![]() |
من امثالنا الشعبية
السلام عليكم اخوانى واخواتى الكرام ....
فيه ناس بسيطة ... مقضية حياتها بالبركة ... وتلاقيهم مرتاحين وبالهم رايق .... يعنى ببساطة مش شايلين للدنيا هم ... ولما دورت عن سر سعادتهم ... لقيت انهم بيتبعوا الامثال الشعبية .... ايه رأيكم نخلى الصفحة دى للامثال الشعبية ... اى حد عنده مثل يضعه هنا ..... فى انتظار تفاعلكم .... |
اول مثل ...
يا بخت من بكانى وبكى عليا .... ولا ضحكنى وضحك الناس عليا ... |
فكره حلوه ياصلاح .. خد الشويه دول :
حبيبك يمضغ لك الزلط .. وعدوك يتمنى لك الغلط اللى مايشوفش م الغربال .. أعمى الغربال الجديد له تعليقة ( وفى رواية : له شده ) اللى تحبل فى مكه .. بيجيب اخبارها المجاورين إدينى عمر .. وارمينى البحر قيراط حظ .. ولا فدان شطاره تيجى تصيدو ... يصيدك مع تحياتى |
اخى الحبيب اسامة ...
لا حرمنى الله من تواجدك العطر .... |
المكتوب على الجبين .... لازم تشوفه العين .
|
الي بيته من زجاج مايرمي الناس بالطوب
|
ودى أمثال ( ذوات مغزى ) ههههههههه :
------------------------------------------ ×× جوه وبره فرشت لك ؛ وانت مايل إيه يعدلك ×× فى الوش مرايه ؛ وفى القفا سلايه ××لسانك حصانك : إن صنتو صانك ؛ وإن هنتو هانك ××تراعينى قيراط ؛ أراعيك قيراطين ××لقمه هنيه ؛ تكفى ميه ××اللى يعوزو البيت ؛ يحرم ع الجامع ××سكتنا له ؛ دخل بحماره ××ساعة الحظ ؛ ماتتعوضش ×× الحلو حلو ؛ حتى لو قايم من النوم والوحش وحش ؛ ولو اغتسل كل يوم ××الورد لودبل ؛ يفضل عبيره فيه ××اللى يشوف مصايب الناس ؛ تهون عليه مصيبتو ×× ضرب الحبيب ؛ زى أكل الزبيب ×× المتعوس متعوس ؛ ولو علقوا على بابه فانوس ×× إجرى ياابن آدم جرى الوحوش ؛ غير رزقك لن تحوش ×× تحلف : لى اصدقك ؛ أشوف امورك : استعجب ×× العروسه للعريس ؛ والجرى للمتاعيس وفيه بقى كلمه ؛ مش مثل ولا حاجه ؛ بس بنقولها فى ( ظروف خاصه ) عارف أقصد إيه ؟؟؟؟ (( الليله يـــاعمده )) ههههههههههههههههه حياك الله ياصلاح لك ودى وتقديرى |
يعطيك العافيــة أستاذ صــلاح،،،،،
بس يا ترى هــل كل اللي،،،،، بيتبعوا الأمثال الشعبية تلاقيهم مرتاحين،،،؟؟؟؟ ومش شايلين هم للدنيـا،،،،؟؟؟؟ وعايشين بسعادة،،،؟؟؟؟ |
اقتباس:
اهلا بك اختى ورده ..... حتى لو ما كانوش بسعادة .... على الاقل هم الاسعد .... ولا تنسى ان الصرخة تعد نصف مراحل نزوح الكبت .... وتقى من الانفجار ... وقانا الله واياك شر الكبت |
اللي يربط رقبته بالحبل كل الناس تجره
|
الاخ العزيز صلاح
شكرا لك على هذه المشاركة الجميلة وهذه بعض الامثال الشعبية المصرية .. أدب ابنك صغير تفرح بيه كبير اخطب لبنتك و لا تخطبش لابنك الأخ أخ مراته و الخايبة تحلف بحياته ادينى عمر و ارمينى البحر أردب ما هو لك لا تحضر كيله تتعفر ذقنك و ما ينوبك غير شيله اشترى الجار قبل الدار أعمى ينادى أطرش لا ده شايف و لا ده سامع أكبر منك بيوم يعرف عنك بسنة اللى تتجوز يوم الأربع على بيت أبوها ترجع ان كنتم نسيتوا اللى جرى هاتوا الدفاتر تنقرى مع خالص تحياتي وتقديري |
اللي ما يعرف الصقر يشوييه
مد ريولك على قد لحافك :) |
((مسكين يا طابخ الفاس.. يبي المرق من حديده)) لغير الناطقين بلغة العرب النجدية: المثل يظهر بؤس البعض الذين يسعون لهدف ما ولكن بغير الوسيلة التي تقود إليه.. وكذلك يظهر كم أن من يسعى لما هو أكبر من إمكانياته مسكين..! الشرح التفصيلي:- مسكين يا طابخ الفاس: المقصود من يقوم بطبخ الفأس الذي يستخدم في تقطيع اللحم.. يبي المرق من حديدة: أي يريد أن يحصل على مرقة اللحم من طبخه لهذا الفأس.. والسلام عليكم.. |
اشكر كل من مر هنا .....
والغايب حجته معاه |
لا تنام بين القبور ولاتحلم احلام مزعجه
الباب يلي بيجيك منو الريح سدو واستريح الشهر يلي مالك فيه لا تعد ايامه لو تجري جري الوحوش غير رزقك ما تحوش الي ما يطول العنب حامض عنه يقول الي بيتوا من زجاج ما برمي الناس بحجاره عصفور باليد ولا عشره عالشجره |
اللى بتحبه ....
لا تناسبه ... ولا تحاسبه .... |
علشان الورد ... ينسقى العليق
|
سألوا ليه لحمتك مشغته ....
قالوا اصل الجزار معرفة ... |
قال تعرفوا ..قال :أيوة
قال عاشرتوا قال : لاْ قال : يبقى ماتعرفوش |
عندنا مثل في منطقتنا في جنوب السعودية يضرب لسوء الحظ وهو يثير ضحكي كل ماتذكرته وهو
(ليلة زواج اليتيمة شد قاضي المدينة) شد=رحل |
اقتباس:
على وزن ... (قليل البخت يلاقى العظم بالكرشة) |
( طيحة من رأس كوكبان .. ولا ليلة من ليالي الطُبان)
وهذا مثل عندنا في المنطقة الجنوبية(تحديدا جازان) وهو يقال للدلالة على ألم المرأة من الضرة وشرحو: طيحة:سقطة كوكبان:جبل شاهق في اليمن الطبان:جمع طبينة وهي الضرة يعني السقوط من جبل شاهق أهون من ان الوحدة تعيش ليلة وعليها ضرة هههههه. |
اقتباس:
وعلى وزن جات الحزينة تفرح قال مالتلهاش مطرح |
مجنونه قالت للعميه خضبينى ...
ياويل الى ما يصلى الرزق منه يولي .. |
اقفل القدره لفمهه . . تطلع البنت لمهااا
|
أحب أمثال المصريين,,طريفة جدا
وخاصة هذا المثل( الناس خبيتهم السبت والحد واحنا خبيتنا ماوردتش على حد) الله يعين :( |
ثلثين الولد على خالو
|
احب الامثال
لكن ليش كل امثالكم حزينه؟ بعطيكم وحده اتبع مبكيك ولا تتبع مضحكك |
ما يحس بالجمرة غير اللي داس عليها
|
من بره ..الله الله
ومن جوه ... يعلم الله |
ظل راجل ولا ظل حيطه
|
اللى تخاف منه ... مفيش احسن منه
|
عمل الخير و ارميه فى بحر جارى ...... ان ضاع عند العبد ما يضعش عند البارى
|
بصراحة أنا مش شاطرة كتير في الأمثال .. مع إني أحب أقرأها واستمتع بيها بس عملت بحث على أمثال لبلدي .. يعني أحاول أغير .. وأهو منها نعرف بيقولوا أمثال إيه في اليمن ^^ . آخر زبيب الغطا من أمثال صنعاء ؛ الغطا هنا : الطبق المصنوع من الخوص .. يضرب المثل لما بقي من الشيء النفيس وفي معنى المثل قولهم: آخر العنقود ؛ كناية عن أصغر الأولاد. عيش ترى عجب / أطلب عمر تنظر عجب أي أطلب المزيد من العمر ترى المزيد من العجائب عابب ولا تحاسد عابب : من المعاببة ، وهي المنافسة .. يضرب في التشجيع على المنافسة في فعل ما يحمد عليه المرء وذم التحاسد. عقل بورعي البورعي :طائر معروف من فصيلة العصافير كثير الحركة .. يضرب في الشخص إذا كان غير رصين العقل. عين في الطاقة وعين في الباب من أمثال شهارة؛ الطاقة: النافذة.. يضرب في الشخص يطيل النظر إلى النساء ،ويأتي هذا المثل في قولهم :"عينه طويله" ^^ |
البيت بيت ابونااااا والغرب بيطردوناااااااااا
|
كل سنه وانت بخير أخي صلاح
|
اقتباس:
اشكرك ... |
يافرعون ايه الي فرعنك قال مالقيت حد يردني
|
حبيبك يمضغ لك الزلط ... وعدوك يتمنى لك الغلط
|
اذا كان اخوك عسل لا تأكله كله
|
الساعة الآن 10:35 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا