|
اقتباس:
والله يا اخي الهجام ماكنت اعرف هذا المرض ولا ادري عنه الين ما اصبت فيه كانت ايام حلوه يالهجام راحت وتلاشت |
اقتباس:
|
صارت ايامي كلها تشابهه
حاس بملل فضيع مافي شي يشغلني ابد ولا فيه شي يشدني بهذي الحياه وربي عايش بدون مشاعر احس اني جثه بملابس احس اني جثه بلا شعور ومشاعر اشتقت جدا لحياتي القديمه الي ماخطر على بالي ولا يوم اتغير ماش المرض يقتلني ببطيء ودي اتقرب الى الله عز وجل اكثر واكثر لكن دون جدوى مافيه حتى روحانيه الحمدلله الحمدلله الحمدلله معوض خير ياقلبي |
بعيدا عن الحديث عن الجانب الدوائي ..
و أبعد ما يكون عن النصائح . هي فترة وستمر .. أثق بذلك من تجربتي الشخصية مع هذا المرض .. وقبل ذلك ثقتا بوعد الله (إن مع العسر يسرا) سينقذنا الله كما يفعل في كل مره . |
اقتباس:
اقل شي يخلي جرعتها متوسطه احس بيصير فرق كبير لو خففها الى جرعات متوسطه |
اقتباس:
مع كل إنتكاسة تطول قليلا الفترة الزمنية قبل تخفيف الدواء .. ولكن حتما سيخففها لك فيما بعد . |
اقتباس:
عندي مشكله اني عندي عدم الاستمراريه في كل شي اطيح بالشغله شهر شهرين واتركها ماني عارف ايش اسوي |
اقتباس:
هذي عدم الاستمرارية عند الكل ..الكل يعاني منها . لكن بأضرب لك مثال على نفسي .. أكثر شئ نفعني لما بدأت أتعلم لغة .. أو أحفظ قرآن .. هو إلتزامي مع مجموعه .. دراسية او حلقة او غيره .. وهذا الشئ شجعني أتنافس معهم ..وخلاني تحت ضغط الإستمرار . واللي شجعني أكمل وجود مدة معينة مثلا شهر شهرين .. ولما أخلص مستوى ألقى لنفسي هدف شهرين زياده . ويقول الطنطاوي اقفز قفزا يعني أي هدف في حياتك سوه قبل تفكر اصحى عالوقت ورح لمكان الدرس أو الدوام ..مع الروتين هذا بتتعود .. ... وكونك تستمر شهر شهرين أعتبره إنجاز ماشاء الله .. المهم أنك تختار المجال اللي تحبه .. وأكيد أنك راح تواصل بعد آخذ إستراحه .. ومهم ربط الأشياء بمكافآت صغيرة مثلا كوب قهوة عند الخروج للدراسة أو الدوام . وأحيانا تكون بيئة الدراسة أو العمل غير مريحه فتكون هي السبب من عدم إستمراريتنا .. حاول تختار بيئة مناسبة . وعلى كل طبع الإنسان ملول .. لكن اخلق لنفسك سبب وحافز من وراء استمرارك بالشغله سواء راتب أو شهاده أو غيره |
اقتباس:
واسال الله ان يشفيني ويشفيكم ويشفي كل مسلم ومؤمن امين |
اقتباس:
يعني هل عدم الاستمراريه في الاشياء الي نحبها بسبب المرض ام من اعراض الادويه؟ |
اقتباس:
الدوبامين مسؤول عن نظام المكأفأة اللي تحفز للإستمرار بالشئ. ولكن عندنا حنا الدوبامين مرتفع لدرجة عالية سببت لنا المرض . فالأدوية تخفض نسبة الدوبامين المرتفعه وينخفض بالتالي عندنا الشعور بالمتعه وقد تسبب اكتئاب كعرض جانبي بس الأمر الإيجابي أنه يزول معها أعراض المرض النشطه .. الأدوية تشتغل بشكل جيد وغير جيد فنفس الوقت. ولا أعلم على وجه اليقين إذا ما كان خفض جرعات هذه الأدوية أو تغيير نوع الدواء أو إضافات مضادات اكتئاب يحسن من الشعور بالمتعه .. بالنسبة لي تحسنت بشكل جيد مع خفضها وتغيير الدواء . هذا بالنسبة للدواء .. لكن بالنسبة للمرض في شئ من أعراض المرض يسمى الأعراض السلبية للفصام ومن أعراضه فقدان الحافز والإهتمام وبالتالي صعوبة الإستمرارية . وبالنسبة للاعراض السلبية للفصام كما قرأت لها أدوية معينه تحسن منها . سواء كان من المرض أو الدواء كل مشكلة ولها حل لا تشيل هم .. |
اقتباس:
عندي موعد بعد شهر من الان وش تنصحيني اقوله للدكتور ؟ انا ما اخفض او اغيير العلاج الا عن طريق دكتوري وشكرا |
اقتباس:
أنا بعد موعدي بعد شهر إن شاء الله 😄 بالضبط تصرف سليم لازم ترجع للدكتور في وصفة العلاج 👍 أنت وش تشتكي منه غير انعدام المتعه و عدم وجود حافز والاحساس بالملل وعدم وجود مشاعر وصعوبة الجلوس في مكان معين لفترة طويلة .. هذي طبعا من ردودك السابقة * فيه شئ غيرها اكتبها من اللحين .. أنا اجلس قبل الموعد اعد مشاكلي واجهزها عشان وقت الموعد الوقت قليل اسردها مباشره للدكتور .. أو اكتبها في ورقة وسلمها الدكتور عشان ماتنسى شئ منها . وهو بعدها يقرر وش الإجراء اللي يسوية ويساعدك تأكد أن الدكتور ماراح يعرف وش فيك إذا ما قلت له .. 🍃 |
اقتباس:
اكثر شي اقوله متى تخفض الجرعه يقول بعدين قليل اني اشرح لدكتور واعتقد اني اجي على عماي سبب صعوبه في توصيل الفكره لدكتور بسس هذه الاشياء الي قلتيها اعانيها حاليا مدري اذا ناسي شي او لا فكره حلوه الورقه مادري كيف ماطرت على بااالي |
مساااااااكم الله بالخير والسرور والورد المنثور
كيف حالكم عساكم بخير اسال الله العظيم رب العرش العظيم أن يشفينا جميع ومرضى المسلمين الاصوات لازالت موجودة رغم تناول الدواء، علاجي زولندا ١٥ مغ حبتين صباح |
نفس الشي عندي موعد بعد شهر ولا ادري وش اسوي
|
اكتئاب شديد و اصوات و قلق وجز على الاسنان
|
اقتباس:
|
هلا اخي الهجام
لا لم تتوقف الاصوات يوما ما لكنها غير خفت بمعني حدتها مع ابليفاي جربت كل مضادات الذهان لم ينجح معي الا زولندا فهو العلاج الوحيد الذي،ليس له اعراض جانبية معاي |
اقتباس:
|
اشكرك يالغالي ربي يحفظك
|
السلام عليكم
امي تاخذ حقن شهرية انفيجا وتشتكي من الارق وفيها قلق الجلوس صار لها اكثر من خمس شهور تاخذه بدون علمها انه علاج ذهان ما تبي تاخذ ادوية جانبية ثانية ودايم تشتكي انها تعبانة نفسيًا قلبي يتقطع عليها ولا أدري وش الحل معها حاولنا نغير العلاج الدكتور قال لازم تصبرون على الاثار الجانبية |
