اخوي المصراتي ممكن توضح اكثر شو تقصد اختلال في الشعور بالذات ؟

طيب من غير مشاعر وبدون اكتئاب والا باكتئاب ؟


الزبدة تحس نفسك سعيد وغير مهموم ؟ ولا كيف .


الله المستعان .

بعدين يا اخوان اللي يقول الدوا خلاني من دون مشاعر ... طيب وين المشكلة ؟؟؟ بالعكس بالنسبة لي اشوفه علاج لاني حسّااااااااااااااس جدا جدا جدا .

يعني اكون بدون مشاعر احسن من حساس اقعد حزين لاي كلمة او موقف اتعرض له وياثر فيني وفي ثقتي بنفسي ... انا مب فاهم ليش انتوا مخلينها شي سلبي بصراحة كلامكم مب واضح .

مريض الاكتئاب ما اعتقد يهمه يكون بمشاعر ام من غير الاهم انه يعيش حياته وهو مستانس ومرتاح , سعيد وراضي وغير مهموم ... طبعا اي انسان في هالدنيا يمر بلحظات زعل وحزن لكن اللي اقصده مريض الاكتئاب 24 ساعة حزين حتى وهو نايم من الكوابيس اللي يشوفها .


ويييييييييين المشكلة فهموني ؟؟؟

إن شاء الله ما في مشكله ولو كان الدوا بهالسوء ما كان ينباع من غير وصفه
وفي مشكله أحيانا التشخيص بيكون غلط فطبيعي الدوا بيدي نتيجه عكسيه هذا أغلب ظني والله اعلم
انا في الشهر الثالث على البروزاك والحمد لله بالنسبه للإكتآب تحسنت كثير والرهاب شي بسيط

الحمد لله على التحسن ويارب تشفين تماما .

كم الجرعة اللي تاخذينها ؟

اختلال الشعور بالذات هو اختلال الانية اي تحس نفسك انت مش انت وكل شيء حولك تغير
اختلال الإنية مصطلح في الطب النفسي يعني: "حدوث تغير مزعج أو على الأقل غير سار في إدراك الشخص الواعي لكيانه النفسي" ويعبر عنه البعض بتبدد الشخصية، ويزيده سوءًا أن يحاول ذلك الشخص استبطان مشاعره فيشعر بأنه معزول بشكل أو بآخر عن مصاحبة ذاته فكأن مشاعره فارغة أو بعيدة أو غير موجودة أو مختلفة عن مشاعره المعتادة، أو كأنه مجرد مراقب لذاته من بعيد، وهو لا يعزو ذلك لغير أنه مرض أصابه ويطلب العلاج منه وإن كان في أغلب الأحيان يعجز عن إيجاد الكلمات التي تعبر عن مشاعره المرضية، واختلال الإنية هذا كثيرا ما يصاحبه تغير مزعج أو على الأقل غير سار في إدراك الشخص الواعي للواقع الخارجي الذي يعيشه، فيشعر أن خبرته للواقع تغيرت فالصبح مثلا ليس صبحا كالذي كان يعرفه ولا صوت الأذان كما كان... إلخ

استمريت على حبه واحده مدة شهرين والثالث أخذت حبتين وسأستمر بإذن الله على حبتين مدة ستة اشهر كما قال لي الدكتور
شكرا لك

الله المستعان وعليه أتوكل .

قل لن يصيبنا إلا ما كتب الله لنا .


شكرا أخوي المصراتي على التوضيح لك مني كل الود والتقدير .

همممم يا اخوان بديت اشك ان الوضع السيء اللي امر فيه سببه تناولي لدواء لكسوتانيل مضاد القلق وهو دواء يسبب الادمان .

صحيح ما كنت اتناوله باستمرار اقصد يوم ورا يوم لا ,, يعني في الاسبوع تقريبا 3 الى 4 حبات لا يزيد عن ذلك وحاليا موقف عنه الا لما احس اني خلاااص بنفجر وما اقدر اخذ نص حبة اي 1.5 ملجم .

اعتقد النرفزة والقلق والاكتئاب الشديد سببه لكسوتانيل وليس بروزاك ؟


صرنا نجرب اي شي والخوف من باجر لكن الله معنا وهو خير الحافظين .

يا اخوان البروزاك خلاني اعيش بفزع وخوف واحس ضربات قلبي متسارعة طوال اليوم ... ما مريت بهذا الشعور لما كنت اخذ سيبرالكس ..

قريت استشارة في اسلام ويب عن بروزاك وانه يسبب ل 10 بالمية من مستخدميه لقلق دائم اثناء تناوله .. http://www.islamweb.net/consult/inde...ils&id=2138210

انا اقوم من نومي عادي ومرتاح واحس براحة واعيش فترة الصباح بشكل طبيعي نوعا ما واخذ جرعة بروزاك 20 ملجم بعد الغدا وبعدها بساعة او اكثر بقليل احس بالفزع والخووووف بشدة .


الحين مب عارف شسوي ,, اوقف الدواء ؟

صار لي 12 يوم اخذ بروزاك .. وحالتي اسوء من قبل .. يعني اكتئاب وخوووف وقلق وكانه راح يصير شي سيء لي .

الدكاتره ينصحون ان يواخذ على الصباح لانه منشط

اما الي يصير لهم عكس الافضل يوخذ قبل النوم

انت شوف الي يريحك ولازم تعرف ان هذي اعراض في البدايه فقط وبعدين تختفي

هو صح كلامك لاحظت انه الكسل والخمول اللي كان ملازمني لما كنت اخذ سيبرالكس راح وحسيت اني نشيط ولله الحمد ... لكن الشعور بالفزع شعور متعب ياخي والله صعب اني استمر عليه لانه يوميا ينتابني هذا الشعور وخاصة بعد ساعة او اكثر بشوي من تناولي للدواء .

وحبيت اذكر اني يومين نسيت اخذه وقت النهار فخذته على وقت المغرب تقريبا وما قدرت انام الا بصعوبة ونمت ل 4 ساعات فقط وهالشي حصل مرتين معي ,, يعني اعتقد تناوله وقت المسا صعب .


المشكلة ياخوي انه الشعور اللي اوصفه لك صعب اوصفه بطريقة دقيقة لكنه شعور متععععععععب .. سيبرالكس صحيح كانت بدايتي معاه ايضا متعبة لكن كانت مثل مغص في المعدة او صداع الخ يعني اشيا تحتمل .

اخوي 12 يوم ما يبين منها شيئ وما يلحق ينسحب من جسمك الدوا لي تركته
اصبر شويه وبعدين احكم وعموما خلط الادويه مع بعض تسبب اضطراب
خصوصا لو أخذت من غير استشارة الدكتوروأنا أذكر إني قريت مره ان البروزاك ما ينخلط مع ادويه ثانيه إلا دواء واحد نسيت إسمه
انا أحيانا يحصل عندي ارق في بداية النوم مدة ساعه تقريبا وفي الآخر بنام والدوا باخذه بين الساعه 7ـ8 مساءا
وربما انت محتاج تاخذه بدري شوي

بجرب اليوم اخذه الساعة 8 المسا ,,


احس ودي اوقف الادوية نهائيا لاني خايف من الاعراض اللي تسببها مع الاستخدام الطويل لها وفي نفس الوقت خايف من الاعراض الانسحابية .


اعتقد باجر بروح للدكتور بحاول ادخل بدون موعد وبقوله بوقف الادوية .

نصييييحة لوجه الله اعطي وقته شهرين وبجرعة متوسطة بالتدريج ترفع بعد استشارة الطبيب طبعا بس ترى انا في بداية أخذه زااااد عليا الوسواس وحسيت ببرود بس الحمدلله بعد الاستمرار ورفع الجرعة اني اتحسنت وصرت اقدر اقاوم الوساوس وسجدت شكر لله بعد التحسن اللي شفتو وحبيييييتو الصراحة البروزاك حسيتو توأم روحي والله فين كنت وكيف صرت يارب لك الحمد بس اصببببر فعلا البداية تزيد الوساوس وتتحطم بس تروح مع الاستمرار اصبر وبإذن الله تنبسسسسط يااااارب وتذوق طعم الراحة النفسية طبعا انا لسه مااتخلصت من الوساوس نهائي بس في تحسن له الحمد وأخذ ثلاث حبات صراحة دوا فلة خخخخ وخلى شخصيتي غير صارت روحي حلوة اول دايم مبوزة في وجه اهلي داااايما كئيبة دحين صرت اضحك وابغى أكلم الناس واتصل عليهم وابغى امزح واستهبل شي الصراحة الدوا بس يااااارب يكتب لك فيه الشفاء زيي.. استمررررر وارفع الجرعة بعد رأي الطبيب وانا استخرت الله قبل لا اخذه بس اصبر عليه في البداية جد زود عليا الوسواس وكررررهته مرة تعبني وخلاني من غير مشاعر بس دحين تمام مشاعري مااعاني من البرود بالعكس صار قلبي قوي واقدر اطنش الوساوس وصرت افكر صح بالنسبة للوساوس وهذا كله الفضل لله ادعي دااااائما بإلحاح اخر الليل بالشفاء وفي السجود من قللللبك بس ادعي اسفه على كثر الكلام بالشفاء يارب

بس بالله قول ماشاءالله تبارك الله عليا خخخ العفو منك عينك مليانة بالخير بس لأن الراحة النفسية ماحد يعرف قيمتها زي المريض النفسي فرجااااء لاتصكني عين هع لا بس جد ماصدقت اتحسن شوية وفرحانة الحمدلله قال الرسول عليه الصلاة والسلام( العين حق ) شكلو بدأ وسواس جديد خخخخ المعذذذذذذرة منك بالله لو زعلت اااااسفه جدا بس حق وسوسة قلتها اعذرني عاد عارف اني مريضة بالوسواس... اااسفه