انا قررت ماعاد انام عشان ما احلم يا ربي كل مرة احلم حلم حتى لو كان عادي اقول اكيد تفسيره مو حلو واقعد طول اليوم قلبي مقبوض وخفقان ومتنكدة وضايق صدري
لاحول ولاقوة الا بالله لاحول ولاقوة الا بالله
انا اشيل هم هالوسواس والا الحمل والا الزوج اللي مايقدر والا اهله اللي يرمون علي انواع الكلام
الله ياجرني ويصبرني بس

أختي أم نورة دائما تذكري هذه الآيــه الكريمـه ( قل لن يصيبنا إلا ما كتب الله لنا هو مولانا وعلى الله فليتوكل المؤمنون) .. الأحلام اللي تجيك مجرد إنعكاسات إلى مخاوفك و قلقك اللي يواجهـك أثناء اليقـظـه و ليسـت دليل أو علامة على حدوث أي شيء سيء.. لا تنسي ان الدماغ لا يتوقف عن العمل أثناء النوم مما يؤدي إلى محاكة الأفكار و المخاوف و أنعكاسها على شكل أحلام فقط لا غير!

أتفهم مشاعرك بالنسبـه إلى الكلام الذي يقال لك .. و لكن لا تخافي .. الكلام الذي يقال ليس ناجم الا من عدم وعي و جهل بحقيقـة المشكلـه .. و للاسف الكثير من الناس لا يعلم الكثير عن هذا النوعيـه من الإضطرابات النفسيـه بل ودائما ما يربطو سببـها بضعف في الإيمان و لكن هذا غير صحيح على الإطلاق .. للاسف المجتمع يفقتر لهذه النوعيـه من الحملات التوعويـه و التثقيفيـه حول هذه الإضطرابات النفسيـه.

الطفل الذي ببطنك نعمـه من رب العالمين و إن شاء الله ما يطلع إلى هالحياة الجميلـه الا وأمـه قد تغلبـت على هالقلق بشكل نهائي .. ما عليك من كلام زوجك فـ بكل تأكيد هو يحبك و لكن يتألم لألمك و يحاول مساعدتك بقدر ما يستطيع .. الله يسعدك و يبلغك بطلفـك و تفرحي بـه إن شاء الله...دمتي بحفظ الرحمن.

أخي متفائل كلامك جميل جدا والله ومريح للنفس جزاك الله خيرا بخصوص العلاج النفسي انا زرت طبيب نفسي من شهرين تقريبا ووصفلي دواء نفس السبرالكس لشركة ثانية، إلى جانب أدوية نفسية أخرى ما أخدت منها ولا حبة لسببين السبب الاول لإني مقتنعة بأن العلاج موجود داخلي مو فالأدوية و السبب الثاني لإني على وجه زواج و عندي مشكلة في الغدة الدرقية يعني الهرمونات مو ناقصة لخبطة فتوكلت على رب العالمين وبديت الحرب مع الأفكار
وطريقتي في التعامل مع الوسواس ونوبات الهلع هي تفويض امري لله واذكر نفسي بمعاناة باقي الأعضاء في المنتدى للي يعانون من الوسواس قبلي من شهور ويمكن من سنين و هذا دليل كافي على انه شعور كاذب، وحتى لو الفكرة اللي في بالي كانت اقوى من هالشي بقول حتى لو كان شعور صحيح فكل شي يجي من رب العالمين فيه خير لي يعني لو وسوست وحزنت رح اغير من قدري شي ؟؟ رح اعاقب نفسي على شي مو بايدي ؟
واقعد اذكر نفسي بالنوبات اللي صارلتي سابقا خصوصا النوبات القوية واقعد اتخيلها وبقول فنفسي شوفي قديش كانت قوية وفالنهاية ما صارلك شي .. انا ا قدرت اوصل لدرجة اني اعيش حياة طبيعية متل زمان لكن الحمدلله
وفي نقطة ثانية انا لاحظتها على نفسي في بداية الوسواس اني كنت انتظر مدة معينة لحتى تروح الضغوطات وابدا احارب الافكار واتجاهلها لكن لقيت هالمدة للي انا اخليها مدة انتظار هي اللي تزيد الوسواس اكثر من قبل
بتمنى تكون الفكرة وصلت

في خطأ مطبعي فردي السابق..اتمنى لو كان صحيح لكن للأسف
انا " ماا قدرت " اوصل لدرجة اني اعيش حياة طبيعية مثل زمان

أشكرك أختي (إن شاء الله سأشفى) أعجبني ردك و قناعتك التامـه بأن العلاج بيدك .. الادويـه مجرد مضادات إكتئاب العلاج كلـه في العلاج السلوكي و العلاج السلوكي يحتاج إلى الإرادة و القناعـه و بما أنهم متوفرين في شخصك الكريم .. فبإمكانك مواجهـة مخاوفك و التغلب عليها.. اتمنى لك من صميم قلبي التوفيق و النجاح بإذن الواحد الأحد.

كل شيء بيد رب العالمين .. لن نستطيع ان نغير الأقدار مهما فعلنا و مهما أجهدنا أنفسنا بالطقوس الغير منطقيـه .. ما فهمت قصدك بالنسبـه إلى ان الضغوطات و الوسواس يزيد اكثر من قبل حتى لو انتظر فتره؟ المفروض أن بشكل طبيعي يقل لان مستوى الإكتئاب و التوتر رح يتراجع بشكل تدريجي .. طبعا المسألـه تحتاج ممارسـه مستمره حتى تقدري تأقلمي نفسك مع الفكره .. لان أوهامك تكون عباره عن وساوس دخليـه سيطرة على فكرك و إستجاباتك العصبيه بشكل تدريجي .. و تحتاجين تمارين مستمره تتركز على عدم الإستجابـه للمخاوف عشان الافكار الوسواسيـه الدخيلـه تتلاشى بشكل تدريجي .. يمكن تحتاج بعض الوقت لكن هي الحل الابدي إلى هذه المشكلـه .. الله يوفقك .. دمتي بخير.

اليوم والله الحمد والفضل بحاله نفسيه جيدة

راح اقولكم وش سويت

قبل انام الصبح قرأت أذكاري و بعدها سمعت مقطع عن التفائل ،
صحيت مع أذان الظهر والحمدلله كنت بنفسيه جيده و اخذت عهد مع نفسي اني اسعد نفسي و اعدت المقطع مرة أخرى ،
بعدها قمت و اشتغلت بالبيت و سويت اعمالي اللي كنت اسويها بالسابق ،
الحمدلله سويتها بلا تردد ،
ما اقولكم اني كنت تمام 100٪ لا والله جتني الأفكار كم مرة
بس اووول ماتجي فكرة اكرر "اعوذ بالله من الشيطان الرجيم" و "سورة الناس" و "آيات السكينة"


الحمدلله اليوم متحسنه و بإذن الله بكرا بطبق اللي سويته اليوم
صحيح صعب و صراع مع النفس و الوسواس بس لازم نتعب عشان ننتصر

ولا انسى اشكر أخوي ( متفائل )
ساعدني كثير لما قال انك بمجرد اوهام


الحمدلله كثيراً
ساعدوا انفسكم انتم و ارجعوا اوقفو على رجولكم انتم
محد راح يقدر يغير فينا شي الا لما نقتنع اننا لازم نتغير من الداخل اولاً


اسآل الله ان يتمم علينا الشفاء و يمن علينا بطمأنينة و سكينة و سعادة في الدنيا و الأخرة و طولة العمر على الطاعة

انا اليوم صحيت من خلم مزعج وطول اليوم منكد علي بشكل ماتتصورونه على الرغم من ان عندنا ضيوف الا اني كل مالهيت دقيقة يجي شي يقول خير ليش تنسين الحلم يلا تذكريه وارجعي تنكدي
قبل صلاة الفجر قلت بستغل ليلة الجمعة وبصلي ركعتين وادعي فيها ربي يزيل عني ماابتلاني به وعاهدت نفسي ان كل مايجيني الوسواس احاربه بالصلاة لأن الصلاة عدو الشيطان والله وقتها كنت افكر فيكم قلت بقول لكم عن هالخطة عسى الله ينفعبها المهم اول ماكبرت قريت وسجدت واموري كلها تمام الحمدلله في السجدة الثانية وانا ادعي جاني خوووف شديد قلبي يضرب بقوة وشي يطلع وينزل بجسمي هذي نوبة هلع بس قلت انا لا اكيد هذا الموت وطبعا مع الخوف زيادة تزيد نوبة الهلع المهم قمت من سجودي بسرعه واوقف للركعه الثانية ابي انهي صلاتي وقلبي يخفق ويزيد وجسمي ينتفض والله اني قلت خلاص بهرب بنحاش من السجادة ورجلي شوي وتخليني اهرب بس تمالكت نفسي الحمدلله وانهيت صلاتي بسرعه عسى الله يتقبلها وبعدها جلست ابكي على حالي الى متى على هالحال تعبت ومليت سنين اعاني من هالمرض ولا احد يدري عني كاتمته بقلبي وكل اللي حولي يلوموني على تصرفاتي يحسبوني طبيعية وانا من طبعي الكتمان مااحب اشتكي لاحد او اقول له شي خصوصا بهالموضوع لأنه حساس بالنسبة لي مرة جتني نوبة وكان زوجي موجود وجلست بعدها ابكي طول اليوم وحلس هو يحلفني يبي يعرف وش فيني وقلت له عن اللي فيني وانا مستغربة من نفسي ان جاء الوقت اللي بتكلم فيه وبنفس الوقت مبسوطة اني اخيرا تكلمت بس تدرون وش ردة فعله استحقر الأمر وخلاه امر جدا عادي ومايسوى اللي قاعده اسويه فعلا اللي يده بالمويه مو مثل اللي بده بالنار مره انصدمت منه انه مااحتواني ولا همه الموضوع ولا اعطاه ادنى اهتمام بس تكلم شوي عن الموت وسكت وبعدها مارس حياته عادي معي وبدال مايتحاشى الكلام اللي يخوفني ويوسوسبي صار يتكلم فيه بعدها قلت ياربي وش اسوي ليتني ماتكلمت وقعدت ساكته احسن لي من هالصدمة بعدها حرمت اني اتكلم مع اخد

أسأل الله العظيم رب العرش العظيم أن يشفيني وإياكم أجمعين يااااااااارب يااااااااكريم

كم يسعدني ان ابدأ صباحي هذا بقراءة كلماتك الرائعه المليئه بالسعااده و الحيويه .. كم انت رائعه و قويه ... لسنا نحن من تسيطر علينا الاوهام .. بل نحن من نبني هذا العالم بما نملك من قدرات قد حان لها ان تنير لنا طريق النجاح...اتفق معك اختي .. ان نحن لم نسعى لمساعدة انفسنا فلا فائده من انتظار مساعدة الاخرين ... وفقك الله أختي و دمتي بخير

ياناس مدري وش جاني مع بدايه رمضان فجاه صرت اوسوس و جاني تعب غير طبيعي وخفقان مستمر و مااكل نحفت ٦ كيلو و عندي وساوس من الامراض وخوف وضيق غير طبيعي مدري و ش فيني فجاه كل شوي اوسوس ان فيني مرض غير واحس بالموت واخاف من الموووت كل مره اقرا اعراض الامراض نصها فيني ماعاد اعرف اللي فيني نفسي ولا عضوي تكفون دلوني ماعاد ادري ايش فيني

حبيبتي هذا وسواس واغلب اللي هنا مثلك وأكثر ولو تقرين المواضيع بتلقينهم مثلك
هذا وسواس من شيطان رجيم تعوذي بالله منه ولا تستسلمين ودامك في بداياتك حاولي تتغلبين عليه قبل يتمكن منك حتى الاعراض اللي تحسينها كلها وهم صدقيني انا جربتها وصرت اشوف اورام بجسمي مايشوفها الا انا وكله من الوسواس
تفائلي واذكري الله كثير واستغفري ربك والزمي الدعاء واتركي القراءة عن اعراض اي شي سواء مرض او غيره لانك اذا قريتي بعد كم يوم بتجيك نفس الاعراض وطبعا كلها وهم
يارب ياكريم اشفينا جميعا

اميين يارب والله اني بضيق اغلب الوقت وحزن احس اني بموت واخااااف من عذاب القبر و اتذكر ذنوبي واخاف اكثر واحس بالموت و احيانا يصادف اسمع ايات عن الموت او اي شي اقول هذا انذار وزاد خوفي لان عندي قطط تعبت و قامو يخوفوني يقولون بتعديك بعدها مرضت و بديت الوسوسه واشك انها هي اللي اعدتني :((( يارب رحمتك ياللله ابي عرف كيف تغلبتوا عليها هل هو وسواس او صدق مو عارفه :( بكيت عند امي اقولها احس باموت وهي مسكينه مو ناقصه بس غصب عني :(
اعوذ بالله من الشيطان

اي حبيبتي هذي كلها وساوس واوهام واحنا للأسف ماتغلبنا عليها بس نحاول بإذن الله نهزمها
وحرام عليك لاتخوفين امك وتقلقينها عليك ترى الام خلقه توسوس بعيالها لاتزيدينها وحاولي تصيرين طبيعية واذا جاك الوسواس على طول اشغلي نفسك بأي شي

تخيلوا امس اول مرة اسهر وبعد تعشيت ونمت معدتي مليانة المعم جاني قبل ما انام شىء زي الخلم واحسني صاحية بس اشوف ذا قدامي يعني مدري حلم مدري تفكيررر لكن انا بداخلي اقول حلم المهم شىء مو زين ويخوفني رحت نمت حلمت حلم وخفت طبعا الحلم قومني قمت افكر فية الحين وربي ابكي خايفة

تعوذي من ابليس وصلي لك ركعتين و اقري المعوذات كله وسواس :)