : فكرنا نسوي شات بمنتدى لكي يزيد دخل الاعضاء ... لِكي أي لأجل مو منتدى لكِ (:
|
اقتباس:
طبيعية احاسيسك العاطفية وستزول بحول الله مع الزمن ومعمعة الحياة ...أنصحك بالعودة لعلاجك السيروكسات فهو معروف انه يحسن المزاج وربما يؤدي لتبلد العاطفة عند البعض .. |
اقتباس:
اقتباس:
|
السلام عليكم
لقد قرأت اغلب مافي القصه ، وملاحظتي هي : مسألة الحب والتعلق تأتي بدون إستإذان لانها تخص العواطف ومايفيض به القلب ، وكثير منا لايشرك العقل في هكذا مسائل ،فتكون نتائج في غير محلها ،أنا لاألومك بل هذا التحليل العام النقطه الاخرى ، كثير منا أو لربما أغلبنا قرأ قصص محاولات الزواج عبر النت ، وان 99 بالميه منها قد بائت بالفشل قبل ولادتها ، بسبب ان الظاهر منها صح ،ولكن الباطن منها سيء ،ورغم ذلك فإن الكثير يحاول أن يغامر بها ويقع بما وقع به الاخرون ،واللذين قرأ هو عنهم و عن تلك التجارب ، وهناك نقطه مهمه جدا ،لابد أن تنتبه لها كل البنات وهي : إنه لو حصل زواج فعلاً عن طريق النت ، فإنه سيفشل حتماً فيما بعد ،وسيكون عباره عن حياة مليئه بالمشاكل من شكوك وعدم ثقه و مراقبه و عدم اطمئنان للطرفين و ليس فقط على الفتاة ، فحتى زوجة النت سوف يكون شغلها الشاغل مراقبة زوجها في ان يعمل علاقات مع فتيات أخر ، وذلك بسبب انه تعرف عليها من خلال النت ، وهذه النقطه مهمه جدا جدا لك أخت ميمي ، كوني واثقه بإن الله تعالى أراد لك الخير وجعل مشكلة زواج أحمد مسبقاً هي عائق و حجر عثره في أكتمال علاقتكم بالزواج ، فلو حدث وتزوجتي به ،فإن حياتك شكلها راح يكون عباره عن كومة مشاكل و تراكمات من الشك و الظن السيء و عدم الثقه ، وهذه لاتعتبر حياة زوجيه ابدا ،،،،، لذا فانا شايف إنك تحمدي الله تعالى كثيراً على عدم إكتمال هذه التجربه ، وانها فقط كانت تجربه في مسيرة حياتك ، صح انها مؤلمه بعض الشيء ،ولكن ألمها سوف يزول ان شاء الله لفتره ، وهو أهون كثيراً من لو كان هناك زواج ، تمنياتي لك بحياة مطمئنه خاليه من التشاؤم ، ومليئه بالامل و النظره الى الغد بعيون بارقه نحو حياة أفضل تحياتي |
| الساعة الآن 09:40 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا