|
العلاج بالتفريغ تعال فرغ كل مافي قلبك هنا
هذا موضوع لكل شخص يبي يفرغ يبي يفضفض التفريغ بيريح كثير والكلام لما تطلعه بتحس جبل وانزاح طبعا يتمنى الواحد لو كان له شخص يحبه يقوله بس برضو انا اشوف لما تفضفض لأحد وخاصه فضفتنا الي مش حلوه مايرتاحون وممكن بعضهم يجاملك لانه يحبك لاكن انا مارضى اني اجيب الهم لأحد لاكن هنا ممكن يختلف الوضع فالكل يعاني حتا لو اختلفت البيئه والأحداث وكل شي الا ان المعاناه مشتركه باختلاف شدتها
نبدا على بركه الله تخيل أن تصحى بدال ماتكون نشيط تحس بالام في ضهرك وجسمك هذا كيف يعمل وينجز الانسان الطبيعي يصحى بكل همه ونشاط ياخذ شور ويروح يشرب حليب كافي أو موكا أو اي نوع قهوه لأنه رايق ويبي يروق اكثر والي لاحظته الاصحاء مايتذمرون نفسنا لا بل يحب اي شي مايعكر مزاجه صراحه فعلا الصحه تاج على رؤوس الاصحاء لايراه الا المرضى انا ارى الي ماجاه اكتئاب محظوظ جدا جدا لان الي مايتسمى يغير نظرتك لكل شي ويجعل السلبيه تطغى الايجابيه في كل شي وهذا غلط كبير والي اخس من هذا كله أن مافي علاج 😡حتا العلاجي ب الكهرباء مش موفرينها بشكل واضح فالمستشفيات الحكوميه لان المخ محتاج ٢٢٠ فولت 😢😂 |
فكره رائعه احييك عليها ..
ان شاء الله لى عوده للمشاركه |
حتى التفريغ خلو فيه جانب ايجابي و مشرق
كذلك ذكر الله و الدعوه الطيبه عشان صح الكل يستفيد يارب يا صبري اسمع عنك فرحان و مبسوط و بخير . |
صبري يا قليل الخاتمة فتحت الموضوع من وراي ، لا تصدقونه ترى فكرة الموضوع فكرتي
عليك بالعافية صبري أمزح : ) تامن بالله صبري إني اليوم الصبح بالذات طرى علي فتح الموضوع بس اللي اشغلني أحد البسوس من امس يستفرغ دم كذا مرة لليوم و انت بكرامة و لا يلد بالأكل ، و من اول اتصل اببحث له عن بيطري ثقة أمين خايفة اطب ببيطري سباك زي ذيك المرة و ياخذ اعمارهم .. دعواتك قلت الولد ماش وضعه ذي اليومين مو عاجبني و محتاج تفريغ لذلك فكرت ان علاجك بذا الموضوع قلي بس متى نبدأ بتعقيد الشوش ترانا راعيين فزعة ما عندنا غير قولة قدام ربي يزيح عنك صبري و يحفظك و يسعدك |
عبدالحميد
بانتظارك مستكفه بنحاول يكون فيه ايجابيه اللهم امين ولك بالمثل ياغاليه ربي يحفظك ويحقق امانيك عيون متفائله هههههه قلتلك من البدايه فتحي تحسبيني امزح لين اليوم حسيت لزم ينفتح صراحه الواحد محتاج فضفضه وتفريغ بس للامانه ترا فعلا فكرت الحلوه عيون لاكن انا سبقتها بالتنفيذ 😝 بعدين من الحين تبين تعقدين الشوش تونا قايلين بسم الله وقصينا شريط الافتتاح لاحقين خير امين يارب وياك وكل الموجودين |
عيون احين مافيه خطر من وجود القطط فالبيت يعني عندك انواع وفي بعضهم مرضى فهمتي قصدي يعني هل يسببون امراض لاسمح الله حساسيه شي
كيفكم مع النوم هل متلخبط ولا تمام صلوا على الحبيب اللهم صل على محمد وعلى اله وصحبه اجمعين لا اله الا الله |
اللهم صل و سلم على خير البشر عليه أفضل الصلاة و أتم التسليم
هلا صبري بالعكس حلاة التفريغ من البداية حار بنار حتى ما يبرد الموضوع : ) سبحان الله البسوس و الحيوانات بالعموم عدوتهم مقتصرة على بعضهم البعض ، تركيبة أمراضهم و فيروساتهم تختلف عن البشر ، هم يتعادون حبايبي فيما بينهم الله يستر و حنا نتعادى فيما بيننا و الحمد لله من فضل الله و ماشاء الله لا قوة إلا بالله ما شفنا منهم حساسية ، انت تشوف الأجانب الغربيين كيف الحيوانات بالعموم تخالط الحوامل و الرضع حتى في أماكن نومهم و أكلهم و ما بهم إلا العافية ما شاء الله تدري إني حتى قرأت معلومة طبية مفادها إنك إذا خليت الحيوانات بالذات ذوات الشعور كالقطط تخالط الرضع حديثي الولادة إن جهازهم التنفسي يقوى و يكتسب مناعة لأنه من البداية تعرف جهازهم على كل الميكروبات اللي تخص الجهاز التنفسي ، عشان كذا دريت ليش يخالطونهم من بدري ترى حتى الفيروس اللي يسقط الحوامل اللي يقولون يجي من القطط تراه نادر جدا في القطط و نسبة وجوده في الخضار اكثر من وجوده في القطط بمراحل ، و غير أصلا حتى يصل للحامل من القطط مرة صعب ، لأن لابد تكون يديها أصلا تلوثت مباشرة بفضلات القطط و انت بكرامة و ما غسلت يديها و دخل الميكروب جوفها ، و مين أصلا اللي ما تلبس في يديها قفاز قبل مباشرة فضلاتهم و مين أصلا اللي ما تغسل يديها و الخرافة الثانية يقلك الميكروب يظل في رحم الطفلة و الفتاة لين تتزوج ثم إذا احملت ضرت جنينها و هذا ايضا كلام فاضي ، هو اذا ربي قدر يصيب يبي يصيب الحامل فقط سبحان الله |
سبحان الله كل احد عنده هوايات وحب لشي
مثلا انا ماعندي ابدااومن زمان اني اربي قط أو اي حيوان مافيني طوله بال وبعد مع الوضع الحالي مستحيل عندي سؤال الحين لما ماكل شي طول اليوم بس مجرد قطعه كيكه وعصير هل يسبب ضرر وتتعب ودوخه لان لي ٣ ايام بس كيكه وعصير وجاتني دوخه وتعب ورغبه فالنوم مش طبيعيه اليوم قلت لازم اكل وكلت من برا وحسيت خفت شوي الدوخه بس مابي اكل عشان ابي وزني ينزل كيكه وعصير تكفي بس اهم شي الدوخه تروح لأنها متعبه |
طبعا صبري
الكيك و العصير كربوهيدرات فقط و انت تحتاج لبروتينات متمثلة في اللحوم و البقول و البيض و الحليب و تحتاج للفيتامينات و المعادن اللي في الفواكه و الخضار و غيرها لازم يكون اكلك منوع ترى الجوع الطويل و نقصان البروتينات و المعادن و الفيتامينات مو بس يجيب دوخة حتى يسوي اعتلال في المزاج و كآبة و خمول |
و غير إن احتياج الرجل من المذكور أعلاه أكثر من حاجة المرأة سبحان الله
المرأة تحتاج في اليوم من الف و ميتين سعرة إلى الف و خمسمئة سعرة و الرجل يحتاج حدود ألفين حاول صبري إنك تاكل وجبة في اليوم على الأقل مع الخلايق ، خاصة أثقل وجبة كود يفتحون نفسك |
تخيلي ياعيون اني ماعرف هالمعلومات ولا كاني تعديت الثلاثين . هذا يدل على اني جاهل وعقلي صغير للاسف اني اتنفس فهالحياه ياشيخ انت المفروض تموت ماتعيش انت كومه فشل تمشي فالارض انت المفروض الهوا ماتشمه ياعدم الظاهر بدأ شغل التفريغ
بس هذا موتفريغ هذا تحطيم انت ناقص ياصبري ياعيوون انتي ماتعرفيني انا اكره اكون في موضع ضعف انا زمان ماكنت كذا ليه صرت هشششششش سهل الكسر تخيلي عشان قلتي هالمعلومات سفلت فنفسي لاني احس بفروقات كبيره في الفكر والعقل احس ان عقلي ١٠ سنين انا لي ٣ ايام تارك الحبوب ومادري هل هي السبب ياجماعه أنا تعبان ليه قاعد اتمسخر فالدنيا كانت نيتي اني ابي اتعالج عن طريق محافظه على الصلاه المفروض يتسهل وضعي ليه انكسر لدرجه عيوني غرقانه بكا صعععععبه الرجل يبكي مايبكي الا من شي يكسره قهر الرجال شين وانا اتذوقه بشكل مستمر اتمنى اني مارجع للادويه اي شي الا الادويه مابي الا مزاج مستقر بس |
ياخي هالمنتدى كل ما اكتب رد تقف المشاركه فيه ما ادري ليه وشوفوا الموضوع هذا
هذا اللي بقلبي الحين |
اقتباس:
بالتوفيق |
اقتباس:
فيه فرق بين التفريغ وهي اقرب للفضفضه وبين التجريح في النفس ملاحظ عليك دايك تجلد في نفسك ومتأكد ان نصف مشكلتك هذي النقطه لازم تكون انسان ايجابي لازم تحفز نفسك انا متأكد انك ذكي ويمكن عبقري وانت ماتدري كل شخص فينا داخله ميزه دور عنها وغذها بالتحفيز جرب وراح تشوف الفرق بالنسبه لبكاء الرجل ليس بعيب نهائيا كل واحد مننا يمر بضغوط يحتاج انه ينزل كم دمعه علشان يفرغ هم داخله بالتوفيق |
صبري هذي المعلومات لأنها دقيقة و سعرات ما سعرات ما كلن يعرفها لأنها للفاضيين أمثالي
حنا الحريم وش عندنا غير القراءة و الاهتمام بأنفسنا لأن زيادة الوزن شبح بالنسبة لنا لذلك الجهل بهذي المعلومات ما يعني إنك جاهل سلامتك بالعكس يشهد الله مو مجاملة إن مرات أشوفك تنصح نصائح دينية أقول مو معقول صبري يكتبها مع طولة اللسان ذيك : ) كأنه بدا تمعيط الشوش صراحة ما ينفع كذا وين التفريغ بالموضوع ابفهم متى نبدأ ماش كذا ما ينفع >>> يدينها تاكلها و مجهزة الكيبورد الله يستر مستشرة : ) |
صبري بالنسبة للمحافظة على الصلاة ما يحتاج لها تخطيط و سبب ، انت من يوم تسمع الأذان افرش سجادتك و صل
و اللي يفوتك منها بسبب نوم اقضه و خلاص ترى الامور سهالات المشكلة كلها في إنك تشيل همها و تخطط و تنتظر سبب حتى تصلي و تنتظر نتائج الصلاة يكفي إنك إذا صليت تتصل بربك و تحس إنك أديت اللي عليك تجاهه و يرتاح ضميرك لأن من الأمور اللي تتعب الواحد نفسيا من غير ما يدري هو وخز الضمير اللي ينغص عليه حياته |
صبري مو ضروري تتناول علاج نفسي دام الأدوية ما ناسبتك ، ما هو شرط تناسب كل الناس
لكن ودي إنك تجرب العلاج السلوكي مع متخصص فاهم أمين تثق فيه و ترتاح حتى تستجيب للبرامج و الأفكار اللي يفيدك بها . و بالنسبة لبكاء الرجل ترى ما فيها شي ، الرسول صلى الله عليه و سلم فاضت عيناه بالدموع يوم وفاة ابنه . هذي سموم لابد يتم التخلص منها بالدموع و الا اعوذ بالله تسبب أمراض الواحد في غنى عنها . بالعكس الرجل اللي تفيض عيونه بالدموع هذا مميز برقة الإحساس و الضمير الحي يعني رجل يعتمد عليه و ما ينخاف منه . |
بن دايم
أنا قطعت الدواء ٣ ايام بدون تدرج وشاك أن هالحساسيه الزائده منه وبعدين ماعتقد في مكتئب ايجابي أنا سالتك قبل قلت كيف انت تركت الادويه وايش كان علاجك وهل حسيت باعراض وقت الترك يعني ابي تكتبلي بالضبط الوضع لان مابي ارجع للحبوب |
عيون انا تارك الادويه لي ٣ او ٤ ايام وشاك أن أعراض انسحاب الحبوب لأنها تجيبك للأرض كذا تنزل عليك غمه وتحس مزاجك هبط دبل الدبل وحزن شديد اذا مؤقته كم يوم ممكن اتحمل لاكن زياده بنهار
احين انتي تبين ربط شوش يعني تبين هوشه مع احد؟ انا ماقدر احين مزاجي مايساعد على الهواش 🤕 يعني لو ترابطت معاك بتغلبيني خنشوف وحده عصبيه عشان تشتركين معاها عشان تصير حفله |
عيون بصراحه لما تصلين تحسين براحه نفسيه ؟تحسين كذا سلام داخلي تحسين أن امورك تتسهل ؟ طيب كيف هل تستغفرين كثير تصلين عالنبي كثير قوليلي جدولك اليومي العباده
طيب تتوقعي ليه انا اتعب لما اصلي واحس يزيد التعب علما اني من سنوات كنت قاطع أو مش منتضم بشكل كبير وصدقيني بموت ابي احافظ على الصلاه بس لما اصلي فرضين احس بنهلك علما أن فيني شي روحي والاقرب عين. حسد لاني لما اوقات اصلي واقرا قران اتثاوب ودموووع تنزل على طول وقريت أن هذا اهم عرض العين والحسد أنا احس لو حافظت على الصلاه بيتغير اشياء كثير بس البعض هنا يقول مالها .دخل لا وشوفي لما اصلي فرضين وزياده يجيني شي داخلي يقولي شفت هذا انت صليت تحسنت؟ الا تعبت زياده لاتتعب نفسك وازعل واوقف شوفي كيف انا متاكد ان روح فداخلي تقول كذا سوا شيطان أو عارض متحكمه فيني واقوى |
هلا بك صبري و سلامة مزاجك
صبري الصلاة سبحان الله راحة لأنك تكلم اللي يحبك و يحن عليك و يلبي مطاليبك ، الواحد مرات في عز كدره و ضيقه يطالع الساعة حتى يشوف وقت الصلاة حان او لم يحن ، و إذا لم يحن يقوم يصلي ركعتين يناجي فيها حبيبه اللي ما أحد يفهمه غيره انت حاول تخشع حتى تحس بلذتها و تطمئن و تشعر بقرب ربك منك شوف أنا مقدرة إن اللي فيك قد يكون عارض روحي من حسد أو غيره هو اللي يمنعك تصلي ، بس مو معناه تترك نفسك و تلقى لك عذر ، انت بالبداية هيء أجواء الخشوع : مكان هادئ ، اضاءته خافتة ، الروائح الجميلة من حولك و استحضر إن ربك اللي ما يخيب رجاك قدامك بهيبته بجلال وجهه و عظيم سلطانه ، هذا شي الشي الثاني حتى يبعد عنك أذى الشيطان اللي يبي يبكي لو شاف المسلم يصلي خلك على وضوء طوال الوقت و الزم ذكر الله بلسانك حتى تحفك الملائكة و يطمئن قلبك ، لأن ذكر الله لوحده علاج . أنا دارية صبري إن مو معجبك وضعك و لو مو الخير اللي فيك ما كان تضايقت للدرجة ذي و ودك إن ربي يرضى عنك و هذي خطوة جدا كبيرة و ربي يبي يفرح بك و يرحب فيك و يعينك و ما راح يخذلك .. و اللي يقلك شفت تراك ما تحسنت تراه إبليس ادحره زيادة و واصل تلقاه بعد فترة يبي يمل و ينصرف عنك . انت الآن واظب على الصلاة و اذكار الصباح و المساء و الدعاء ، ادع ربك يبصرك و يقربك منه ، ألح في الدعاء طوال الوقت ، كل ما يقربك من ربك افعله ، و ياليت تشوف موضوع العلاج السلوكي بعد الاستخارة في أسرع وقت . و لي عودة بإذن الله |
صبري تدري وش اول واهم اسباب الاكتئاب ؟ جلد الذات وتحقير النفس الله سبحانه كرم الانسان مهما كان عقله ولونه واصله وحسبه ونسبه وعقله واحنا نجي نحقر من انفسنا ؟ احنا مشكلتنا منا وفينا بتقول انا ماسويت اي شي بالحياه زين طيب انا معاك بس ممكن اسألك عن وضعك الاجتماعي ؟ المادي ؟ يعني هل انت متزوج هل تعيش مع اهلك والا وحيد هل مكتفي ماديا ؟ انت تجي هنا زعلان من كل شي من الرب والحياه والدين ومن نفسك .والله سبحانه اوامره واضحه احسن الظن فيه يعطيك على حسن ظنك لكن انت كاره كل شي .
كيف تبغى تتشافى وانت اصلا مو عارف تساعد نفسك ؟ انا ما الومك ابدا اكيد انك موجوع ومابيدك حيله لكن استشير يا اخي تقطع الدواء فجأه تقعد كم يوم بدون اكل افكارك السلبيه تسبق كل الافكار الايجابيه . اذا كنت تبي تنزل وزن ياخي روح لمركز متخصص يسوي نظام غذائي صحي مو بمزاجك تقعد على كيكه وبعدين تقول تعبان . طفشت من الدواء روح لطبيب متمكن استشيره واعرض عليه كل متاعبك ومساويء الدواء لكن انت ماخذها لعب بلعب . قسيت عليك لكن حاول تغير بنفسك عشان ربي يعدل الحال |
ايش سبب مرضك يا صبري الله يعافيك
و متى بدأ معاك كنت تصلي من و انت صغير .. متعود ع الصلاة |
كل اللي اقدر اقوله يا صبري انه ربي يحبك
يحبك جدا ربي سبب اسباب احتياجك له لا تزيد في الجفاء انت و تبعد انت محتاج لربي و ربي يحبك و انت انسان طيب بس صبرك قليل |
عيون
والله اني من امنياتي اني احافظ على الصلاه وتكون سهله علي لان هذا الصح واتمنى أن تتحقق الامنيه اقرب وقت وبعدين انا قريت انك ودك تاخذين حبوب مب صاحيه ؟ ياخي انا مقهور منكم انتي وقطرات الندا انتو مفروض ماتاخذون ادويه الي يصلي ويحافظ على صلاته وعلاقته بربه براي مايحتاج ادويه اكتئاب شوفيني انا وانا مقصر مابي كيف انتو ماشاء الله لاتاخذين اذا بغيتي رايي والقرار الاول والاخير لك الله يجزاك خير على هالكلام الإيجابي والحلو نصائح من ذهب على قولهم |
قطرات الندا
نورتي الموضوع من البدايه ودي تشاريكنا خبريني مع البنرتلكس كيف الوضع انا انصحك اذا انتي مرتاحه انك ماتزيدي الجرعه لاني مجربه وزدت ل١٠ و٢٠ حتا كان غثيان مش طبيعي بالنسبه لجلد الذات مستحيل تشوفي انسان طبيعي مايعاني من شي يجلد ذاته أو يحقرها مستحييل الوحيد الي يسوي كذا المصاب باكتئاب ويكون شديد ومزمن ووضعي الاجتماعي مزود الطين بله ومابي اتكلم عنه بس انا اكتشفت أن الي وضعه الاجتماعي تمام يكون غير الوضع والدليل هنا بالمنتدى وانا مومتزوج اعزب واعتقد المتزوج وضعه اسهل بكثير أما انا وحداني |
هبه الرحمن
ايه كنت أصلي وانا صغير بس مدري شلي غير من العارض أو مادري لان بدايه معاناتي عمر ١٦ والان ٣٤ عمر اه بس بعدين الي يحب ياهبه يريح الي يحبه . مش يعذبه ويزيد في تعذيبه انا زعلان على حالي كان مفروض احسن من كذا لو ربي يحبني كان ماصار حالي كذا انتو بس بالمنتدى ماشفتو الواقع الواقع ادمر من الي أكتبه المصاب جلل وماحب اكتب تفاصيل |
اقتباس:
و جوابا على سؤالك عن الصلاة قال تعالى " و استعينوا بالصبر و الصلاة " و اعذرني ان سألتك عن تفاصيل خاصه |
اليوم صليت وبدا التعب يزيد يلله احين كيف استمر قسم بالله احس زاد تكدر المزاج وضيق الصدر
تصدقون انا مالي جزا الا الجنه على صبري على هالكوارث من كثره الصبر سميت روحي صبري وام كلثوم تقول انما للصبر حدوووود |
صبري انا سألتك عن وضعك الاجتماعي مو لقافه انا سألتك عشان اقدر افهم نوعية المعاناه بس .
انا اصلي واصوم واخاف ربي واخاف ان اظلم مخلوق لكني بشر واتعرض مثل غيري للمرض والحمدلله راضيه بما قسمه لي ربي لأني متأكده ان بعد كل عسر يسر جميل . المرض النفسي اضطراب يصيب جزء من الجسد ومبار العلماء ما صنعو الادويه عبث انا من اخذت البرنتلكس بفضل الله ابتديت اشعر بطبيعتي وحياتي قبل المرض صحيح مارجعت زي اول بس عندي امل اني راح اتحسن كل يوم افضل عن اليوم اللي قبله . خفت الدوخه لله الحمد والمنه وهذا اهم شي عندي ابتديت اطلع من البيت صرت انام نومه مريحه يارب لك الحمد . والخير جاي بحول الله وقوته اسأل الله العظيم ان يفتح لك باب فرج من حيث لاتحتسب هذا اللي اقوله وبس |
صبري هل اللي قال جملة للصبر حدود داعية ؟
أو هل وردت في الكتاب و السنة ؟ قال للصبر حدود قال إنما الصبر بالتصبر و الحلم بالتحلم و من يصبر يصبره الله الصبر لا يمكن يكون له حدود منهجنا كمسلمين إن الصبر ما له حدود و فوق ذا الله عز و جل من رحمته ما كلف كل نفس إلا وسعها بس الشيطان هو اللي يكبر لنا الأمور حتى نيأس من رحمة ربنا و نقول و نفعل ما يغضبه ثم نطرح في النار لأنه وعد ربه أنه يغوينا و يظل يزين لنا المعاصي و يضخم لنا الأحزان و الهموم و لا ينشط إلا في هذه المواضع ، لذلك لابد نفطن له و ما نعطيه فرصة |
(وَاسْتَعِينُوا بِالصَّبْرِ وَالصَّلَاةِ ۚ وَإِنَّهَا لَكَبِيرَةٌ إِلَّا عَلَى الْخَاشِعِينَ )
(وَأْمُرْ أَهْلَكَ بِالصَّلَاةِ وَاصْطَبِرْ عَلَيْهَا ۖ ) |
احتياجات رغبات امنيات
يالله مومشكله الحمدلله على كل حال اشكركم عيون قطرات الندا عمر عبدالله هبه الرحمن الله يصلح الاحوال جميعا ويعطي كل شخص مايتمنى |
صبري شي طبيعي الحزن اللي صار بعد الصلاة
انت نفسك هذي مثل الطفل مثل الطفل اللي تجبره يحل الواجب بعد الواجب لازم تدلع نفسك و تكافئهها امشي بمبدأ العقاب و الثواب عشان تربي نفسك من اول و جديد على فكرة صار لي نفس ارتدادك الاسبوع اللي فات ضغطت على نفسي و غيرت حاجة من تصرفاتي بالقوة و جاني نفس الارتداد حزن و اكتئاب و ضيقة و عصبيه التغيير محتاج وقت و انت كافئ نفسك و قدرها و لا اكتب هنا انجازاتك و اللي حققته اليوم و سعيت له و خلي العقاب و المكافأة بيدك |
"فما البؤس إلا وقودُ الهنا،
وبشرىً ستأتي ولو بعد حينْ. وما الضيقُ إلا جسورُ المنى، ولطفٌ خفيٌّ بهِ تنعمين. فطيبي بفألٍ عظيمِ الرجا، بجوف الرزايا هداياً تحينْ. بوقتٍ قريبٍ عجيب العطا، سيعطيكِ فوق الذي تأملينْ |
مامن عبد يقول
"الحمدلله رب العالمين حمداً كثيراً طيباً مباركاً فيه." إلا صرف الله عنه سبعين نوعاً من البلاء أدناها الهم |
يسعد مساكم ،،،
الصلاة واجب شرعي بحت فلا ندخلها بموضوع الاكتئاب لأن ربطها به سيؤدي لأن تكون النظرة اليها ومن ثم اداؤها لها تعلق وارتباط بالمزاج الذي من طبيعته الصعود والهبوط والتقلب وهذا غلط ،، نعم الصلاة الخاشعة من اسباب الراحه النفسيه لكن الاكتئاب مرض مستقل يجب التعامل معه بعلم وشموليه .. |
الله عليك يا أبا مريم الآيتان الكريمتان جات على الوقت
الله عز و جل يقول عن الصلاة و اصطبر عليها ، يعني ما قال اصبر و أنا بحكم دراستي في مجال البلاغة و تعمقي فيها و اللي تقول : الزيادة في المبنى زيادة في المعنى أي الزيادة في مبنى الكلمة زيادة في معناها ، زيد حرف الطاء في اصطبر ، لأن الاصطبار أعلى درجات الصبر الدرجة الأولى الصبر و هو حبس النفس عن الجزع مع الألم الدرجة الثانية التصبر و هو حبس النفس عن الجزع مع الرضا الدرجة الثالثة الاصطبار هو حبس النفس عن الجزع مع التلذذ ، شفت كيف صبري تصل لمرحلة تتلذذ بالبلاء بسبب التفكر في عاقبته الجميلة ، يكفيك إن الله يحب الصابرين في الدنيا يعني دامه يحبك يبي يحقق مطاليبك ، و في آية أخرى : إن الله مع الصابرين ، يا له من فضل تخيل إن ربك معاك في كل وقت و كل مكان و نرجع للآية الأولى الله عز و جل يأمر نبيه الكريم صلى الله عليه و سلم أن يأمر أهله بالصلاة و يصطبر عليها ، معنى ذلك إن الصلاة مو تحتاج صبر بل اصطبار يعني أعلى درجات الصبر يعني مو أي صبر ، و اصطبار يعني صبر يخالطه تلذذ بالعبادة عشان كذا مو بس نقلك اصبر ، نقلك اصطبر عليها و لي وقفة مع الآية الثانية إن شاء الله |
شفت كيف إن الصبر في ديننا ما له حدود و إنه على ثلاث درجات ، كلن بحسب قوة إيمانه ، لأن ما يصل لدرجة التلذذ بالابتلاءات إلا الموقن بما أعده الله للصابرين ،
يا ليتك تقرأ في كتاب عدة الصابرين لابن القيم و كتاب تلبيس إبليس لابن الجوزي رحمهما الله تعالى حتى تشوف كيف يلبس إبليس علينا حنا الضعوف ديننا و عباداتنا و أفكارنا حتى يحرفنا عن الجادة و نصير مثله من أصحاب النار و العياذ بالله كما وعد ربه . شوف كيف في الآية الأولى يوم ربي ربط الصبر بالصلاة يوم قال تعالى : و استعينوا بالصبر و الصلاة جعل الصبر و الصلاة بنفس المرتبة ، لأن واو العطف تدل على الاشتراك في نفس الحكم صبر و صلاة ، معناه كل أمر يحزبنا لابد نفزع للصلاة كما يفعل صلى الله عليه و سلم : إذا حزبه أمر فزع إلى الصلاة لكن متى تحس بالأمن في الصلاة من الفزع ؟ مع الخشوع ، بشرط الخشوع ، لأن آخر الآية قال : و إنها لكبيرة إلا على الخاشعين و الخشوع ما هو صعب ، انت فقط هيء أسبابه و فرغ عقلك من الشواغل و استحضر وجود ربك أمامك تبي تخشع و تتلذذ بالعبادة . سبحان الله كل لذة في الحياة تحتاج لخشوع و تركيز و إلا ما راح تستمتع ، كل اللذائذ المادية المباحة نستعد لها و نفرغ لها اوقاتنا و امزجتنا من كل ما يشغلها حتى نحصل على المتعة العابرة ، و أهم عبادة ما نبذل الجهد من أجل التلذذ و الخشوع . |
هبه الرحمن
لا مش طبيعي ياغاليه لان بعدها ماقدر أكمل لو اقدر اكمل كان انحلت المشكله أمس نفس الشي صليت وتعبت بعدها تعب ماقدر اوصفه انا احاول والله بس المشكله ان لما يجي التعب ماقدر أكمل انهااااار بعدها اوقف هذا دليل أن فيك شي أنا أفكر يوم استمر رغم التعب بس لازم اعزم وأجهزة العده لان كاني فحرب والله |
| الساعة الآن 08:12 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا