|
انسى و بنسى الجرح و اقول عادي
انسى و بنسى كل شيٍ جرى لي |
السلام عليكم ورحمة الله وبركاته
أسعد الله جميع اوقاتكم بكل خير اخواتي اخواني الكرام كلن باسمه .. ليش يا ابو نجلا وين رايح ؟ سامحوني على القطاعة غصب عني صايرة صديقة نفسي من تالي .. ما عاد بالدنيا أمان و الله المستعان شفتكم اخر شي تكلمتوا عن العين .. كأنكم جيتوا على الجرح .. لكن الفرق مو أنا اللي أخاف من العين و لله الحمد .. دام متحصنة و قارية وردي و متكلة على ربي ماهو صايبني شي يضرني إلا بأمر ربي .. لكن اللي نحشني من الخلايق وسوسة الكثيرين منهم بالعين .. يخافون حتى من ظلالهم .. و ينكرون كل نعمة ربي أنعمها عليهم لدرجة ادعاء المرض و الفاقة و التعاسة نسأل الله السلامة شي مرعب .. لدرجة بالكاد ينطقون كلمة الحمدلله اذا سألتهم عن الحال السؤال الروتيني و تلقى وراها أنواع الحروف اللي تغص بالشكوى و الذل و السخط و العياذ بالله ما يخافون من : لا تمارضوا فتمرضوا فتموتوا مدري مين أفتى لهم بجواز الكذب و جحود نعم ربهم و العياذ بالله مخافة العين هذا مرض إلا موت و العياذ بالله مع إني و لله الحمد بدون مدح لنفسي ذكر الله على لساني طوال الوقت بشهادة الغير .. غير إني ما احب اسأل و استفسر الا اذا اللي قدامي تكلموا عن أنفسهم و أحوالهم لأني ما احب احرج نفسي قبل احرج الغير .. بالله كيف الواحد بعد كذا يصادقهم او يثق فيهم .. اللي يتوقع انك تحسده معناه يتوقع إنك تغدر به .. و هل بين الأصدقاء و الاخوان في الله غدر .. أجل وش الداعي ، بلاها الصداقة و الأخوة هذي .. اصادق نفسي أفضل ودي اكتب أكثر بس النعاس استبد بي ، من قبل الفجر و انا صاحية لي عودة بإذن الله تعالى بس وش رايكم بصداقة الإنسان لنفسه ؟ |
الناس تجننت يا جدعان
عجزت انام حرارة في قلبي حسيت اني كنت مخدوعة اكرههم |
اقتباس:
وتمسكي بالأخوات الصالحات حتى وإن رأيتِ منهن شيئاً لا يعجبكِ وحتى لو لم تنتفعي بهن في الدنيا فالأخوة في الله تنفع في الآخرة كما قال النبي صلى الله عليه وسلم : (إذا خَلَصَ المؤمنُونَ مِنَ النارِ وأَمِنُوا ؛ ف [ والذي نَفسي بيدِهِ ! ] ما مُجَادَلَةُ أَحَدِكُمْ لِصاحِبِه في الحَقِّ يكونُ لهُ في الدنيا بِأَشَدَّ من مُجَادَلَةِ المؤمنينَ لِرَبِّهِمْ في إِخْوَانِهِمُ الذينَ أُدْخِلوا النارَ . قال : يقولونَ : رَبَّنا ! إِخْوَانُنا كَانُوا يُصَلُّونَ مَعَنا ، ويَصُومُونَ مَعَنا ، ويَحُجُّونَ مَعَنا ، [ ويجاهدونَ مَعَنا ] ، فَأَدْخَلْتَهُمُ النارَ . قال : فيقولُ : اذْهَبُوا فَأَخْرِجُوا مَنْ عَرَفْتُمْ مِنْهُمْ ، فيأتونَهُمْ ، فَيَعْرِفُونَهُمْ بِصُوَرِهِمْ ، لا تَأْكُلُ النارُ صُوَرَهُمْ ....) . أسأل الله أن يعيذينا وإياكم والمسلمين من النار . |
مرحبا بسمة و اهلا هلا .
مساء الخير يا أخت الهنا و العنا و الله يزيل عناك . و الله ما ارتحت من بعض الناس و انا صراحة على قولتهم ستوب . قفلت معي بأرض الواقع و هذا يكفيني ، يجون ناس يقفلونها معي في المنتدى من حركات مالها داعي فأنا هنا ألوق عنهم و اشوف لدربي الصعب أروح أسهله و الله يسهل عليك دنيا و آخرة و يعلي منزلتك . محمد البدراني الجينرال بينا تواصل في الواتس . مالي قعدة بالمنتدى و هذولا راعين حركات و باب يجي منه ريح سده و استريح . يا ولد حوران شوف وضعي و أنهيه و خلصه |
هلا وغلا بالجميع
ودي اصارخ واتهاوش باعلا صوت مقهور والله مقهور تجيني حالة من الهياج العصبي بعد صلاه العشاء ودوخة اذا،وقفت او مشيت كانه بيغمى علي ودوار واحساس بنبض العروق،في الراس وطنين وصعقات كهرب في الراس |
مدري منين جاتني،هالحالة علما باني ما خفضت او سويت شي بالادوية
|
اقتباس:
حياك الله اخونا الهجام اشكرك على المشاركة في الرد بالنسبة لنوعية الأخوات احسبهن و الله حسيبهن انهن صالحات لاني اصلا لا انجذب للدنيويات السطحيات لكن تصل بالوحدة انها تخاف من العين لذي الدرجة معناه انها اصلا هي العيانة و غير صادقة في مودتها لي لأن إذا ساء فعل المرء ساءت ظنونه .. و صدق الذي يعتاده من توهم و انا وش لي بوحدة ماهي صادقة في مودتها لأنها تحسد و لا يمكن اللي يحبك يحسدك بعدين فرق كبير بين العين المعجبة و العين الحاسدة اللي تتمنى زوال النعمة عن الآخرين العين المعجبة طالما ان اللي قدامك اصلا يذكر ربه كيف تخاف من عينه الصحابي يوم عان الصحابي الآخر كانت عينه معجبة و فقط لانه ما ذكر ربه على أخيه أصابه و ضره بعدين انت يوم تقعد تفوت مواقف و مواقف و تحاول تحسن الظن في كل موقف لين يطفح الكيل و فوق ذا تلقى تلميح انك ممكن تكون حاسدهم هنا اشوتهم لا ابوهم لا ابو هذي الصداقة من الاساس أجل تبي هذي الأشكال الغير صادقة في مودتها و يحسدونك على الصغيرة قبل الكبيرة بما انهم يظنون بالناس الذي بهم تبيهم بعد كل هذا يشفعون لك يوم القيامة ، خلهم اول ينقذون أنفسهم من براثن و عقوبة سوء الظن بالآخرين و اتهامهم بما ليس فيهم بالنسبة لي انا ضميري مرتاح طالما اني ما لقيت صاحبات المروءة و الظن الحسن أبصادق نفسي و أهلي و أولادي من القطط و احتسب فيهم الأجر لين ألقى ربي |
اقتباس:
و انت وش لك بالأماكن اللي ما ترتاح فيها اهجرها خلك هنا بالمضافة او بموضوعك ذاك اللي تقفله لكن انك تتهور و تترك المنتدى صعبة علينا قبل تكون عليك ودي فقط نطمئن عليك ربي يريح بالك و يحفظك |
اقتباس:
هل تقيس ضغطك ؟ انا اخر خبري انك نقصت و بدلت ادويتك اللي كنت تأخذها ، انا كان ودي انك استمريت عليها حتى لو كانت أعراضها الجانبية ما تخلو من الازعاج لأن تغيير الأدوية او جرعاتها فيه نوع من المجازفة اللي تكون مجهولة النتايج خلك على طول مشغل القرآن الكريم و خاتم الاستغفار خليه ملازم يدك و فالك العافية يارب ، أزمة تعدي زي ما عدت غيرها .. ربي يجعلك تنال أجرها |
هلا اخوتي الكرام شخباركم ،يارب انكم بااحسن حال واجمله ودائماً بحال جميل، وش فيه اخوي وعل لا تتركنا وجودك مهم والله كلماتك جميلة وتساعد كثيررررر ربي يسعدك انتي واخوي محمد وعيون وابو مياس وظل والجميع ياااااارب💐
|
صباح الخير والعافية لقلوبكم
هلا وغلا اختي عيون عساكم بخير جميعا يارب ما عاش اللي يضايقك يا الوعل استهدي بالله يا غالي وان شاءالله تكون رضيان وسلامتك ابوحميد ربي يهونها عالجميع والله ضايق خلقنا كلنا من هالحياة والناس عم تتفشش ببعض مشروعنا اللي جاي توسيع الخلق الضيق😄 اتحفونا بأفكاركم النيّرة🤗😂 اللهم صبرا على مكدرات الحياة 🌹❤ |
السلام عليكم ورحمة الله وبركاته
حياكم جميعا اخواني اخواتي أخوان المواقف الصعبة كيف حالكم جميعا فردا فردا كيف حالك اخونا محمد الان طمنا عنك يارب انك دوم بخير و في خير ابو نجلا كيف خاطرك اليوم يارب انك بأفضل حال حياك الله اختنا الغالية اللي ما نستغني عنها ياسمين العزيزة إيه الخلايق من تالي مدري وش نوحهم .. الله يعطينا خيرهم و يكفينا شرهم هلا بك اختنا بنت الطبيعة أرحبي عساك دوم بخير و إلى خير فقدنا اخونا عبدو عمر يارب يطمنا عليه و يجعله في أحسن الأحوال امس كانت فيني طاقة هرج دخلت على منتداي النسائي القديم لقيتهم زايلين عضويتي اللي لها فوق عشر سنوات ، و رجعت سجلت من جديد و للحين ما فعلوا العضوية الله يزودنا من هذي الدنيا زاد التقوى و يسهل أمورنا وياكم في الدارين |
تصدقون سبحان الله ما اقدر اخرج من ذا القسم و اتصفح الأقسام الأخرى ، مدري وفاء مدري تكاسل مدري ضيق وقت ..
استغرب ماشاءالله تبارك الله من اللي يفترون من قسم لقسم .. و فوق ذا يعلقون : ) الله لا يضرهم حتى في منتداي النسائي ذاك لي فوق عشرة سنين على قسم واحد .. بالله عليكم شفتوا احد اكثر إخلاص مني : ) امزح |
ابو نجلا عندي ملاحظة صغيرونة لو تتقبلها بصدر رحب .. اول ما عرفتك كان بمعرف ابو نجلا ، من يوم قمت تغيره من معرف لآخر ماش اختلف مزاجك ، رده للمعرف القديم من بعد اذنك .. احيان الواحد يتباشر ببعض الأسماء سبحان الله
عموما على راحتك ربي يحفظك .. كان اقتراح بسيط .. و ربي يجمعك بأم نجلا و نجلا و اخوانها بالقريب العاجل و نحتفل بك .. ياخي خلونا نفرح لو مرة : ) ربي ينول كلن مراده و يسعدكم سعادة الدارين جميعا و يحقق أمانيكم فيهما يا كريم |
| الساعة الآن 10:33 PM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا