الله يخارجنا من الاخطاء الاملائيه ههههههههه اكتب بلجوال وأدز علا طول ههههه

استمتعت جدا بالموضوع ، شكرا أخوي
فعلا هذا هو العلاج تجبر نفسك على المواجهة مرة مرتين ثلاث. بعدين تلقى فكرة الهلع حقيرة بالنسبة لك
وكيف تعرف انك تطبق المواجهة بشكل صحيح /بيزيد عندك الخوف وبكذا تعرف انك بالطريق الصحيح

السلام عليكم
اولا بصراحه موضوع رائع جدا
ومن اروع مواضيع المنتدي التي قراتها
فيه دعم معنوي كبير فشكرا لكاتبه
والله يتمم عليه الصحه والعافيه
ثانيا اخي علي:
تحدثت عن الاعراض ...
هل اعراض مرضي الهلع متشابهه ؟
وهل مروا بنفس الظروف السيئه والضغوط النفسه ؟
لاني الاحظ كثير يعانون الحاله النفسيه
وبعدين اكثر شئ مزعجني وتاعبني الدوار وعدم التوازن
اللي مستمر معي سنوات
الله يكتب لنا الشفاء يارب
نقطه اخيره
لقد ذكرت هذه العباره ممكن تشرحها لي من فضلك
القلق التوجسي هو الي يسبب الدوخه واختلال الانيه وطنين الاذن والاكتاب
اشكرك جزاك الله خير

اخووي علي هل اتاك هاجوس ماهذه الحياة ومالله وكيف اتينا ولماذا خلقنا وهل تشعر بشعور انك ترى شيء لايراه الآخرون
وتسمع شيء لايسمعونه ولماذا هم فرحون وتشعر انك ميت وانت تسير وخوف اذا خرجت لوحدك وانت في عالم والناس في عالم اخر
،،،في الحقيقة حتى وانا اكتب هذه الرسالة تأتيني هذه المشاعر والأسئلة ،اتمنى اخوي جواب تفصيلي لاهنت ولاحرمك الله الآجر ،وان حصل تضرب أمثلة

الله يتمم عليك بشفاء العاجل ان شاء الله بنسبه للقلق التوجسي اعراضه قريبه جدا من نوبات الهلع اللهم ان نوبات الهلع لاتعدى 30 دقيقه وتكون قويه اقوى من القلق التوجسي لاكن القلق التوجسي ياتي بعد النوبه فيحس الانسان بضربات القلب قويه والدوخه المستمره والغثيان والوسواس ويكون مدته من 2 الى 6 ساعات في الليوم وسبب حدوث القلق التوجسي ( اما لكثرة نوبات الهلع علا الجسم او قلق زائد من الشخص نفسه ويكون الخوف هو الغذاء الوحيد لها ) يعني يكون جسم الانسان في حالة تاهب تام لمقابلة الخطر وللاسف فعلاجه بين ايدينا ونحن لانعرف يعني لاتشد نفسك وتجلس خايف سولف وأضحك ادري انها صعبه لاكن تراه العلاج بعد الله سبحانه لانك لما تطنش المرض تحسس جسمك بلأمان فتلاحظ انها تخف مع الايام الا ان تتلاشى جميع الاعراض يعني بلعربي ( طنش طنش طنش وسبحان الله مع التطنيش يحس جسمك بلامان ويرجع تدريجي وتخف الاعراض الا ان تتلاشى ) انا اضمن لك اذا طبقتي كلامي انك راح تتحلصين من كل الاعراض بس يبغى لها وقت الا ان تتلاشى الصبر الصبر الصبر وبتشوفون كيف تروح كلها وحده ورى الثانيه لاكن ركزي معي علا نقطه التطنيش مو يعني اني اطنش بس يعني تسولفين وتضحكين ونتي بالك عند اعراضك لالالا كذا ماينفع لازم تطنشين ولاتخلين بالك مهعا انسيها ادري انها صعبه لاكن مره وثنين وثلاثه ومع الايام سبحان الله بتحصلينها تلاشت كلها وبتجلسين تضحكين علا نفسك . ( وحتى اختلال الانيه اشوف ناس يقولون وش علاجه وش علاجه ورب الكعبه ان علاجه التطنيش وربي يروح ورب الكعبه لانها كلها وساويس شيطان شيطان لما يشوف الانسان مركز علا شي يزيد عليه عشان يحزنه ولما يطنشه يروح من نفسه بس مثل ما قلت لكم مهو تطنش وبالك عنده لا طنش يعني انس ان عندك شي اسمه مرض بس يبيله صبر وبتشوفون النتيجه الحلوه بعد الله وبتحس بطعم الانتصار وبتحس انك انسان قوي تغلبت علا مصاعب في حياتك والله تعالى يحب الانسان الصبور .

وبنسبه لسؤالك ان اكثر الناس يمرون بنفس الحاله مو شرط بعضهم يمكن حصل له موقف قبل خمس عشر سنين ويمكن قبل عشرين سنه وهو مو متذكر وتظهر اعراضه كلها دفعه وحده مع الوقت او ركزي معي ( ان يكون الشخص نفسه من النوع الحساس والكتوم يعني يكبت الحزن في قلبه وتطلع علا شكل نوبات او قلق نفسي )

ايه هاذا الوسواس الي لعب فيني وسواس ياتي مع القلق لاكن لاتخاف لانه يكون عابر مع الهلع والقلق وليس اساسي انا يجيني وسواس في القبر والاموات والعذاب وكلها اللعاب شيطانيه للاسف والكوابيييييس آخ يا لكوابيس لاكن قلت لك علاجها لاتسترسل معها علا طول اول ماتجيك الفكره اقطعها وفكر في حاجات ايجابيه اصبر وطنش اصبر ولاتخلي الشيطان يتحكم فيك ويلعب فيك اتركه وربي يروح من نفسه ولايرجع اهم شي لاتخاف لاتحسسه انك خايف عشان مايزيد عليك الوسواس .

شجعتني كثييييييير ياخوي يا علي
جزاك الله خير

قال تعالي (( انما ذالكم الشيطان يخوف اوليائه فلا تخافوهم وخافون ان كنتم مؤمنين )). اقسم بلله العظيم لو كل انسان طبق هاذي الآيه الكريمه ان تقفل جميع العيادات النفسيه وتعلن افلاسها.

اخوي بالنسبة للتشكيك في الألوهيه والحياة والعقيدة،وشيء ثاني اخوي بعض المرات عيوني لون يدخل على لون او وشوشة

ايه هاذي تجيك زي الغشاوه علا العين تسمى زغلله لاتخاف هاذي كلها الاعراض بسبب زيادة مادة الخوف في الجسم وترى ماده الخوف اذا زادة تلعب فينا لعب شوف انا بقولك قاعده لك وللموجودين اتمنى تركزون عليها كلكم وبتشوفون النتايج المبهره منها بكتبها بعد شوي واتمنى ان كل الموجودين يقرونها ويركزون فيها وانا أضمن لكم لو طبقتوها ماتروحون لدكتور ولا غيره .

بسم الله الرحمن الرحيم. ? ? ? ? ? ? ? ? ? ? القاعده ( عندما يتعرض جسم الانسان لحالة قلق شديده يكون جسم الانسان مشدوووود وتكون ماده الخوف منتشره في الجسم بشكل فضيع فتنتج منها اعراض كثيره منها الهلع واختلال الانيه والدوخه وعدم التوازن وزغللت العين وآلم في العظام والرقبه واسفل الظهر وقشعريره في الجسم واللم في البطن والتطريش والكتمه واللم في القفص الصدري بعدها يجيك دور اللشيطان الخبيث ويكمل الناقص انت فيك مرض سوف يغمى عليك ستجن انت مسحور انت محسود وش هدف الشيطان هدفه يشتتك ويغويك عن طريق الحق .... نأتي للعلاج انت اللحين جسمك خايف ومشدود ومتوتر ?يجي دورك انت في العلاج لازم تهدي جسمك وتحسسه بلامان كييييف ؟ لازم انك ترجع زي ما كنت من اول ولاتسترسل مع اي عارض لانها كلها مثل ماقلت لكم من اعراض الخوف يعني مامنها اي ضرر يجي دورك انت ترجع تعيش حياتك الاولى قبل المرض وتسولف وتضحك وتلعب رياضه ادري انها صعبه لاكن لازم تسويها لازم هاذا علاجك وبعدها بيبداء عقلك الباطن يرسل لجسمك اشاره ان الشخص مطمئن وغير خايف وتبدا الاعراض تخف عليك شوي شوي لاتستعجل يوم عن يوم يبداء جسمك يهدي يهدي يهدي لما يشوفك تسولف وتضحك ولاتفكر في اعراضك ?وكذا نكون سيطرنا علا القلق ونتبه من نقطه لاتطنش وتضحك وتسولف ونت بالك عند اعراضك انتبه لان عقلك الباطن مايمديك تلعب عليه تراه اذكى منك . يعني بلعربي اضغط علا نفسك وسولف وطنش واضحك بدون التفكير في اعراضك انسى تعلم فن النسيان وصدقوني ان هاذي افضل الطرق لتخلص من القلق انا مجرب وعاصرت المرض وعارف كل صغيره وكبيره عنه)?

وسبحان الله ماركزتو علا الاشخاص في النتديات ال عرفو مرضهم من بدايته وعرفو كيف يتعاملون معه بدون ادويه ان الفتره الي تخلصو فيها من المرض من 3 الى 8 اشهر . يعني زي ماقالي واحد كبير في السن ان المرض هاذا من اول يسمونه مرض الوحشه والخوف وقالي هو علاجه يروح لراقي يقرا عليه القرآن وبعدها يروح ويجبرونه هله ان يطلع ويشتغل وقالي ان فترته من 4 الى خمس شهور سبحان الله يعني من 4 الا 5 شهور اذا عرفت تعامل معه ولاتعطيه وجه اما اذا عطيته وجه وجلست تخاف منه بيجلس معك سنوات بدون مايروح .

يعني سبحان الله زي مادخلك الخوف بهدوء تام يخرج منك بهدوووووووء يعني لاتستعجلون عليه بيروح بلا رجعه انشاء الله وبعد مايروح منكم بإذن الله ابغى كل واحد فيكم ينظم نفسه يرتب حياته يبتعد عن كل شي يجيب له القلق النفسي ويترك منه الخوف من الامراض والقصص المخيفه ويعيش حياته ولايفكر في المستقبل ويحاول يشغل نفسه فيما يرضي الله سبحانه كي لايقع في ماوقع فيه ودمتم سالمين واتمنى بإذن الله اني اشوفكم كلكم متعافين من هاذا المرض التافه الوهمي.

أخوي لاهنت ابثقل عليك بس احس ان اننا في قصة او حلم غير حقيقة اصلا من أين اتت الحياة الى ان اصل الى الله فيقف رأسي حتى ان بي خووووف عظيييييم الحقيقة والثاني/ودي توضح لي وشلون زغللة تراي متأرق منها جدا جدا لون ابيض يدخل عليه اخضر اشعر بشيء مر مثل الشهاب وهو ليس حقيقي حتى اني اخاف ان يحدث شيء وأتخيل كيف سيحدث