اسال الله العظيم رب العرش العظيم أن يشفيها ويخليها لكم بالنسبة لدواء انفيجا فهو دواء فعال وممتاز
اما قلق الجلوس في كثير من مضادات الذهان تسبب ذلك وله علاج وغريبة الدكتور ما كتب لها مثلا كمدرين او ارتين او كوجنتين هذي تعالج قلق الجلوس ..... اما الارق في بالامكان للدكتور ان يصف سيركويل ٢٥ مغ قبل النوم اوالذي انصح فيه هو دواء ميرزاجين ١٥ مغ قبل النوم هو مضاد اكتئاب ومن اثاره الجانبية النعاس لذلك يستخدم كمضاد اكتئاب و منوم |
بالفعل اليوم هذا الذي وصفه لنا الدكتور سيركويل 25 واندرال نصف حبة مرتين
مشكلتها في عدم اخذ الادوية والان بدأت تقتنع في السيركويل جزاك الله كل خير |
الله يطول بعمرها ويخليها لكم يارب
|
( ربما الحياة ليست للجميع )
اللهم عوضنا وارحمنا واغفر لنا وادخلنا الجنه اللَّهُمَّ إِنَّكَ عُفُوٌّ كَرِيْمٌ تُحِبُّ الْعَفْوَ فَاعْفُ عَنِّا لاحول ولا قوة الا بالله حسبي الله ونعم الوكيل |
اقتباس:
إن واجهت يوما سيئا أو حدث مزعج هذا لا يعني نهاية الحياه . فغدا سيكون أفضل بالتأكيد ..🌱 رزقك مكتوب ..وأجلك .. ونصيبك من الألم والسعادة فلا تقلق وثق بالله . ماكان لك سيأتيك رغم ضعفك وماليس لك لن يأتيك بقوتك . لا أعلم حقيقة ما الذي دعاك للإحباط .. ؟ ولكن أعلم أنها ستنفرج وستفرح . تذكير فقط إن احتجت إلى زيارة الطبيب لا تتردد أبدا .. وإن كان من أمر آخر مزعج فتجاوز كما نفعل جميعا 🙂 الحياة لا تستحق كل هذا الإهتمام ولا الناس .✌️ |
اقتباس:
خسرت طموحي وخسرت احلامي بعدها اجاني المرض من بعد مافقدت اجمل ايام عمري قبل المرض كنت في سن العشرون عاماً كنت اطمح اكون رجل عسكري ذو رتبه واجاني القبول من الكليه العسكريه ودخلت الدوره انجزت شهر كامل كانت اصعب ايام عمري جاني ضيق مايعلمه الا ربك ضيق صدر قوي جدا ماتحملته واخرجني من الدوره بعد شهر كامل بعدها اكلت نفسي بالتفكير لمدة سنتين وانا الوم نفسي واقول ليتني كملت وليتني وش افرق عن الي كملوا الدوره واجتازوها صراحه الضيق استمر معي كل يوم يزيد عن الي بعده يعني كل يوم يزيد الضيق والتفكير في الماضي الي هو الدوره ليتني وليتني وبنفس الوقت كنت مسجل في جامعه في مصر بعد سنتين من خروجي من الدوره رحت اكمل دراستي وسافرت الى مصر وفجاءه بطياره احس فيه شي غريب راح يصير طبعا قبل السفر الى مصر جلسة قرابة الشهرين جالس في غرفتي وماخرج منها ( بعد ماسافرت الى مصر اول يوم واول ماطبت الطياره مخي ضرب وقمت اوسوس واتخيل اشياء واسمع اصوات الى مالا نهايه كان معاي خالي وصديقي قعدت ثلاث ايام خارج البلاد وانا مريض واقولهم ابموت ابموت واوسوس واصوات رجعوني الى بلدي وقعدت شهر والدي اطال الله في عمره يوديني من شيخ الى شيخ ومافاد وكل يوم يقرون علي رقيه شرعيه وبعد شهر اصر عمي مع والدي يودوني المستشفى الطب النفسي وتنومت شهر واصرفولي علاج الحمدلله ذهب كل شي من وساويس وافكار غريبه واصوات وخرجت ولي الان ست سنين مع المرض الفصام والادويه انا راضي بما قسم الله لي لكن المشكله تكمن اني مو مستانس في حياتي اروح اطلع ارجع حتى ابسط الاشياء الي هي العاب الكمبيوتر ماني راضي اتأقلم معها واستمتع فيها قصتي اختصرتها حيل في اشياء كثيره مابي اكتبهها عشان ما اطيل عليك احس فيه شي غلط بس ماني عارف وشهو الايام تشابهه معي ولا احس فيه فرق بين الايام والمشاعر والشعور الف مره اكتب هنا وافضفض ماش احس مخي فاضي فراغ عايش في فراغ كامل ربعي واصدقائي كلهم تركتهم لي سنين انا وحيد الان بس عندي اصدقاء من العائله من ابناء عمي وخالي ومكتفي فيهم. واضيف على قصتي شيء واحد ان عائلتي مع الاسف من جماعتي ناس حسودين ويكرهون امي كرهه شديد الله اعلم انهم حسدوني للعلم انا درست اربع مرات كل مره ويجيني ظرف واخرج من الجامعه الى ان وصل بي الحال ان اتوظف على الثانوي بمعاش بسيط جدا ونحمدلله على ذلك ( اعوذبالله من الحسد والحقد يا اختي بخير رغم كل شي ء ) والله احسد يدمر كل ماهو جميل فهذه الحياه. والحين انا ناسي شي اسمه دوره عسكريه قبل 8 سنين هذا الكلام بس الي ابيه الحين ابي استمر على علاجي ماعندي مانع لكن ياليت لو استمتع في حياتي ماني مستمتع اطلع اجي مافي شعور ولا متعه ولا لذه قبل المرض وقبل دخولي العسكريه كانت ايامي تجيني ضيق ماقولج ماتضايق لكن الحياه فيها حلو ومر الحياه الحياه لا طعم ولا لون ابداً اخرج والا اجلس في البيت كما كنت ماحس بشي كلش واحس مخي فاضي ماعندي اهتمامات ماعندي شي الهى فيه قسم بالله حتى الصلاة وقراءة القران ماحس بالروحانيه قبل حيل وقبل المرض كنت اروح اصلي احس في لذه في الطاعات والتقرب الى الله احس بشعور جميل بعد خروجي من المسجد الان فقدت هذا الشيء ( الحسد دمر بيتنا للعلم يا اختي انا بعد ماسجلت في الدوره واخبرت الناس طبعا كنت فرحان وكذا البيت اعتفس امي طلقها ابوي وبنفس الوقت جاها مرض مثل المرض الي فيني يعني بنفس السنه امي اصيبث بمرض الذهان وبعدها بكم سنه انا اصبت والله ان البيت اعتفس حيل حيل وجبت شيخ قرا على والدتي وعلي سنه كامله بدون فائده الى ان ذهبت الى الطبيب طبعا ابي رجع والدتي بعد الطلاق والحمدلله ) حتى الزواج مافكر فيه وافكر اني اعيش عزوبي طوال حياتي لانني بهذه الحاله مو مستعد للمسؤليه والاطفال احس ماقدر اتحكم بمسوؤليات الزواج ومسؤليلت الاسره الله يفرجها اطلت عليك اسف |
أولا قبل كل شئ شفت الموضوع اللي نزلته أنا في قسم الرقية أبدأ فيه رقية التعطيل وما في أفضل من أن الإنسان يرقي نفسه وبإذن الله تلقى الخير ..
ضروري تقراه واستمر عليه . والله ياخوي حاسه بكل الكلام اللي كتبته ومقدار الألم اللي مريت فيه لأني أنا مريت بخيبة أمل مثلك تماما لما دخلت الجامعة في تخصص صعب وكان عندي طموح عالي لكن حصل معي شئ غريب ما كنت أقدر أشوف الملازم يحصل في عيني زي الغبش و تفكيري بالمحاضرات يضيع مني و لما اجي اذاكر أنام على الكتاب واسرح استمر الحال هذا معي حتى تخرجت بنسبة ما توكل عيش مع إني كنت سابقا من المتفوقات .. لدرجة أني ما احتفلت بتخرجي .. يعني الإنجاز اللي المفروض أفرح فيه أحزني ☹ يعلم الله كم أنا اجتهدنا وتعبنا وحفرنا الصخر حتى نوصل لكن أمر الله أقوى منا وراضين وحامدين وشاكرين ونقول دائما وابدا لعله خير وياما مرينا بظروف طلاق لأقرب الناس لنا و مشاكل على المستوى العائلي .. وهذي تحصل في كل بيت وايضا مرض والدتي ومرافقتي لها أتعبني نفسيا ولو أعد لك أمور حتى عدوي بيحزن علي لكن تدري كلها صارت ماضي وعلى الماضي السلام أهم ما يلزمك اليوم هو صحتك حافظ عليها ولا تخلي لا ماضي ولا حاضر يزعلك وكل ما كتبه الله من أيامنا خيره صدقني خيره ومافي شئ يدوم على حال اللي أحزنك اليوم يسعدك بكره دام أنك مقتدر تزوج ودخل الفرحه على بيت أهلك و لا تكثر الحسايف على الماضي العسكرية اليوم حروب يمكن ما يرجع الواحد لأهله ويمكن يرجع مصاب مقطوع رجل ولا يد قليل يتحمل وكمل دراستك وعش ملك ما يمنعك شئ ولا تقول رادني مرض ولا حسد او سحر حنا بحيل الله وقوته نصنع مستقبلنا انا كملت معاهد و قران ومتفائله إلى السماء المهم Be strong 😎 الكلام يمكن غير مرتب لكن طالع من القلب و بيعدل لك الدكتور العلاج ان شاء الله ويرجع لك الاحساس أمامنا أيام قادمه مليئه بالمسرات إذا احسنا الظن بالله وجبت |
وإذا محتاج تفضفض الموضوع موجود خذ راحتك ..
كلنا هنا أخوان . ومصابنا واحد . |
أخي الكريم معوض خير يا قلبي تذكر قول الله تعالى : (مَا أَصَابَ مِن مُّصِيبَةٍ فِي الْأَرْضِ وَلَا فِي أَنفُسِكُمْ إِلَّا فِي كِتَابٍ مِّن قَبْلِ أَن نَّبْرَأَهَا إِنَّ ذَلِكَ عَلَى اللَّهِ يَسِيرٌ) وقول النبي صلى الله عليه وسلم : (واعلم أن ما أخطأك لم يكن ليصيبك، وما أصابك لم يكن ليخطئك) فتوقف عن التفكير فيما مضى فهو ماضي وانتهى ولن يعيده كثرة التفكير والندم وأنت الآن في غنى عن مشاعر الحسرة التي ربما تزيدك مرضاً إلى مرضك ، فقط فكر كيف تحسن وضعك الحالي ، التزم بالرقية كما ذكرت أختنا بخير رغم كل شيء ولو أقل شيء الفاتحة وآية الكرسي والإخلاص والمعوذات وحافظ على أذكارك كي يحفظك الله بها .
وأما بالنسبة لما تشعر به من عدم وجود طعم للحياة فحاول تعديل أدويتك الحالية لأنها معروف عنها أنها تزيد الأعراض السلبية للفصام سوءاً وأقصد بذلك هالدول بالطبع ، وإن كان الطبيب مصراً على دواء قديم قوي مثل هالدول فهناك دواء يدعى أوراب واسمه العلمي pimozide فهو في قوة هالدول تقريباً ولكنه أفضل بعض الشيء مع بعض الناس وليس كلهم من ناحية المشاعر التي تشعر بها الآن ولكن لابد أن تراقب حالة قلبك لأنه من أكثر أدوية الذهان تأثيراً على القلب ، وإن كان بالإمكان ترك الأدوية القديمة بالكامل والانتقال إلى دواء حديث مثل رياجيلا أو ريكزولتي فهو الأفضل بالتأكيد إن كانت حالتك تسمح بذلك . وأريد أن ألفت نظرك إلى أن من الأطباء من لا يأبه لحالة المريض النفسية وكآبته وما يشعر به بل يهتم فقط بأنه مادامت أعراض المرض الإيجابية تحت السيطرة سواء هلاوس أو ضلالات فهذا كافٍ بالنسبة له ، فإن كان طبيبك هكذا فأنصحك أن تذهب لطبيب آخر لأنه لا خير يرجى من طبيب كهذا . |
اقتباس:
مؤمنين بالله سبحانه وتعالى شسم الموضوع اختي الي بقسم الرقيه عشان أطلع عليه جزاج الله خير يابخير رغم كل شي على الكلام الطيب |
اقتباس:
بخصوص العلاج اوراب دامه يسبب مشاكل للقلب لافكني منه وبخصوص الابره انا قبل اخر انتكاسه كنت اتناول ابلفاي 15 ملجرام وحده مع علاج سيبرالكس انتكست حالتي بسبب السبرالكس كنت اتناول 20 ماجرام واتصلت على برفسور عبدالله السبيعي بالسعوديه وقته كورنا ولم استطع السفر اشتكيت من عدم الشعور ولا الذه بالحياه وخفف لي من 20 الى عشره اسبوع واحد بعدها قال اقطعه ماني متذكر بالضبط كم الجرعه التخفيفيه الي عطانياها لكنني انتكست وحولت الى المستشفى الحكومي لطب النفسي بحكم انني تناول بالسابق ابلفاي وحده اعتقد ان حالتي تسمح ان الدكتور يخفف علي الهاليدول الان اخذ ابره كل شهر 150 جرام هل تنصحني اقول لدكتور يخفف لي الهالدول بالتدريج الين مايوقفه ويستبدل دواء رياجيلا بدل ابلفاي؟ دواء ابلفاي اتناول 15 ملجرام يعني هل الابلفاي نفس الهاليدول يسبب عدم المتعه وعدم الشعور من اعراضه الجانبيه ؟ ام من الهاليدول وحده هو الي سبب كذا؟ وجزيت الله خيراً الهجام ماني عارف كيف ارد لك الجميل من نصائحك لي ولا اخواني في المنتدى بارك الله فيك وجعلك فالجنه والدينا ووالديك امين🌹 |
اقتباس:
ولكن يجب التنبه أن هذا الأمر ليس على اطراده فهناك أناس يناسبهم أبليفاي ولا يناسبهم ريكزولتي ولا رياجيلا وهناك العكس ، بل هناك أناس يناسبهم هالدول ولا يناسبهم الأدوية الحديثة فالأمر مرهون بتجربتك الشخصية . ويجب التنبه أيضاً أن هالدول هو واحد من أقوى أدوية الذهان الموجودة بل إن فعالية مضادات الذهان الحديثة تقاس بالنسبة لفعاليته ، وبالطبع الرياجيلا والريكزولتي وأبليفاي أضعف منه ولذلك قد تنتكس حالتك إن تركت هالدول واعتمدت على الأدوية الحديثة الأخرى إن كانت حالتك تستدعي استخدام هالدول بالفعل ، فالأفضل أن تتدرج ببطء عند ترك هالدول وتتابع مع الطبيب عن قرب في حالة إذا شعرت ببوادر انتكاسة . |
اقتباس:
يوم تنومت في المستشفى اخير مره رفع الابلفاي الى 30 ملجرام مع ادويتي الاخرى الي هي ريميرون والاندرال وكان يعطوني سيبركسا لنوم وظليت بالمستشفى شهر ونص وحالتي استقرت بعدها بعد ماخرجت من المستشفى تنومت شهر قالي بعد خروجك من المستشفى باسبوعين تاخذ ابره 200 ملجرام معن الانتكاسه ذهبت قبل لا اخذ الهاليدول معررف ليه صرفها لي الدكتور والمستشفى حكومي .. للعلم وزني كثير تقريبا 115 وزني هل هذا ياثر اذا خفف العلاج علي ام لا ياثر زيادة الوزن |
اقتباس:
أما بالنسبة للوزن فتخفيف أدوية الذهان بشكل عام سيساعد على تقليل الوزن ، ولكن للصراحة أخي الكريم جميع أدوية الذهان بلا استثناء تزيد الوزن وهالدول هو واحد من أقل أدوية الذهان تسبباً في زيادة الوزن بل إن هناك من لا يزيد وزنه معه على الإطلاق ولذلك حينما يكون المريض يعاني من خطر الإصابة بأمراض القلب وربما يموت بسبب ذلك فيلجأون إلى هالدول ويتركون أدوية الجيل الثاني بالكلية ، وأقل أدوية الجيل الثاني تسبباً بزيادة الوزن على الإطلاق بل ربما يساعد المريض على تقليل وزنه عند التزامه بحمية هو زيلدوكس ولكنه يؤثر على القلب بشكل أقوى من باقي أدوية الجيل الثاني . ربما يكون الأبليفاي هو الأكثر تأثيراً على وزنك من هالدول ، وربما يكون الأمر متعلقاً بنظامك الغذائي وعدم ممارستك الرياضة بانتظام فمادمتَ تتناول أدوية الذهان فأنت محتاج لمراقبة طعامك وممارسة الرياضة ولو المشي يومياً بشكل دائم ، وبالمناسبة رياجيلا وريكزولتي أشد تسبباً بزيادة الوزن من هالدول . وهذا رابط به مقارنة بين أدوية الذهان من ناحية التأثير على الوزن والكولسترول يمكنك الاطلاع عليه إذا شئت : https://www.ncbi.nlm.nih.gov/core/lw...029416_gr3.jpg |
اقتباس:
وتخفيف الهالدول بالتدريج الى ان يوقفه لمنع حدوث اي انتكاسه بخصوص الرياجيلا ابستفسر عنه اذا موجود او لا ومن الممكن اقترح على الدكتور بعد مايوقف لي الهالدول |
السلام عليكم ورحمة الله وبركاته
الحمدلله حمد الشاكرين الحمدلله حمد الصابرين الحمدلله على كل شيء توني خرجت من الدكتور وقلة له مشكلتي خفف الابره الهالديول من 150ملجرام الى 100 ملجرام لمدة شهرين بعدها موعد بعد الشهرين وعطاني علاج بدل الريمرون اسمه b r i n t e l l i x برينتلكس 10 ملجرام طبعا قال اخذ نصف حبه ريميرون لمدة ابوعين ووقفه وعلاج b r i n t e l l i xقال ابدا فيه من اليوم والندرال خلاها نصف حبه صباحاً ونصف حبه مساءً الابلفايز15 ملجرام قال مايصير نخفف لك كل شيء مره وحده وبالمستقبل لا اعلم دعواتكم ي اخوان لاتنسونا من صالح دعائكم اخواني انا قاعد اقرا رقيه اوقفها ولا استمر عليها لانني شغلت سورة الزلزله مكرره البارحه واحس بعيوني حرقة ودموع يعني عيوني تحرقني ودموع تنزل منها ما نصائحكم استمر على الرقيه ولا اوقفها لفتره معينه شكرا لكم ولاتنسونا من صالح الدعاء |
اسم العلاج الجديد brintellix10mgلا اعلم لماذا تظهر الصور هذه في كلامي
|
اقتباس:
الحمدلله شئ طيب الله يسهل لك طريق العافية و يتمها لك 🤲 أكيد استمر على الرقية يوميا متواصله لا تتركها وأفضل راقي على وجه الأرض زي مايقولون هو رقيتك أنت لنفسك . لا تخلي نفسك من الرقية إذا نفعتك ولا ما ضرتك بإذن الله |
| الساعة الآن 06:54 PM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا